發文作者:kahoo | 六月 7, 2008

陶傑: 觸怒美國人

持有美國護照的華人,如果肯跟我們談話,無論IFC 的咖啡座還是蘭桂坊的酒吧,都有令人如沐春風的感覺。

Elaine 的表妹剛從華盛頓DC回來(她暱稱為DC),一條吊帶黑裙子,一對小眼睛的單眼皮抹了一層Mac淡紫色的眼影,古銅色的皮膚,抽著一根萬寶路,很興奮地談論著美國大選的選情。

「當然是奧巴馬,」她食指和中指相扣,發出「得」的一響:There’s no question 我們大學的所有人都選他,他一定贏,Yeah!一面豎起一隻V字手勢,向前重重一摔。

她那麼型,而且又剛從美國回來,擁有巨大的權威,在酒吧之中,登時形成一種壓力,一干Happy HourCEO酒友,當然跟著表態:這個說奧巴馬靚仔,那個說奧巴馬英語了得,魅力四射,大家恨不得化身為美國選民,跟Elaine的表妹飛回美國投票。

我默不作聲。型女發現了我的離群,夾著煙蒂的那隻手向我指指:「你呢?你會選誰?」

我會選誰?這位型女直腸直肚,鬼妹作風,很討人歡喜,但對不起,一來,我有時也有點鬼仔作風 ─ ─ 你知道,在外國,大選時探詢人家支持哪一個黨,有如探詢人家的性傾向、每月工資多少,是一種很 offensive 的行為。型女的英語,雖然一嘴巴的加州美腔,但我認為,她在這一點上,露了一點點唐人街 DNA 的老底,我不太欣賞。

二來,我不喜歡政治表態的壓力─ ─ 她以為這是紅衣人迎聖火的街頭表演,你歡呼,她也激動,然後一齊力竭聲嘶×那個雪山獅子旗的美少女?

Come on
,別來這一套。我說:「我會選麥凱因,McCain,他是我的偶像。我一早在《蘋果日報》表了態,我看好Old Mac,我認為他會贏,如果他不,我會覺得很詫異。」

Elaine 的表妹那隻指向我的手,在半空中凝住了。她驚怒的表情,令我以為剛才發表的幾句話,如同四川大地震的天譴論。

幾個朋友也有點尷尬,他們不明白,奧巴馬那麼紅,那麼 in,那麼受年輕人歡迎,這位 uncle 為甚麼與時代如此之脫節。「你是在說笑吧?」其中一個有點窘, 因為今夜的主角女王,好像因我的立場深感冒犯,而她剛從DC 回來,人家是客人,我們不顧念她的感受,好像不那麼好。

「不,」我凝視著型女那對單眼皮上的兩抹淡紫色:「我很認真,我想見到麥凱因大叔贏九條街,而我相信他會。」

But why? 型女驚問:「為甚麼你不喜歡奧巴馬?」

「不喜歡就是不喜歡,或者是他的look,或者是他的聲音,這是沒有理性的。」我淡淡說。

一夕無話,大家有點掃興,有一個比較體貼,即刻轉換話題,講新上畫的《奪寶奇兵》。我上廁所小便,震了一下,不知是不是虛怯,因為,噢 My God,我觸怒了一個美國人。


Responses

  1. 這個係代溝, 「老餅」多數會選麥凱因.

  2. 做人真的不要太CCTV
    http://sports.cctv.com/20080605/105378.shtml

  3. American egocentrism: You’re either with us, or against us.

  4. 真的是CCTV,非常真實。

  5. 春秋君:

    1. 你真的不明白tin6111的意思嗎? 他在另一話題[陶傑: 觸怒美國人]也貼上這一網上連線, 並加上一句: [做人真的不要太CCTV].

    2. 那篇報導是香港支聯會於六月四日晚在香港維園為六四事件舉行的燭火晚會. 今年的晚會, 同時悼念四川大地震的死難者.

    3. 報導以這晚會是只為悼念大地震的死難者, 對聚會主題:[六四十九周年燭光悼念集會]及[六四事件]隻字不提.

    4. CCTV今次作了一個[很好]的示範, 就是即使沒有說謊(參與那聚會的人, 真的也哀悼地震遇難同胞), 只說出部份的事實/不說出全部的事實, 也足以達到卑鄙的目的.

  6. 陶傑可能係生理影響心理, 副交感神經反射, 尿震引起怯老美症.

  7. If Clinton was picked, she will beat McCain without any sweet. There is a good chance McCain will beat Obama. Before Obama vs Clinton fight, I would say Democrat would have 80% of chance to win. Now, it is 50/50.

    The Republican supporters will support McCain. A chunk of Clinton supporters will not support Obama. These people may support McCain or will not vote at all. McCain is not a typical Republican. He can attract Clinton’s supporter. He was always a bridge between Republican and Democrat.

    McCain as a president can unite both Republican and Democrat in the house like he did before. That is he can get things done. If Obama is chosen, he would not get thing done because his bill won’t be passed in the house. That is whatever he promises will be kept as is.

    The reason to choose Obama is similar to the reason why Ontarian chose Bob Rae.

  8. 陶傑, You can’t handle the truth!

  9. 做人真的不要太CCTV (http://sports.cctv.com/20080605/105378.shtml)

    咁都得﹖﹖ 簡直離晒大普﹗﹗

  10. 好容易又八國聯軍打香港.

  11. 我諗選麥凱因嘅有以下嘅人:

    1. 同情佢以前做戰俘時為美國俾人打到嘔電
    2. 鍾意選白人
    3. 贊成繼續在依拉克註軍打仗
    4. 共和黨支持者
    5. 鐘意老誠持重嘅人

    如果我係陶傑, 就一定問問 Elaine, 睇姖除咗知道 Obama 係後生過同可能有魅力過 McCain 之外, 政績上有乜嘢好過 McCain。 如果 Elaine 頓然張大口得個窿嘅, 我先至上廁所小便, 就算震多兩下亦值得, 因為知道至少有一個美國人, 只識合埋眼投票, 國家有如此無知選民, 枉住喺世界最富有國家內。

  12. 如果陶傑唔係美籍華人, 佢無權投票畀麥凱因, 所以諗番起就噢 My God, 虛怯, 並且打震.

  13. 嘻,嘻,打尿震都要長篇大論,咁多前因後,嘻,嘻!麥凱因?都唔錯吖,嘻,學老丙話齋,夠老成!奥巴馬?我都唔知佢咁多,淨係知佢好似我以前用開隻黑人叔叔牙膏上面個嘜頭!

  14. 橫掂未瞓,等我渲泄多兩句苦水!李家豪,借用你一格仔地方,麻煩你通個方便!
    話說我今日揸車去咗烈治文山同萬錦,一連幾次都起路上遇到D好不濟嘅司機,而咁啱得咁橋又竟然都係唐人,真係令人把幾火!
    第一單,下晝大概4點半,位置,MajorMac東行線,就黎去到kennedy路口,果度有修路工程,雙線收單線行車,有架近呢3年款嘅灰色豐田corolla,起度橫衝直撞,衝到去路障前面兩呎先飛插入黎cut入去條單線,仲要唔打燈乜都冇,超危險,駛近D一望,係個中年唐人阿叔,隔離坐住個女人!
    第二單,大概夜晚8點半,起萬錦廣場入口!話說萬錦廣場前面有個T字路口位,轉左入去(向北)就通去戲院方向,轉右(向南)就去食肆方向,而個T字路口係只有左右兩邊有stop sign,即係換句話講,起外面入黎(向東)果D車係唔需要停,就可以直接轉右,反而係南北兩邊方向果D車就要停stop sign讓路!咁話說我就正正係外面入緊去,冇stop sign嘅,去到路口剛想轉左,竟然有個中年唐人阿叔(中年,灰白短髮,帶眼鏡,同D屋企人)揸住架銀色jeep(唔知係rav 4定lexus定乜),由南面直衝去北面,起我眼前橫過!最頂肺係佢唔停低讓我之餘,仲要一邊駛過一邊拎個頭啤過黎,眼超超對住我兼口up up好似咒咀我唔守規距咁!我頂,真係罄到我!唔該你D人,未考牌就唔好出黎揸車!stop sign都唔識睇!仲要惡人先告狀,不知所謂!一個又係咁,兩個又係咁,冇品到嘔,橫衝直撞,目中無人,狂妄自大,影衰哂D華人司機!睇下萬錦同烈治文山幾時比你推友整沉,搞下搞下又變埋士嘉堡,咁就好笑咯!
    去萬錦廣場,下次都係諗過先!唔該你D人以後碌大隻眼睇清楚入口裡面果個T字位,唔係all way stop sign黎,而係兩邊stop,一邊冇stop,睇清睇楚!唔識睇牌嘅就番去考番個車牌先好出黎揸車!

  15. 塵廳長:

    • 無打燈 cut in, 因為佢諗你一定會踏 brake 慢車, 唔敢撞佢架車.

    • Stop Sign 係畀白人以及識英文嘅人用的.

  16. 嘩!針吉到肉,痛咯痛咯!痛到點半鐘仲係到鬧的血膿唔乾淨!衣家求丙應該知道點解costco賣GPS的膿胞唔騷佢,講多兩句都廢事!積積埋埋的怨氣,見到老外緊係好過的膿胞啦!
    烈治文山萬錦市士嘉堡,膿胞縮埋一面呀,做地頭大佬大聲大,全部廣東話普通話,好有FEEL架!
    針吉到肉知痛,咁樣先至呱呱叫,你唔係好咯,無話棋衝直撞撞Q你,撞到阿媽都唔認得你,撞到反咬係你犯規要你賠償又要叫差佬鎖你….架車!咁你禽日就執到啦!
    唔好理的膿胞啦!死症嚟架!鬧得幾多呀?等的差佬去多的膿胞出入地方,比多幾張告票,的膿胞實去電台吐苦水,到時你又打上去回應,講你的經驗,平衡吓的膿胞所作所為,唔好等佢以為扮弱者,有口難言,唔識英文,比人屈嗰副嘴臉!
    我打,我打,我唧我唧,唧走你的膿胞,嘩,好毒呀!唧哂出嚟!

  17. Defensive driving:

    Safe driving is a form of training for motor vehicle drivers that goes beyond mastery of the rules of the road and the basic mechanics of driving. Its aim is to reduce the risk of driving by anticipating dangerous situations, despite adverse conditions or the mistakes of others.

  18. 又係打小人的季節, 如果有人持續危險駕車, 可以 call police.

  19. 亞Elaine 嘅表妹一定係 trigger 左陶傑嘅崇洋 DNA.

  20. 哎吔!打膿胞打出禍嚟啦!打到成手都係膿毒,盞的死人啦!
    樓上嗰個無間道,你無睇禽晚omni 2八點鐘大電影重播又重播之兄弟咩!直頭係陳逆信去報警嗰的口吻!
    老塵,今朝打完上嚟,即刻出門去百寳商場買嘢,我排架車去到商場嗰MALL入口大招牌入口左手面無人肯去咁遠篤篤拍車,怕左的膿胞!走嗰陣時,打右燈想轉入第一個停牌,然後要停係停牌,再打轉右燈轉出直路駛去大馬路WARDEN同個mall入口;我係第一次打右燈轉出第一個停牌時,有個師奶渣住駕車駛左入嚟係停牌對頭另一半停左係到,首先佢又無打左燈話要轉入我個方向,車又大又佔過半地方,停係到唔沃,我知道唔夠位轉出去停牌,否則後輪車軚一定撞石摶,睇吓佢想點啦?點知佢唔理三七廿十一,轉左打斜係穿
    過嚟搶住我左手面第二個停車位;睇住佢駕車車身斜吓斜吓差唔多擦我架車左手面車頭,OH, MY GOD ,WHAT THE HELL WAS SHE DOING?死啦死啦,今次無啦無啦,即刻響銨警告佢啦,佢當無到,直駛,我又再按多次,佢睬你都傻,斜駛朝住車位進發;我知死啦,遇著個癲婆,即刻將盤軚扭向右面避開佢斜住隊過嚟!當我轉緊軚時,呢個師奶大大聲用廣東話話"我要拍位呀嘛!!"係我司機位左面字字入耳!OH!我停左係到三秒,盤算要點了結呢件事?落車罵她?同她理論?抄底車牌向警方商場保安投訴?三秒之後,我選擇了鬧也廢事,即刻離開現場!
    無話可說?我隻耳仔衣家仲係聽到個女人聲係到大叫"我要拍位呀嘛!"

  21. 「兄弟」結局終於得番一張空凳, Eason 陳無勇無謀, 佢唔同Al Pacino 嘅 Michael Corleone.

    應付癲婆, 只有離開佢三公尺鬥癲, 唔係就忍+忍+忍.

  22. 1. 首先, 我必須再重申, 沒有意圖對史東事件窮追猛打. 我於此重提, 皆因我在香港myradio網上電台聽到一段有關史東談話的討論. 可讓我們聽聽[其他人]的看法. 那是6月6日由蕭定一、黎海珊及Arbert、Ava(羽翹)主持的節目. 它的連線是

    http://www.hkreporter.com/myradio/channel_list.php?channelid=121&prnid=3661#36611

    2. 我這裏所指的[其他人]. 是指不是屬於如下這兩極端的人

    甲. 憤青/充滿民族/粹主義思維及支持採取嚴厲行動攻擊史東女士者

    乙. 認為史東女士的心態/態度/談話內容完全沒有問題者

  23. 唔知 CCTV 有無提過「豆腐渣工程」, 可能只提四川地震.

  24. 內 文 不 避 諱 :48000 人 … … 向 烈 士 紀 念 碑 獻 花
    央 視 網 破 例 報 六 四 集 會
    【 本 報 訊 】 六 四 , 從 來 都 是 中 國 政 府 的 禁 忌 , 內 地 官 方 傳 媒 一 直 不 敢 越 雷 池 半 步 。 中 央 電 視 台 的 網 站 卻 在 6 月 5 日 報 道 , 香 港 4.8 萬 名 市 民 在 維 園 參 加 哀 悼 四 川 地 震 遇 難 者 的 燭 光 集 會 。 縱 然 沒 有 提 及 集 會 同 時 哀 悼 六 四 死 難 者 , 內 文 卻 毫 不 避 諱 提 及 市 民 向 「 烈 士 紀 念 碑 獻 花 」 , 也 如 實 地 道 出 集 會 在 6 月 4 日 這 個 敏 感 的 日 子 舉 行 。 支 聯 會 與 不 少 學 者 都 認 為 , 這 是 內 地 傳 媒 人 以 「 擦 邊 球 」 方 式 , 曲 線 表 達 對 平 反 六 四 的 未 了 願 。   記 者 : 許 偉

    http://www1.appledaily.atnext.com/template/apple/art_main.cfm?iss_id=20080609&sec_id=4104&subsec_id=12731&art_id=11208506

  25. 陶 傑 短 評 : 血 液 熱 指 引 混 亂

    http://www1.appledaily.atnext.com/template/apple/art_main.cfm?iss_id=20080609&sec_id=4104&subsec_id=15337&art_id=11208436&cat_id=7036606&coln_id=3580497

  26. 陶傑居然給一名美籍女子「寸到」, 係唔係 sex discrimination.

  27. 獨孤求丙兄提出是那些人將會選麥凱因. 我來狗尾續貂, 加上第6類[死心塌地支持希拉里個人者].

    依我之見, 現在最不希望奧巴馬當選總統者, 非希拉里莫屬. 原因很簡單, 如果奧巴馬當選, 希之總統夢便差不多可以說是真的告終了. 因為下一次總統選舉, 除非奧巴馬施政, 失誤頻頻, 盡失人心, 她能擊敗貴為現任總統的奧巴馬, 而獲得民主黨提名的機會將會近乎零. 八年之後, 形勢會是怎樣, 便更難說了.

    希拉里碍於形勢, 不能不表示支持奧巴馬, 因為她始終要依附民主黨之下, 一定是擺出支持民主黨重新入主白宮的姿態, 但她的內心深處, 恐怕不是那麽一回事!

  28. 1. 多謝Brian提供蘋果日報有關CCTV騎劫支聯會六四十九周年燭火晚會的報導及評論

    2. 有心人士如李卓人及杜耀明等, 認為CCTV的報導是一種曲線平反六四的行為. 希望他們的一廂情願的想法是事實.

    3. 消息傳來, 中國/共政府開始重新對傳媒施加限制/阻隢. 在四州發生火車出軌意外, 記者被阻止採訪, 並驅逐離開出事現場.

  29. re : 做人真的不要太CCTV
    http://sports.cctv.com/20080605/105378.shtml

    經過今日各大香港報章報導後
    CCTV的Link已無法顯示了

  30. re : 做人真的不要太CCTV

    這裏轉貼了CCTV該段新聞
    有心人可以去看看

    http://www.greenreadings.com/forum/viewtopic.php?t=21011

  31. 獨孤兄:

    1. 剛回到話題Should celebrities get involved in global politics?的連線, 才看到你在六月七日給我有關史東女士勇氣的回應. 如果你沒有最後一句的詢問, 我本打算簡單的回覆說已看到你給我的留言. 以免你誤會我要將我的觀點強加於你.

    2. 現既蒙詢問, 我的回覆如下:

    甲. 我們討論的史東事件, 本是指她在康城的發言. 現你突然將史東女士在這事之後的行為也歸納進來, 作為欣賞她的[勇氣]的依據.但 即使加上她其後的行為, 也不足以支持她具勇氣之說.

    乙. 在康城發表言論之後, 引來不愉快的回嚮. 史東女士跟著而來的行為和表現, 便更難評估了. 因為她肯定已受到這事件的影響. 她的所謂唱反調, 可看成是[老羞成怒]的表現呢! 況且你所指的「明知山有虎, 偏向虎山行」是否有點誇張呢? 史東女士不是華人, 所指的虎, 應只不過是經濟損失, 不會有其他的危險. 況且, 她的商品廣告/代言人在事件發生後已被取銷, 她的形象在中國市場也已造成嚴重傷害, 再做什麽也不會令情況更壞了. 那根本與勇氣扯不上關係了.

  32. 多謝tin6111 // June 9, 2008 at 10:11 am,啟發民智!再謝!

  33. 旅 行 證 件 和 娼 妓

    在 眾 多 謬 論 之 中 , 最 好 笑 的 莫 過 於 「 加 入 外 國 籍 , 只 不 過 把 外 國 護 照 當 做 方 便 旅 行 的 證 件 」 。

    From Ming Pao by Tao Kit

    http://www1.appledaily.atnext.com/template/apple_sub/art_main.cfm?&iss_id=20080608&sec_id=38167&subsec_id=38173&art_id=11205237&cat_id=3530509&coln_id=3530511

  34. 很高貴的解釋!!!, 外國貨永遠係好D.

  35. 有些人的駕駛習慣是近乎挑釁. 他們一世也不會融入主流.

  36. Jonathan // June 10, 2008 at 1:38 pm
    無咩主唔主流,唔好以為的老外好,你千奇唔好咁諗,盞你口啞啞,蝕底咗到無人可憐!
    有時,的膿胞係就係衰的,但係好多時唔會有事時離譜過的老外!
    你試過就知!老外,又係避之則吉,見親就笑騎騎行開的,唔好埋身!

  37. 膿包恐怖呀膿包,士嘉堡果d尤其是!唔止百寶商場,仲有集友,東方,中城商場,果d友楂車楂到呀,嚇死你呀!鬼佬呀,癲起上黎都唔係人咁品,楂d小型貸車果d鬼佬全部都喪嘅!仲有d鬼婆(後生果d尤其),十個有十個都發雞盲嘅,橫衝直撞,起d mall嘅停車場入面d通道穿來插去,永遠唔睇其他車嘅,一嘢就隊出黎!我試過好多次都掙d賴嘢!但仲要比d惡鬼妺眼瞪瞪,瞪番轉頭!
    仲有就係黑鬼!我最驚!楂埋d扮跑車嘅怪車,開到音樂大聲到好似地震咁,我一見到都避之則吉,仲要即刻刪番高隻窗同埋鎖車門!

  38. 灰塵,感同身受!哈哈哈!

  39. 塵老兄:

    唔止士嘉堡,downtown 揸車都要小心,尤其是停紅綠燈/stop sign,好多時都會有個鬼好/妹不埋危險衝出來,唔埋你同唔同意,幫你洗玻璃窗,然後叫你俾錢,如果你唔俾,D鬼好/妹會用英文粗口罵你。

    又有一次下午時份在downtown"所謂"紅線區停在路邊等一位老友,突然間有位鬼婆拉開司機位旁的車門,然後坐下該座位,說了幾句不太純正英語,由於突如其來事件,不知所措,驚魂甫定下"禮貌"地聲明沒有幫襯,無謂浪費佢揾食時間,請她下車。自此之後,一個人揸車落downtown必鎖所有車門。

  40. downtown?我最怕果d人,拎住隻紙杯走出黎要人比錢!不過夾硬要洗人架車果d我就好彩未撞過!有次掙d,起bloor街,停紅燈,我前面架車個鬼佬比個人走出黎洗,啱啱我好彩避過!我見佢都好似免為其難比咗個銀!
    紅線區,即係邊度?有女郎上車釣客,咁狼死?嘻,嘻!

    今日下晝有事又去咗烈治文山,果個咩好景商場,又遇到d恐怖膿包!真係把鬼火,起個停車場高速行駛,起d泊車通道轉出黎嘅時候完全唔停低睇下出面大路有冇其他車起外面橫過,有你冇理就咁一嘢隊架車出黎!好彩我都步步為營,一早提防會有d膿包唔睇就轉出黎,所以開得好慢,見到架車標出黎就即刻狂dup,先至冇撼落去!真係黐孖筋架!一架藍綠色van仔係咁,一架淡金色凌志私家車又係咁,兩架都係中年華裔男人司機!好人好姐,楂車楂到同d私奶一樣!
    好景商場,交通黑點!以後小心!烈治文山d膿包愈黎愈不濟!

  41. 人講我又講,我今日晏晝點幾掙的比老外害死,駕車駛駛吓打斜貼過嚟我架車,斜過嚟,我踩BREAK踩到盡啦,連響安都嚟唔切,避完禍,追前平排睇吓老外做咩X!原來係左手拿住個電話係咁貼住隻耳係到講,一隻手渣車,唔怪得知,比佢爭的害死!

    多倫多唔係公車地鐵咁鬼落後,我一早就唔渣車,免得日後死係交通意外!唉!

  42. 馬路如虎口,
    交通規則要遵守,
    見到老外走夾唔唞。


發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s

分類

%d 位部落客按了讚: