發文作者:kahoo | 九月 28, 2007

《一本政經》之「安省省選候選人辯論戰」

省選論壇火藥味濃 陳國治慘成眾矢之的

Source: Sing Tao Daily

省選中備受華人矚目的萬錦市-於人村選區,昨午首場候選人辯論戰火藥味濃,4個主要安省政黨自由黨、保守黨、新民主黨及綠黨候選人間固然舌戰唇槍,更有萬錦市居民不滿自由黨候選人陳國治,任稅務廳長時無積極減輕居民地稅負擔,即時形容陳國治是「懵佬」一名。

有多達4名華裔候選人角逐省議席的萬錦市﹣於人村選區,其中3名華裔候選人安省自由黨陳國治、保守黨李基傑及新民主黨鍾孟育,與綠黨Bernadette Manning,均出席昨午於城市廣場舉行的首場萬錦市﹣於人村選區公開論壇。

身兼安省稅務廳長、力爭連任的自由黨候選人陳國治昨成「眾矢之的」,各政黨候選人均以安省自由黨4年前執政後,違反不加稅競選承諾,甫上台便徵收保健稅;以及自由黨政府在財政盈餘下沒有還富於民等炮轟自由黨及陳國治。

物業估值被指不公

特地到現場聽辯論會、居於萬錦市堅尼地路夾14街的黃定邦,力斥陳擔任稅務廳長時,沒有想方法為萬錦市及全省居民減輕地稅負擔。黃先生稱供市府作為 徵收地稅指標、由省府負責進行的「物業估價」﹙Property Assessment﹚制度,只以該社區放盤樓價作物業價值依據,對打算在社區內一直住下去的市民不公平。

黃先生向陳國治發問時以己為例,稱其居住物業附近有人以80萬元將房屋放盤成交,「物業估價」制度就將該成交價作為該區物業價值依據,令他這類無入 息退休人士今年要負擔高達5,700元地稅;黃先生又以相若面積的房屋,在卑詩省毋須支持如此重地稅,問到陳國治一旦當選後將如何協助減輕業主地稅負擔。

李諷陳「政治花瓶」

陳國治強調收取地稅是各地方區府及市府的事宜,並非省府所管轄事宜時,被提問的黃定邦怒斥他擔任稅務廳長,只懂收稅不懂還富於民,黃先生更斥陳國治是「懵佬」,黃先生且當場要求陳國治,馬上遣義工拔走原本插在黃先生前院的競選宣傳牌。

各政黨亦在此問題上「圍攻」陳國治,陪同新民主黨候選人鍾孟育的譚潤棣認為,自由黨政府過去4年在減輕普羅市民稅收上,沒有任何建樹;而保守黨候選人李基傑更用「政治花瓶」形容陳國治。

李基傑指陳國治擔任的稅務廳長,是一個省政府廢除了15年後重開的職位,純屬「穿鑿附會」之職;李形容此職是一個要花費納稅人250萬元的「政治花瓶」;被問到若是次省選中保守黨上台執政,李基傑勝出而省長任命他為稅務廳長時,李基傑會否接受此任命時,李稱:「我絕不接受此庸碌職位,我會要求省長將 該職位花費的250萬元放在醫療服務及縮短輪候時間。」

辯論過程間各候選人針鋒相對,陳國治問到李基傑於日前的一間電台訪問中,談及自己是代表所有省民,而非「一個特別的組別」﹙one special interest group﹚,所指的是甚麼組別時,李基傑反唇相稽地說:「我並非政黨的橡皮圖章,我是為省民工作。」

陳又問到李基傑在政綱上寫的競選承諾,有幾多曾知會過其黨魁莊德利,又如何確保其一旦當選承諾會兌現時,李基傑稱他經常與莊德利以電郵及信函交往,亦有向所有省議員致函要求縮短醫療輪候時間,他稱會為得到更佳醫療服務據理力爭時,被陳國治笑稱李只是靠書信去據理力爭。

綠黨代表何德鄰問陳國治知否麥堅迪有何種工作在一旦當選後,一定不會做時,陳國治隨即說麥堅迪一定不會如綠黨所建議在安省設置「毒品注射屋」。


Responses

  1. 的確好想質下陳生,所以我會去,幾多錢車費都值。但係我聽到第一台聽日2-4 係錦鏽中華又有個debate 喎,點解搞兩個?

  2. 啱啱想話過奈何橋,點知下面都有今日星島,大大標題話:

    亞裔釣魚客遇襲事件 陳國治感驚訝 袁海耀不置評

    唉吔吔!即刻氣頂,連忙求牛頭馬臉兩位阿哥比部電腦我打多一次!

    大家華民,選民,呢兩條友:陳國治,袁海耀,未當選講嘢都係咁遊花園,選白人黑人印度人中東人歐洲人都唔好選華人,唔好選華人,佢地廢架!

  3. 廁所長,你翻生啦!死咗投胎做咗陳x治個仔或袁x耀個細佬咪仲慘。一於翻生繼續在此吹水!!

    最近很多事件如對自由黨不利的話,陳國治最叻是快閃,不敢浦頭,等事過境遷,然後做事後孔明,如此華裔議員,會否為華裔社區出頭(如人頭稅事件),確成疑問??

  4. 袁海耀,你都講廣東話講左好耐啦,唔係又係西瓜刨咁!學人出嚟選,學好的...廣..東..話..話話先..先.啦!

    彈開啦,西瓜刨,遊咁耐花園,你未到家,選個屁呀你,陳國治醒過你呀!!!

  5. 聞雞起武!

    過客,你聽嗰個廣告未呀!!

    係激到跳武!我仲聽緊條袁海耀(唔好話西瓜刨,佢好人一個)係到...到...講..講嘢!!

  6. 陳生今日冇講野,所以冇野話到佢。呢個袁海耀真係唔知乜人黎嫁,"會比人話我地唔識呢度做野規舉。",語氣甚差,令我極度失望。係得佢先係呢度人,講野經下腦先啦,踏緊個班係華人黎嫁,仲要可能係選民黎,講到不食人間香火咁,不如袁生換皮膚做鬼佬算啦。我睇唔到佢班人會幾唔友善,佢地係唔係一路show個pat pat 出黎或者舉住中指派傳單先?佢地只不過係以友善嘅方法去話比鬼佬聽我地華人唔係冇到嫁。如果怕事嘅咪唔好出聲囉,一出聲就唔好踏,講埋d廢話,聽到我火都黎埋。我係香港人,屬於華人一部份,我地華人有乜克人憎到要比人推落海,亦克人憎到自己人唔幫不得止,仲要踏多幾野。

  7. 過客君,

    係呀, 廁所長唔好過奈何橋呀, 因為真係做正陳國治個仔, 肯定激死老豆揾山拜。 因為好似老豆一樣, 有好人唔做, 走去做廁所長或自由黨嘅廳長; 一個擦廁所, 另一個就要擦老麥鞋, 咁冇出式!

    不過敢(咁), 有計!

    如果真係過奈何橋, 就叫牛頭馬面拉埋亞陳國治一齊過(政治)橋, 咁咪一定做唔到佢個仔囉, 重唔駛呢邊 d 華人選民眼火爆, 好「橋」啩?!

  8. 在加拿大的華人,千萬莫期待華裔議員會為你們出頭,先有陳卓渝及陳國治對人頭稅的全無良知態度。跟着有黃志華先後跳車。鄒議員(林頓夫人)不支持為她做了多年義工及並肩作戰的譚女士,反而支持受薪老外助理參選。目前候選人袁海耀令人討厭言論,K.K. Li選舉辦事處對華人傳媒的惡劣態度。種種事例可以看到他們究竟有沒有誠意為他們的鄉親父老出頭,或只是唯命是從(不論是非,只跟黨指示)的哈巴狗。

  9. 出嚟啦!

    出嚟啦!有事就無影無踪,無聲無氣,人做差佬,你地做差佬,同華人政客一樣,都係一擔擔!

    無事就係個電台成日講三講四,放屎放屁,我廁所長放長相眼睇到今日啦——咁就叫做華警,驚到唔夠膽出聲….緊係啦,我廁所長提議你地去偵查呀媽,呢種做法己經驗証到你地的華警地位真面目啦;等出糧啦,…等長糧啦,講屎講屁,我都識念啦….

    遇到滋擾,千奇唔好代替警察去做警察做既工作
    千奇唔好….
    要……

    繼續梨埋啦,朵埋啦,等單嘢無咁緊先至出嚟叫口號啦….
    千奇唔好代替警察去做警察做既工作
    千奇唔好….
    要…

  10. 獨孤求丙 // Sep 28th 2007 at 7:51 pm
    一個擦廁所, 另一個就要擦老麥鞋, 咁冇出式!

    各位網民,工作無分貴賤,廁所長工作擦廁所,也是工作,無所謂出式唔出式,工作一份姐!

    獨孤求丙,對人有沒有種族歧視我唔知,但對別人工種有歧視,咁,佢講的嘢,大家以後要用神睇多兩眼咯!林多兩林!

  11. 你地唔好咁啦,陳國治係一個冇轉數同語言能力嘅政客,而家仲冇埋良知,冇人選佢,10/10之後佢就要/可以退休嫁啦。佢嘅英語能力去到議會都敢開聲喎(唔知minute taking做唔做到?),麥老堅話 is that alright?,佢咪話 yes 囉,如果麥老堅話 any comments?,佢咪 no 囉。其實好簡單,不過head tax 就而家冇得試,劉醫生對慰安婦嘅言論,我諗如果佢親身經歷完就知幾慘嫁啦。派劉醫生到伊拉克幫個度d美軍慰安(據我所知好多美軍都係同性戀),事後問佢咩感覺囉。個班人夠竟係咪一定要做到咁衰先有官做?

  12. 廁所長,唔使勞氣,求丙兄都是講笑啫,在此留言區冇人信你是廁所長(在廁所工作),你都是講笑啫,何必介懷!!

  13. 過客,你錯啦,廁所長又要賣弄,認屎認屁一番!

    我無話錯呀獨孤求丙,佢寫的嘢,上文下理,陣陣文氣吹嚟,都係腥殺味重;所寫既嘢,係發自佢內心;我廁所長聞得出架!

    唉!我廁所長細個讀好多書架,話比你知呀!

    唔分析啦,夜啦,免得傷神,早的訓啦;今日未食過飯,依家煮煲緊兩隻蛋,食埋抵住肚餓訓啦!

    聽人唔會好多人去派嘢,華人,散沙一堆,叔骨就會!

  14. 想請問各在政客可否講一下各位的長處,不要浪費時間去攻擊對手,因這是市民的損失,我想知你們能為大家做到甚麼(上任其內)?大咆免提,請講實在些,自由黨不要再提有目共暏,因我地血肉共倒,NDP不要提樣樣改革又無政策、無計劃書,齋講!pc黨捉到麂都唔識脫角,唔駛講大多,因自由黨信用破產,坐係到都有票,少做少錯,唔做就無錯,請各位做個有前瞻的勇氣人民喉舌,不要再盲毛黨員,盲毛黨員只會有破壞而沒有建設的,祝各位老實。

  15. 青天葵兄:
    照你咁講,陳國治返港考oral都唔合格,因考官不准只答yes, no。橫掂安省都搞咁多ESL,唔自在在省議會搞多一個,反正有些印巴裔議員也可能會同陳國治做省議會ESL同學。

  16. 今次呢個選舉改革投票個個黨都同意,無他,因是落選重有機會,睇黎又一次公家分豬肉,真係唔知D錢邊到黎,易啦!又加稅,然後又有盈餘,接着就話有成績,有目共睹,跟住又加人工,派黑錢,黑暗政客!安省之災!一於投反對票!請問各位候選人怎睇呢?

  17. 廁所長唔好過奈何橋呀!! 你走咗﹐我地當堂冇哂留言嘅樂趣。係喇﹐計我話﹐都係番上黎繼續洗下廁所啦﹐好似我咁﹐洗下洗下就洗到出飯廳架喇﹐我而家都做咗廳長啦! 飯廳長呀!

    嘩﹐過客﹐一次過翻咁多華人參選者舊賬出黎.. 係喎﹐鄒志蕙冇撐阿Tam果單嘢﹐都好一段日子喇喎﹐你唔提我都掙D唔記得咗添!

    兩個論壇﹐咪搞錯呀﹐聽日果個Market﹐就第一台搞嘅﹐跟住敢瘦中華果壇係下個禮拜六2-4pm呀﹐果壇應該係華商會嘅﹐唔係第一台搞的。

    哎呀個廳又試好多塵喇﹐廳長又要開工喇﹐晏D先再番黎喇!

  18. 過客君:

    又 owe you one 喇, 唔該哂。

    廁所長:

    我吹吓水啫, 如果對任何洗擦廁所、通坐廁嘅職業有不敬, 要講句唔好意思喇。 最多咁喇, 下次我入廁所長嘅旗下, 一人之上, 萬廁之下嘅廁所時, 大小便時小心小小補返數, okay?

    不過話時話喇, 職業無分貴賤, 呢句嘢係呃鬼食豆腐, 揾嚟安撫人嘅啫, 你唔係咁都信下哇? 美國總統有自己架 Air Force 1 做私人的士, 而另外嗰邊就要攞幾蚊個鐘日日清理屎尿, 如果真係做緊廁所清理行業又厭倦聞埋 d 屎屎尿尿嘅, 俸勸閣下再去進修幾科, 就算同人按摩做 RMT, 都好過清洗廁所好多啩, 係咪咁話呢吓?

    關於袁國耀:

    我相信袁海耀己經在加國多年, 思維己習慣從英文出發, 所以一想用廣東話答辯「打官硿」時便出亂子, 聽落真似廁所長話齋: 「西瓜咆」一般。其實如果專業用詞, 忘記中文亦可用英文, 例如: 「釣魚人仕被推下海, 這個亦算英文講嘅 physical assault, 係 prosecutable to the fullest extent of the law 嘅」 家豪或蘇博土卽可接上, 避免袁變「西瓜咆」吧。 又例如被問及此事時, 而多少少政治智慧的, 就不會講:『不與致評』! 亞袁生呀, 推人落海, 毫無疑問是不對的行為, 只要說: 「吓, 唔係下話…不過我仍然對呢件事知得好少, 等我查清先再講喇」。 最低限度, 這樣不會被華人感覺你漠不關心吖!

    但 PC 有一樣陋習真要洗心革面地改, 就是由聯邦到省的層面, 亦周時採取同傳媒對立形勢。 KK Li 辦公室那 campaign manager, 真要面壁思過, 以後不要再犯同樣錯誤, 否則可請李生拾包服, 回去做其老本行 – physiotherapist 吧!

  19. 哈哈… KK Li被轟campaign team對傳媒態度惡劣..
    聽佢講D言詞﹐都真係有D肉麻﹐例如:

    力撐自己嘅"中國心"時: “我起頤康咁多年. 係因為我好終意D中國人嘅公公婆婆.."

    力撐自己冇睇唔起華人傳媒: “我好珍惜..今日起空氣中﹐向我喜歡嘅中國人宣傳政綱.."

    有D毛管棟添!

  20. 塵廰長,個名咁得意;唔怕生壞名,最怕改錯名!

    改名改成咁,
    因住比人 “時時勤fxxx拭,勿使惹塵哀"哈哈哈!

  21. 求丙 // Sep 29th 2007 at 10:44 am
    不過話時話喇, 職業無分貴賤, 呢句嘢係呃鬼食豆腐, 揾嚟安撫人嘅啫, 你唔係咁都信下哇?

    信架!我信架!

    你這嗰對別人職業有歧視的人呀,你這個小信的人呀,那裡知道民主自由,公平博愛,平等互愛這些優美的品德和操行呀!

    枉你在這個網頁討論區內不斷發言,有了歧視,對人對事所持的尺度已經不能作準,何來有健康的政治觀點呢?

    你今次露出了本性了!各位網民要留心這個求丙呢

  22. 我原先都想搵野質陳國治,但佢同黃生講完個句:"黃生,BC省適合你,你搬過佢。"Exact wording 就唔記得左啦。佢咁樣咪即係斯文咁發悔氣,態度=我(自由黨政府)係咁嫁啦,唔岩你咪走囉。不過我即場發應係指住陳國治黎笑,廳長嘅應對都只不過係細路階段,我聽完都冇癮啦,條條問題咁答都有一大班助選團拍手歡呼嫁啦。見住K.K.Li班鬼佬助選團係又拍唔係又拍,K.K.Li講時就唔怕,有2,3次我咪帶頭拍囉。李生今次超水準啦,有進步,所以臨尾我都同佢握手同佢講有水準,比係直播室度有進步。

  23. 廁所長:

    小弟好專敬閣下嘅情操、 民主自由、公平博愛、平等互愛、 職業無分貴賤等等, 同專敬 NDP 同共產黨嘅理念一樣, 但本人只係指出一向觀察得出來嘅結論: 職業係的確有分貴賤嘅。

    呢個只係客觀觀察, 所以廁所長隨便可「沖來屎」, 但切勿「殺來使」 (shoot the messenger)!

  24. 仲有一樣,陳國治結辯個句簡直好有水準,從佢嘅言論好難諗到佢講到咁嘅野,照住張紙讀,究竟係咪佢諗出黎嫁?不過李生個句有heart 過佢個句,陳生始終……

  25. 獨孤求丙 // Sep 29th 2007 at 6:47 pm
    本人只係指出一向觀察得出來嘅結論: 職業係的確有分貴賤嘅。
    =====

    廁所長細嗰讀書,讀到西方哲學,有個故仔話唔知係拍拉圖定係亞利士多德既一個比喻:

    故事話唔知咩嘢太陽的光線射左係一個山洞既牆壁,於是的人見到有光既地方係幅牆,就以為太陽就係幅牆個方向!(呢個故事好出名架!)

    獨孤求丙呢的所謂 {觀察得出來嘅結論},同拍拉圖個比喻真係好相同

    廁所長聽電台廣告:眼睇到既未必係真!所以求丙惘民呢的觀察得來結論係真係點?大家自己林林啦!

  26. 哈… 廁所長﹐你講果個拍拉圖比喻﹐係咪山洞影果個至啱呀?! 我塵廳長都讀過幾年書仔﹐都記得個咁嘅古仔喎! 話說係有堆奴隸一出世就被鎖起個山洞裡面﹐淨係可以面向住山洞入面牆壁﹐所以從來未直接望過洞外太陽﹐只係有太陽光從佢地背面照射入黎﹐因此佢地對世界一切嘅認知﹐就係靠望住山洞牆壁上面嘅影喇! 佢地以為D影就係真相﹐但唔知道其實自己根本未見過事物嘅真身!
    我塵廳長係咪好勁呢? 做到廳長都唔少嘢架﹐全靠我做廁所長果幾年都晚晚挑燈夜讀﹐所以都同廁所長你而家吹到兩句水!
    不過講番轉頭﹐獨孤求丙又點解無啦啦被拉咗入呢個比喻到﹐我有D一頭霧水。
    哎呀唔講喇﹐要執定D架餐同件避彈衣﹐準備聽日同班釣友入京士頓示威呀! 拜拜!

  27. 時時勤fxxx拭,勿使惹 “塵"哀

    嘻嘻嘻!

  28. 嘻嘻嘻! fxxx塵,係呀係呀,好似係咁!

    阿丙 **觀察得出來嘅結論**就係好似故仔班人一樣!

  29. 廁所長:

    繼瞎子摸象之後, 我又嚟一巨獻:

    【盲嫵摸老公】

    話說有三個盲嫵, 大舉一齊出動去摸老公。

    第一個盲嫵, 遇到大口青, 因為摸到佢個口, 就冇哂興趣, 因為係盲嘅, 唔知佢係出名嘅好好先生, 所以走咗個寶。

    第二個盲嫵, 遇到王敏德, 又因為摸到佢成面鬍鬚, 拮手, 又因為係盲嘅, 唔知佢咁靚仔, 所以
    又走咗寶。

    第三個盲嫵, 遇到 Robert William Pickton, 摸到佢個鼻哥, 知到佢係老外。 因為姖崇洋嘅關係, 跟咗佢走。

    結果可想而知, 第三個盲嫵因為相信幻象及傳說, 不顧現實情况, 終於做咗呢個殺人狂魔嘅第五十個受害者。

    呢個故事教訓我哋, 面對現實, 如果現實放在眼前而仍心存幻想, 唔去客觀觀察同分析, 重要好似在遊樂塲打傻瓜一樣, 將提醒佢嘅人冠以『露出了本性』, 『職業歧視』等名, 就睇睇呢三個盲嫵嘅教訓就知後果喇。

  30. 沒有聽候選人辯論,今早看星島,得悉陳國治被圍攻,又被市民黃先生狂質,終於發瀾渣收場。自由黨誠信早已破產,只要保守黨在選戰中少犯錯,已經坐定粒六,10/10省選後,陳國治就10下10下了!!

  31. 星島話今晚 wynne 同 tory debate 但又唔講幾點,報紙講到勢均力敵咁,望都望tory 有省長做啦。根本只係藍戰士大戰紅魔鬼,橙同綠都係陪跑,而家只望大選個日大家會作一個明智嘅決定啦。

  32. 睇唔明咩嘢叫做盲嫵?
    於是查字典啦:嫵,形容女子姿態美好

    盲嫵,上文下理,都九唔答八,
    盲人,形容名詞(人)係失明,所以係合文法;但係
    盲嫵,盲字係形容詞去形容嫵呢個形容詞,根本係唔知你講緊咩嘢?

    求丙,唉!攪清楚的條理先啦!
    其餘內容我無咩睇過,又有英文名,係邊個我又唔知,所以不預置評;你攪點的語文詞性先啦!!

  33. 啱啱隻老鼠走到網頁唔知邊一忽,大大隻三隻字彈出嚟,笑到我碌地!

    係咩嘢?

    物業估值被指不公

    特地到現場聽辯論會、居於萬錦市堅尼地路夾14街的黃定邦,力斥陳擔任稅務廳長時,

    比我睇到係 陳定邦 三隻字呀!!
    你話係唔係好笑呢!

    陳定邦,今次死咯! 我都唔明自己掂解咁記住呢個人,唔通聽得多收音機,一睇到黃定邦,就林起陳定邦!

    梆!梆梆! 哈哈哈, 夜深啦,打更佬出嚟啦!

  34. 今晚有飯食,等緊煮熟!有時間睇睇求丙【盲嫵摸老公】係咩嘢東東啦!佢咁有心機去作,花十秒八秒望望啦!

    求丙呢個故仔唔多掂!邏輯不通!

    為甚麼呢?
    因為三個盲(?)(因為我對個嫵字錯用存疑,拒絕使用)係個故仔裡面都係根據所接觸到的表象去決定婚嫁,運用了她們的客觀觀察同分析,在故事中是合理的選擇!

    但何以求丙卻說:
    “呢個故事教訓我哋, 面對現實, 如果現實放在眼前而仍心存幻想, 唔去客觀觀察同分析"

    現實係故事中三個人都要按事實去選擇,按照三人對婚嫁對象的喜好特點選擇,邏輯上是對的!

    求丙卻歸納成最終三人都是因為客觀現實是不能盡信,往往是令人受害!!
    這個歸納豈不是自掌嘴巴,跟求丙之前所講的
    “但本人只係指出一向觀察得出來嘅結論: 職業係的確有分貴賤嘅。 “同三個盲(?)所做行為模式是一樣,都是從觀察得來!
    求丙歸納三盲(?)都是錯,那邏輯上,求丙自己否定自己的言論,"一向觀察得出來嘅結論,: 職業係的確有分貴賤嘅。 “呢一句話,那都應該是錯了!!

    今次,求丙,你又虧了一趟!自相矛盾!!

  35. 各位選民要認真的去作一次選舉行動,盡公民的責任義務,得益的是大家。
    一個小的大話是要用另一個大些少的大話隱藏,現在大家已受咗四年的無數大話去欺騙你和我,再如此下去,安省就變成不安的省份,不忠自肥,無信無能,理財己財,自由精神,自由黨檢財,天荒夜談政黨,
    陳先生不要再愚忠,勸諫是忠臣至死不渝的,祝君醒醒!

  36. 自由黨由上次競選時直至現今所做過的事:
    1. 上次競選時,許下一大堆承諾(包括不加稅)
    2. 上任後,立刻加稅,借口是上手留下56億赤字。
    3. 因加稅有盈餘,又自稱做得好,自己友大加人工。
    4. 跟着使黑錢/派糖給自己友/友好社團去買票。
    5. 臨近大選,立刻大灑金錢,推出多項計劃及承諾,企圖收買人心。
    但他們不知道自由黨誠信早已破產,所以每次競選辯論,麥老堅都被人質至啞口無言,只要保守黨候選人在競選期間少犯錯,看來陳國治在10/10省選後,可以回家做廳長了。

  37. 意見同上 (兩位)。

    其實亦要同「選民」君 (或其他仍想選自由黨的人) 講聲唔好意思; 如果有任何人認為選自由黨的, 小弟就指他/她為娼妓, 就真係誤會哂喇。 「笑貧不笑娼」, 只是一比喻, 可用在不同塲合。 而且過客君亦有解釋, 還有一千零一種理由, 又何必對號入座呢? 其中一種理由, 就係「選民」君亦提及的, 就是保守黨亦樹大有枯枝, 而自由黨亦會有值得選的如黃志華 (當然黄己跳船到市選的層面)。 所以如果小弟選區內保守黨黨員, NDP 黨員, 綠黨黨員, 都真是「選唔落手」嘅, 我亦可能會投棄權票, 因為小弟認為最可恥嘅就係冇誠信, 將人民交予你嘅信任, 一拎轉頭就話:『Ha, Haaaa! 你班蠢蛋, 咁都俾我滾到!』

    當麥老堅話:『唔加稅』 時, 佢其實已清清楚楚知道有56億赤字。所以話唔加稅就只係純綷呃選票, 一早就計劃好哂, 一有人話佢「背信棄義」時, 就立刻攞出嗰 56 億嚟做擋箭牌, 有得賴就賴哂前任保守黨! 但最厚顏無恥嘅並唔係當時賴保守黨至要加稅, 而係執政四年後, 陳國治等人有乜到現時重攪唔掂嘅, 重可以賴四年前嘅政府。 咁嘅一班無恥之徒, 真恕小弟投棄權票亦不能選任何一個出嚟在 Queen’s Park 代表我, 重要俾我辛辛苦苦賺番嚟嘅錢十幾、 二十幾萬 (加 tax-free benefits) 俾佢哋每一個騙子做人工, 真係打死我都唔會選自由黨!

    好似葉劉一樣, 一個咁有自信同自大嘅人, 你信唔信佢真係覺得佢以前做錯吖?

  38. 嘩!

    連續三個東西係咁講我選邊個黨,我憎邊個黨,你個黨點臭,佢個黨點好;唔???唔多妥!

    利用呢到做平台,進行政治拉票,倒票行動,廁所長認為呢的行為唔要得!!!!!

  39. 我要平衡吓佢地!

    各位朋友,各位網友,各位叔伯兄弟:

    選舉呢家嘢,個個都會話自己香,人地臭;有人拉票,亦都有反對一方進行倒票活動;唔好話選民係明智,會曉得邊的說話係對係錯係誤導係歪論,所以你地

    1: 去投票之前,要想清楚
    2: 想唔清楚,又或者唔知個的一個個爭個十三萬年薪同褔利既候選人係咩東東,你地可以交由個天做決定!
    A) 擲銀仔公字
    B) 投票時用铅筆飛標,飛中邊個候選人就係天子
    C) 點子兵兵點著邊個做大兵
    D) 帶埋的骰子(色仔),碌中邊個數目就順住數邊個
    E) 十月十日二零零七;將呢組數字加加減減都得架

    臨開跑之前,馬評家一定有好多貼士;但係真係跑時,賽果係點呢?你又會點買呢?
    大家落場玩吓又得,齌睇跑馬又得,青根現埋呼叫"自由萬歲""多得利""綠玉翠河""新民主";各有各叫,各有各買!

    講到呢到,真係想回流買馬仔!好過癮架!

  40. 嘻嘻嘻! 今早粗粗地睇過網上的報紙,話淨係得八個人去派釣魚落河事件簿的宣傳單張!

    我都話左唔使擔心啦,生有時,死有時,樣樣嘢發生係好,唔發生又係好;去又好,唔去又好;人少少,又達成目的,雙方都好!

    由下次開始,我改名做生神仙唔知過唔過份呢???

  41. 廁所長,你說得對,真是買馬仔好過去投票,我肯定不會投票於自由黨,其他幾个黨候選人又不知所謂,諗到頭都痛都不知投誰一票才對,如投白票,不如在投票日去新x紀場外投注站買馬仔好過,晚上返家看看陳廳長還有沒有廳長做算了!!

  42. 唔玩啦,又要開工清潔,收工再玩!(可以不登)

  43. What’s going on? 生神仙都要做清潔!

  44. Tory 咁搞法我都諗唔到點講,自己立場冇變,只係對黨嘅立場變左。係咪驚,我又唔敢講係,我諗都係黨入令到佢下呢個決定,我其實都覺得咁做好公平,唔明d人點解反對。

  45. Alex’s attitude is making me sick. Who he thinks he is?!

  46. 獨孤求丙, 孤就孤啦,孤陋寡聞呀媽!!嘻嘻嘻!

    話左你個人對人對事有歧視,有成見就唔好係呢度日日害人,發表埋的偏差嘢啦,對人無益架!!

    傻丙,又教你一樣嘢呀!我老友呀濟公佢都係做乞丐架咋!!嘻嘻嘻!話左你有偏見有歧視,孤陋寡聞!!!

  47. 打錯字:係生神仙,唔係山神仙(校正)

  48. John Tory 自尋煩惱!
    捧PC 咪話佢順從民意!
    踩PC 咪話佢進退失據!
    你唔好話俾我知佢會出唔到線!

  49. 十三萬年薪
    加福利,
    加名聲,
    加地位,
    加光宗耀祖,
    托友候門任差使,
    電台電視大咪來

    選?選省議員?我又參選,選中,真係無死架!做十年廿年你都無十三萬一年啦!!哈哈哈!!

    生神仙今晚未食飯,可能肚子空,動了真氣,說了真話??????

  50. Oct. 1,2007 at 7:13 p.m. 並非本人留言。會否是留言板弄錯或其他原因!!

  51. 生神仙 (山神仙?) 參選﹐好呀!! 我塵廳長最鼓勵華人(華仙?)參政架喇! 嗯等陣﹐但你係咪會代表加拿大共產黨出戰先?!

    過客﹐唔洗勞嘈﹐或者第二個人唔係專登冒認你﹐係真係以為 “過客" 係一個泛稱唶﹐哈.. 睇黎你不如改一改個特別D嘅名.. 例如 “過客(原裝正版的)"…

  52. 生神仙如果參選,無論代表共產黨,國民黨,納粹黨,真主黨,黑手黨,自由黨,保守黨………….小弟都全力支持,有朝一日當選,記得關照此留言區班兄弟姊妹,還有用激將法鼓勵你成材的獨弧求丙。

  53. 無黨無派無束縛
    心思心情心氣和
    求丙盲(嫵)非良士
    鼓勵成材未到他

  54. 每日一見塵廰長
    一定想起神秀來
    時時當記勤fxxx拭
    勿使廰長塵肛傷

  55. 係喎,拂一拂塵廰長,佢大叫一聲"共產黨"

    咁先至記得十月一日好似係國慶!

    我們同唱國歌

    義勇軍進行曲(中國國歌)

    起來!不願做奴隸的人們!
    把我們的血肉,
    築成我們新的長城!
    中華民族到了最危險的時候,
    每個人被迫著發出最後的吼聲!
    起來!起來!起來!
    我們萬眾一心,
    冒著敵人的炮火 前進,
    冒著敵人的炮火 前進!
    前進!前進!進!

  56. 在電台鬧人「懵佬」,如此低俗的話語,竟然未被主持人制止或警告,可見這個節目的水準之"高"……

  57. 低俗?
    點俗得過生神仙廁所長呀!
    點為之俗你都未知呀?
    真係好高呀!我日日都聽,日日都鬧,日日都媽媽聲,近日仲拂拂聲,同塵廳長勤加拂拭!!

  58. 你呢個苗苗唔洗起度嘴廟廟喇, 我塵廳長夠硬淨, 刀槍不入, 食得鹹魚抵得渴, 如果怕比人轟都唔會出黎選!
    我想提你一句, 鬧人果個係聽眾, “懵佬"一詞又唔係李家蠔講, 唔係蘇根節講, 唔係馮肉蘭講, 關鬼個台咩事? 加上"懵佬" 又唔係粗口, 憑咩制止同警告? 唔通告佢誹謗呀? “唔該, 我告佢, 佢話我懵佬, 但我的確唔係懵佬", 咁呀? 同埋果個係起商場嘅live節目, 你唔通學阿社民連咁走上去搶咪唔比佢講呀?
    呢度加拿大, 唔通話下d政客都唔得? 話哂都出糧比佢吖! 你最多話我地冇禮貌冇文化, 但你冇權要傳媒封我地口唔比我地講! “制止或警告"喎, 笑死人, 佢唔懵, 你就真係懵喇!

  59. 嘩嘩, 比生神仙個4:13搶先咗我個4:25! 估唔到我塵廳長同生神仙都有D默契喎! 阿嘴廟廟會唔當咗我同你係同一人, 起度自說自話?! 哎哎哎!

  60. 早又拂,晚又一拂;塵廳長,一的都無塵!

    老塵,咁得閒係到打電腦,你今次死緊,一定輸呀!

    呢個時候,唔係四圍拉票,仲係到作呢作路,今次生神仙睇你都係凶多吉少咯!

    預你落選!!!

  61. 你係加拿大,國慶(7月1日),加拿大日已經過左,點解唱別國國歌?如果你種意唱,可以日日都唱 O Canada 嫁喎。


發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s

分類

%d 位部落客按了讚: