發文作者:kahoo | 九月 7, 2008

恭喜毓民成為「票王」,殺入立法會!

經過連番激烈血拼,社民連毓民、長毛、陳偉業終於成功當選!其中毓民得票37,553,長毛得票44,763,兩人在自己區內得票率均是第二名,僅次於保皇黨名單!

另外,阿牛與陶君行雖然落選,但二人今次的表現亦令人喜出望外,其中阿牛得票10,202,阿陶得票28,690,成績同樣出奇地理想,令社民連被眾多傳媒譽為今屆選舉的真正「大贏家」。


社會民主連線﹕贏了漂亮一仗。(羅健熙攝 / Photographed by Lo Kin Hei) 


毓民與拍檔李偉儀。(羅健熙攝 / Photographed by Lo Kin Hei) 

長毛勝利宣言︰「民建聯你加埋都唔夠我地零頭呀!」

(香港電台訊) 社民連主席黃毓民表示,將會在立法會內監察政府,會在議事規則之內抗爭,如果規則不合理,亦會作出抗爭。 他並表示,今次當選是社民連團隊的努力,又希望泛民主派珍惜直選議席,事實證明,主攻功能界別的自由黨,已全面崩潰。


有網友提議牛肉麵店全面八折以慶祝,唔知毓民又會否考慮?;-)

(兩周前攝於毓民牛肉麵店)


全套點票結果可於官方網站看到︰
http://www.elections.gov.hk/legco2008/chi/result/rs_gc.html


Responses

  1. 毓民,恭喜你進入立法會,揼柒憎蔭權,為民出氣。

  2. 意料中事! 恭喜! 恭喜! 恭喜黃毓民!!

    也恭喜田大少, 田二少收山. 不過唔明點解葉瘤會有選票?? 真的如ck姐講她很可愛?? 真攞命.

  3. 放心哂咯,放心哂咯!!!!
    五個入到三個,都算唔錯呀!我老塵已經好高興!
    最緊要係剷走咗d聲稱自己’做實事’嘅’實人’!老千石同勞樂果d契弟而家可以番屋企瞓覺!
    仲有公能黨,唔該就自己反省吓!一心以為自己可以做票王,不放其他泛民在眼內,大大聲唔肯配票!哈!卒之到尋晚以為余若薇可能真係唔掂,先至黎’劣’喇!拿,卒之個毛大姐都要收工啦!
    唔好以為自己真係大支嘢,好巴閉,一出黎就一定殺哂!聖經都有話,’驕傲在敗壞以先’呀!唔該檢討下自己d態度!
    馬家輝講得好啱!將陳淑莊放名單第一位,余若薇第二,實在係不知所謂!陳淑莊何德何能?識佢老鼠咩?人地想選余若薇,你就尷粗要人揀咗陳淑莊先!邊有人掉番轉頭,要人買件贈品再隨後付送番件正品?或者好似馬家輝咁話,明明想買豬肉,佢就夾硬要搭舊豬骨過黎!要人硬食!離哂譜!自己個名排第二,跟住就黎’告急’!不如早知聽毓民講,你余若薇自己排第六,然後’告急’,然後公民黨六個入哂立法會吖笨!
    今次比個教訓你地!下次冇咁好彩!

  4. 毓民兄,恭喜!恭喜!入立法會後,繼續為巿民請命,追擊葉劉,炮轟風雲特首,四年後,社民連打响招牌,五區都會有兄弟入選,更不怕被泛民邊沿化了!再一次衷心祝福!!

  5. 恭喜毓民你高票當選直選的立法會議員,我相信很多人都希望你會,追究梁展民事件,並將犯錯的官員問責,以儆效尤。

  6. 毓民議員, 大舊議員, 長毛議員:

    恭喜, 恭喜, 你們係社民連三劍俠, 入立法會會帶來新氣象.

  7. 余若薇要第二梯隊入局, 所以自己排第二, 確保送新人入立會"實習", 否則陳淑莊永遠無人識, 余若薇的健康未必容許她四年後再選, 公民黨隨時會青黃不接.

  8. Congratulations to all 5 LSD candidates. You have made those who’ve voted and supported you proud and us overseas hopeful that real changes can be brought to the LEGCO by real fighters.

    Don’t give up! 阿牛 and 陶君行. You are probably just one step closer in next election.

    Glad to see 周梁食蕉, 菜菜子, 勞永狗, 田大少, 田二少 game over!!!

  9. 毓民議員, 大舊議員, 長毛議員: CONGRATULATIONS!!

  10. 余若薇要第二梯隊入局 bet win 咗, fine..

    但毛ee bet lost 了就不要blame人了!

  11. 恭賀 毓民、長毛及大舊,競選成功!

    一心為民真英雄,
    百日艱辛投選戰,
    千軍立咸助聲威,
    萬眾歡呼迎立會。

  12. 預祝加拿大自由黨跟 = 香港自由黨!

  13. 毓民大叔同長毛已預期入到,大舊入得返,好嘢。阿牛,阿陶繼續做好區議員,搞議會外抗爭,努力加油!今次選舉見到民主黨未死,白鴿重識飛!港島1,九東1,九西1,新東2,新西2。如果港島係馬丁排第2,功能黨多數冇兩席。

  14. 唔好玩啦,自由黨點都做番最大反對黨,執政就冇乜可能。狄安要拉掂Bob Rae,Kennedy,葉禮庭全力撐佢,盡量保住而家嘅議席,保守黨個fiscal expansion (Income tax cut& GST ,加軍費)但財政都平衡到,所以最少都少數政府。狄安又唔係強勢領袖,分分鐘林頓可以贏多幾個位。真係好難諗到計令自由黨執政……

  15. 喂喂喂,有好嘢睇呀,埋黎睇埋黎揀,網友剛啱send咗段嘢黎,陳克勤電視度講英文,包笑到仆街!

    陳克勤,唔知道咩書,又咩幾多個學位出身乜乜乜,一見到個老外即刻就窒哂口,仲講"try our breast"呀!不文呀不文呀!快d打去廣管局投訴呀!

  16. 我條三串七
    毓民搭長毛搭大舊過晒
    算做揾番餐食
    cytodex:
    加拿大自由黨仆街,保守黨一黨獨大就好嘢?
    放長雙眼睇喇!

  17. 追殺梁展民事件,Dup到曾蔭權面扁。

  18. 田少落選,有意退出政壇,實在可惜,如果泛民是白,民建聯是黑,自由黨只是灰,當日23條立法,田少看風駛艃,及時倒弋,令23條胎死腹中,始終有一份功勞。自由黨雖然身為大資產階級代言人,維護特權利益不遺餘力,但對於民主自由的價值觀,與民建聯等冚家鏟截然不同,我願見劉千石失意,望田少能捲土重來。

  19. 恭喜毓民,順便問家豪,會唔會係毓民個My radio開咪?

  20. 蕭若元先生的 HKReporter.com., myradio, 和在造勢大會中的講話, 幫助社民連不少, 功不可没, 要多謝蕭生.

  21. Yeah Yeah Yeah, 恭喜 ,恭喜, 恭喜大舊議員,長毛議員及毓民議員,三兄弟齊入立法會,為小市民出聲及出力。亞陶及亞牛,你們只差一步,下屆再努力。祝願你們齊齊加油!

  22. 社民連選五勝三,可喜可賀,祈望日後立法會中發揮社民連特色,監督政府,打擊保皇黨,一新耳目,不負選民所望。從香港整體民主發展而言,社民連只是森林中一祼樹,要其他樹木也健康成長,才能成蔭,泛民經過今次選舉之後,應該反思日後發展之路,不計前謙,重新整合,目前泛民當中欠缺一位像華叔般一言九鼎的人物,群雄無首,正是隱憂所在。

  23. 加拿大自由黨仆街? 好, 好, 好!!!

    Let those 自由黨黨員 try their breasts!!!

  24. 青天葵:

    If you were Bob Rae, Kennedy, 葉禮庭, would you sincerely help Dion or rather want to see him fall from grace. So much so that they can have the chance to run for the liberal leader again.

    Sounds like Obama and Clinton scenario to me!!! But, Obama is a much stronger and well-liked and received leader than Dion.

  25. 凡係自由黨都係縮骨騎牆派, 香港自由黨已經玩完, 加拿大自由黨十月十四會點?

  26. try our breasts?? it’s sexual harassement, put him in jail.

  27. 加拿大自由黨.. sigh..

    我投林頓好了!

  28. Try our breast 係陳克勤佢地「自摩」.

    陳克勤已經 try his breast 講英文交代.

    We shall try our best to listen and to forgive him. Hallelujah!

  29. anyone remember what Benson Lau said on the “comfort women" issue? PC is not that trustworthy

  30. If I remember correctly, Yukman says he will not be interviewed by those who betrayed Kahoo and Dr. So.

    As Yukman is more newsworthy now, perhaps Kahoo can remind him so 雞瘟 can’t 抽 Yukman 水.

    Those, who want to listen to Yukman, can switch to hkreporter.com.

  31. 選民有權選任何政黨政客任國會議員

    但若以為選個黃皮膚就將就選個仆街Benson Lau

    祝你好運!

  32. 邊個會做香港立法會主席, 曾鈺成, 葉劉淑儀, 或者另有其人?

  33. 葉太網頁預告謝票

    立法會選舉報名上周末才開始,各候選人都摩拳擦掌安排了未來個多月的選舉工作。記者昨日瀏覽匯賢智庫主席葉劉淑儀 和史泰祖團隊的競選網站,發現葉太已在「活動表」,安排了昨日到鴨婣洲大橋揮手,到8月24日的日會以至9月8日投票翌日的「謝票活動」,果然是政務官出身,選舉工程十分詳細。

    http://www.mingpaonews.com/20080723/gcn1.htm

  34. 點解今次立法會選舉, 自由黨直選係全軍覆沒,正副主席落選都要辭職跳船?

  35. 很高興見到毓民、大舊及長毛,成功進入立法會,並帶給立會新景象,社民連的政剛是廣受基層民眾所支持,請繼續努力為香港的民主政制奮鬥。

  36. 恭喜何ee,臥薪嘗膽四年,重返立法會,天有眼!

    婉惜張超雄未能當選,當日家豪訪問張超雄,印象猶深,繼續為市民服務!堅持民主信念!

  37. 覺得PC過去兩年都做得不錯,會投 PC一票,倖好不在 Benson Lau 那區,不用担心會投錯票,此君肯定是 PC的負資產,講多錯多,希望在選舉期間,PC不再請他上電台/TV做代表,否則將流失許多華裔票。

  38. 車! 車! 好叻咩! 咁鍾意毓民, 以後大把機會請佢做嘉賓!

  39. congratulations! keep fighting for freedom of hk!

  40. 加拿大軍隊的死亡數目遠遠大於奧運所得的獎牌。你會投哪一票?

  41. 嘩!家豪,換新裝喎!靚仔咗,不過D字細隻咗,初初睇落有些少唔慣,要時間適應。喂!你的新規矩係唔係針對我定架?我成日換名個喎,咪咁俺尖啦,求其當睇唔到算啦。

  42. 家豪:希望能夠改返寬闊啲,可以睇得舒服啲。拜托!唔該!謝謝!

  43. 哈!哈!哈! 你d規則咁熟面口, 系唔系喺小小如意度抄番嚟架?

  44. d字太細, 我有老花架! 唔該大d. 謝謝!

  45. 唏,個個都話d字細!你地起browser度自己調番D字體大D咪得囉,咁簡單!我老塵咁電腦盲都識啦!調到"LARGEST"呀,雞乸咁大隻字都得呀,夠你企開10呎用黎驗眼呀!
    佢呢隻wordpress網頁設計好鬼煩架,我老塵都有試過自己玩下,小試牛刀起度開設過個blog仔自娛,嘻,不過佢D網面款色係全部set死哂架,即係你揀咗一款,好似而家呢個海景呢款,佢就已經set死哂D字體,字型,大大細細左左右右都冇得揀!唔係話轉就轉!除非你比錢咩upgrade你個會員囉,咁到時就五花百門任你點舞都得!係咁架啦,呢D網頁都係要搵錢!你唔比錢佢賺,咪要揀佢D免費嘅網面,跟佢D設定囉!
    我就覺得呢個版面唔錯!好過以前果個!起碼唔洗咁單調,望落去心懭神怡!
    李家豪起香港新開始,個網都應該有新開始!唔洗擔心,你咁信得過大家,由得人自由留言,我塵廳長一定幫你日日mon住個廳,掃走D塵!一有咩唔對路會即刻會報!

  46. 有機會係香港, 大家去飲杯茶, 食個包, 同埋去毓民牛肉麵店聚下舊.

  47. 毓民星期日下午到旺角酒樓派傳單時, 有茶客叫黃記得幫佢地鬧多啲政府, 這講出廣大市民嘅心聲.

  48. 講真,連麥堅迪都見形勢唔妥,細路都唔撐。唔知有冇講到我個facebook message,"The biggest mistake Dion made was to listen to David MacGuinty,the carbon tax.".

  49. 旺舖靚裝修!
    恭喜恭喜!

    保留聚脚處!
    多謝多謝!

  50. 自由黨領袖狄安講英文有好重法國口音, 有時聽不到他講甚麼.

  51. 塵廳長,唔該晒,攪大咗啦。

  52. 其實我諗有一個方法可以令狄安民調追上,有冇可能勁炒Kyoto巴里島事件?如果有,自由黨有冇能力?記唔記得係巴里島後狄安領先哈珀10%,我覺得呢個係唯一一個可以翻生嘅方法,如果唔得,不如呼籲投林頓,NDP做強力反對黨。

  53. 借用一句:

    在有十二小時時差的討論區出發.

  54. 阿土(陶君行)其實表現唔錯,不過九龍東議席得四個,如果五個嘅話,阿土都可以同毓民佢地一切反轉立法會!

  55. 嘩! 一本政經全新裝修, 都唔錯. 不過d字真係細左d.

    黃毓民入立法會, 好處是其他黨(尤其是DBA)及高官都必須做足工課先好入議事堂, 否則一定口啞啞, 繼續 er er er er er er……… 好呀, 未來四年議事堂都變成歷史堂棟篤講(不是"笑", 因為很認真的), 一定很精彩, 如果可以每個星期三都直播議會, 收視率應該會好高.

    DBA議員或許會選擇做縮頭烏龜, 如三點不露那班工能議員一樣, 從來不須要為市民在議事堂爭取什麼, 只管把所有政府條例通過.

  56. cc全接觸以及6店出激始終係唔敢「去得咁盡」, 間中訪問毓民, 長毛, 作狀係言論自由.

  57. 家豪:
    你將一本政經的檔案從頭至尾改哂新版面,使唔使花好耐時間架?或者係會自動轉換成依家咁樣?你好勁喎!

  58. 唏!換名,都話呢個wordpress係有哂一大套d網面設計比人揀架咯!即係abcdefg,咁,以前果個係a款,而家呢個係b款!你去幾十個唔同嘅wordpress網頁,就會發現當中會有一模一樣樣嘅版面!用戶淨係需要去個setting度,揀一個款,按個制就得!唔係你想像中咁大工程!唔信你都自己開番個試下玩下!幾得意架!仲有,你慌真係李家豪番咗香港都咁得閒自己坐起電腦面前搞咩!梗係有人幫佢搞架啦!

    剛啱睇完生果日報,條題雞乸咁大話泛民奪23席,"香港選民好嘢"!
    http://appledaily.atnext.com/
    我心諗,都霎戇嘅!有乜咁好嘢?發神經!連果d咩"try our breast"嘅老共花瓶陳黑勤,同d陰濕左派鼠王芬,仲有陳太監果條muk嘴,d咁嘅垃圾都選到入去,就知道香港選民仍然有好多自甘墮落,冇乜咁好嘢!泛民好威風咩?唔覺喎!公能黨都係符符碌碌,掙餐死咩功能組別都係得個吳藹儀得!生果報入面今日阿李怡寫得啱!今次唔係泛民’贏’,而係保皇黨’輸’!

    嘻!不過好在今次都殺咗阿癲狗入去!我老塵都安慰咯!癲狗長毛都大嚿高票當選,證明選民都想有衝激,有改變!一於殺入去,搞場大龍鳯!不過唔知邊個會做主席!憎肉成?如果係就算佢黑仔!

  59. 我發覺呢個新版面個look好襯我個名!(或者調番轉,係我個名我襯呢個blog)無敵海景,翱翷萬里-霄九里!哈哈!所以忍唔住要留一個言say聲Hi。別來無恙!

  60. 今屆立法會最好葉劉做主席,毓民,長毛,大舊再加上旅遊界超人謝,開會好睇過阿仙奴對曼聯,好戲連場,庸官及浮雲特首有難了!

  61. http://www.kahoo.ca cannot link up with the new http://www.kahoo.wordpress.com. People who do not visit this Forum often will think Simon’s website no longer exists. Please fix this ASAP.

  62. 冇左自由黨, 多左葉劉, 23條係今屆立法會有機會通過.

  63. 好彩 google “一本政經”, 搵番個新網址.

  64. 天真、膚淺嘅共產黨,居然連加拿大嘅選舉都想插手,唔知會唔會好似香港咁,送愛國白米、送月餅、又或者食盤菜呢?如果有都唔拒,一於食窮共產黨,票投補手黨。支持哈伯維護加拿大的民主及人權信念。

  65. 今次保皇黨用左阿爺唔少錢去做民調, 又送乜食乜, 但係成績一般, 有人可能要「揹飛」.

  66. Maple Leafs Meat Products proudly announce 陳克勤 is our new spokeperson: Try our breasts!

  67. Maidenform should use 陳克勤 to promote their products on radios. It is 100% effective and very convincing.

  68. 路人兄:
    係唔係真嘅?共產黨,居然連加拿大嘅選舉都想干撓,唔該在龍X金閣/金X朝擺五元一位全包蛇宴,另送香米一大包,担保座無虛席,但亞爺支持嘅候選人,一定仆直。對手坐定粒六,準備勝利演說!

  69. 真係咁勁?得百幾萬華人,老共點玩得出樣,民主國家都比佢玩到就死啦!哈珀又嚟tax cut,真係好犀利,雖然都唔係長久方法,同埋公車都冇得減價。狄安同自由黨睇嚟都冇能力炒得起Kyoto議題,不如叫林頓將change講為將現在狄安弱勢反對黨變成強力夠勇氣嘅林頓反對黨,而家係安省應該唔難做到。

  70. 好呀好呀,玩[踢屎咳]
    仲要增加餅仔,細路仔一出世就每人派5千,另每月派500一路派到30歲
    老人金由31歲開始每月派3000,派到死為止
    另外增設[心情不佳補償金],[移民落地資助金],[受移民影响補償金]
    [公路要維持最高規格],[强制燃油維持50仙一公升],[强制大機構不得結業或關閉生產線],[僱員自決加薪幅度]
    [所有現時稅項全部減半]
    加拿大大把錢,大把資源,掘極都有,多多有得津貼,無有怕!

    請投[踢屎咳巨赤痔黨]一票

  71. 足球迷兄:
    依家在一些同鄉會,或親中華人組織,都宣傳緊哈伯唔愛中國,會令加國在經濟上無運行,咁即係叫人唔好投哈伯。正如有網友所講,加拿大得個百多萬華人,有幾多影響力吖,所以味話佢天真、膚淺囉。

  72. 路人兄:
    唔好咁快踢爆啦!等我地食番餐平嘅蛇宴,攞番包香米,等果班老左以為得米,開心番一陣囉?橫豎亞爺大把水,京奧都洗咗三千幾億人民幣啦,益多少俾D海外華僑有乜所謂呢?有乜蛇宴,派米,派月餅,記得通知各網友,唔好辜負亞爺嘅好意,反正對選舉都冇乜影响力吖!

  73. 足球迷兄:
    一定!一定!街外嘢大家齊齊揾。

  74. 有冇聽?林頓個政策掂喎,82億發展環保汽車,青天葵未諗過將自己嘅意見拼埋一齊,林頓好嘢。先唔好話執政,林頓個campaign做得好,盡數自由黨啲位,而家係時候,重有,佢有咁嘅能力同guts!

  75. 好? 掂?! 第日咪加番你82億稅! 羊毛出自羊身上呀! 青天兄, 唔好唔記得林頓系辛民主黨!!! 到時你辛, 我都辛!

  76. NDP 套傳統政治理念,我一定唔buy!

  77. 我講來講去都係base on 哈珀 155席,咁林頓可以借勢掃走狄安(希望掃多20-30席),佢一定執唔到政,呢樣就唔會變,由於歷史教訓關係。係多數政府下做反對黨就最爽,態度鮮明反對,但唔會搵到大選,名又打得響!

  78. 個人預測
    本屆大選
    保守黨+NDP勝出
    結果是:
    加拿大陷入10年衰退

  79. 見龍兄,唔好嚇我啦!既然如此,不妨約齊各網友,去果D親中組織,吃番餐,攞番多少jackso,無謂浪費亞爺嘅美意。如果真的陷入10年衰退,那麼最好每年選舉幾次,而亞爺又大開方便之門,待我等小市民積多少免費米來防饑都好啦!

  80. 移民來加拿大十幾年,經歷過聯邦政府自由黨和保守黨執政,以一屆小市來說,兩黨誰執政實質改變不大,反而覺得保守黨做些小恩小惠,印象深刻,例如減GST,人頭稅道歉,外交政策對中國強硬等,所以我不反對保守黨連任。

  81. 我希望保守黨今日篇嘢係講得出做得到,而事實上,哈珀搞經濟都有啲嘢,點睇都唔會10衰退。。“It is about raising the standard of living for individual Canadians and their families. It’s about fostering open markets that ensure the best prices for consumers.
    http://www.conservative.ca/EN/1091/104789
    今日見報紙寫林頓開始做自己有把握嘅嘢,佢做嘅嘢應該係主攻狄安啲票倉,攻哈珀係次要,好似CB51個類嘢。

  82. 我移民來加拿大前,知道 standard of living 在加拿大不錯,我亦知道要維持一個高的 standard of living,在在需財.
    伹好像現今加國居民和我的看法不大同,他們要的是低稅率,高生活水平.這是做得到–假如此地是汶萊,也門,科威特.但她們有的我們沒有,她們沒有的我們有!
    要維持 或像 哈柏說 “raising the standard of living for individual Canadians" ,在我的看法-起碼是給我們或後代一個藍天,清徹的湖水,清新的空氣! 我知道在在需財!
    加拿大陷入两難,又要 High Standard of Living,又要低稅率, 但國家收入是否足以支持呢?
    以加人的短視,我看今次大選,哈柏會以大多數政府再任一屆.
    我希望如他實踐 “raising the standard of living for individual Canadians" ,是不會以高稅率或高國債作為代價!
    GOOD LUCK! Canadians!

  83. 毓民,我等住睇你大鬧天宮,聽你窒馨煲軑曾,鏟到葉劉上天棚 ,玩寸林公公,立場會爆粗被逐……總之好戲連場。

  84. Standard of living(物質)係可以提高到嫁喎,如果加拿大引入 競爭,公司要競爭,價錢會下調,最終消費者得益。點解一定要高稅率?最貴嘅醫療係省府照,聯邦係褔利上支出唔係多數,北歐個啲係連大學都政府比埋,隨時連買藥都有政府津貼,只要唔會搞到負債,以而家咁睇,暫時冇乜唔妥。

  85. 青天葵同學,
    最大問題是:
    錢從何來?
    各政黨均以派錢及空言高質素生活為競承諾
    但對於如何對冲支出均沒有一個實質的構想
    於是符!
    假大空是唯一出路

  86. 今日睇報紙,保守黨真好嘢,有29億盈餘。其實個個都咁講,係邊個啱聽啲咁解。錢,如果物質生活個啲就要自己搵,政府個啲就佢哋諗,唔係我執政,唔諗咁多。劉醫生都好勁下,明報,星島,現代連續咁多日都有佢廣告,不過,入嘅機會都唔會太高,我個人覺得。

  87. 林頓係電視辯論應該狂擊狄安,撬得就撬!有一樣嘢我諗唔明,中間偏左嘅選民點會一下子變中間偏右?保守黨同新民主黨點樣互搶票?最多咪齊搶自由黨票。林頓應該同上次一樣,呼籲自由黨票投新民主黨,讓一個更有力量同氣勢嘅領袖替佢哋發聲。橫豎NDP同自由黨好多政綱都差唔多。哈珀亦都應該咁做,雖然狄安非常弱,但都要繼續打。今日睇星報,個篇嘢講加拿大人嘅價值,blah blah blah,保守黨支持度重未過40%,所以組多數政府嘅機會要靠辯論。


發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s

分類

%d 位部落客按了讚: