發文作者:kahoo | 九月 11, 2008

議會風暴之︰《(不)家好月圓》


紅姨煲呔︰「好鬼驚,毓民喺議事廳!」(蘋果日報)

隔牆有耳︰議會風暴之大聲議員

選戰落幕,政壇連場好戲啱啱先開始,煲呔噚日喺
行政會議每月一次飯局Thursday Lunch上,首次「開金口」點評選舉結果。佢認為有三個特點,第一係選民愛新面孔,所以今屆咁多新議員,第二係越大聲似乎越多票,最後係今次投票率跌咗 ,顯示香港人可能比較關心國際大事,少睇本地選舉新聞,所以冇乜人去投票。

煲呔飯局亂寸人

有份食飯嘅前綫卿姐批評,煲呔亂指候選人大聲、選民唔投票,又唔提吓啲選民不滿政府施政,先至投票畀大聲議員,入立法會鬧醒煲呔。煲呔不知反省,反而歪曲民意,真係離晒大譜!Thursday Lunch主要宴請商界人士,據講煲呔席間又問在座商界中人有冇投票,唔少人舉手話有,點知煲呔卻質疑人地吹水,窒人地唔知係咪真係有履行公民責任,否則自由黨又點會輸到一仆一碌?煲呔語出驚人,有在場人士稱,部份人聽到煲呔咁講都擰晒頭,唔知佢想搞gag定係起自由黨傷口上灑鹽。
煲呔同自由黨多牙齒印係公開秘密,該黨沒落煲呔心情不問可知,不過呢個選舉結果,對煲呔都唔係形勢一片大好。保皇黨雖然仍佔大多數,但同時多咗幾個攻擊力強議員入局,政府招架唔住,民望只會江河日下。據一位近日見過煲呔人士同八方講,雖則中秋佳節當前,煲呔卻顯得有啲心事重重,唔想多談選舉結果,言談間對通脹肆虐、低下層生活艱難嘅問題好苦惱。
立會多咗基層草根派議員,如果煲呔冇紓解民困良方,市民家不好月難圓,肯定受到大聲議員高分貝批評,四年來長毛聲震議事廳,家陣入埋局嘅毓民聲浪比佢有過之而無不及,煲呔日後出席答問大會時,實俾人省到頭暈。

振英哥明撐暗寸

噚日餐政治飯,仲有一個頗堪細味尾聲。散席時主人家、行會召集人梁振英有個溫馨提示,話特首下月發表施政報告,如果商界中人認為值得支持,就唔好怕羞要公開讚揚。有人話聽出弦外之音,梁振英表面上呼籲大家撐煲呔,其實可能暗寸煲呔支持度低殘,煲呔聽到,成餐飯隨時背脊骨落。所以話呢,聲大夾惡唔一定有道理,學吓振英哥同《家好月圓》嘅紅姨咁陰啲陰啲,仲攞命呀!


(2008年9月12日蘋果日報 / 作者︰八方)


Responses

  1. 你唔使驚,我聲大,不過唔代表冇禮貌。

  2. 好囉,有郁文幫手,抬副棺材入立法會都得喇。

  3. 嘻嘻嘻嘻哈!!!!!!!!!!!!!!!!!!!!!張設計圖片真係好得!!!!!!!!!!!!!!!笑到我全屋人仰馬翻!! 事關我塵家上下全人都追緊’家好月圓’,剛啱果頭睇完第31集,媽叉完阿冬菇頭"紅姨",轉個頭打開電腦就見到張咁嘅嘢!你話唔笑到扒街就假咯!

  4. 憎蔭權呢個小氣鬼,做事又親疏有別,無啲公道,同佢家好月圓果個都傻啦。開講都有話,免強無幸福,實行同佢家嘈屋閉,等佢周身痛,日日閉魏。

  5. 煲呔係有思覺失調跡象, 因為佢最近畀自己好多壓力, 同埋再加上宦官英隱形嘅攞命暗箭, 睇嚟就會離岸去青山一遊.

  6. 近來煲呔晉升為做餅師傅, 佢做嘅餅越來越大, 越來越冇料, 成日畀啲客仔 reject, 咁會好快變為燙心風暴之加好越完.

  7. 好鬼鍾意張相,特別是個月亮,又大又光又圓,但就好鬼驚見到個小氣鬼樣。睇來佢從今以後晚晚睡不著,費事夢見社民連三子。

  8. 煲呔,越睇越似一個人老珠黃既老妓,失寵於亞爺,保皇黨唾棄,傳媒狂踩,視民意若浮雲?得唔得呀?毓民話等緊你開會喎,摸吓褲浪有冇濕到。

  9. pls take care in HK.

  10. 自由黨是「富貴」黨, 好鍾意用拖字訣, 一直扮作若無其事或顧左右而言他, 每多偏袒富貴集團的利益, 選戰中敗亡, 可謂活該了.

  11. Bowtie 語錄:

    • 「香港應該將人口增加至一千萬,以達到紐約及倫敦這類世界級金融中心的力量。」

    • 「香港的經濟狀況是近二十年來最好的。」

    • 「飲香港水,流香港血」

    • 「過去34年,做過20個職位,經過19次調動。每次調動,從未試過老闆叫我調任,我會拒絕、婉拒或者反對。」

    • 「只要背靠祖國,香港想窮都幾難。」

    • 「我會做好呢份工。」

    • 「2017特首普選,2020立法會普選打風都打唔甩。」

    • 「我覺得可能是最愚蠢的事,就是我們把政治方便凌駕於法律上、法治上的需要,或是因政治上的方便而摒弃了一些原則性的問題。我想這些才可能是長遠來說最大的政治錯誤和愚蠢。」

    • 「民望於我如浮雲。」

    • 「所謂『親』,就是親近市民,以市民的利益為優先;所謂『疏』,就是疏遠市民,以從政者自己的政治利益為優先。呢啲至係真真正正,我心目中的親疏有別。」

  12. 風水佬呃你十年八年, 煲呔好快會腳痛.

  13. 浮雲特首的噩夢隨着新一屆立法會而展開,由於富貴黨大敗,騎牆派又會看風駛俚,如得不到亞爺垂青,分分鐘會在任內腳痛而掛冠。

  14. 一打呢隻曾凸手;等佢四年有排愁,
    再打佢個污漕口;等佢流濃兼夾臭,
    三打這個煲呔頭;等佢知衰早啲抖。

  15. 煲呔曾: “我會做好依份工" 係 “超低能, 勁搞笑"!

  16. 黃 毓 民 為 何 高 票 當 選 ? 有 人 說 因 他 「 聲 大 夾 惡 」 , 有 人 說 他 「 激 進 民 主 」 , 有 人 說 他 「 唱 衰 公 民 黨 」 … … 我 的 看 法 不 同 , 他 的 當 選 , 全 因 廣 大 窮 苦 市 民 怨 氣 沖 天 , 請 他 當 代 言 人 。 香 港 有 一 百 三 十 萬 窮 人 , 以 前 為 窮 人 出 聲 的 陳 婉 嫻 、 劉 千 石 這 回 都 落 選 , 原 因 是 他 們 當 了 議 員 後 , 經 常 為 了 「 大 局 為 重 」 、 「 大 和 解 」 之 壓 力 而 和 曾 蔭 權 之 流 同 流 合 污 , 無 法 為 窮 苦 市 民 再 謀 利 益 。 民 建 聯 、 工 聯 會 本 來 應 是 窮 人 的 政 團 , 這 些 年 來 也 唱 不 出 「 願 天 下 勞 苦 人 民 都 解 放 」 的 歌 。 (東 方 日 報)

  17. 原來紅姨煲呔仲喺 A 字膊.

  18. A1 + Nobdy = A瘟膊

  19. 紅姨變成豬扒包, 唉!

  20. 毓民踩場, 煲呔騰雞.

  21. 政府就「民間電台」非法廣播案被指發牌制度違憲一事,在高院提出上訴,案件審理三日昨審結,上訴庭另定日子以書面判決。其中兩名被告「阿牛」曾健成和「長毛」梁國雄先後陳詞,批評現行制度黑箱作業,欠缺準則及法理依據。

  22. 唔怕, 林公公會同紅姨煲呔取回公道, 唔會任由毓民欺凌一個虐質嘅狼家婦女.

  23. 大班曾只是一隻紙老虎,毓民又何以會好得幾多?

  24. 祝家好月圓團一路逆風,一去不返!

  25. 家好月圓好似阿姐有份做嘅77年家變.

  26. 第一屆凸首 – 有錢佬治港, 腳痛劈炮唔 do.

    第二屆凸首 – 大不列顛公務員治港, 死左九成, 吊緊鹽水.

    下一屆凸首 – 保皇黨治港, 大劑, 有姿勢, 冇實際, but he will try his breast.

  27. 一日未有基本法第23條立法的通過, 香港難有全面的雙普選.

    根據阿爺的時間表, 今屆立法會將會由葉劉, 保皇黨和所謂獨立議員合力通過23條.

  28. 煲 呔 曾 奉 行 「 親 疏 有 別 」 , 但 親 同 疏 之 間 , 可 能 只 係 一 字 之 差 。 尋 日 「 阿 牛 」 曾 健 成 去 上 訴 庭 , 為 民 間 電 台 被 控 無 牌 廣 播 案 陳 詞 , 控 辯 雙 方 尋 日 終 於 陳 詞 完 畢 , 法 官 決 定 押 後 判 決 。 「 阿 牛 」 離 開 法 庭 嗰 陣 , 批 評 電 台 發 牌 制 度 黑 箱 作 業 , 特 首 可 以 乘 機 大 玩 親 疏 有 別 。 佢 仲 攞 自 己 個 名 搞 gag , 話 「 『 曾 健 成 』 呢 個 名 只 要 改 一 個 字 , 就 可 以 攞 到 頻 道 。 」 點 改 呢 ? 佢 話 「 如 果 將 個 『 健 』 字 改 做 『 德 』 字 或 者 『 鈺 』 字 呢 , 就 會 攞 到 頻 道 。 」 「 阿 牛 」 拖 埋 曾 鈺 成 、 曾 德 成 兩 兄 弟 落 水 , 引 來 哄 堂 大 笑 。

  29. 水調歌頭
    (蘇東坡)

    明月幾時有? 把酒問青天。
    不知天上宮闕,今夕是何年?
    我欲乘風歸去,又恐瓊樓玉宇,
    高處不勝寒!起舞弄清影,何似在人間?
    轉朱閣,低綺戶,照無眠。
    不應有恨,何事長向別時圓?
    人有悲歡離合,月有陰晴圓缺,此事古難全。
    但願人長久,千里共嬋娟。

    祝願各位網友中秋節快樂, 人月兩團圓.

  30. 香港候任議員被裁定非法集結罪成立

    http://news.bbc.co.uk/go/pr/fr/-/chinese/trad/hi/newsid_7610000/newsid_7613800/7613826.stm

  31. 奶粉再毒 難及心毒

    據說早於今年三月已有家長舉報,經三鹿集團內部調查,八月初證實產品被污染,私下回收和封存上萬噸毒奶粉,沒有向外公布。八月證實產品出事居然秘而不宣,國家泎生部以及質檢總局又彷彿視而不見,不禁讓人懷疑,難道是為了避免八月舉行的北京奧運蒙羞,因此攜手隱瞞真相,任由毒奶粉害人?

    相比起來,金寶湯就有良心得多了,只不過上星期有顧客聞到罐頭湯有異味而已,並未收到喝後有損健康的報告,金寶湯隨即回收產品,並沒有刻意隱瞞或者拖延時間。

  32. 紐 約 在 恐 怖 分 子 七 年 前 挾 持 兩 架 客 機 撞 向 世 貿 中 心 及 兩 座 大 樓 塌 下 的 時 間 進 行 默 哀 儀 式 , 而 恐 怖 分 子 撞 毀 兩 架 飛 機 的 賓 夕 凡 尼 亞 州 西 部 及 國 防 部 亦 舉 行 紀 念 活 動 。 總 統 布 殊 及 夫 人 勞 拉 則 出 席 在 白 宮 南 草 坪 舉 行 的 默 哀 儀 式 , 再 參 加 五 角 大 樓 新 建 的 911 紀 念 碑 揭 幕 儀 式 。 但 隨 着 美 國 人 對 911 的 記 憶 逐 漸 淡 化 , 許 多 死 難 者 家 屬 已 感 受 到 「 911 疲 勞 」 現 象 , 大 多 數 人 都 表 示 目 前 的 心 情 是 「 向 前 看 」 。

    白 宮 發 言 人 周 三 稱 , 追 捕 拉 登 不 是 拍 戲 , 美 國 無 超 凡 能 力 , 拉 登 仍 未 落 網 , 顯 示 美 國 在 軍 事 及 情 報 實 力 局 限 性 , 而 白 宮 搜 捕 拉 登 的 行 動 不 會 受 今 年 總 統 大 選 影 響 。 發 現 只 有 四 成 六 受 訪 者 認 為 , 911 恐 襲 是 阿 蓋 德 所 為 。

  33. 奶粉門:

    2004年 – 早在04年安徽阜陽「大頭奶粉」事發不久,有關媒體公布阜陽市45家不合格奶粉企業和偽劣奶粉「黑名單」中, 三鹿奶粉赫然在列, 然而三鹿憑藉「危機公關」, 最後稱「係阜陽市疾控中心工作人員失誤所致」.

    2008年 – 三鹿集團是國產奶粉的「龍頭」, 「腎結石奶粉」產銷量已連續11年排名全國第一, 其低廉價格受到農村消費者喜愛..

    中國企業的質量檢測形同虛設, 這是中國嬰兒的悲哀.

  34. 黑心奶粉, 三鹿黑心.

  35. 今年六月二十五日上午十時,在北京航天城,中國航天員科研訓練中心與中國著名乳品企業三鹿集團舉行新聞發布會。發布會宣布,三鹿成為中國航天員中心「航天乳飲料及乳粉」的唯一合作夥伴,全國唯一「航天乳飲料」專業生產企業。

    在爆出毒奶粉風波後,外界也不得不質疑,中國航天員飲用的三鹿航天乳飲料是否安全。不少網民也笑言,太空員突發腎結石,應可省去在太空方便的麻煩。

  36. 毓民,我等住睇你大鬧天宮,聽你窒馨煲軑曾,鏟到葉劉上天棚 ,玩寸林公公,立場會爆粗被逐……總之好戲連場。

  37. 明報今日(星期日)C24版,題目:學生只返4日學,插圖內bus stop變咗bus shop,錯足七次,編輯較對訓咗覺定嘞。

  38. 梁國雄非法集結罪成
    倘判囚恐失議員資格

    今次真係考驗香港政府既智慧,同埋司法是否獨立不受政治影響,如果法官揸正黎判,長毛要坐監,失議員資格,社會一定反應激烈,絕對唔慌會和諧,等住黎睇戲。

  39. 估計長毛會:

    1. 坐少過一個月的監.
    2. 社會服務令.
    3. 向高院上訴.

  40. 有冇留意一個現象,自從一本政經改咗新裝之後,少咗班不同意見人士留言。

  41. 佢哋可能怕畀紅姨鬧!?

  42. 疑似罷工!

  43. 紅姨係好少氣嘅, 佢必定會告枕頭狀, 長毛一定要坐, 咁可以搵佢祭旗.

  44. 現在最担心是長毛會否被政治逼害,判監超過一個月而失去立法會議席。無論如何,100% 支持長毛!!

  45. 新西蘭總理克拉克周一向媒體證實,新西蘭政府早在8月份就把三鹿牌奶粉事件反映給中國地方當局。但地方當局卻試圖對事件加以掩蓋,直到新西蘭政府告到北京政府才得以將此事曝光。

    新西蘭恆天然集團首席執行官費裡爾甚至表示,是第三方人員將違禁的化學原料三聚氰胺加入到了提供給三鹿公司的牛奶當中。

    費裡爾說,"從這個個案來看,我們坦率地認為這是(人為)破壞的結果。" (BBC)

  46. 梁國雄:我非尊貴,但頂天立地

    我長毛來自基層,已曾四度入獄,至今仍是蝸居公屋,既毋須俾面財閥,又不畏北京權貴,自能了無牽掛,自由自主! 議會針砭,街頭抗爭,當然揮洒自如,大快人心!

    http://www.fireofliberty.org/trad/article/9240.asp

  47. 惡法不廢,人權報廢!
    (黃毓民)

    梁國雄「非法集結」罪成候判,很多報章的報道把「非法集結」誤作「非法集會」,殊不知兩者是不同的,區區昨日已在本欄把公安惡法中的「非法集結」條文內容寫出來。這是一條過時的法例,完全與二十一世紀開放社會背道而馳。

    港英殖民地擅專政治時代,《公安條例》是百分百的惡法;踏入八十年代,被迫修改了一些條文,仍保留若干,那是為了「防患於未然」,但很少引用來對付社會抗爭運動。回歸前,《公安條例》再進一步修訂,放寬民眾集會遊行的限制,例如不必申請,只是知會警方,以便維持秩序。然而特區政府把惡法還原,規定集會遊行必須事先申請警方發給「不反對通知書」,這就等於必須獲得警方批准才可以集會遊行。社民連去年初反對特首小圈子選舉,便不獲警方批准遊行。

    沒有警方發給的不反對通知書的集會是非法的,但很多時候只是被警告,很少檢控,即使被檢控,罪也很輕,不會被判囚。「非法集結」則不同,「若經公訴定罪,最高判監五年;循簡易程序則最高可判罰款五千元及監禁三年」。警方今年已連續兩次以「非法集結」罪檢控社民連的成員,去年區議會選舉期間,社民連東區翠灣區候選人古桂耀的助選人員與民建聯的助選團發生衝突,結果被控「非法集結」及毆打罪,三名被告都是家庭主婦,定罪後被法官還押監獄十四天候判,最後被判二百五十小時社會服務令。助選變成「非法集結」,這不是政治檢控是甚麼?「長毛」、李世鴻都是社民連的成員,「非法集結」罪成,也是「政治問題法律解決」的典型例子。

    http://the-sun.on.cc/channels/news/20080915/

  48. 救救嬰兒 !

  49. 三鹿無良!

  50. 學 過 馬 列 主 義 、 當 過 紅 衛 兵 的 人 一 旦 變 成 暴 發 戶 或 貪 官 , 必 定 喪 盡 天 良 。 這 方 面 的 例 子 多 不 勝 數 , 近 日 石 家 莊 三 鹿 集 團 生 產 污 染 奶 粉 事 件 , 就 是 最 新 、 最 典 型 的 事 例 。

    奶 粉 害 嬰 事 件 爆 出 來 後 , 三 鹿 集 團 歸 咎 於 「 不 法 農 民 添 加 毒 素 」 , 如 此 嫁 禍 農 民 , 能 欺 騙 全 世 界 嗎 ? 農 民 沒 有 先 進 檢 驗 設 備 , 沒 有 先 進 化 學 知 識 , 他 們 能 在 七 百 噸 以 上 奶 粉 添 加 毒 素 麼 ? 農 民 不 法 , 還 是 三 鹿 頭 頭 不 法 ?

    (東方日報)

  51. 立法會主席理想的人選?:

    1. 曾鈺成
    2. 何俊仁
    3. 葉劉淑儀
    4. 劉健儀
    5. None of the above

  52. 很被動的 on September 15, 2008 at 7:10 pm

    立法會主席是建制中重要一員,有權趕人出場,坐呢個位要亞爺同意先得,所以何俊仁一定冇份;葉劉會係最恨做果個,不過亞爺俾唔俾佢做係另一件事;自由黨人氣低迷,劉健儀睇低一線;曾鈺成亞爺嫡系,嬴面最大,正路應該買重佢。

  53. 所有自稱愛國者, 與三鹿和高幹們一樣, 什麼都只會不擇手段, 又自以為富國強兵, 不可一世, 其實同是自欺欺人, 自食其果, 一般市民及太空人都飲三鹿國家級名牌, 結果, 可能通通要陪上健康. 不知多少領導人每天都免費飲三鹿奶奶, 祝他們好運.

    從前香港要帶油及衣服上大陸接濟同胞, 現在要帶奶粉奶瓶尿片之類給大陸的親友, 那麼, 六十多年來, 中國真的進步了嗎?

    可口可樂會不會後悔收購了大陸品牌? 品質管制一出錯, 連自己的老字號都會陪上.

  54. 什麼是「黃毓民副作用」?

    (馬家輝)

    http://www.mingpaonews.com/20080916/msa.htm

  55. Re:三鹿無良
    They know it before the Olympics, but they have to cover it up. If there was no olympics, would more babies be saved?

  56. 從目前形勢及曾鈺成最近的動態來看, 來屆立法會主席, 應是此君莫屬.

  57. 非常专业的dj果然是非常专业!用5分钟空气时间谈论家庭私事,告诉孩子因为妈妈替人工作,自己吃点东西然后踩单车去见补习老师,小心车辆过马路!这么专业的dj,难怪她是专业广播导师!


發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s

分類

%d 位部落客按了讚: