發文作者:kahoo | 十月 23, 2007

「苗大衛新稅」過關!

Land Transfer Tax:     26-19
Vehicle Registry Tax:  25-20

Source: Toronto Star


Responses

  1. 苗大衛用手指公捽下個鼻: “吹呀!多市要維持咁高質素公共服務,公共服務提供者工資報酬梗係高人一等,多多錢都未夠呀!瞧著看啦!"

  2. 苗老大政治智慧之低,廖化當先鋒人物,先以為自己是强勢領袖,什麽提議也可以通過,怎知暗溝翻船,立即發瀾渣,以減服務去要脅市民,引起民憤,最終扮死狗,到處妥協乞求反對者支持,雖然成功過關,可惜已大失民心,不服氣的大多市市民會牢記那些趨炎附勢的市議員,下次市選就會揭曉後果了!!

  3. Land transfer tax is actually a good idea. Every time you buy or sell a home, you need to pay an extra percentage of Tax.
    This is the only way we can stop people from raising the prices of Toronto homes. Homes are for living, and they should never be used as an investment. Not to mention the government will most likely take 50% if not more of your earnings from an Invested home anyways.

  4. 唉吔吔!人離鄉賤呀呀呀呀!!

    啱啱搬嚟呢座大廈嗰陣時,久唔久有的三唔識七的鬼係到搞門,我緊係唔開門啦;原來樓上有嘢賣,的人揾錯層數!
    有咩嘢賣?唉!真係唔講你唔知,聞到我作嘔!嗰的草味,都唔知咩呢架,二手草呀大佬!早午晚都有個暴男呱呱叫係到同我道友婆鬧交!佢都唔知做咩?用的鐵鎚重型金屬係咁敲係咁擲落地下,突然間,轟!棚!一聲,尤其係半夜零晨,比佢嚇到魂魄都散呀!
    又時不時,走出露台搞度鐵板,棚!棚!棚!離譜到飛的玻璃樽落街,的街坊收風報料話連傢俬都係10樓飛過落街架啦!
    吞雲吐霧,攪到我要聞的異味,我咁大個人都唔知咩嘢叫做草,自己好人一個都未買過見過呢的嘢,係咁逼我聞,唯有開行風扇吹呀吹呀!
    近日忍無可忍,走落去同管理處個西洋經理講啦,佢一聽係10樓,臉色一變,個樣的表情己經話哂比我知佢的煩惱,佢話係秘密,佢地已經趕呢對絶世道男道女走,星期一係死期!我都唔知幾舒服!
    點知,今朝惡夢又嚟!媽媽他!我又聽到道友男同道友女把聲,今次係係我樓下呀8樓呀!真陰功,原來佢走左去8樓!唔怪得知我見8樓露台有隻天線鑊,原來係佢拆左搬左去8樓,隻鑊我見過係10樓時係根本係無連線,係街外就可以看見!我估係佢地用嚟做記認,街外買家想買草,就可以係街外見到佢支天線鑊係單邊露台!
    唉!我有錢一早就搬,唔係無錢交上期按金同埋搬屋搬到我腰酸背痛同埋幾百蚊比搬屋公司,我會咁忍!
    我都唔知點死咯!以前連露台都唔夠膽出,出面污穢不堪,口水,交袋,羅絲,一分銀仔,鋸片,碎布,零食!
    唉!日日早午晚不兵兵棚棚棚門,真係苦呀苦呀!!

  5. 多市面面觀,講完自己的苦事,都要支持吓人地個網頁;話左唔嚟,嚟左都要比返的嘢人地先至公道架!!

    嗱!呢條友苗大友,都唔知死!以為好得戚!洗腳唔抹腳,點樣徵稅都係死!永無止境開呢樣嗰樣稅,實死呀!
    你估真係咁好景呀個社會,人工有限,支出愈泥愈多,點樣慳都係窮!連食連買衣物都要慳!話比你知啦,我廁所長日日去二手店買嘢,皆因窮咯!我睇住的人係二手店愈泥愈多人,男男女女,老老嫩嫩都有,大部份都係有樣睇,窮人相!買衣物傢俬最多人,點知間二手店無良,以前的嘢係一蚊,佢地的行政攪到電腦化,的嘢加到一倍變左二蚊,然後久唔久就話星期五半價日,嘩!嚇死你呀!的人一早就走去收收埋埋的衫的衣物的書的電器用品,一到朝早就係外邊排隊入去攞的床單床布,一車車都唔知好開心;其實嗰的嘢以前根本係原價,佢地將個價提高一倍而依家話半價!真係揾笨!
    話比你地知,想話比你地知,個社會低下層的多倫多市市民生活的另一面,好陰功架!邊到去揾錢?你話啦?
    加泥加路,個市府的人冗員多,亂洗錢,點攪都無用,只有一灘難灘子!不過有份報紙都講得啱!多市居民抵死!you deserve it.you vote him as mayor!

  6. 廁所長,歡迎返來繼續吹水,吸二手煙已經有損健康,吸二手草仲大煲,萬一樓下搶草而槍戰,分分鐘泱及池魚,不如去找苗老大出手,一來他心情大好(因加稅過關),二來他個樣似黑手黨大佬,草佬可能怕了黑手黨而搬走。另外可以做好市民去向標sir舉報,來一招華裔警民合作大破洋草黨,說不定下年拿好市民獎杯。
    P.S. 煲咖啡胡在什麽地方可買到(除了二手店外)。

  7. 成日話省府唔放水比市府,但係省府要回收TTC佢地又唔願,樣樣都話有問題…… 睇黎多倫多未來三來真係慘不忍睹。

  8. 噢yes! 好朋友廁所長回歸了! 嘩睇完你段"我住柏文的日子 -辛酸血淚史", 真係不禁流下兩行熱淚! 種草種到大搖大擺, 賺D污糟錢仲要逼隔離鄰舍一齊隊草,擾國擾民! 犯罪之徒橫行無忌, 良民百姓則委屈至此, 天理何在! 我塵廳長最不齒!
    (不過講開又講, 唔怪得廁所長你成日都言行激動, 情緒高漲… 原來你畢竟吸得果D嘢多, high哂, 身不由己..哀哉!)
    學球迷話齋, 隊草事小, 沾惹犯罪集團事大! 一個唔覺意真係分分鐘又開槍, 淋油, 燒宅.. 我睇廁所長你都係住士嘉堡喇, 下話! 你快D舉捕佢啦! 打去咩滅罪熱線果D, 416-222-TIPS, 匿名架! 報咗料之後就有差佬上門查架喇, 我塵廳長教路, 冇衰嘅!

    咦呢條題係講老苗呀可? 都冇咩好講喇, 你睇佢個樣, 唔得果陣時就成塊面黑哂, 一得米即刻就咁輕挑, 乜都放哂上塊面度, 好似細路仔咁乜都比人睇穿哂, 都咪話唔得意, 嘻嘻

  9. 足球迷:

    唔怕講到出面,係大麻味呀!我知嗰屁咩?大麻,我都未見過又未食過,成半百啦,好人一個,邊到會掂呢的嘢呀!我買嘢都係睇flyer睇吓邊的食物平先至仆到去買,邊到富貴到掂呢的嘢呀!都唔點解咁寃葉,有的衰鬼衰成咁,仲日日夜夜好似的野獸係到呱呱叫鬧交,又擲的重金屬落地,真係女人街咯女人街咯
    講返嗰咖啡壺,好難有好嘢係的店鋪買到!你去walmart,zeller, bay,點買都係來來去去的咖啡壺,都係唔妥;咩嘢唔妥,就係watt數唔夠,你睇下佢地佪羅友底部,全部都係975-1100watt,煲出嚟的咖啡唔夠熱,加糖加雪櫃的奶之後,杯嘢凍咁節,唔熱唔好飲;奶茶都係呀!!我嗰用電咖啡壺,7-8年前買,用左成150蚊加稅,1400watt,荷蘭飛利普制造!所以都好熱,但係我都係唔滿意!!
    出面買嗰的,全用電嗰的全部唔掂,我轉移去用爐頭煲!爐頭煲,出面有都係用不銹鋼或者铝質,我都係嫌唔好,所以係二手店執到個隻係好似我地香港細個時候浪口中用燙磁做個的質地呀!壺中間有一支柱,柱上有一個圓桶,你放的紅茶茶葉或咖啡入去,有塊不銹鋼有孔蓋,當水煲至沸點,的水柱就會向上彈上個蓋,你係外面見到的水散落個蓋注入圓桶內的紅茶或咖啡,一陣就會變色同埋有香味,咁煲法,會熱好多!如果你唔嫌用電,walmart都有用電的不銹鋼煲壺,不過都唔平,GE牌無端端都賣成99蚊一個,不過我層經係二手店買過同拆爛研究,佢一到某個預設温度,條銅片同電源就會彈開,切斷繼續煲,所以温度來來去去都係70-80度之間!你自己決定啦!日後我係BAY行行,睇吓有無!

    佬塵,唔使吸呢吸路,我因為有血性,知書識禮,知道咩嘢係四端,所以做人係咁有活力!想我無活力,除非我死咗啦!唔好咁傻啦,滅罪熱線,唔領教過呢度的差佬啦,無謂講,總言之,釣魚事件到依家,唔好話標SIR呀,影都無個呀!個天幫我呀,有日無啦啦聽到隔離台早晨大佬話想找呀標SIR講吓的嘢,點知原來佢返左香港!其它嘢,你自己林啦!
    你以為用皇氣,佢地成精架,告返你轉頭都得!你睇吓佢地精到由10樓可以走去8樓,又可以叫另外一的人租,租左佢地再去住,再玩落去咁就知啦,而家仲棚棚聲係下面棚的衣櫃門,唉!無錢,係咁架啦!!

  10. 廁所長,多謝提供那麼多煲咖啡奶荼知識,會去W-mart之類公司看看有沒有合用的,然後再找二手店,希望買到。
    你樓下那班大麻友遲早出事,請準備火警逃生方法,有可能買一件二手避彈衣,一聽到槍声立即穿上以策安全。標sir又返了香港,投訴又冇用,廁所長只有自求多福吧!!

  11. 喂!煲奶茶要茶葉,我無咩錢,貴lipton紅茶茶葉買唔起,小小一包都要11,12蚊500克;
    我係城市廣場x豐有一包1kg=2.2磅香港太古斯里蘭卡紅茶賣,16.99一包,算係飲得過!自己煲奶茶,你上左癮之後就唔想去外面飲!千奇唔好見咁多買咁多,唔係時常有,我呢個禮拜想去買番包!我呢種人大種乞衣嫌三嫌四,否則,你買個用電個的水柱煲玩吓先,睇吓可唔可以接受!!去啦,唔會呃你!!無錯架!煲咖啡都得架!千奇唔好買電咖啡壺,最貴個的牌子kitchen ware都唔得,除非你去warden 同elington附近嗰間 home outfiter,嗰度的家電貴嘢呀,不過就高級好多,但未必勝過爐頭直熱咁好!!

  12. 你條友仔都唔知係唔係攞景;點會去買二手避彈衣呢?我一買,的差佬就拿拿淋拉我呀!告我無啦啦買件避彈衣想做咩呀?打劫呀?砌我生豬肉容咩易呀?華人藏毒犯案日日都見報,人地唔懷疑我就奇啦!
    唔好害我啦!多謝關心!唉!閒事少理,無事早睡啦!講比你知,等你多的了解民生,無其它用意!!
    朝早煲的茶,奶茶,咖啡飲吓啦,睇吓自己邊樣受得仲好啦!食個飽,做人係咁架啦!!

  13. 哎呀,打打唔見哂,又要重新再打!
    講返獨孤佬,au revoir,佢話我係再見,唔係永別,見有位就質返我;我上次話佢有職業歧視,估唔到佢咁小氣,記仇記到有位就上!
    想考我,法文永別唔係au revoir,我知呀,係估唔到你要準確到好似要樹起條天線去屋頂收770咁大陣象要聽到為止;咁我就試吓永別法文係點講啦,好似係:A DIEU; 係唔係呀!!

  14. 老苗邊度似強勢領袖?你幾時見過強勢領袖要係議會度發皮四?加左兩個tax 都唔夠還錢,各市議員開公數嘆世界就計仔多,冇錢咩?市民度泵囉!(得個一招)Land Transfer Tax好似係買家比?如果係就唔公平,有 supply冇 demand同有demand 冇 supply一樣,兩者都整唔到個 transaction.

  15. 市府成盤數無監管!亦都唔比人監管!!

    市中心市府大樓裡面的員工,有次睇citytv記者追訪的員工,其中一個員工急急腳,側側臉話:全部都係皇親國戚——>個個都有的親朋戚友係到揾食;有職位都比的自己人先上啦!時薪廿蚊以上,加埋福利呢的錢唔係你地市民比邊個比!

    咁樣加法,加呢樣個樣,出年可能啱啱填到個赤字,不過2009就一定仆直!!

  16. 廁所長提拱cityTV記者追訪其中一位員工話,個個都係皇親國戚。絕對冇錯,小弟有一位親戚做政府工,他說很多員工都喜歡在暑期放大假,所以有很多part-time暑期工請人,時薪20多元,但他說全部都被高級職員親友所霸佔,其他低級又不識拍馬屁的員工免問。加拿大最好成立一個類似香港ICAC的部門,將這些貪官汙吏打入天牢。

    P.S. 華人茶莊的港式奶荼葉,好象平宜一點,但不知是否o.k.!

  17. 足球迷及廁所長: (善意提示🙂 )
    小心使用二手搪瓷製茶壺煮茶或咖啡!!
    http://hk.news.yahoo.com/061220/12/1ylx6.html

  18. 足球迷及廁所長: (善意提示 )
    小心使用二手搪瓷製茶壺煮茶或咖啡!!
    another supporting articles :
    " CERAMIC AND ENAMELED COOKWARE

    Enamel-coated iron and steel is colorful, stain and scratch resistant and does not pick up food odors. It does not contain lead, except in some glazes for slow-cooking pots (crock-pots). However, the amount of lead leached into food from these pots does not exceed FDA standards. In the 1970s excessive levels of potentially toxic cadmium was found in pigments used to color the interior of enamel cookware manufactured overseas. The FDA prohibited the importing of these products at that time. However, manufacturers have discontinued the use of pigments with cadmium, so that the enamelware now marketed is cadmium free. "
    source: http://www.eatingforenergy.com/052102.htm

  19. 見龍在田兄:
    多謝提示,會小心處理ceramic & enameled cookware,看清楚使用手冊及在何處製造!!
    P.S. sorry又離題!

  20. 喂廁所長, 話就話唔信得哂D差佬, 但講到大麻屋呢D, 唔靠佢地靠邊個呀, 橫豎你自己又唔會茂茂然走落8樓搗破佢個鬥, 咁不如靜雞雞篤佢出黎啦! 不過你又話你大廈個保安早有所聞, 咁佢地自己又做咩唔報警呀!
    咪話我話喇, 你都係拿拿林趁新稅未實施, 快D賣趁熱鬼咗間樓佢, 搬啦! 唔係等陣要比個土地轉讓稅, D人買樓意欲又低, 玩下手淨間個大麻單位比人踢破咗, 你成棟樓都會比佢連累你貶值架, 唔係嚇你! 因為D大廈係中央通風系統架嘛! D霉氣濕氣毒氣草氣, 全棟樓通哂架嘛! 到時如果好衰唔衰真係比差佬搗破咗, 你想放番D單位出去就難啦, D買家都會壓低你個價! 所以我就話你快快脆脆賣咗佢, 唔係到時喊都無謂!

    乜自己煲奶茶會仲好飲過出邊D茶餐廳? 係真唔係呀! 聽你地講到似層層咁

  21. 見龍在田,唉吔吔!唔講好過講咯!你講左出嚟我都唔知點算,一時間無左人生生活情趣!咁多毒放出嚟,要掉左佢哋,真係唔捨得!今晚開工揾資料查清楚先,啱啱返嚟,魂魄都唔齊,一開電腦就比你嚇到無哂心機!不過都多謝先!!

    足球迷,我唔係成日係出面唐人地方浦架!你講華人茶莊係咩嚟架?係香港抑或多倫多?係多倫多邊到呀?都唔聽到收音機有廣告?highway 7嗰頭我好少去架!嗰度的交通見到都眼寃!
    你認為平,唔係買咯!我對於唐人賣嘢無咩信心!唔知佢地點賣,散裝?自己入袋?我介紹嗰的,係係香港太古係青衣島包裝,有地址電話,呢度個入口商都有電話,應該唔會自己加呢加路自己入袋呱!
    依家無心機,比呢個龍友咁講,真係正中我死穴,啱啱揾到的生活情趣就無左??!!!唉!!

  22. 真係都唔知點去理解呢的嘢?
    唔知既時候,樂也融融,自得其樂,以為真善美,玩吓嘆茶自娛,引壺觴以自酌,面庭痾以怡顏,自謂曦皇上人……
    唉!點知比人話呢樣嘢有放毒可能,損害健康,即刻咩嘢都無哂!究竟問題係出係邊到呢?
    怕死?唔想死?又想嘆茶!?真係矛盾!想通左再同你地講!!

  23. 廁所長,比你一言騖醒夢中人,果的華人茶莊(在新x紀及新x角廣場)賣奶荼葉真是自己包裝或散裝,如此看來都是靠唔住,看來都是在老番超市買穩陣D!

  24. 佬塵,多謝關心!!字裡行間關心之情,真係令人感動

    窮!窮!邊到有錢買樓呀!你誤會啦,我唔係住係condo呀!我住係一棟棟的大廈,成棟大廈一個洋人業主!每個月比租嗰的呀!無保安架!的人出出入入嗰的呀!!
    咁你明味呀!!成層10樓,加埋成棟大廈的洋婆洋妹洋娘娘互相吹風收風,佢地各色人種都有,佢地咁多人都唔做嘢,唔通我做呀!!
    我架車舊年係停車場比人偷比人劈爛塊玻璃開車門撬爛個汽車鎖時位,成架車差唔多得手開走架啦,好彩話架車有保安系統鎖一鎖,佢地再撻就撻唔著,成架車成晚就係停車場的燈開著,閃著;第二日,當我發現時已經電池死左!成一日,的街坊見到都無人去管理處報告,成一日啦,管理員都無揾我呀!到我有時話比管理處,佢地管理員第一句就話:唔關我地事,我地完全唔會負責!
    我去報警!警方只係係電話問左兩三句問題就算,你去報燕梳!有無攪錯?算啦,預左!!整返架車要成1000蚊,自己比500蚊戰底費!
    成棟大廈的鬼佬鬼婆管理處都唔理,唔去報警,唔去投訴,我地呢的二等公民去投訴,我有幾多條命呀,佢地喪心病狂攪我唔係死!差佬都話:唔好代替警方同匪徒沖突!況且佢地的文化係吃草!人地的文化人地的法律都含糊不清話吃草係犯法,都無咁講過!一時又話唔超過幾多克就唔算係犯法!咩文化?你話啦!到時佢地搜到,但又唔超過某一個重量,咁揾我報仇,鬼可憐我呀!!!

    有錢,我走人,真係想回流!!無意思!留係到無意思!!
    啱啱聽緊一本正經話的華人釣魚事件比地球報唱衰係華人錯,遇到交通意外,白鬼當華人係罪犯,態度嚣張,上述重重我都遇過,我上前問佢點解要無端端告我危險駕駛,條差佬即刻將隻手放係槍袋,對住我講back off!嗰拖車鬼佬同親友即刻叫我唔好上前問,唯有打官師洗脫罪名!!詳細唔多講啦,只有身歷其境之後就會明白自己係加拿大社會的地位同人權有幾多?自己係安省會唔會有前途都會一清二楚!亦都明白平日生活要點樣同鬼玩!!我做企枱,一定比我的好嘢佢食….嘻嘻嘻,加料加料!!!

  25. 唔係老番呀!我揾左好耐先至揾到係城市廣場嗰問呀!係佢先至有1kg=2.2磅咁重同埋係香港太古出品,衰極有限!
    你去老番no frill買紅茶,有!仲平的,5蚊咁上下,都大大包!但係係成塊紅茶茶葉,唔係磨碎架!的印度人斯里蘭卡人佢地飲茶煲茶係成塊乾葉放係個壺架!香港人就將的紅茶茶葉磨碎!!
    自己留意多的啦!當你個褲袋無咩錢,就學得乖巧去買嘢架啦!生活係咁架啦!!
    不過,我有可能唔會理會姓龍個的嘢!皆因天命係點就點,另外個壺我唔係好信會放毒,如果係,都好架!死係自己喜歡的嘢手上,都係開心架!!哈哈哈!開心番啦!!!

  26. 個壺最緊要琺瑯質無破損,呢,即係舊洗面盤表面花左黑色個D呀!咁就唔驚中鉛毒!
    但係用100度火煲就唔擔保無毒釋出喇!

  27. 一早上嚟又見到你條龍係到掃興!
    係爐頭煲,你話啦,會唔會過一百度呀!個鐵餅發熱線紅噹噹,你話會唔會過一百度呀!!
    我唔怕!
    照飲!!

  28. 個D毒積存好耐至會發作!
    你如果剛剛開始用搪瓷壺煲飲有排都未死得!
    講開又講,我突然記起我好細個擰住個斗零去大排檔買焗麵包皮時見過厘種壺煲咖啡,咁多人生…………………………………..,小心D好,如果唔係你有乜事淨低你個良人就唔係幾好.

  29. 良人?你講咩呀?

  30. 良人, 乜咁似D聖經字眼嘅!
    唉, 得閒冇事做, 而家睇住電視個omni新聞又上黎昅下睇下有乜留言啦, 睇到我眼都花哂, 乜咁旺場呀, 阿龍同阿leung起隔離版度係咁駁火, 個個起度指手劃腳, 果個李柱銘D嘢, 我就冇乜興趣講, 又咩釣魚事件, 又係講到口都臭, 冇興趣, 都最後都係決定番番黎呢度睇下你D奶茶經算! 人生苦短, 成日起度嘈嘈閉, 命都短D啦!
    哦, 廁所長, 原來你係租果D樓呀, 唔係共管, 咁既係鬼佬版嘅"唐樓"咁上下喇係咪呀! 係唔係果D樓下係店舖, 樓上就住人果種呀? 聽你講到好似好雜咁喎, 龍蛇混雜, 又種草, 分分鐘會唔會有鳳姐添呀… 啋!!
    還掂都係租, 咁點解唔索性揀個好D地方! 就算租人地D大屋間出黎D basement, 都係幾百蚊一個月唶, 起碼都安全過你而家呢度吖.. 如果士嘉堡區, 401夾麥高雲附近果堆, 租個condo單位仔都唔會好貴啫, 又有保安, 洗乜留起你而家度受氣呢!

    唉, 好悶呀, 出面又落雨濕濕, 呢度D人吹埋D水我又冇興趣, 都係早D瞓算喇, 唉

  31. 都係留在此區同廁所長講港式奶茶經安全D,其他幾區大混戰,費事講錯嘢又中箭,在香港大排檔飲果D絲物奶茶,在多倫多何處有得賣?上星期在T&T買了一包三合一港式奶茶,味道同灣仔檀島差好遠,比廁所長挑起港式奶茶條筋,令我日日心思思想返港去檀島嘆番夠本。

  32. 咦我仲以為球迷哥會鐘意過埋去混戰混戰添, 點知都係鐘情廁所長D奶茶經, 哈, 有意思, 有意思! 三合一港式奶茶, 即沖果D冇一款得, 冇可能! 要用紅茶包沖, 仲要用最靚果隻, 鬼佬tetley牌! D水有咁滾得咁滾, 有咁濃沖咁濃, 撞花奶, 咁就會似港奶! 試下啦! 塵廳長教路, 試得過!

  33. 塵兄,我都想去大混戰,可惜小弟學藝不精,曾經上過去被打到遍體鱗傷,捽咗幾日鐵打酒,睇見龍大俠大戰凉道人,打咗幾個時辰都未分高下,又不時有copy派大弟子出嚟武糞坑關刀,其他門派又搖旗吶喊,我想跳出嚟扮司馬不平角色,一想到廁所長話此處有很多25仔漢奸間諜,立即縮返老苗區內,怕被25仔趁沙塵滾滾,放暗器殺錯良民,唯有在老苗區內靜觀其變,如戰情升温,立刻下山找獨孤大俠,慕容公子,白眉道友,社團揸fit人上山擺平。
    講到口渴,在未買到茶煲茶葉時,只好飲杯3合1港式奶茶頂住檔先,真無引!!

  34. 佬塵
    多謝關心!依家係60日通知,無再繼一年約咯!

    經一事長一智!唔係鬼堆中生活過,點知種族歧視打殺滅絶手段心理關係咁深刻呀!的華人聚居一齊,日日夜夜都係廣東話國語,邊到曉得個"死"字點寫!!

    足球仔
    佬塵教你用tetley,撞呢撞路,有可能做到;但我唔係好鼓勵你咁做!點解呢?因為太濃,會傷腎!!除非你的腸胃油膩個口臭,飲一杯好!!但日常飲用,最好平和濃度適中為妙!我年紀開始大,個腎自己知太濃會增加佢地負擔,所以要小心!!
    去walmart買個電用不锈鋼壺有幾難!你唔會好似我咁窮,一蚊都度過先至用!!拿拿林去X豐買一包1KG=2.2磅紅茶,16.99一包!去埋COSTCO買10%的奶二三盒!!咁就可以開工玩煲茶,份量如何,遲些你真係買到再同你傾!!
    禽日去過新旺角廣場你講個間紅X茶莊,見到條友無生意自己玩歛潮州茶係個茶盤上,頭髮散亂,睇到都走唔切!
    有誠意先至同我講飲奶茶!否則,唔好運桔啦,叫左你又唔買!!

  35. 廁所長,旱D睇見你的留言就唔駛咁麻煩,下午兩點幾買咗x豐紅茶葉及三花淡奶,拿拿林用當年住宿舍半夜三更趕paper時6公仔面果個塘瓷壺來煲水,龍兄話最好不超過100度C,一開爐頭,用探熱針一試,差D爆針,於是扭到最慢火,煲咗30分鐘都未滾,原來扭得太細,個爐頭自動熄火,谷鬼氣唔煲,睇返場錄下世界杯巴西對法國補數。
    7 p.m.睇到廁所長4:09 p.m.留言,剛剛食完飯,又拿拿林用不銹綱壺煲水,用萬壽無疆茶壺載茶葉,水一滾立即冲,一見到水變紅色,以劉翔跳欄速度加奶加糖,味道的確唔錯,但有少許淡,會不會用全脂淡奶有關?Anyway多謝老兄提點。

  36. 草草食完半碗冷飯炒返熱,食埋禽日食剩的餸!口痕痕走去廚房煲奶茶!呢兩個壺,corning ware 一個9cup ,一個6 cup寫住係個壺裡裡外外,舊嘢嚟,而家唔出架啦,間廠的其它廚房用具載食物的盒都好出名好好用架!係zeller, bay都有得賣!

    兩個壺完完全全新的一樣,外面個底部只有少許爐頭積,裡面立立靚,全新,無損,無黑蚊蚊崩左的嘢,所以我一的都唔驚!!龍人仕唔係話佢唔好,提吓我,但係活到呢個年紀,遇的身邊咁多嘢,我而家只係信自己的判斷,係好係壞都係只己揀,你話幾好呢!!好似你去買燒肉,成日都係同的斬頭講:喂!師傅!比舊靚的嚟呀!!如果返到屋企,比個老婆鬧話係生都買,肥都買,唔新鮮都買,嗰一刻真係怨個斬頭又呻笨,何苦呢?倒不如學會一樣嘢,好醜都係自己揀!!咁就不怨天不尤人啦!!
    再同你講一個方法,既然你咁樣煲法,我曾經試過用一個電熱水壺,普通係walmart都有得賣15-45蚊一個的有發熱圈係個壺裡面嗰的,將的水煲熱,依家有的新款係cordless,不銹鋼煲水,我買嗰個係Black & Decker,依家賣44.99係walmart. 你可以調教份量,因為好個人口味,濃淡度真係要你自己日試夜試,試出個比例份量,幾多份量茶葉更數配幾多水;然後將水同紅茶茶葉一齊煲,有你無你,當煲完之後,個跳掣彈起斷左電源,你就一倒落隻杯到就有紅茶飲,因為個壺通常係個壺咀有個網仔隔一隔,所以的茶葉唔會倒出嚟!!又快又方便!!
    奶茶,飲一杯就好,多會傷身!所以剩底個的,我好多時都係有人飲就做埋比人,無人飲我就倒左去,除非你用過濾紙濾左的茶葉之後,放係雪櫃,用嚟整凍奶茶用!!
    調較用多少紅茶配多少水,呢一個功夫好重要,你真係要自己去神農氏,嘗百杯!之後,可能有心得都未定!!
    哈哈,你真係買左,係唔係買左1kg重嗰的呀, 我有無呃你呀??下星期我有時間去裝裝!

  37. 爐頭火位置,我無時間就教去max,有時間就較去 7-8度,好快就掂!我個爐頭掣係0-8,跟住係max.咁你明白啦,都係猛火加熱!!再有時間就教去6度中間位!
    好聽唔聽,聽龍人仕咁講,你咁怕死,唔好出去食飯同去茶餐廳,佢地的手腳,整嘢方式.爐頭用具仲嚇死你呀!!

  38. 嘩!果便漢奸論壇仲嚇死人,30分鐘內10篇水蛇春咁長文章,攻勢仲勁過今日車路士嬴曼城6比0,都係揾周公好過咯!!

  39. 足球迷原來真係足球迷黎喎, 我塵廳長唔係波迷, 不過對車仔素來冇乜好感, 6比0, 咁點都會好睇過隔離李柱銘版場癲狗混戰嘅, 癲架條友! 我塵廳長唔會以身犯險, 所以決定唔過番去喇!
    講起奶茶, 我而家都嘆緊杯, 就係頭先去隔離美食廣場港食店定咩港式店度買嘅, 個幾銀錢, 又香又滑, 唔錯唔! 出面D比錢等人沖果D奶茶都真係唔係間間得架, 有D差到你唔信! 好似萬錦廣場間X記咁.. 嘩, 7號公路夾灣景路果間X輝, 仲嚇死你呀! 冇味都仲唔止, 仲有怪味! 咖啡同央都勉強還可以, 奶茶真係最差, 一陣阿蒙尼阿定唔知水喉水定洗潔精味, 顏色就係淡泥黃, 好似杯溝咗水嘅咖啡咁, 半年前飲個一次, 成杯嘢輕輕啜咗幾淡就作廢, 之後唔敢再試! 如果係廁所長D咁嘅高人踩場去到見到杯咁嘅嘢, 我怕你即刻反佢枱, 又或者好似武俠小說咁隻手用勁拍落張枱度, 食塊木斷開, D筷子飛起哂插哂上條橫樑度!

  40. 寫埋就糞!
    嘻嘻嘻!佬塵咁都要撩我兩句先至收科!!
    你又錯啦!
    對於街外人,身邊無關重要的人,一齊工作的人,人年紀大,學會一樣嘢,”閒事少理””不動怒”
    佬塵,有的口德啦,邊到的嘢唔好飲,算啦,都係賺個雞碎,都係為兩餐,算啦,唉!比起個的成萬銀文盲無良知咩嘢長墨嘢長,踎係個鋪成日賺個的錢,都算係咁啦!
    超!如果我咁把炮,(其實我真係黑白兩飯都有個格架)肯抱我身同心出嚟,邊到駛沃手呀,一枝筆都篤死的人啦(唔係動粗,係筆伐!)一個政令一條計,甚至披起喃嚤大師衫,念力一作,風水位一擺,包同我作對的人一仆一碌呀!!

    超,同你唱返反調呀,港食店的嘢,我未試過,但係見佢地僕住的水魚嚟嗰種猴急,未攪我!!

  41. 果邊吳三桂論壇,copy派大弟子又貼上兩篇重長過水蛇春文章,真想問問各位網友,你地有冇睇過copy友全文?小弟一見到這類文章,一定扮盲公—冇眼睇。
    講多無謂,都係嘆番杯自製港式奶茶,再翻睇阿仙奴大戰利物浦好過,費事睇埋果D癲癲廢廢文章,令到自己失眠。

  42. 足球迷

    運桔!飲咩奶茶呀!都唔係嗰皮,都唔係嗰個年代,地域,就講話飲奶茶!唔係真係嘆奶茶!慢慢講啦你,以後睬你都傻!


發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s

分類

%d 位部落客按了讚: