發文作者:kahoo | 八月 24, 2008

2008北京奥運閉幕

8月24日,經過16天緊張的賽程,第29屆奧運會今日正式落下帷幕。九萬多名中外觀眾及一 萬多名來自世界各地的運動員,今晚相聚鳥巢,全人類一齊狂歡開大派對慶祝,北京奧運完滿結束。

京奥籌辦資金總額=$3067億

籌備多年的京奧,今日正式落幕。對於外界一直以「金錢堆砌」來形容2008年北京奥運會,並對有關投資總額作種種猜測,北京奧運會昨日終於揭盅,整個京奧的投資總額為3,067億元人民幣(下同),約佔去年全國國民生產總值(GDP)的1.2%。

北京奧運會和市政府新聞發言人劉志在昨日舉行的記者會上,介紹了北京奧運會的資金投入。他稱,北京市直接用於場館,如鳥巢等的建設和翻新的投資預計不會超過130億元;奧組委用於籌辦奧運會的資金估計總預算約136.7億元;城 市運行部份資金直接跟奧運相關的總投資大概是2,800億元,合共3,067億元。
對於城市運行部份佔相當大的投資比例,劉志解釋,這次奧運會不僅僅是一次運動會,它對北京市整體水平是一個檢驗,而且也是對城市水平的一個整體提升。北京因為奧運會的舉辦,所有的基礎設施建設、軌道交通建設和人民生活基本設施建設大大提前了、加快了,本來是在「十一五」( 2006至2010年)末期,也就是2010年要實現的目標,在2008年就實現了。整個北京城脫胎換骨。

紀念品收入約20億

此外,京奧的舉行,亦帶來相關紀念品熱賣。僅今年頭七個月,奧運金幣、紀念幣及福娃分別銷售收入人民幣16.2億元、6.4億元和 0.12億元 ,倘加上8月份奧運舉行期間,相關紀念品銷售的高峰期,整個紀念品的銷售收入預計已有逾三成的增長。(蘋果日報)


Responses

  1. 北京奥运在向世人说什么?

    国家洒钱和国家富有不是同一个概念。中国有着世界上增长最快的富人,但就整体来说,仍然是一个贫穷国家。四川地震期间,中国向慷慨提供援助 的世界各国要求支援300万顶帐篷,说明资金并不宽松。经过30年高速但不扎实的经济增长,中国今年正面临多方面的经济困难。前不久政治局还刚刚开会,专题讨论经济的严峻局势。对中国来讲,钱还远远没有多到花不完的时候。美国之音中文网民意投票,问北京奥运值不值得这样花钱,肯定的投票只有19%。

    那么,既不说明世界融合,也不说明体育第一,又不说明我最富有,应该说明了什么呢?北京奥运在对世人说:一党专制是最适合中国的政治制度,这个制度使中国的国家获得了无上的荣耀。至少,中国人,现在你们每个人脸上都有光了,好好地乐着吧,别管今后怎样。 (博讯)

  2. 嘩,該煨咯(學咗以前老廁嘅口吻!)個京奥用咗3000億呀?我真係撼頭埋牆算咯!我連3000蚊係點我都未見過呀!3000億!咩城市運行用咗2000幾億呀?城市運行,就係去逼遷d老居民,折人間樓,同埋去打壓d上訪人士,又禁絕人地起示威區度示威,再拉人地70幾80歲嘅示威阿婆去一年勞改!

  3. 比開幕典禮差,無驚喜,同樣的技兩,同樣的煙火動畫,太多威也,歌曲難聽,嚴重咪咀,收音不專業,不明白歌手唱什麼,太多歌用中文,外國人無法明白,狂sell北京,運動員被迫成為茄哩啡,一片混亂

  4. 將你謀大盜話閉幕禮會給觀眾更大驚喜,原來再揾班八一步隊,玩吓飛簷走壁,嚇吓你,然後叫班二打六、三晤識七嘅八戒咪吓咀,全無創意,只是雷聲大雨點小,屎忽寶心諗,好彩今次無去咋,如果唔係就該煨咯,比佢影衰晒囉,依家保番著我個乜乜,唔駛比人插。

  5. 《泰晤士報》奧運沒有帶來預期的經濟效益已經是不爭的事實,僅外國遊客數目的下跌就足以說明問題,更重要的是隨著奧運火炬的熄滅,中國不得不又要去面對維持增長和抑制通貨膨脹這一奧運光環難以遮掩的兩難經濟局面。

    奧運使外部世界有一個進入中國的短暫機會,壁壘既然已經打破,再恢復就不太可能。中國的舊體制內正在孕育著新的生命,馬克思當年認為,催生的動力是暴力革命,但如今奧運的作用不可小視

  6. 可以上訪了!

  7. 返嚟啦返嚟啦!我返嚟啦!買完餸返嚟啦!
    無去到F-SHOP,唔知點呀?邊嗰有料就報上嚟啦!
    去咗窩頓士刁SHOP爬買汽水,$5有兩箱12罐汽水;點知油站附近嗰倒cooking oil個箱周圍掉滿垃圾,商場的管理人唔該叫人清理吓啦;嗰度用嚟倒油,唔係倒垃圾!
    塵廳長!好有火喲!好有血氣喲!3000蚊你未見過?我唔係好信!老廁都死咗好耐啦!你咁掛住佢?2000億,3000億,以前風華超市,我每次去都見到億億聲嗰的溪錢係嗰架到!一叠叠,每次我都想買袋落袋!我成日發夢,如果係加紙,你話幾好呢!
    你估你係海瑞咩!前幾日坐免費旅遊巴去瀑布,人地去賭,我就想話悟道;去到一處瀑布區域,有個小塘,種咗的蓮花之類植物,放咗的錦鯉之類係個塘裡面,我就悟出一樣嘢:就係莊子唔知邊一篇裡面所講,束於時,束於地域,朝菌不知晦朔,惠姑不知春秋之類比喻---咁多好似你所講的寃案不公事,有時都係嘆句無何奈何?元朝九十年統治中國,以前我細細讀書,成日係到諗,如果我生係嗰個時代,直到老死,都可能無法見到新世界新天地,活係高壓強權之下終老,咁都係無何奈何,束於時域,命也!

  8. 民間憂慮 京奧完藍天完

    北京民間環保組織綠色地球村研究所負責人王春潮表示,奧運後北京數千個建築工 地復工,汽車單雙號限制行駛規定可能取消,一些臨時停產的污染工廠將恢復生產,其他眾多臨時措施都會一一取消。屆時困擾北京多年的陰霾、浮塵甚至沙塵暴等 劣質天氣又會重來,希望政府在奧運臨時措施到期後,如果發現這些措施對改善空氣質量行之有效就不要輕易取消,以免重蹈「治理、污染、再治理」惡性循環。

  9. 鬼佬台CTV/CITYTV兩個台呀,佢地發爛炸,將美國佬擺係第一位,中國第二位,用奬牌數目嚟排!
    小器無文化,無準則去報導事實;事實係奧運由始至終都係由金牌排行做主導!
    如果咁玩法,好容易唱反加拿大!加拿大真係好失禮,先進國家,民主自由,連上太空太空臂都有加拿大制造,挑!你個加拿大呀!無能用!真係無能用!得個18個牌!爛銅爛銀,金剩係得2個,有個仲係亞裔幫加拿大攞添;好多西鬼電視台提都好少提呢個亞裔攞奬,心照啦大家!
    比起中國,小毛見大毛,100面呀,加拿大好醜呀!中國排名都前過你啦加拿大!比賽唔夠中國嚟就玩排名,好,唔緊要,好過加拿大好多倍呀!哈哈哈!揾美國佬替自己遮醜,真羞家!

  10. 挑!忌無言,我就唔同意你咁講!屎忽室,行開啦!好彩無咗呢條西鬼,係到攞彩!
    高潮,高潮唔使成日有,開幕已經高到唔恨啦,16日之前已經高到目定口呆,成身僵硬,呼吸停頓,紅霞滿臉啦,今日我瞓雁咗!睇咗些少係碌柱走上走下,都唔少嘢啦!
    你想唱反調,同我咀對咀先啦!

  11. 好難講,中國用幾多錢出嚟攪奧運,值唔值得,真係好難講,睇吓你由邊嗰角度睇!我唔係同中國講好話,只不過客觀嚟講,真係見仁見智;用得錢多,拆樓拉人,當然你有道理;但係唔係咁做,個工程藍圖又可能無辦法完成,治安謷備又可能無保障,中國基建又可能加速現代化,文化中西交流又可能無生催化作用……..所以真係兩面睇!
    不過,有一樣嘢係西鬼做得唔啱,尤其係加拿大,無廣播咁滯!報導不盡不實,排名小器,故意挑釁!
    人家作東道,不賞臉已經不太好,還到處搬弄,刻意唱反調彈東劾西!這就是不好!連奪取第一面金牌,替加拿大一星期內破蛋的亞裔運動員,也被受冷落,那就更顯出加拿大某些人等的小器來!!

  12. 辦一件事當然應盡力去做到最好, 舉辦奧運自不例外. 如果能力所及, 花得其所, 自然一點問題也沒有, 那怕是三千多億. 但是, 在不少國民的生活, 還是十分落後及艱辛, 很多國家事務還是在在需錢的時候, 那是否需要這麽[豪華]的奧運呢?

    舉一個例子說明: 中國韻律泳隊其中一件泳衣, 鑲滿碎石, 評論員介紹每件價值5位數字(相信是指人民幣吧), 有需要穿著這麽貴重的服裝去作賽嗎?

  13. 碧咸最無引, 佢十足係一個半活動布景板.

  14. 好難講!真係好難講!值唔值得,係唔係過份豪華,真係唔識講!你有你角度,人有人看法,真係好難講!
    飲食都講色香味,韻律泳,講求的咩我唔識裁判用咩嚟作準,但係如果係閃吓閃吓,金光燦爛,耀眼奪目,視覺為之享受,咁樣,又有另一種看法認為係值得都唔定!所以話,好難講,好難講!
    我無電視睇呀!一頭霧水,都唔知發生的咩嘢事咁滯,電影大佬,快的運的中國奧運全套中國版權的片過嚟加拿大賣啦!我地呢個荒島,好多飢民呀!對外文化交流完全斷層呀!係靠你地的片知道中國的選手叫咩嘢春春咩嘢秋冬咋!好辛苦呀!困住哂!又唔識鬼話!

  15. 鬱悶 // August 24, 2008 at 6:45 pm

    碧咸最無引, 佢十足係一個半活動布景板.

    佢習慣咗架啦!成個布景板老公,比個老婆指指點點!

  16. 老吐,唔係耍你呀,3000蚊你估小錢呀?我每個月先賺個雞碎咁多,D牛工真係唔易做,搵食揀難!同我講3000億,我真係即刻走去Jane夾Finch比D黑幫亂槍射死算喇!
    cat lover講得啱!大佬,你班友大拿拿掟幾千億出黎搞個滿城盡帶黃金甲,D錢夠你包起全國D農民十年啦!人地D農民連米都冇粒落肚,你比枝巨型火炬比佢托呀?比個鳥巢佢咬呀?算吧啦!等你班香港友之前仲起度為咗咩捐唔捐100億比四川起度嘈餐懵!100億,對大陸黎講都係毛一條咋!留番D錢自己暖下個胃好過啦!
    算吧啦,驚噢驚噢,之前又話咩開放新聞,解放傳媒,又話比人申請示威,乜乜乜,好啦,卒之而家,派對就開完喇,示威區又唔比人示威,D上訪呀,維權果D又拉哂去唔放出黎!老共一向冇口齒,信佢一成都死!係有D人先咁天真以為一個驚奧會令佢轉死性!

  17. 龍涎鳳唾!
    老吐,哈哈哈!唔錯呀,咁叫法都好有親切感呀!
    超!老塵,你話你未見過3000蚊同你話自己每個月話無3000蚊人工係兩回事呀;你個的係牛工,咁我做個的係咩嘢工呀,大佬!你知唔知呀!你以為你好夠慘,我仲慘夠過你呀!!講出嚟心都酸呀!
    你無捐錢,我都無呀!捐鬼捐馬呀?個存摺得個千五蚊用嚟頂住每個月唔使比銀行收我的手續費,每個月邊到有錢呀!捐個屁呀!自己都顧唔掂!
    天真嬌就天真遮!我唔係天真吐呀!京oh係點,我而家都無咩睇過,咁多年最衰今界oh運,真係好似無嘢發生咁係呢度!
    3000億4000億,點都好啦,你鍾意媽佢老母點都好,米已成炊,開飯啦!唔通唔食呀?都煲好咗咯!
    束於時域,困於法制,好似我咁,發吓夢,去風華見到的溪錢億億,就夢想當係加紙落袋,開解吓自己啦!!

  18. 你都好呀,咁風騷飲珍珠奶茶(老廁生前對話得知),一杯珍珠奶茶幾蚊雞架!我窮到淨係走去foot-basic買的一包平咖啡豆,返嚟每次落一杯仔打碎嚟沖咖啡飲,一包都有排用架!慳!慳!慳!
    你撞頭埋牆,咁我jump to the lake 啦!各有各死法!

  19. 奧組委:京奧定不虧本

    北京奧組委高級顧問魏紀中表示,雖然京奧超支6億美元,但由於收入亦比預料中多,故今次京奧「埋單結帳」一定不會虧本,但沒有透露實際收入增加多少。

  20. 奧組委:京奧定不虧本

    多數資金都是由港澳資本家出, 這就是特色共產社會主義, 實行共你產, 有借無還, 京奧不虧本是理所當然的. 資本家的回報是奧運火炬.

    3067 億支出是共產, 所有奧運收入全屬國家收入, 留待中央高層及奧運高層六四分帳.

    當然也是 TRULY EXCEPTIONAL, 世上只有中國有一個(或多個)會生金蛋的雞, 從來沒有需要考慮收支平衡.

    所以, 倫敦沒有可能比今次 “共產式奧運會" 做得更好, 除非下次英國大選由共產黨當政.

  21. 眼慢啲就睇唔到陳慧琳, 容祖兒, 以及劉德華.

  22. 艱苦鍛鍊,流血流汗,努力不懈,成績驕人,突出表現,國際奧委決定臨時頒發三枚特別金銀銅牌給中國,表揚吹牛作假方面的突出成就,咪嘴,假十六歲,吹水唔抺嘴,官方主導作假,令全世界為之側目。胡撚塗奪金,雜種平得銀,瘟總攞銅,三條粉腸,輕奮莫名,互相祝賀,堅決要將中國人民作假優良傳統,世世代代相傳下去,發揚光大咁話喎!

  23. 十六歲,傾點數,大家好落台
    喂!我貢獻咁多,你應該比d面我好窩!

  24. 我老眼昏花2012英倫奧運個嘜頭係唔係 S H I T 字??

  25. pk

  26. 中國國家體育場 = 「鳥巢」
    北京奧運 = 「金蛋」

    Money, money, money
    Must be funny.

  27. 原以为这奥运会会一直开下去
    每天都有各种各样的比赛看
    每天都有意想不到的金牌进帐
    每天都有奇闻趣事给我们提供快乐和谈资
    我们如此沉迷这激动人心的非常态生活
    然而我们终归要回归千篇一律、按部就班、惯性而乏味的常态生活……

    (赵丽华, 博客中国)

  28. 中共攪奧運,為出風頭,不惜工本,勞民傷財,耗費資金達天聞數字,無形損失難以估計,工廠停產,旅遊萎縮,這些數字都不會公佈,中共要將全世界比下去,開幕閉幕規模超越以前任何一屆奧運,連尚未舉辦的倫敦奧運,都預估人家沒法超越其模超,中國人的虛榮心態擔子太沉重了,區區一個劉翔傷出,本來閒事一宗,但舉國上下壓力之大,全世界罕見。
    中國是否體育強國?當然不是,嚴格來說,中國只是雜技大國,因為中國人(亞洲人)體質,體能不及黑人白人,上帝對亞洲人不公平,這是不能改變的事實,劉翔只是一個例外,不過可以預測,他不可能重上高峰。

  29. 煙花一般的京奧,有燦爛沒有未來。相處到了現在,了解增添減了愛 … 看煙花落下,奧於高峰中跌下,使你無言眼淚在臉上爬。閉幕惜別話,那些誇耀的說話,一切隨同燦爛在晚空火化 …

  30. Truly Exceptional = 與眾不同的

  31. 睇佢三隻嘢托咩!香港的明星歌星,根本唔入流,一碌木咁,唔唱得唔做得,咩都唔得!得閒睇吓星期六星期日omni 2印度電影啦,又唱得又睇得又跳得,劇情有味道,英文字幕簡單易明,BALLYWOOD,BALLYWOOD,我愛上印度電影啊!!

  32. Truly Exceptional =/= 無與倫比的

  33. 奥运会上的美国体育选手,也就是在这种社区和私立学校的培养下,一级级选拔出来。这次狂夺八金的菲尔普斯小时候是个多动症的孩子,但是单亲的母亲培养他,发现他有游泳的天才,于是就这样一级级他们到奥运会参加比赛。他们的经费都要自己掏腰包。也有的是一些私人机构赞助。跟国家自然是没有什么太大的关系,因为荣誉也就属于他们自己,这就是美国个人奋斗的精神。[博苑 2008-8-25]

  34. It is estimated (latest) that the Chinese government spent over $50 billion USD on the Olympics.

  35. I wonder whether they ‘ve installed auto flush @ all the new facilities! For all the mainland chinese that visits Unionville library: PLEASE FLUSH THE TOILET AFTER USE!

  36. 好彩多倫多冇辦2008奧運, 唔係好似蒙特利爾七六年奧運, 會後蒙特利爾市財政因此而破產, 要花四十年償還債務.

  37. Chinese // August 25, 2008 at 12:03 pm

    呢條英文友,我留意咗佢好耐;次次都係話圖書館的中國人唔沖廁!仲係指名種族話係中國人用廁後唔沖廁,次次都有佢份,次次講親都係沖廁!
    其實呢條友都好有心理問題,就算你講得啱,的中國大陸人唔沖廁,但係你表現出嗰種契而不捨廁所源罪係由大陸人造成呢種表現係好有問題!係一種心理病!況且你又自稱中國人,好刻意想讓人知道中國人大陸人係如廁後不沖廁!希望其它人收到呢個觀念意念概念成見意識等等…..可謂用心刻意安排!
    其實,係人都知你咁努力話的大陸人不沖廁,指名地點,更加容易使到該地方污穢不堪,因為一定有滋事份子故意倒蛋!到頭來,雙方都氣餐飽,有何益處?

  38. 原本譯"滿地可" 大陸譯名為"蒙特利爾 "
    原本譯"維珍尼亞州" 大陸譯名為"弗吉尼亚州"

    死蠢, 係滿地可銀行, 唔係蒙特利爾銀行! 唔服就致電銀行投訴!

    多年老品牌/名稱冇一僥倖: 平治/奔驰, 佳士拿/克萊斯勒, 澳洲/澳大利亚, 雲吞/馄饨 …….

    不幸的是, 目前媒體靜靜地接受這不必要的變化.

  39. do you live or work in Unionville library? if not, mind your own business. one world one dream. let the world to know our toilet culture.

  40. 唔!呢條英文友好似回應叫做well known top secret?仲問我係唔係住係或者係瘀人村圖書館嗰度做?仲叫我唔好理人閒事!
    我打中文字,佢即係識睇中文字啦!回應就用英文,有可能係係鬼佬工作地方的電腦,無中文打字設備,所以用英文;有可能係圖書館做嘢的亞裔人士,有可能係……
    唔!你咁鍾意鬥,批鬥,說鬥,就由你啦!嗰廁所係點我都無見過,阿呢陀佛!好彩好彩!

  41. BALLYWOOD 生, 請多d打電話上黎支持下我地

  42. 屎弗痕 PK 專權洗腦 // August 25, 2008 at 4:09 pm

    哈哈哈!都幾得意!有趣有趣!
    睇開的啦,我都睇化咯!上次正音你有無簽名呀?唔係又係一樣咁!前車可鑒,力史教瞓,算啦!
    破四舊打倒孔家店,咩都有啦!見怪不怪!鍾意點就點啦!
    用筷子頭嚟夾餸同用筷子尾嚟夾餸都係一樣,由佢啦!用手嚟食飯都有人啦,字音義翻譯的嘢,仲意點就由佢點啦!冚家富貴,有可能譯成一家富貴,將來我見到塵廳長,cat lover等等,有可能恭喜佢地一家富貴呀!

  43. 沒有計算在內的費用

    在奧運會舉辦期間, 北京政府為了改善市容以及紓緩空氣污染的情況, 勒令不少產生大量廢氣的工廠及行業在奧運期間停產或停止運作, 相關的企業在奧運期間所蒙受的經濟損失相信不菲.

    在奧運結束後, 與奧運相關的經濟活動, 例如飲食業, 旅遊業等將會萎縮, 若然位於北京或附近的工廠及行業, 不能迅速回復正常生產, 北京地區的經濟亦將面臨放緩甚至衰退.

  44. 拍檔,等我雪藏完後番嚟到UL現場進行實地調查

  45. 吳離普 // August 25, 2008 at 5:06 pm

    BALLYWOOD 生, 請多d打電話上黎支持下我地

    講笑咩!支持你地?你地係邊嗰呀?打電話去邊呀?
    6點33分,啱啱聽到有個電台賣廣告…..香港著名…香港著名….香港著名…..導師..你叫佢地打電話比你仲好啦!一電驚人,再電神人,三電…..哈哈哈!

  46. 好多維園亞伯係瘋煙自由哼發功擦奧運鞋, 冇得頂.

  47. 北京奧運委員會自稱今次京奧空前成功,中國勇冠三軍,金牌51面,成為體壇一哥,何等威風,雖然化了三千多億人民幣,也成為歷屆之冠,奇蹟地可以不虧本,已經值得世界列强學習,因此建議以後豪華型奧運都由偉大祖國主瓣,或承包以後各國奧運會,造福世人,以免其他主瓣國家或城市像1976年滿地可般,搞到要破產,還 要花四十年去償還債務.

  48. 哈!老吐,乜我有話過我飲珍珠奶茶?咁你都記得?唏,都係果一次咁大把啦,我通常都係沖超市果d即溶咖啡粉架咋!係咪要鬥窮先!你起碼會去f-shop買咩幾廿蚊條記憶咭定唔知乜啦!我連想用條usb下載"家好月圓"睇呀,都要問人借呀!雖然話幾十蚊條,但我呢d階層嘅,慳得一蚊就一蚊啦!
    算啦,老吐,生做中國人,個個都有精神壓力架啦,正所謂’你有壓力,我有壓力’,果位同胞都係特別關注大家嘅廁所衛生,可能關注到"腎"咗啫,算啦!咁d膿包嘅廁所習慣有時又真係幾嚇人嘅,奥運開幕果日你冇去烈治文山間silvercity戲院咋,都話個廁所一地都係尿!我諗可能同我地d基因有關都唔定!
    講番倫敦接手奥運,係喎我尋日睇新聞時都以為自己眼花,整乜鬼佢個logo成個"SHIT"字咁?係專登架?我望咗好耐先認得出係"2012″個字型!真係撞鬼佢!

  49. 係呀,我都係咁話,好在多倫多掙唔贏做呢場奥運咋!咪話40年呀,我地400年都還唔清條數呀!呢d咁嘅彩,掙番黎都冇鬼用,掙唔過呀!
    足球迷你講起果51金,我頭先剛啱上網聽myradio,阿蕭同阿長毛佢地起度笑住講,話難保果d金牌唔係都一樣造假!聽落雖然當笑話,但諗落都不無道理!長毛話齋,中國同胞贏埋果d好大多數都係d由"人"去比分(評判制)嘅單人項目,咩跳水呀果d,真係天知道d評審員有冇比人收買!不過我都係拎出黎大家吹下水,講完就算,d糞青聽咗唔洗黎我門口潑屎!
    不過講開又講,d奥運獎牌都又再證實到"1個中國人就一條龍,3個中國人就一條蟲"嘅道理!中國同胞威極都係d單人表現項目,全部d需要團結精神嘅,乜球勿球果d就衰哂!柏老(柏楊)嘅理論真係永垂不朽呀!

  50. 要讚讚嗰網頁負責人,好鬼勤力,即時登嘢上嚟!
    老塵!首先鬧你唔長進,窮係抵你架!點解?你成日叫人唔好聽電台,鋤爛架收音機!咁你又睇片!仲日日夜夜係呢度推介比的華民,等佢地上癮!其實你真係無間道裡面的二五仔反骨仔都未定!係人都知嗰的片係廢柴台播架啦,你咁替廢柴賣力,可能係係佢嗰到打工都唔定!仲有話烈治文山間戲院,如果唔係係嗰頭做嘢,同廢柴跑出跑入,邊到會……
    你講用條usb下載劇集都唔知你想講咩嘢?usb係咁用既咩?真係唔知你想表達的咩嘢?
    鬥窮?你窮到係烈治文山出出入入,窮極有限啦!走上去,要好多油架大佬!塞車塞的跳母!飲即咖啡,快捷方便,你就嘆啦!好快又一包!點同我一粒一粒數住嚟用呀!有時反煲一次!好似你咁!奶盡!
    你條友,今個星期再睇吓omni 2重播又重播又重播又重播既*(無間道)*啦!可能你就係廢柴的…….
    屎屎尿尿,留反比嗰條英文友同的大陸友火拼啦!關我事咩?唔關呀嗎!所以唔使勞氣!繼續寫啦!
    Chinese // August xx, 2008 at xx pm

    I wonder whether they ‘ve installed auto flush @ all the new facilities! For all the mainland chinese that visits Unionville library: PLEASE FLUSH THE TOILET AFTER USE!

  51. 塵老兄,同意你話祖國d乜球勿球衰哂,但千萬唔好唔參加,尤其是男子足球隊,佢地踢波未贏過,小弟賭波未輸過,國足隊係賭波界嘅精英大師,長買長中,有佢地出場,好過以前d老細出雙糧,所以國足隊最好每個月踢兩場,等在多倫多捱世界d僑胞揾返多少啦!!

  52. 坐而起行, 比 空談/彈 更有建設性


    http://chinasgreenbeat.com

  53. 父: 記住,如果有乜東瓜豆腐,記住矛頭指向阿媽
    仔+新抱: 我哋乜都唔知,唔關我哋事架
    舅父: 口供一定要夾
    媽: 我癱但系一切都關我事架,你一定要信

  54. 多倫多聽眾 // August 25, 2008 at 6:13 pm

    好多維園亞伯係瘋煙自由哼發功擦奧運鞋, 冇得頂.

    多倫多聽眾如果你再小心留意,可以聽得出來來去去都係果幾個人,李生、張生、yy、呀Ann等,聽他們的語氣及說話內容,似乎是「職業打手」同節目安排好。

  55. 哈佛大學商學院 MBA Programme 要快啲搵佢地嘅教授去北京取經, 用「京奧定不虧本」做 case, 教佢地啲大學生, 咁美國嘅經濟先有得救, 將來可以永遠唔會有不景氣.

  56. 香港傳媒要趕住幫阿爺同化香港人, 所以

    • 小叮噹變成哆啦A夢
    • 特殊奧運 (Special Olympics) 變成殘奧

  57. 足球迷:
    Deco so far so good, scores in the first two games, after getting rid of Shevchenko, Chelsea looks like on the right track.

    I watched the Men’s marathon on CBC, when the atheletes ran in front of Tiananmen Square, the commentator mentioned in 1989, hundreds of students were killed there. This guy is good, have guts and educate the young viewers in front of the TV. If it’s Fairchild, what would they say?

  58. wenger 兄:
    很高興英超又開波了,Chelsea看來中場線(有林伯,迪高,波歷克及Joe Cole)是各隊之冠,今屆車仔又換了教練,確有爭標實力。可惜Arsenal狂攻Fulham都入不到波而輸一比0,希望這班年輕gunners踢爭氣波,不致令擁護者失望。

  59. 佢地可能係受薪聽眾, 日日要交功課.

  60. 一個網友的猜測:

    我不是球迷,对足球也没有多大兴趣只是偶尔看看。但我对国足也抱过幻想,对国足输球原因做各种客观的猜测,如第一:草皮不适应中国人的脚,草皮太硬或草皮 太软了。第二:天气不好,冷热适当没有给对手队员造成麻烦。第三:裁判不公,刻意给中国对吃红牌罚我们的主力队员下场。第四:球门的柱子太粗,使我们该进 的球老是碰上反弹出来。第五:运气不好,老是抽到下下签遇上死亡组合。第六:球门偏小或位置不正,导致我们该进的球从旁边出去了等等。但猜测终归是猜测, 现实终归是现实。

  61. Gold medallist receives boisterous welcome in Calgary

    CALGARY – Canada’s golden girl is getting over her shyness in a hurry.

    Carol Huynh, her gold medal from wrestling at the Beijing Games draped around her neck and hanging close to her heart, got a taste of what lies ahead early Monday afternoon when she received a small but boisterous welcome at Calgary International Airport.

    http://www.canada.com/topics/sports/beijing2008/story.html?id=509efd76-530d-4064-b43a-48bba87fe418

  62. 抄襲呀抄襲呀!
    “在天氣有點涼的早晨出發"加拿大多倫多早上八時四十六分加拿大中文電台廖立暉陽光早晨係咁講呀!
    仲話叫人參加訓練班?自己都無的創意,點去教人呀?正一羞家!

  63. 再話埋佢的節目總監,電台台長呀!管理電台無方!

  64. The past Olympics Games were actually hosted by the entire country than just the city of Beijing. No city in any democratic countries would have such a budget and not worry balancing the book anyway. Montreal took 30 years to pay off their debts. Interestingly, I think it would take another century or more to pay for the same amount of debts incurred in the past Olympic Games.

  65. 同我的鬼佬鄰居講起京奧閉幕, 佢地剩係記得 Beijing, Beijing, I love Beijing.

  66. 人道主義 係乜東東?

    繼美國"人道主義援助"伊拉克,使接近100萬伊拉克人死亡,超過500萬伊拉克人逃跑往鄰國後.
    3艘美國軍艦駛往黑海執行“人道主義援助任務”。據五角大樓發言人布萊恩•懷特曼透露,導彈驅逐艦“麥克福爾”號和海岸警衛隊巡邏艦“達拉斯”號,已於 21日滿載“支援格魯吉亞的人道主義援助物資”駛往黑海,而第六艦隊的旗艦“惠特尼山”號則於23日離港駛往黑海,艦上滿載著“奶粉、尿布、毛毯等人道主義援助物資”。

    係人都知,美國係向俄羅斯直接施加軍事壓力。

  67. 想發明星夢, 報名!報名!快報名!!!

  68. 以前的中國人,因國家的腐敗而被外國所欺負,是悲哀。

    現在的中國人,因國家的腐敗而被己國所欺負,更悲哀。

    以前的慈太后,將用於保家衛國的金錢,花於享樂自己,是無恥。

    現在的共產黨,將用於富民興邦的金錢,花於炫耀自己,更無恥。

  69. 回應多倫多聽眾:

    現時多倫多的中文傳媒,不論電台或報章,都只是在製做言論,為亞爺擦鞋,所以已全無公信力,尤如在中國大陸一樣,只是這些機構的名稱不同,不是用CCTV、中央廣播電台或大公報等。事實只能在英文媒體找到,所以將會有部份多倫多華人變為愚昧无知,如憤青或維園亞伯一樣。

  70. 冇可能的, 「京奧定不虧本」係國家高度機密, 洩漏咗會視為叛國者, 記唔記得美國女排主教練郎平事件?

  71. 冇料痱係香港回來之後, 有左「出發」病毒, 以後有邊個講「向廁所出發」之類, 就知道佢係受到冇料痱嘅感染, 要一起隔離檢疫.

  72. 一 將 功 成 萬 骨 枯 , 一 生 苦 練 寂 寞 而 終 的 無 名 運 動 員 又 有 誰 記 得 ? 中 美 女 排 雙 雙 與 金 牌 無 緣 , 但 美 國 女 排 排 名 在 前 , 這 又 會 令 中 國 憤 青 們 鬱 鬱 寡 歡 。 郎 平 在 場 邊 總 是 一 副 凝 重 低 調 的 神 色 , 似 乎 內 心 還 是 有 點 不 安 。

    但 很 多 人 可 能 都 忘 記 了 , 中 國 女 排 的 輝 煌 歲 月 又 是 如 何 得 來 。 六 十 年 代 中 期 , 中 國 女 排 在 世 界 上 寂 寂 無 聞 , 當 時 的 世 界 冠 軍 是 「 東 洋 魔 女 」 。 後 來 , 中 國 請 來 日 本 女 排 教 練 大 松 博 文 , 由 他 訓 練 中 國 遼 寧 、 山 東 等 女 排 強 隊 。 很 多 人 都 看 過 一 部 大 松 博 文 訓 練 女 隊 員 的 紀 錄 片 , 日 本 教 練 不 留 餘 地 將 他 的 絕 招 都 教 給 中 國 運 動 員 , 態 度 一 絲 不 苟 , 高 強 度 的 訓 練 方 式 也 一 新 耳 目 , 中 國 女 排 平 白 取 得 來 自 東 瀛 的 成 功 經 驗 , 自 此 崛 起 , 數 十 年 不 衰 。

    要 是 日 本 人 也 有 中 國 憤 青 們 的 小 家 子 心 態 , 不 讓 大 松 博 文 來 中 國 傳 經 , 今 日 中 國 女 排 恐 怕 還 在 世 界 水 平 中 下 游 徘 徊 。

    (東 方 日 報)

  73. 興興踏實,悶而不僥,永冇火上加油,是較為合適的主持人.

  74. 你吹呀!!!!!!

  75. 嗡dup台小愚囉人哋節目,砌埋一舊、包裝成自己有份嘅成功節目,真係厚面皮 !

  76. 探 針 : 為 後 京 奧 做 一 個 盤 點

    京 奧 閉 幕 , 中 國 已 成 為 首 屈 一 指 金 牌 大 國 , 遠 遠 拋 離 其 他 對 手 。 京 奧 期 間 , 民 族 主 義 的 亢 奮 與 激 情 , 進 入 了 歇 斯 底 里 的 狀 態 。 狂 熱 過 後 , 進 入 後 京 奧 時 代 , 中 國 是 向 前 推 進 , 還 是 向 後 倒 退 , 是 時 候 做 一 個 盤 點 。
    體 育 運 動 取 得 了 舉 世 矚 目 的 成 就 , 無 疑 是 綜 合 國 力 的 重 要 反 映 , 但 中 國 的 政 治 體 制 , 以 能 夠 不 惜 代 價 迅 速 集 中 資 源 見 稱 , 中 國 幾 乎 用 了 戰 爭 的 動 員 方 式 來 辦 京 奧 , 用 舉 國 之 力 爭 奪 金 牌 , 這 並 非 常 態 , 只 能 反 映 了 所 謂 「 社 會 主 義 優 越 性 」 , 中 國 金 牌 數 目 是 否 與 綜 合 國 力 成 正 比 , 是 一 個 值 得 深 入 研 究 的 課 題 。

    沒 有 提 升 人 權 水 準
    為 了 取 得 奧 運 主 辦 權 , 中 國 曾 信 誓 旦 旦 的 向 全 世 承 諾 : 開 放 採 訪 , 改 善 環 保 , 重 視 人 權 , 並 以 「 科 技 奧 運 、 綠 色 奧 運 、 人 文 奧 運 」 作 為 口 號 。 開 放 採 訪 ? 公 安 打 記 者 的 鏡 頭 , 人 都 見 識 過 了 , 解 禁 幾 個 敏 感 的 網 站 , 絕 對 無 法 修 補 這 種 野 蠻 的 形 象 。 重 視 人 權 ? 京 奧 前 , 上 訪 者 、 民 工 學 校 早 已 清 場 , 異 見 人 士 被 嚴 密 監 視 , 為 了 平 安 奧 運 , 無 辜 的 少 數 民 族 被 當 成 嫌 疑 犯 看 待 , 破 天 荒 開 設 了 幾 個 遠 離 京 奧 場 館 的 示 威 區 , 不 但 冷 清 寥 落 , 更 成 為 誘 捕 申 請 示 威 異 見 人 士 的 陷 阱 , 京 奧 沒 有 提 升 中 國 的 人 權 水 準 , 而 人 權 倒 退 的 事 實 , 卻 全 部 掩 蓋 在 金 光 燦 爛 的 金 牌 和 吶 喊 歡 呼 的 亢 奮 中 。 改 善 環 保 ? 部 份 外 國 運 動 員 戴 口 罩 入 境 以 示 抗 議 , 可 見 一 斑 , 毋 須 浪 費 時 間 再 議 。
    京 奧 開 幕 式 鬧 出 造 假 醜 聞 , 假 腳 印 煙 花 , 假 唱 , 一 度 成 為 討 論 焦 點 。 但 主 事 者 卻 不 以 假 為 恥 , 還 臉 不 紅 心 不 跳 的 辯 護 , 表 示 為 求 完 美 , 為 了 國 家 利 益 , 造 假 又 何 妨 ! 這 種 完 全 違 反 奧 運 精 神 的 歪 理 , 在 狂 熱 的 民 族 主 義 激 情 中 , 竟 然 得 到 不 少 國 人 附 和 。 開 幕 式 造 假 的 爭 論 還 未 落 幕 , 又 驚 爆 中 國 女 子 體 操 運 動 員 年 齡 造 假 疑 雲 。 按 規 定 , 女 子 體 操 運 動 員 必 須 滿 十 六 歲 , 一 九 九 二 年 十 二 月 底 前 出 生 , 翻 查 紀 錄 , 幾 位 金 牌 運 動 員 去 年 參 加 中 國 城 市 運 動 會 的 時 候 , 無 論 是 傳 媒 報 道 , 還 是 領 導 講 話 , 都 說 他 們 只 有 十 三 、 四 歲 , 為 何 過 了 一 年 , 突 然 變 成 了 十 六 歲 ? 面 對 質 疑 , 體 育 官 員 竟 可 在 二 十 分 鐘 內 齊 集 護 照 身 份 證 等 文 件 , 交 與 國 際 奧 委 核 對 , 可 見 我 國 官 員 連 有 人 質 疑 都 料 事 如 神 , 一 切 盡 在 掌 握 之 中 。 接 二 連 三 的 弄 虛 作 假 , 中 國 將 無 法 擺 脫 「 造 假 大 國 」 的 污 名 。

    社 會 矛 盾 隨 時 爆 發
    劉 翔 因 傷 突 然 退 出 比 賽 , 除 了 引 起 國 人 驚 愕 , 還 議 論 紛 紛 , 網 上 流 傳 的 陰 謀 論 層 出 不 窮 。 運 動 商 品 化 在 西 方 也 相 當 普 遍 , 但 中 國 的 運 動 體 制 , 權 力 至 上 , 金 錢 掛 帥 , 視 運 動 員 為 體 育 官 僚 集 團 的 財 產 , 是 搖 錢 樹 , 是 生 金 蛋 的 鵝 , 運 動 員 全 無 主 體 性 , 只 能 淪 為 附 庸 , 這 是 在 中 國 體 制 下 一 樁 無 可 避 免 的 典 型 悲 劇 , 劉 翔 不 是 第 一 個 , 也 絕 不 是 最 後 一 個 。
    山 呼 萬 歲 , 萬 邦 來 朝 , 從 民 族 主 義 角 度 看 , 京 奧 無 疑 是 成 功 的 。 在 激 情 狂 熱 掩 蓋 的 各 種 政 治 、 經 濟 和 社 會 矛 盾 , 會 在 京 奧 之 後 爆 發 出 來 , 令 人 擔 憂 的 是 , 執 政 者 滿 以 為 已 得 到 天 命 授 權 , 會 更 嚴 厲 地 鎮 壓 異 見 。 全 世 界 都 注 視 , 京 奧 以 後 , 中 國 會 否 出 現 大 幅 倒 退 。

    (刊於8月27日蘋果日報)

  77. 大古好多間鋪都有開幕閉幕賣呀!花多眼亂,都唔知買咩好?有嗰妹頭一輪咀講完就話七蚊賣兩隻比我!我緊係唔制啦!二蚊隻我就考慮吓,七蚊點買呀?成個鐘頭人工咁滯!成包咖啡豆錢!
    今日公頭講咩鬼男人買餸定女人買餸,抑或係男女混合買餸?成人羅羅亂!好似比人整古咁,係到講緊我!我先幾日唔係係到同大家講去買餸————-

    不吐不快 // August 24, 2008 at 2:54 pm
    返嚟啦返嚟啦!我返嚟啦!買完餸返嚟啦!

    蝦!無啦啦今日就上頭條,邊咗公頭新聞都有禍?你話啦,649,super 7就無我份!呢的交比公投,讓人打入嚟的付費公頭就有我份!真係唔知係巧合抑或被人整古!
    嗱!咁鍾意玩,我又玩公投:如果你認為我係被人整古,就選答案一;如果你認為唔係,就選答案二;如果你認為係巧合,就選答案三;公投折止時間時今晚十二時前
    答案一: 是被人整古
    答案二:不是被人整古
    答案三:巧合

  78. 橫掂廢柴同A瘟都係老翻台, 執咁一間仲蝕少D.

  79. 答案一.

    請小心!

  80. 好明顯廢瘟d友係呢到既常客 ! 吐佬,你被人反抄襲啦 !

  81. (a) 廢柴漏咗兩個選擇:
    4. 係個 maid 去買餸,
    5. 三餐都係出面食.

    (b) 答案一: 是被人整古

    (c) 你要向廢柴收取知識版權費.

  82. 請小心?小心的咩嘢?使唔使通知聯邦政府特工部門或者特警保護!
    西洋人表達意見,講出事實,批評直言,當面指責質詢,視之等閒;這是人家對事理討論的優點!有次我係西人電視台看著兩個評論員爭辯得臉紅耳赤,有個甚至乎指著對對方說:my foot!
    華人,老虎屁股摸不得!跟洋人在這方面相比,相差很遠!

  83. Thank you for your voting.
    There are 100% vote for Answer 1.
    Voters will be missed as a gift that I can all affort.

  84. 廢柴以及A瘟都要睇這個留言板搵料, 佢地係唔係江郎才盡冇料到.

  85. 月係外國圓?
    明報溫哥華專訊】當西方傳媒大肆鞭撻京奧開幕式以7歲楊沛宜,為台前表演的9歲林妙可(左圖)幕後代唱,造假之聲樂此不疲之際,澳洲媒體驚人踢爆,8年前的悉尼奧運會開幕式的一場交響樂團的大型表演,竟然也是「做假」,台上的音樂家只是表演動作,台下播放的,竟然是另一隊樂團的錄音。
    主辦當局要所有參與當日演出的樂師、指揮等,全部要簽署保密協議,不能公開表演做假的事實。
    主流西方媒體,近日來幾乎都沒有轉載該則新聞.

  86. 自從8月1日起,中國政府取消了對一些外國媒體和國際非政府組織的網站實施的封鎖。

    但是,在中國西藏自治區的互聯網用戶仍不能登陸這些被解禁的網站。

    無國界記者組織還說,在得知一些參加北京奧運會的外國運動員從網上下載一個名為"西藏之歌"的歌集後,中國當局在8月22日封鎖了蘋果音樂下載網站iTunes。

    著名的亞馬遜購物網站銷售這一歌集的網頁也在同一日被封鎖。

    (BBC中文網)

  87. 無間道 // August 27, 2008 at 6:17 am

    佢哋一早江郎才盡,乜你唔知道咩?
    多D聽佢哋D廉價廣告你就會知道

  88. 禮物就唔需要, 只要多D不吐不快.

  89. 月係外國圓? 答案:月係加拿大圓。

    8年前嘅事,就應該8年前爆出嚟,咁至係公正佈道,依家先嚟爆陰毒,幫你呀爺擦鞋,揾鬼信。啲中文報紙只係報喜不報憂,愛國宣傳品全無公信力,還要比錢買,揾你買。

  90. 【明報專訊】今屆奧運中國的金牌數目超越美國居首,但有體育專家告誡,金牌大戶不一定是體育強國,因為前者只是國家投入大量資金重點培訓運動員的必然結果,跟窮國一樣能擁有原子彈一樣,要稱為體育強國,必須在大眾的體育設施上有良好發展。

  91. 都話話咗你地的華人踩單車過馬路要小心!已經死咗三個架啦!咁嚟加拿大咁死法,陰唔陰功呀?又無得賠!!我唔識你地姐,心都痛埋!套死狐悲!唉!小心的啦!!華民,死都要死得有價值呀!!!

    騎單車華婦被車撞倒

    昨午士嘉堡一名華婦(左三)騎著單車行經雪柏大道東夾窩頓大道路口,不知為何遭遇到由一名西人耆老駕駛的本田房車擦撞倒在路口。圖為多倫多緊急救護人員正了解華婦受傷情況。

    http://www.singtao.ca/tor/2008-08-27/1219822728d1249372.html

  92. 今次京奧證明畀全世界知中國係唔需要示威區.

  93. 不吐不快 is an idiot

  94. 路人 // August 27, 2008 at 10:32 am

    路人 or 盲(目反中國人的)人?

    Great Olympic musical deceptions of our time
    Tony Jones August 24, 2008
    http://www.theage.com.au/national/great-olympic-musical-deceptions-of-our-time-20080823-40z9.html
    “…The Sunday Age can reveal that the Sydney Symphony Orchestra mimed key parts of its performance at the opening of the Sydney Games in 2000…"

  95. For eight years it has been one of the best-kept secrets in Sin City.

    When The Sunday Age contacted SSO conductor George “The Big G" Ellis last week, he was not overjoyed.

    “I am unable to comment because I have signed a confidentiality agreement," Ellis said after an uncomfortable pause.

  96. 開幕碟係大都會廣場賣兩皮.

  97. Chinese // August 27, 2008 at 1:11 pm

    不吐不快 is an idiot

    In a sense, yes! You have your reason. Thank you!

    大智若愚!此之謂也乎?

  98. 一班冇受過教育既廢柴擦鞋打手聽眾
    連主持人既名都攪唔清楚就死擦爛擦
    冇知識 囉牛羊當成星座
    貪心 講到出口 成日貪住囉獎品 好帖士
    自私 要求播多o的歌 以便有多o的時間去廁所
    口沬橫飛 不知所謂

  99. 我呢種人,唔會阻人揾食,唔會倒人米;人人都要生活,人家如何找錢營商,各出其謀,各利其行,都係無可厚非;所以人家的廣告如何,節目如何,我無任何說話!人家主持去去留留,亦無興趣,只不過有時的嘢,真係有的那個,一時的火標出嚟,講多咗,自己都係唔好,好容易得罪人多,大家千奇唔好學,無用架!做人做到我咁,真係無X用!自己都鬧自己!

  100. 點只唔需要示威區呀,還有唔需要體育精神、國家信譽、國民生活、表演者尊嚴等等一大堆。

  101. 明報都昂膠嘅,幫亞爺遮醜,狗屁不通,擦鞋擦唔切,八年前澳洲佬點燈,而家中共就有權放火咩!

  102. 原來國際奥委會係歡迎主辦國做假的.

  103. Quis custodiet ipsos custodes? // August 27, 2008 at 1:55 pm

    你嘅語氣似足中國共產黨嘅發言人。是嗎?

  104. To: $25 廣告

    都係少聽之故, 間中聽下係想知道有冇人「退休」.

  105. 用 50 billion 美金贏得 51奧運金牌, 物有所值?

  106. 京奧過後, 好多人會忘記汶川大地震, 豆腐渣工程, 「加料」食品, 黑心用品等等.

  107. 路人,
    中國人 NOT= 中國共產黨嘅發言人

    路人, 你嘅語氣似足"曲線"中國共產黨嘅發言人。是嗎?

  108. 京奧似奥斯卡一樣, 娛樂至上, 造假做戲都會得到金像獎.

  109. 水至清:你所講的四大發明,深入民心,因為很多人受害。

  110. 為何這裏沒有人替中國奪得金牌榜第一位而高興?又或是替加拿大獲18面獎牌而開心呢?有的只是互掲瘡疤,你批我鬥,冷嘲熱諷?找人代唱真的有很大問題嗎?

  111. Quis custodiet ipsos custodes? // August 27, 2008 at 10:34 pm

    路人,
    中國人 NOT= 中國共產黨嘅發言人

    咁,即係反中國共產黨唔等於反中國人。知嗎?

  112. 無證是福
    (陶傑)

    四年後,奧運移師倫敦,倫敦的官員話中帶骨:英國早已是民主國家,不須要藉辦奧運來證明甚麼。

    這句話無意中刺著了許多人的痛處。然而確實當人到了「不須要自我證明」的時候,就活出了境界。 (博

  113. 心水清,
    汶川大地震 係 “發明" == 哥倫布"發現""新大陸", 並命名美洲土人為印度人, 同一樣造假可笑.

  114. The Starting Line: The Finish Line

    But it’s not all hearts and flowers. The Sri Lankan team are back empty-handed, and the Daily News of Colombo asks, “What went wrong for us?” Dunno, but that seems like a harsh question for the country’s eight sportsmen and women at the Games.

    That question might be more apt for South Africa, which sent 135 athletes who returned with a lone silver medal to show for it. The country’s Olympic chief said that might at least inspire the government to increase funding for Olympic sports. “In order to become world-beaters, we all have to work together,” he said, in perhaps the most anodyne statement of the entire Olympic quadrennium.

    http://olympics.blogs.nytimes.com/

  115. 有人係呢到為自己既「產品」曲線做勢.

  116. 廢柴偷橋或者搞針對要學叻啲, 同時要多謝一聲.

  117. 保守黨黨羽,尤其是華裔嗰的呀!!醒的呀!醒的呀!
    今早噫噫爺爺,吱吱咗咗,講兩句停兩秒,慢三拍嗰個戚繼光後人又開咪啦!自由黨開始大吹大雷啦!
    多倫多真係唔係好住,真係問吓你老母呀!好似生活係中華人民共和國一樣,日日夜夜聽緊睇緊中央台中央新聞廣播咁!係你耳邊係咁嗡嗡嗡嗡!想唔冚頭埋牆都唔得!
    保守黨黨員呀,尤其是華裔嗰的呀,快的報告哈拍政府啦!

  118. 香港人 // August 28, 2008 at 6:33 am

    好難講!真係好難講!咁多年奧運,我睇得最少就反而係今年!以前奧運,不論係任何電台電視台,洋鬼同華人的,都分分秒秒,時時刻刻都聽到奧運的消息,邊個國家攞牌,邊個運動員精警鏡頭都會有廣播!今年都唔知攪咩鬼,攪到係多倫多呢到,水靜河飛;的鬼佬攪政治,攪到去我無嘢睇,真係無陰功!
    咁攪法,想攪跨中國的名聲,攪跨中國正面形象比其它西人去了解認識,這種行為要不得!中國辦奧運,有正面形象,應該說是就是;但有網民亦指出有這點那個,那點用得錢多,亦有道理!事情要分開來說,不能一面倒去,官貪民怨,濫權瀆職,有;但社會開放進步了一點,民生改善了少許,也不應該完全抹煞!
    西人對東方文化不了解,以他們那一套極盡表現自我價值的觀念,根本不了解東方文化那種禮儀教化,和天地,融人事那種諸子百家和合的大體統!

  119. The issue is not 代唱. I found that (代唱) no problem too. 又唔係假雞蛋、假老虎、假名牌、假奶粉. No one will die because of that….and it was very entertaining too.

    But few people mentioned that the fake stuff was “中央政治局的領導在聽錄音的時候,給我們提出了意見,必須要作出改變,這個是沒辦法" (from MingPao).

    又話政治唔好同體育掛鉤?? Are 領導 the professionals in music and performaning arts?? One can see why Chinese National soccer team had the worst result in all these years… 因為領導 always 指指點點 at the back (足球迷 mentioned that B4).

  120. 這兩天這個討論區變成幾何學研究中心, 好多人談論曲線和直線.

  121. 薰妮姐真係咁快唔 do, 由亞張無忌頂上, 佢早排係 a 瘟做過, 所以廢柴同a 瘟根本係一個台,

  122. 點解等咗咁耐本地啲憤青都冇去 CBC 抗議佢地係奧運唔播中國乒乓球隊嘅賽事.

  123. 黃毓仁 // August 28, 2008 at 12:39 am
    廢柴也公投代唱問題, 又如何? 在這個自由的土地上, 這個討論區可以這樣做, 連你個 ‘加拿大人民廣播第二台’ 也同樣可以這樣做.

  124. 中國舉國上下心智很不成熟,非常介意外國人怎樣評價自己,是一個極度沒有自信心的族群,花費數千億民資民膏,耗全國人力,旁門左道,無所不盡其極,攪一次奧運會,不過是向人眩耀:你睇我幾威,我得你地唔得。胡錦濤訪問南韓,急不及待誇誇其談,自己評價奧運成績,擔子太沉重了。
    一個獨裁政權,沒有監察制衡,政府可以任意做不以人民福祉為依歸的事情,舉國百廢待舉,卻花錢在奧運會上,中國人民真慘,在英國做隻狗比在中國個人幸福得多。

  125. 呢度好多人都批評中國今次奧運如何不是!對,說得有理!但無人,除咗我呢個idiot批評呢嗰加拿大,尤其係多倫多的洋鬼傳媒攪呢攪路,小動作,無器量的野蠻文明外,其餘的人,都係一面倒批中國,咁就有偏差啦!
    啱啱聽緊"不吐不快",有個女人打電話上去話係酒店有火警,佢地的旅行團走咗出酒店外面啦,無人通知佢地要走火警,問個酒店經理,仲鬧佢地唔識英文,睇夠佢都白痴,走返入酒店!
    何怒也!哎吔吔!中國人華民黃皮膚又被人冷落啦!無人批白鬼,等我嚟啦,鬼佬我最討厭佢地的不良行為,我一於欺負返佢地,一有平嘢,折上折,仲有10蚊送嗰的,我一定晨早七點走去(屎呀)門口排隊,攞盡佢的優惠!哼!蝦我地!一於買哂佢的平嘢!!
    蝦!打完,舒服哂!阿chinese, 你真係啱呀,我係idiot.

  126. 路人 // August 28, 2008 at 1:25 am

    “即係反中國共產黨唔等於反中國人" 係人都知啦!

    好多中國人(義工, 選手, 林妙可, 楊沛宜)為京奧出咗好多力, 花咗好多時間, 好多中國人支持喜歡京奧.

    京奧 NOT= 中國共產黨

    路人 == 盲(目反中國野嘅)人

  127. Quis custodiet ipsos custodes? == 拉丁人
    Quis custodiet ipsos custodes? NOT= 中國人
    非中國人的言論可以不理

  128. 唔係, 好多人係用緊拋物線思維討論時事.

  129. 吟吟吟!(龍吟)嗰位英文佬,chinese呀,瘀人村圖書館個廁所點樣呀?有無改善呀?的人有無沖廁呀?
    下星期二應該宣佈大選啦?你地話係唔係?

  130. 倫敦的預告八分鐘,一眾躍動上巴士的演員,沒有俊男美女,也是所謂群眾,但不是機器的螺絲釘,像一群有生氣的活人,這就是李漁說的「人情物理」, 人情在物理之先,生命凌駕機器,倫敦八分鐘不是太Spectacular,但一樣精采,而何謂精采,視乎一個社會「人」的定義是什麼。

    (陶傑)

  131. 倫敦預告漏了一個非常重要的明星演員就是: 巴士阿叔. 他絕對有能力把氣氛提升到高峰.

  132. 總理哈珀肯定會賭一鋪, 買定離手啦喂!

  133. 陶傑?
    雜誌封面叫雞嗰條友?連塊臉都玩到臘黃嗰個?

  134. 星期六就重播無間道;咁下個星期六會唔會重播老港正傳呢?

  135. 仲有呀!呢條友語文水平好唔掂?不知所謂,文法語句邏輯都唔知寫咩嘢?咁就收錢攞稿費!睇壞人!

    香港人 // August 28, 2008 at 8:13 pm

    倫敦的預告八分鐘,一眾躍動上巴士的演員,沒有俊男美女,也是所謂群眾,但不是機器的螺絲釘,像一群有生氣的活人,這就是李漁說的「人情物理」, 人情在物理之先,生命凌駕機器,倫敦八分鐘不是太Spectacular,但一樣精采,而何謂精采,視乎一個社會「人」的定義是什麼。

    (陶傑)

  136. Non Chinese // August 28, 2008 at 3:23 pm

    Non Chinese = English
    Non Chinese 唔等如 中國人

    非中國人的言論可以不理? What a shame, “Non Chinese" is so narrow-minded.

    “Non Chinese" 你嘅語氣似足壞嘅中國共產黨發言人。是嗎?

  137. 陶傑 語文水平好唔掂?
    “倫敦八分鐘不是太Spectacular" “Spectacular" is not in the beginning of the sentence, so the “s" should not be capital “S", should be “s". If he is stressing “spectacular", then it should be all capital- “SPECTACULAR". Anyway, it might be typo, not his fault. We should be more tolerate, we cannot act the same as those folks who always 盲目反中國野.

  138. 新華社星期五(8月29日)報道,農業部部長孫政才向全國人大常委會報告促進農民穩定增收情況時表示,政府今年將採取八項措施力促農民增收。

    據孫政才披露,2007年城鄉居民收入比擴大到3.33比1,絕對差距達到9646元人民幣。這個比例在2006年是3.28比1。

    北京理工大學人文社會科學院教授胡星斗警告,城鄉收入差距持續擴大對社會穩定不利。

    胡星斗對法新社說,中國政府在社會發展方面別無選擇,如果不改善城鄉收入差距,社會不公將導致罪案率上升。

  139. 《北京青年報》報道,「鳥巢」一年的運營費高達 5000 至 7000 萬元人民幣,為維持場館正常運營,包括「鳥巢」在內的奧運場館正醞釀在奧運會後出售冠名權。奧運官方網站一篇文章指出,目前鳥巢的冠名買家和價格尚屬機密,但一般估計「鳥巢」30年冠名價可能高達數億美元。

    中國新浪的一項調查顯示,在18,596 參加調查的網民中,六成贊成商業冠名,三成七表示反對。

  140. Beijing’s gagged grannies ‘not afraid’

    With their walking sticks, grey hair and bamboo fans, they look as frail as frail can be.

    But they’re far feistier than we’d been led to believe.

    Wu Dianyuan, 79, and her 77-year-old friend, Wang Xiuying, made headlines last week when China’s Communist authorities sentenced them to a year in a Re-education Through Labour camp after they applied to protest in one of the Beijing Olympics’ fake “protest parks."

    The government said it would allow the two to serve their sentences at home due to their age.

    For now, the daily lives of the two women have changed little: They are free to come and go as they please, provided they stay out of trouble. If they don’t, they could end up in a camp.

    That prospect is possible. “We’re not afraid any more," Wu says flatly. “They already tore down our house. There’s nothing left to lose."

    http://www.thestar.com/article/487458

  141. 管教無方咯!管教無方咯!下亂上容,節目總監,電台台長抵鬧!
    陽光早晨仍然抄襲如故,不知進取改善,厚顏如此,華民傳媒真是要不得!

  142. 抄襲呀抄襲呀!
    “在暑期最後一個長周未出發”加拿大多倫多早上九時十分加拿大中文電台廖立暉陽光早晨係咁講呀!
    仲話叫人參加訓練班?自己都無的創意,點去教人呀?正一羞家!

    再話埋佢的節目總監,電台台長呀!管理電台無方!

  143. 大鑊飯大鑊飯!阿爺請食飯?

    老塵,阿爺請食飯呀!返齊嚟啦!慶功讌!唔好3000億呀!錢多到派飯呀!你撞頭埋牆啦!哈哈哈!!

  144. 閉幕禮倫敦亮的一套,一切從簡,不跟中國鬥華麗,一架紅巴士,十多個男女,有中年人、小孩、坐輪椅的老人,撐着灰傘,暗喻倫敦的陰雨天氣,乘單車、趕巴士,很平常的一幅歌舞圖。用大製作刺激視覺,不如小本經營心思。華語電影的出路,許多人說過,不要跟荷里活鬥,應走歐洲路線:人情小品,以小讓大,以淺見深──當年的蘇聯,就是不知好歹,跟美國鬥花錢軍備競賽,結果被美國拖垮,歷史的悲劇經常重複,因為這個世界有太多儍人。清代的雜學家李漁就說:「即在飲食居處之內,布帛菽粟之間,盡有事之極奇,情之極艷」,與法國的狄德羅所見略同:「藝術就是在平凡中找到不平凡的東西」,李漁定論:「凡說人情物理者,千古相傳;凡涉荒唐怪異者,當日即朽」。荷里活的大製作,什麼天魔特攻、蝙蝠俠、盜墓迷城,皆屬「涉荒唐怪異者」,在全世界賺夠電腦打機族觀眾的錢之後,「當日即朽」,今天世界影評人選出來的百年佳作,還是《摩登時代》和《北非諜影》。奧運閉幕禮,倫敦預告,正是由絢爛之極,歸於平淡。倫敦市長尊遜與北京的同行一起出場,身形肥胖,一臉嘻笑,一件西裝上衣只扣一顆鈕,一面走,一面向兩旁的觀眾「手指指」。有憤青即時開罵:這個人的態度「不嚴肅」,對大會「不夠禮貌」。但在一眾臉孔膠繃着的官僚中,唯有這位背影像當年肥彭的市長,才最像一個凡人。奧運不是祭神的聖典,也不是殯儀,只是一場遊戲,遊戲不須要時時嚴肅。這個肥仔,在等待接旗的時候,一臉天真,像等着收到傳過來的一盒朱古力,這就對了,看到這裏,如果閣下覺得吃驚,不是他的錯,是習慣了三星期的色彩排場,一時未能適應,是你有問題。不適當的嚴肅,是一種傳染病,「嚴肅」之下,幽默諧趣的花草不茂,極權高壓的細菌滋生。嚴肅的人,揹着莫名其妙的包袱,自己活得痛苦,也想別人跟他一起受罪。凡事都講深奧的人,必是嚴肅的信徒,活潑輕盈,追求淺白的奇趣,才是創作的高手。看見倫敦市長那副沒正經的樣子,有人覺得他「不夠莊重」,正如一九九一年彭定康來出任港督,不穿禮服,不戴鴕鳥毛的殖民地官帽,不持佩劍,只穿一套灰西裝,也有許多人覺得不習慣,覺得「堂堂港督」,應該莊重點,後來肥彭喝涼茶、吃蛋撻,引起哄動,今天,香港的特首也抄仿這一套,也見怪不怪了。倫敦的預告八分鐘,一眾躍動上巴士的演員,沒有俊男美女,也是所謂群眾,但不是機器的螺絲釘,像一群有生氣的活人,這就是李漁說的「人情物理」,人情在物理之先,生命凌駕機器,倫敦八分鐘不是太Spectacular,但一樣精采,而何謂精采,視乎一個社會「人」的定義是什麼。

  145. 哈珀可以博多幾多個議席? 佢可能會賠了夫人又折兵.

  146. 老婆人地靚,文章自己好,自己篤屎一定唔臭,公厠有人爆石必定奇臭難頂,要掩鼻衝門而出,陶傑文章,簡明易讀,好少人會睇唔明。

  147. 老吐,呀改咗名做老龍,老涎,唉是但啦!邊度邊度有人請食飯?我即刻帶埋個飯盒(食剩打包!)飛撲過黎呀!

  148. 陶傑粉絲 // August 29, 2008 at 10:05 am
    陶傑文章,簡明易讀,好少人會睇唔明。

    講多嘥氣!唔通要我出手指指點點,眉批一二呀?唔好嗱!我又無錢收,咁蝕底,又花神,由佢同埋你呢的粉絲妁繼續玩咯!我已經講多咗架啦!

  149. 老塵!諗吓啦,返齊嚟啦!返齊嚟啦!諗吓啦,無啦啦有飯食,仲有表演睇!你話啦!唔係大鑊飯係咩嘢呀?我以為以前先至有大鑊飯,點知今時今日,中國人仍然有大鑊飯食!

  150. 哈珀呢一招,好嘢呀!
    一。首先打亂自由黨陣腳部署
    二。免去獨立委員會之類調用多咗錢去競選單嘢危害黨聲及倒台危險
    三。莊美街無得去中國,中國無癮。
    四。五五波,兩黨未知鹿死誰手?就算輸咗,小數政府互為牽制,可以一搏。
    五。自由黨環保稅,尚屬初形。未成氣候;聞稅色變,安省人人討厭,現在大選,自由黨推出新稅項,不得人心

    講住咁多,有就再加!

  151. 老塵,唔改名,唔通同人宣傳節目名呀?佢地又無錢比我!九蚊一個鐘,八小時,七十二蚊一日,佢地肯比,我就用呢個名咯!

  152. 陶傑 八分清淺 // August 29, 2008 at 9:45 am

    唔使引哂成篇嘢出嚟,我擒晚睇完下面嗰位人兄的嘢,香港人 // August 28, 2008 at 8:13 pm 已經係google揾咗佢篇嘢,唔好以為我以偏概全!睇小小就批人!其實都唔使點睇,香港人引用嗰段仔,就算同成篇一齊睇,都係唔掂!

  153. 老塵,新聞之王,你估係邊個稱王呀?呢排係鶉春2唔見咗佢報告新聞,會唔會係佢呢?

  154. 肥佬黎:呢次幣,才子馬失蹄,俾人彈佢冇料到,睇怕要請返個捉蟲高手幫生果報睇場,學歷要福建大學(Fxcking U)畢業,專修調理農務系,專責伸手入窿捉蟲,捉完要監生吞,俾多D人工都或者會請到人卦。

  155. 倫敦八分, 洗咗 200萬英鎊(約400 Million US$).

    整個京奧(硬件+16天) 洗咗 3,067億元人民幣(約440億美元= 44 Billion US$). 硬件佔 40 Billion US$. 洗咁多錢係因為之前完全缺乏大場館…北京唔係洛杉磯, 洛杉磯乜都有.

    京奧賽後相繼啟動利用硬件改造, 整個奧運中心區將形成一座集賽事、休閒、餐飲、文化於一體的奧林匹克主題公園,而「水立方」內的水上樂園也定於年底開工。「鳥巢」搭建成集購物、餐飲、演出等業態的綜合體育文化中心。必將成為國內外遊客爭相遊覽的新景點。

    其他基礎設施都對北京市民日日有利.

    錢無白洗嘅.

  156. 陶傑粉絲 // August 29, 2008 at 1:24 pm

    比我彈兩句話唔掂,就要吹雞射箭,你有咩用呀?仲叫自己係陶傑粉絲!仲要講粗口,揾打手!唉!好心你啦,你呢的人種特性,正正就係陶傑日講夜講嗰華民咯!好似你咁,洋人揭發咗奧運嗰妹仔咪咀,的煙花腳印係假;如果係我講,咁你唔係即刻攞原子彈嚟炸我!反省吓啦!我唔會指指點點,教人寫嘢!呢的係功力,點會咁輕易指點人呀!你鍾意睇佢的嘢,唔係睇囉,我又無阻止你!

  157. 好一個[瘋繼續吹]
    潘才子今午讀散文: 地處一(偶)
    我(隅)然聽聽,不覺(矢)笑
    “馮京" 可作 “馬涼"

  158. 高度推薦牛黃兩位去尿立廢嘅訓練班, 課程包括:

    • 快閃功
    • 「在 xxxxx 出發」口號用法
    • 買649 及 Super 7 嘅心得
    • 無間道手法
    • 一腳踏兩船必修

  159. 都話咗你地!見龍在田,真係教而不善!叫咗你地唔好聽埋D垃圾!而家快D走去廚房,同我舉高部收音機撼埋碰牆度!再唔係就一嘢掟穿玻璃窗成部嘢飛射去後園!
    日日聽埋D咩瘋繼續吹,筆套不塊,D鐘聞情道日吹下降,友板里睇,我塵廳長就係往時比廢柴圖毒得泰多,搞到而家D乳言九屁不通,仁唔似仁鬼唔似鬼,衰然戒廳咗大半年,但刀仲餘毒未青,有時法神經!回頭示岸呀,聽我講,咪再聽喇!

  160. 老吐,鶉春2?都話佢回流咗去香港咯,唔係咩?

  161. 塵廳長兄,
    1430都唔係無好節目嘅
    好似薰妮姐個節目唔錯,可惜[未曾深愛已分離]
    跟住張無忌個節目都唔錯
    1430好嘅節目大都是外地制作
    溫哥華1470似好d
    多倫多似無乜廣播人了

  162. 哈!分離分離,真係你薰埋我果份算數喇!
    張無忌?算吧啦,以前佢講係好聽呀,但咪又係比D中共擦鞋仔逼到收咗聲,搞到要起溫哥華電視推銷D精品,咩1蚊一個開罐頭器,1蚊一支隱形墨水筆,真係冇陰公呀!

    唉唔講呢樣喇,啱啱睇緊蘋果日報,真係眼都凸埋!

    毛 孟 靜 後 來 居 上   首 超 越 涂 謹 申 評分:

    【 本 報 訊 】 立 法 會 九 龍 西 選 區 的 選 情 近 日 出 現 劇 變 。 民 調 支 持 度 一 直 徘 徊 於 區 內 頭 三 位 的 民 主 黨 涂 謹 申 , 近 日 支 持 度 有 下 跌 趨 勢 , 最 新 一 輪 民 調 更 顯 示 , 其 支 持 度 首 次 被 公 民 黨 毛 孟 靜 超 越 , 支 持 度 比 該 區 爭 取 最 後 一 席 的 社 民 連 黃 毓 民 , 只 略 高 不 足 一 個 百 分 點 , 令 其 選 情 突 然 變 得 緊 張 。

    真係發神經呀!蘋果係撐公民黨就係人都知,但呢個乜春民調黎呀?有冇人信呀?毛孟靜會贏到涂謹申?係咪食懵咗呀!人地個個做D民調都話毛姐失民心,聲望大跌,你個蘋果無端端又爆個’民望急升’出黎,有冇假D呀?肥佬黎真係尷粗黎架喎!

  163. 龍涎,似乎係你要返省吓,春秋、不吐不快都是你的代號,你寫的言論都是語無倫次,快啲去買平嘢啦!無謂喺度獻醜,亂作批評受尊敬的作者,你有資格嗎?寫好啲嘢,才講啦。但我唔會叫你白痴。

  164. 抵讚嗰網頁主持人,好快更新!
    老塵!唔好叫我老吐咯!我係龍呀!改咗做龍涎!叫我老龍啦!
    嘜鶉春2嗰隻老雀走得咁快呀!咁新聞之王,邊嗰會稱王稱霸咁沙塵呀?
    撼埋碰牆,你呢?你睇劇睇到失瘋心!仲有口話人無口話自己!話個秘密比你知,我有九年無睇中文收費電視啦!窮到個戶口得千五蚊頂住每個月唔使扣銀行收續費!同我鬥窮,你未夠斤量!
    超!你的中文,我未見過有咩嘢特別禍?呀獨孤求丙作詩都見過,你?屎屎尿尿就提得多,作詩作對未見過,所以唔可以叫做好文采!
    開飯啦開飯啦,食咗先再返嚟掃塵!

  165. 龍即是蛇,涎即是水,蛇多口水,亂乜咁噏,你應反省。

  166. 嘩!你就講得輕鬆,開個咁嘅party,兩個禮拜使成四千億人民幣,足夠全國20年教育總開支,好濕碎啫!領導人出風頭,難委D人民要勒緊褲頭帶,鬼叫你係中國人呀,慢慢捱啦。

  167. 發矛啦發矛啦,
    路人 // August 29, 2008 at 6:46 pm
    不平人 // August 29, 2008 at 8:38 pm
    我語無倫次,係呀;白痴,係呀; 我全部都知呀!你見到我獻醜,咁就恭喜你啦!你知道我醜,咁咩嘢係美,你都欣賞到同埋知道,咁唔係好咯!值得替你高興!
    我無批評你尊敬的作者呀(你尊敬邊嗰作者?都無講到)?
    我寫嘢係咁架!寫咁好嚟仲咩嘢?廣東人香港佬,緊係講廣東話入文架啦!仲要我寫白話咩?還掂的華民(中港台三地)攪呢攪路,好事多為,講咩嘢中文水平呀!由佢地直接了當口語化仲好啦!

    不平人!!龍即係蛇?涎即係水?…….好心你不如直接了當問候我仲好啦!轉灣抹角,詞不達意,文不成章!

  168. 咭咭咭!
    龍即是蛇?咁中國十二生肖,龍年即係蛇年!!咁即係咩嘢意思呀?十二生肖,即係得番十一生肖啦!今古奇談呀!你有前途呀*不平人*!
    咭咭咭!

  169. 咭咭咭!
    涎即係水?我查字典,涎係解作口中的津液。唔係水咁解禍!*不平人*第日我無嘢撈,做企枱,如果我知道你嚟幫襯,一定整幫你沖壺靚水(龍涎是也)。
    咭咭咭!

  170. 唔使發矛,又係你辣著個火頭先嘅,預咗有人回應你架啦,唔通你禁得住人地把口咩?陶傑文章唔會因為呢個留言區有一兩個人彈或讚而受到影響。

  171. 路人呀路人!買平嘢?上星期介紹咗啦!8G HP SD HC CARD $24.99
    今個星期又唔同啦!自己比較吓啦!睇吓係唔係蝕底咗?慳10蚊8蚊,要做成個鐘頭先至有架最低人工!!

    B_buy
    SanDisk 8GB SD High Capacity Digital Memory Card
    Price: $34.99

    F_shop
    HP 4GB SDHC Class 4 Memory Card
    Our price: $19.99

  172. 咭咭咭!唉!我都唔知你個*陶傑粉絲 // August 29, 2008 at 9:25 pm *識唔識廣東話話發茅啦發茅啦點解,你連上文下理,我想表達的意思都攪錯哂,點同你對答呢?
    識廣東話的人都知,我係講緊*路人*同*不平人兩個人發哂茅係咁啄我,故此我話發茅啦發矛啦!唔係我用矛射佢地,唔係同佢地開火,你了解錯咗啦!上文下理再睇多次啦,唔該!

  173. 耶!有仇咩!我無聽到今日呢段嘢呀!都唔使咬牙切齒咁話人呀嗎?我好多時都分唔清,甚至乎讀錯偶隅兩個字,無咩出奇,咁都唔使仇恨到話要恥笑人呀!整古造怪將個矢字加個括號,恥就恥啦,寫明自己想恥笑人啦!唉!心空狹窄,些少字音,呢兩個字我都會讀錯,有時起碼碼都要一兩秒定一定神先至攪番清楚!我係龍涎,你又係龍,真係一龍生九種,種種不同!
    開胸做人啦!咁少既事,都咬牙如此!頂你唔順!

  174. 蛇口水
    騎騎騎
    你俾人群摳,就轉移視線黎我度,
    哈哈哈
    我唔同你,你係龍又好,係蛇又好,响十ニ生肖同其他雞豬牛羊一齊
    我不過係一個行過田邊見到有條龍伏响度既普通路人甲

  175. 你都傻架!我使轉移視線!我已經三兩嘢打發咗佢地啦!明眼人一睇就知,你都知架?使咩扮夢?
    咁又唔係呀,說話唔係咁講呀!十二生肖,人人有份,係人都有份,你話你無份,我反而覺得好奇呀!
    你真係心胸窄呀嗎!兩個字就係到造大恥笑人,又要整色整水括號括住(矢)笑!唉!咁小家,我都唔係好鍾意同你講話!有的不快!從未試過係咁!就算老塵佢地,笑吓佢,抵吓佢,玩得都好開心,你?唉!唔多講!

  176. 點呀老涎,做咩又辣到咁罄呀!算吧啦吹下水嘅嘢,咪咁容易上頭啦!拿咪鬼又東島長離呀拿!
    呀話時話乜呢輪唔見咗阿姣婆蓮嘅?唔通佢又回咗流?

  177. 嗱!唔好話我唔講聲呀,老塵,我窮得好緊要,唔著草鞋走佬唔得!我話比你知先,我真係早你一步溜人!
    唔係講笑,最多仲有十日八日命係呢個網頁,以後都無咩機會上嚟!你好自為之啦!同是天涯淪落人,相逢何必曾相識!大選之後,睇吓你仲有無得做廳長?掃塵?唉!

  178. 真係無啦啦又比你講中,有時一語成籤!真係唔到你唔信!本來都唔講,點知你就講中咗;好似話係香港比大樹窄死個妹頭,報紙話佢同朋友先一日話做人好化學,好容易去咗之類說話,點知就真係出事!
    一江春水向東流,我今次真係向東流!
    我都唔知點解你會講長離呢句話?唉!天意!

  179. 更年期又無乜出路係容易扯火D
    我們都好理解

  180. 啋!老涎,做乜講埋d衰嘢!咪走啦!至少都等多一陣,過埋個中秋先啦!我收番我句話嘞,咩東島長離,吐口水講過!冇咗你起度維持治安,呢個留言版又死吓死吓,一潭屎水,害蟲肆虐架喇!
    唉,雖然我塵廳長自己都時日無多喇!廳長?算喇我而家都視虛名如浮雲!咪喇,老涎,連你都去埋東島,不如我跟埋你去喇, 一齊走!

  181. 超!睇返你自己寫過乜野先:

    龍涎 // August 29, 2008 at 9:05 pm
    發矛啦發矛啦,

    你唔好咁奸茅,你把口大D,大到口水流哂出黎,聾涎,咪即係口水虫囉。

  182. 老塵,真係越泥越討厭華人;掙的撞車,你估係邊到呀?就係萬錦廣場!九曲十三灣,的停車路牌有鬼用,掙的比條中坑係咁駛入嚟撞我車頭!無事,比我都唔去嗰度!
    好啦!落返去風華禍頓條路,突然比駕四驅凌志黑色車係我車身無端端響安!由於事出突然,響安聲又大,即時比佢嚇咗一嘢,因為唔知發生咩嘢事!你估係咩嘢,四驅車凌志走都走唔切,我追上去睇吓,交通燈又幫埋我,紅燈;車上你估吓係咩嘢,四五條華人無家教披頭散髮十廿零出頭的衰仔同衰女,開車嗰條死仔望都唔夠膽望我,其餘嗰的真係狗頭咁笑騎騎,的牙露哂出嚟,五官三尖八角,無個好樣,對住我笑騎騎!你話啦,呢的衰仔衰女,渣凌志四驅車,不守交通,任意響安捉弄人,早的撞車死咗去啦!佢的父母都仆街,廿歲就比係咁縱容佢地,比部咁貴汽車比佢地咁威法,所以的華人個名咁臭,食大麻啪丸仔,玩女仔玩男仔,唱K,仲有咩嘢叻呀?太古萬錦城市,好鬼多人,一人一碗飯都唔掂呀!十三億人口太多,呀!頭先嬲到我,死咁一半人口,無哂呢的衰仔衰女幾好!

  183. 唏,老涎,晨早都同你地呻過架啦!幾個月前我咪留過言囉,起質咗400幾個留言果板呀,咪話有個周末下晝開咗車上去萬錦市,咪又係比d膿包激到我死囉!你仲叫我咪鬼咁罄添!拿!而家你都體驗過喇!萬錦廣場果個三叉口係真係食哂屎架,果d蛋散真係橫衝直撞,理得你死架!d人係好仆街架,我都早講架啦!而家萬錦同烈市真係趨向淪陷架喇,就黎同士嘉堡差唔多!可能仲衰添,士嘉堡d人賤賤格格,都係開架corolla,civic仔,但上面果頭d人有錢d,真係學你話齋d乳臭未乾嘅開住凌志同bmw通道走,囂張拔扈,目中無人,罪加一等!

  184. 你都知我個為人,好少講嘢講到咁激,講的說話根本唔係我自己嗰個性!好心啦,有錢都要立品架!橫衝亂撞,你的仔女死到阿媽都唔認得都唔使可憐!事關無家教,唔識教,物質極盡奢華,不可一世,有屁用咩,影衰哂我係多倫多生活,出出入入都被的西人定形定性,皆因上面班港產同大陸產造成!
    唉!你估我唔媽媽聲係都鬧中國攪奧運用咗3000億或以上呀!呢度的人都係講得有道理!今日我成日諗,我由1數到3000,都有排數啦;何況話1億,何況話300億,何況話3000億?以前回應的網民嗰陣時,抱住一種心態,算啦!生米煮成熟飯,唔通點呀?但係個心真係好傷!我夠多中國人農民細路讀書教育房屋民生等等問題係要政府去幫忙,的錢洗到咁大,真係好該煨架!
    唔識講,亦都唔知點講,由1數到1億,今晚唔瞓數到天光都唔掂呀!何況話3000億?好傷呀!

  185. 第一集完: 中國用咁多錢辦奧運, 有 51個金牌.

    第二集仍然進行中: 汶川大地震嘅善後, 成績如何, 可不可以得到金牌?

  186. 汶川大地震, 每個有錢仔城市都要各付一百億, 加起來可能又是另一個3000億 project, 不過, 今次不用show金牌, 高幹會更快速把錢中飽私囊.

    從今次奧運點滴裡反映, 未來二十年都不可能出現反貪污的行動, 因為建設是進步了, 但行政仍然落後如六四之時, 記者不可除便影相, 遊客也有被限制入境, 香港明星去預備開幕閉幕大會演, 為了兩三分鐘的表演, 給大會禁閉於酒店幾天, 不得外出及觀嘗奧運, 為的是高度機密, 唱一首半首歌, 又不是獨唱, 什麼芝麻綠豆都是高度機密.

    總之, 一些中國人是富裕了, 但中國是沒有進步過, 就算有一百個金牌又如何?

  187. Sisi // August 31, 2008 at 4:31 pm
    加拿大記者不可除便影相, 加拿大是沒有進步過?
    It is disturbingly common in Canada for police to arrest or detain photographers who take pictures they don’t like.
    http://www.thestar.com/article/487990
    Aug 30, 2008
    Kelly Toughill
    Three years ago, Halifax photographer Scott Dunlop was locked in a police cruiser after he refused to stop taking pictures of an RCMP officer involved in a car crash.
    Last year, CBC cameraman Don Scott was arrested in Winnipeg and his tape was seized when he refused to stop filming a standoff between police and robbery suspects holed up in a private home.
    Last year, Vancouver police detained Channel M videographer Ricky Tong for several hours after he filmed a police shooting at a Vancouver gas station.
    Last week, Winnipeg police handcuffed freelance photographer Paul St. Laurent and locked him in a cruiser after he took photos of officers using a Taser on a robbery suspect.

  188. 啲貪官個個都攞金牌,點只一百個。

  189. 煲呔曾一向親疏有別,對運動員也不例外。香港運動員在北京奧運空手而回,返港時機場冷冷清清,不見任何港府官員的身影。這次國家奧運金牌選手訪港就不同了,港府高層幾乎空群而出,煲呔曾更是由頭陪到尾,做騷做到足。難怪網民給他起了一個新綽號:金牌擦鞋仔 – 專擦金牌選手的鞋,可謂實至名歸。

  190. 江麗芬﹕奧運與國運

    翻開8月19日,牙買加飛人保特 贏 得首面田徑金牌後,當地的《觀察者日報》網上版,除了報喜謂保特成為牙買加奧運金牌第一人外,內文沒有將保特的成績放大,更沒有將牙買加的國榮掛號。

    4年前,當劉翔為中國贏得田徑場上第一面金牌的時候,舉國振奮,覺得中國人衝破了不可能。劉翔亦迅速成為中國人的寵兒。

    劉翔自傳《我是劉翔》說:「雅典回來之後,生活確實變了很多。我住的寢室樓外,掛起了『向劉翔學習』。」

    向劉翔學什麼呢?說穿了,就是向劉翔學習如何為國爭光。難怪劉翔感嘆:

    「贏了冠軍,我沒了自由。」

    雅典奧運過後,大家對劉翔的期待不斷提高,直至劉翔退賽,舉國同聲一嘆。

    所以過去兩個星期,每當讀到以感情洋溢的筆觸,報道中國隊奧運新聞,說到他們如何盛載中國13億人民期望的時候,實在難以叫人同喜,只能叫人覺得做中國運動員,實在太沉重。

  191. 奧運結束,數年來沸沸揚揚的奧運經濟概念也隨之落幕,確會為經濟帶來更多不確定因素。中央領導人也並非看不到這種趨勢,並提早為奧運經濟概念降溫。八月一 日,國家主席胡錦濤接受外國傳媒集體採訪,就明言奧運對全國經濟發展的推動作用不宜估計過高。回應胡錦濤講話,八月三日《南方都市報》發表社論一語道破: 奧運經(濟不具統領的實力,沉溺其間有害無益。國家主席是實事求是,把對奧運經濟的過度期待拉回常識。

    不僅是經濟,近期大陸官方在各方面都為奧運熱降溫。總理溫家寶會見率團出席奧運閉幕式的美國勞工部長趙小蘭,恭賀對方說:"你們(美國)的獎牌總數還是第 一名!"官方新華網也發表評論說,金牌大國不等於體育強國,中國青少年體質令人憂慮,中年人亞健康現象逐年增加,體育鍛練並沒有成為大多數人的生活習慣, 民眾應冷靜看金牌榜,期待金牌熱能帶來群眾體育熱。

    官方謙虛談奧運,固然是表現了泱泱風度,但是否也因為預料奧運後經濟和社會形勢都會頗為嚴峻,有需要先行降低人民期望?

    BBC中文網


發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s

分類

%d 位部落客按了讚: