發文作者:kahoo | 十二月 18, 2008

周慧敏與王維基

今日同時間有兩則爆炸性新聞,一早一晚。彼此間其實沒有絲毫關係,但一併讀起來又是何等的吊詭。

王維基的辭職聲明:
「由始至終,我沒有考慮過自己個人的成敗和利益,我們只有一個焦點:怎樣才可以令亞視走上成功之路。可惜,事情發展就像很多愛情故事一様,你最愛的,不一定是和你結婚和生活的那位。」

倪震的結婚聲明:
「動搖過,才懂得堅定;失去過,才學會珍惜。一場風波,令我們更了解互相的愛;四方壓力,使我們更體會到彼此的不可分割。試煉,成就了信心。慧敏答應嫁給我了,我們已申請註冊結婚。祝福我們吧。」

Once again the two items are unrelated to each other.. 如有雷同實屬巧合!


Responses

  1. 继宋祖德在博客中预言周慧敏和倪震会结婚的传闻被证实后,今日,他又在博客中曝料,称这场倪震一手炮制的炒作是为周慧敏的演唱会保持高关注度,并倪震偿还500万的债务,“倪和周已经等米下锅了,顾不得廉耻了!” (百度娱乐讯)

  2. 「魔童」同埋「玉女掌門人」兩個都係大話精.

  3. 王維基執包袱, 有可能因為佢太寸, 以及佢要拋棄「 中央台 」標籤.

  4. 偿还500万的债务 – 原來如此,浪費時間。

  5. 講就天下無敵,做就有心無力。
    家豪,佢話你窩~
    呢個世界唔係個個係做typist0架戇居,我本來都係AO!你恨得0甘多?!

  6. 「魔童」同埋「玉女掌門人」正牌藝人而矣!老實商人!

  7. 沒有大話的藝人,隻豬都會上樹!

  8. 王維基做12日總裁, 可以入健力士世界記錄.

  9. 周慧敏真係娶得過,如果有個女朋友咁維護自己,偷食,做錯嘢唔會鬧,非常理想。

  10. 倪震是何許人仕,一早是公開的秘密,周小姐是識者同類而矣!

  11. 魔童同青樓名妓似兩個戀人分手.

    玉女掌門人同所謂才子似兩個戀人做騷博宣傳.

  12. 我都覺得係,如果唔怕悶死0既話。幾十年都同一個髮型。。。真係係佢同肥肥先得。你0甘唸好過佢地一個二個馬後炮。

  13. anyway,佢兩個今次都算係盡地一煲,搞到自己乜credibility都無哂,以後都無人會再信佢地,仲有人會去佢concert0既support佢呢個大話0既?點解會0甘玩法,此著甚差矣。呢個0甘stupid0既psychology真係難明。

  14. 講就天下無敵,做就有心無力。
    從政同做妓女分別唔大,邊個俾得起錢就係主人。

    補充:
    分別在於做妓女樣衰生意唔慌好,從政樣衰口臭都唔駛驚,照做可也,所以從政女人多數醜八怪。

  15. 我好耐冇睇娛樂新聞,你講十個藝人有七,八個我都唔識,周慧敏係乜我真係唔知,係細個咪聽佢首美少女戰士主題曲,近期咪愛得太遲,其他就毫無頭緒。

  16. Belinda Stronach又點?好難搵到個好過佢,連最後生嘅 Lisa MacLeod都唔夠佢揮。

  17. 偽才子嘅老點, 賣唔到周玉女啲粉絲豬仔, 出到呢啲小動作, 係苦肉計.

  18. 魔童同玉女掌門人都係有所謂 happy ending.

  19. http://ca.news.yahoo.com/s/capress/081218/national/flaherty_economic_council
    費海提都幾好嘢,呢啲嘢只係保守黨先會做,自由黨執政嘅地方係冇可能會發生。

  20. 張永霖要什麼公信力?
    2008-12-18

    「亞洲電視」高層人事糾紛昨日暫告一段落,事件中誰是誰非,外人無從置喙,也無置喙必要,但事件應該給一些人帶來深刻教訓,就是身為傳媒企業負責人,不僅要謹言慎行,更必須要具備清醒的頭腦和質素。否則,不但自己出醜當場,更會令到企業聲名蒙羞。

    目前已改任「顧問」一職的王維基,在當日記者招待會上一番什麼「不做中央台」、「唔識大陸佬口味」、「向阿爺攞著數好醜」之類的言論,恐怕已不止過時落伍,其無知程度也令人吃驚。

    今日正是國家改革開放三十周年的偉大日子,北京將有集會隆重紀念;當前金融海嘯,美國以至全球都在期待中國發揮穩住大局的作用;特首曾蔭權昨日已啟程赴京述職,各方估計有關進一步擴大人民幣在港業務、增加自由行城市等將會有利好消息,一切都只會說明董建華先生當年說的:「香港好,國家好;國家好,香港更好」確是至理名言。今時今日,還要刻意強調香港特區和國家的「距離」,以「不做中央台」、「唔識大陸佬」為榮、為樂,也確實是膚淺、狂妄得太可笑了,更何況,中央台也不是你想當便可以當的,起碼以王某目前的水平,想要管個「中央台」,恐怕難度還真不小。

    仍出任執行主席的張永霖,當日在記者會上說,如果亞視成為「中央台」,就會如同大公報、文匯報般缺乏公信力。

    香港傳媒的公信力是什麼?又體現在那裡?張永霖是否認為,日日報道特首民望「插水」下跌若干個百分點,或者頭版頭條叫人上街遊行反對二十三條,就是公信力的體現?

    大公報抗戰期間五易其址,放棄一切財物,堅決不在侵略者鐵蹄下出版一天,其民族氣節和公信力贏得全國人民和同業的敬重;大公報宣傳報道內地三十年改革開放、報道兩岸三通、報道中央和香港力戰金融海嘯的種種應對措施,還全面報道香港市民、業界的困難和要求,不知其中「缺乏公信力」的地方在那裡?張執行主席可以舉出實例嗎?希望他也可以證明一下他個人的公信力。

  21. 周玉女基本上已經是周中女,近期在娛樂界已有名無利,再加上今次大話連篇事件,恐怕連尚餘的fans都會走埋,看來她只有食老本,開演唱會去償還500萬債,真是妙想天開!

    “真"是結婚的話,恭喜恭喜!!

  22. 『伸手問阿爺攞嘢』應該定義為:中國政府以經濟手段,攏絡、收買一些人士,以達到某些政治目的。嚴格來講,亞爺派野先至係主動,唔通無緣白事伸大隻手都有錢收咩。

    講返『伸手問阿爺攞嘢』,呢味野中國長年累月都做緊,攞野最多當然首推香港傳統左派,由中共立國之前已經資助工會、學校、社團,中資機構,近年爭食多咗班紅色肥貓,班契弟直情好似烏蠅嬲屎一樣,中個頭埋去,分一杯羹。中共設有專責部門負責派錢,最為人熟悉是僑務辦、港澳辦、統戰部,睇吓許家屯回億錄就知道,派錢範圍無遠弗屆,連加拿大華人超市門口免費中文報紙,都與此有關。

    或者,今日家豪返咗香港教書,博士冇得開咪,多倫多第一台收皮,都屬於某些人『伸手問阿爺攞嘢』嘅side effect 。

  23. 肉酸女掌門人:

    Fool you once. Shame on 偽顫.
    Fool you 20 years. Shame on you.

  24. 話明係大染江,仲信二十年,一秒都浪費時光!

  25. 你睇吓苗老大惡形惡相,似足黑手黨高幹。麥老堅則古惑縮骨,疑似黑社會白紙扇,再加上有黨性冇人性嘅黨羽,安省市民想有運行都幾難!其實25夫婦駛乜再做電台,一於從政,只要使出電台風雲69%功力,保證線到苗老大同麥老堅灘灘腰,仲要線完一獲又一獲,直至老苗老麥走頭為正,做政界薪高糧準,駛乜無料到時,經常擺個娘親/外母上枱博宣傳!

  26. D藝人成日大隻講,娛樂圈吾係D人想像甘差,對的,差到大家都想像吾到!

  27. 魔童係一個最短命嘅殺手.

  28. 一個願打, 一個願捱, 周肉女係好天真好儍.

  29. 魔童應該用十二日去「改造」偽才子, 替天行道.

  30. 玉女掌門人嗰本書《我的貓兒子周慧豹》應該係佢嘅心底話, 貓公周慧豹係好鐘意出去周圍滾.

  31. 我都想知佢concert仲有無人會去,睇下佢兩公婆d psych 0岩定我d psych 0岩,擺明係比佢搵苯seven。佢碟都唔敢出。。。出concert?
    btw,家陣d 靚女緊係玩家政啦,從政,short0既,你問下徐子淇會唔會?

  32. 拿拿拿,早日睇到唔知邊個相士批佢地就算0係返埋一齊,五年內會分手。Mark定呢句,睇下個相士準唔準。有無人知道係邊個相士?

  33. 王維基同埋倪震兩個聲明:

    講耶穌, 發噏風. 搵鬼信

  34. 唔好鬧CITY呀,小心佢唔同你PICK UP D GARBAGE等你成條街變垃圾街,兼搵架GARBAGE TRUCK撞埋你到丫~~~ 我地ETOBICOKE就係0甘喇~ 我D GARBAGE 唔知係咪要留到變化石呢~

  35. 周玉女後生時唱歌都唔掂,只靠sell玉女純情形象,中女則sell純情才女形像,出書搞畫展,現在所有形像都一鋪清袋,搞concert,又唔係唱家班,又唔係青春純情玉女,用乜嘢吸引人去買票,慳d啦,到時真係連場租都蝕埋,可惜佢娘親唔係CK姐,揾個人氣偶像過吓橋都無,玩出火而玩死自己,何必呢!

  36. 重有25佬舊年既公器私用聲明!

  37. 就快一年,哎。。。真係25不知時日過!

  38. 同意, 倪顫嘅一年之癢, 五年至少痕咗五次.

  39. 仲有一句:

    25佬: 「佢都係好被動」.

    !!!?

  40. 亞視呢盤生意直頭係無底黑洞,自從無線啟播之後,亞視未試過賺錢,四十幾年賣盤幾次,都重有人擔沙塞海,不可思議。現在亞視老板查懋聲及其家族,其他生意做得好地地,點解呢單野日蝕百萬都要中個頭埋去?如果而家埋單計數已經唔見咗幾十億,你估查家啲錢係天跌落黎架,梗係另有乾坤喇。

    睇返吓香港啲富豪熱衷做傳媒,擺明蝕本都照做,何柱國星島,張曉卿明報,郭鶴年南早,李澤楷信報,重有張成報蝕到亞媽都唔認得,都重要死頂,為乜?就係可以同亞爺講數囉,只要肯為亞爺講說話,亞爺一定唔會難委你,報紙傳媒蝕本之嘛,第二樣俾機會你搵返,方法好簡單,以前地產熱,低價劃幅地皮俾你發展,而家股票大熱,國企上市,批幾手原始股俾佢地,有排蝕啦,『伸手問阿爺攞嘢』利益互相輸送,就係咁囉。

  41. 所以雞瘟蝕本唔駛怕架,佢老板係大陸嘅生意賺錢就掂架嘞。

  42. By: 黄仁龍 on December 18, 2008
    at 1:46 pm

    文匯大公有冇公信力都重使拎出黎討論?如果有公信力就唔會俾香港市民唾棄,所有左報如果冇咗亞爺條水喉射住,執咗九十幾年啦。

  43. 廢柴係夠時候搵個「王維基」入去A瘟做十二日工.

  44. 廿年前,你問一百個男仔,一百個男仔都鐘意佢。無錯,佢係keep得好好。廿年後,你問番呢一百個男人,佢地可能都仲好鐘意佢。但係呢一百個男人個個都有哂老婆女友呢,你話佢地會唔會陪個男人去睇周慧敏?我係個女人就一定唔會喇。仲搞埋d 0甘既野,本來無所謂既家陣都唔會去啦,都唔知搵邊個做marketing0既~ 唉~

  45. 相信王維基去雞瘟做唔到12日,最多三五七日就俾25夫婦玩榭,棚尾拉箱走都走唔切,連聲明都唔敢發就鬆人。

    太公聞會有公信力?唔好開玩笑啦,以前報攤蓮姐話,攞幾份無人買嘅太公聞會係應酬批發,賣唔出連拍拖報都俾d 客掟番轉頭,最終拎近屋企"戰"飯煲。

  46. 男人四十一枝花, 女人四十爛茶渣?

  47. By: 大陸人 on December 18, 2008
    at 9:53 pm
    男人四十一枝花, 女人四十爛茶渣?

    去一去健身院看看!可能要改寫!歷史在變,潮流也在轉!

  48. 「魔童」孭鑊, 可能唔夠25兩公婆咁邪, 派「青樓名妓」去就 OK.

  49. 假裝 – 周慧敏

    假裝的感情 假裝的感性
    你每句說話 變了個笑話
    假裝的心靈 假裝的反應
    你得意忘形 漸已現形

    純情幻影 仍然動聽
    甜言蜜語 數星星
    從前夢醒 胡言亂語
    不須多講 越想假裝
    越看得出假的表情作狀
    〔沒靈魂眼神太迷惘〕

  50. A瘟都有男人四十同埋女人四十.

  51. 周氏門下有一女
    慧妍秀麗話當年
    敏銳作計千千千
    倪家有兒是我郎
    震震有詞五百萬
    玩弄人生話今朝
    完成個唱話知你!

  52. 好屍獻給你

  53. 亞視財困 查氏再注資3億續命
    消息指,為了延續亞視營運,大股東查懋聲家族再注資3億,但若再沒起色,寧將牌照交回…

  54. 邊個電台已經變形成為中央台:

    1.A瘟
    2.廢柴
    3.All of the above.
    4.None of the above.

  55. 「玉女掌門人」係唔係中了降頭? 癡情? 蠢? 恐龍?

    點解淨係得倪才子一個人出來講? 一個人出來做科騷?

  56. 亞視失敗,正好反映無線成功,無線壟斷電視廣播業及其他相關業務,香港高等學府應該研究無線成功之道,列入MBA課程必修,學吓如何打擊競爭對手,如何控制旗下歌星藝員,市場推廣,學幾成已經可以橫行。

    無線何止與香港息息相關,直頭影響中華文化幾十年,全世界任何角落有華人就有無線劇集,港式廣東話潮流直捲全球,除國語外唯一地方語言可以如此,大陸後生仔以識講幾句廣東話為之形仔,吹漲!

    中共日日係香港講愛國教育,新聞時間播國歌,攪咗咁多年冇乜效用,香港人係都唔愛國;相反十三億人民,睇過香港電視劇集之後,人人響往香港,愛港式文化,爭先恐後到香港遊覽,激到亞爺嘔血,都係無線之過。所以六叔賣盤,亞爺一定搵人買,無線影響力絕不能掉以輕心。

  57. 以聲論聲,周d低音太老牛喇,好難聽,你自己聽下。幾廿歲人仲扮嗲聲咩,打哂冷陣啦。

    聽concert既都係女人拉拖既多,所以一定係男人做concert sell過女人。

    佢既年代,我自己肯比錢睇一個女歌手concert既只有陳慧嫻既告別演唱會,真係唔捨得佢。陳慧嫻紅過佢九倍啦,今日都無哂market。不過,關淑怡都可以走返出黎,佢都可以試下0既。我就唔會有興趣喇。關d歌好聽衿聽好多。

  58. 倪震為什麼會出軌,他今後還會不會出軌?暨南大學附屬第一醫院心理科主任潘集陽認為,倪震很應該檢查一下其是否有「偷情基因」。倪震的父親倪匡也曾被指為「花花公子」,或許正是「偷情基因」讓倪震無法自控地出軌。這位心理學專家指出,肯尼迪家族和克林頓家族也都有該基因。他表示:「一個人出軌與否自然與社會環境有關,但也可能只是大腦本身在起作用。」而這一點,單靠婚姻或許並不能束縛。

  59. A瘟廢柴是掛名的中央走狗台走狗而矣!假若是忠心的話,起碼有吉士,有朝一日,試下無糧出,三反四反都吾祇,目前是互利而矣!呢班友仔!祇配上……..假……….大……….空……!每次聽到A廢發聲,不期然假面真人!好肺!好肺!或者借屍還走狗!

  60. 「玉女掌門人」名不副實.

  61. 同性戀同重罪犯犯罪心態都同某一某一chromosome有異於常人,偷情都有?0甘就要搵佢驗下DNA,分析下佢同佢老豆d chromosomes喇. 呢個study好易驗正既唶。Until then, there is no excuse.

    家陣問題唔係佢偷左情,問題係佢兩公婆自編自導自演,搭定路搵大家苯seven.

  62. 咁講法要倪震生個仔出嚟,重要睇下大個咗,拍拖時會唔會盡得倪震真傳。不過到時唔知會唔會有個周慧敏翻版做佢女朋友。

  63. 香港算命睇相佬真係好嘢,有一位預言倪生婚後一定會繼續去滾,另一位則預言周中女婚後會有仔生。小弟立即笑咗,並笑住寫個"服"字。

  64. A瘟同埋廢柴依然係西瓜靠大邊, 新聞評論員職業操守係近乎零.

  65. 沒有聽A瘟同埋廢柴很久,唔知佢地有冇評論這兩單事件?因這兩單都與娛樂界有關,25婆可以乘機以圈內人女兒或著名藝人身份爆料來谷收聽率,偽小姐又可以用白小姐口吻去評論周中女,點都好過recycle番d 陳年感人故事。

  66. 好似話25兩公婆那邊全台總動員去什麼除夕show, 總動員極都不過5至6丁人, 唯有出動25媽, 多一個得一個…. 好被動的被廢柴大佬打足一年, 打到不似人形.

    廢柴=中央1台
    A瘟=中央2台


發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s

分類

%d 位部落客按了讚: