發文作者:kahoo | 九月 21, 2007

Leaders’ Debate: 今晚黨魁辯論的結果會影響你在10月10日的投票決定嗎?

特備節目: 《省選黨魁辯論前哨戰》

主持﹕ 李家豪、蘇賡哲

嘉賓﹕
華人自由黨協會會長 李信杏
安省保守黨候選人 袁海耀
安省新民主黨代表 譚潤棣

精彩重溫:

Part 1 (starts at 28:30):
Round I–
誰是當省長的最佳人選?
www.torontofirstradio.com/archive.asp?filename=ampart12-9-20-2007.asf

Part 2:
Round II– 各黨代表 脣槍舌戰
www.torontofirstradio.com/archive.asp?filename=ampart13-9-20-2007.asf

Part 3:
開放熱線– 自由黨候選人陳國治致電節目 回應有關黃志華的提問

www.torontofirstradio.com/archive.asp?filename=ampart14-9-20-2007.asf

Part 4:
各黨代表即時評論 黨魁辯論
www.torontofirstradio.com/archive.asp?filename=ampart15-9-20-2007.asf


Responses

  1. 。

    如果「莊得你」有咁大個箭靶都唔識駛出「萬箭穿心」嚟 reduce 亞 Dick to ashes, 我就立刻撞頭埋 牆 喇。

    咁試問死咗嘅我, 又點可以下個月去投票呢?

    所以今晚辯論結果, 一定會影響我在10月10日的投票決定。

  2. 關我屁事!

    便生便死,都係來來去去幾隻嘢玩哂!有無嗰黨係東亞華民黨一齊便論呀?無呀媽!咁緊張把屁咩!!!

    邊嗰上位,都係十十聲萬萬聲年薪,四年加埋福利,加埋同的商家通過各種商業條例,方便商家,種種關係加埋的錢銀,多都你同我都唔知…….

    自己唔同自己打算,年近半百信呢嗰過個,真係唔好做人咯!所以我話比大家知,我話知佢便大定便小呀,我地見慣世情,到依家只係關心老闆會唔會提早加我10蚊一個鐘,買649,同super 7中奬!!

    求神求神,還希祢快的降臨,財神降運!!!

  3. 辯論? 唔會影響到我嘅投票結果咯﹐講黎講去都係果個框架啦。辯論呢D我素來都提不起興趣..
    三個都唔要﹐得唔得呀?
    嗯﹐香港泛民主派下星期夠又要整個乜鬼初選辯論﹐你話勞永樂如果辯論贏咗﹐唔通佢又會取代陳太出線參加補選? 辯來辯去…

    不過抱歉我扯一扯開少少話題… 今日打開兩份中文報紙都又見到KK Li見報﹐繼上次比人話 “偷步插牌"之後﹐今次又一負面新作… “拒華裔警政委員會委員與傳媒於門外"!
    個campaign team咁唔識做﹐完全唔識同華人傳媒同華人社區搞好關係 (唔好話"搞好"吖﹐我感覺佢地直頭係有D岐視華人.. 串到爆! 唔淨止係今次事件) 個campaign manager拒人於門外嘅過程比人影哂出黎﹐仲要指手劃腳怒氣沖沖﹐你話幾樣衰呢! 喂人地黎採訪你﹐難得比機會你見報比你曝光﹐Lur飯應啦下話! D老外個腦生起pat pat度? 雖然陳國治成日被轟呢樣果樣﹐又話英文唔好定乜﹐但佢比人嘅概括印象(至少對傳媒)相對之下真係好好多。KK Li今輸都冇得好怨喇﹐實在唔掂。

    星島:
    http://www.singtao.ca/singtao_east/www/2007-09-20/1190276566d509508.html

    明報:
    http://www.mingpaotor.com/htm/News/20070920/tbb5.htm

  4. 叫陳廳長學佢阿頭啦,搖住頭咁講"It’s not true","Mr. Tory is so negative"同埋"You are making this up",Markham unionville debate 三句都岩駛嫁。講真,睇完對我嘅投票意向都冇影響,因為得一個黨係我覺得比較穩陣d。

  5. 新民主黨有菩薩嘅心腸,冇菩薩嘅法力。畀佢哋理財只會係洗腳唔抹腳嘅料。又記得長輩教落一次不忠百次不用,唸來都好難再畀機會麥老啦。所以呢次唯有投保守黨一票。

    唔睇好啲華人候選人。眼見無論黃志華或陳國治,一旦坐上議員個位都係面目可憎。無論政府做得對與錯,喺一本政經都係死撐要維護自己嘅黨。試問仲有邊個傻佬會指望佢哋幫手出聲反映意見?

    再者,睇來呢次參選嘅華人候選人啲質素都成疑問,所以喺陳國治嘅選區大不了係一場水兵對水手嘅鬧劇。好失望,冇眼睇。

  6. No, it won’t affect me, no matter what big ugly liar McGunity said, I would still vote for Conservative to kick him away.

  7. I also agree what Alex Yuan said McGunity is not a leader and he doesn’t know how to assign right work to right people, if you notice how Ivy or Micheal speak or debate, they always sound like Mr. Tung!!!!!! We are so sick and tired about your excuse or just blame on others, I know and I understand they hide and leave that 56 billion for you and McGunity did such a GREAT JOB after he raise the tax and he finally solve the problem, uh. BUT he find another excuse to keep charging us, otherwise, how can he keep raise their own salary and having so much benefit. By the way, if you are that good, you can solve that hiding 56 billion without raising our tax, I would totally agree you deserve our ballot.

  8. 不論辯論結果如何,總之要踢麥老堅下台,自由黨成為反對黨也可以接受。
    我會投保守黨一票,及發起號召各親朋好友投PC一票,共同合力踢走麥老堅及其無能黨羽!!

  9. 嘩, 好好睇呀! 重喺 CTV.ca 睇緊 missed 咗嘅 debate…

    正!

  10. 求丙兄﹐乜你半夜三間先黎睇埋D咁劇烈嘅嘢呀﹐哈哈!

    辯論.. “莊得你" 表現無疑最好喇。雖然我冇專心睇哂全個﹐但見佢講得好順暢伶俐。老麥四面受敵… 冇喇﹐冇喇﹐氣數已盡!

  11. 哈哈, 霄兄, 係呀, 緊張個睇波呀。 麥老堅一俾其餘兩位: 「How又鹹敦」同「莊得你」鋤到應, 我就大叫 “SCORE!!!!" 架啦。

    最深刻印象老麥無言已對而就立刻駛出太極推手, 帶人遊花園嘅, 就有以下幾點:

    1. 數名資深經濟學人在老麥未作出『不加稅』誠諾之前, 已清楚指出那 56億 元赤字。 全世界亦知, 但老麥會懵到上心口唔知? 如果自由黨真係「戆居」得咁緊要, 重可以佩攞納稅人人工咩?

    2. 將貧窮家庭 $25,000 收入的單身母親加 25% 重稅, 但就寬減大企業稅欵。

    3. 只在任四年, 便將安省帶到就業, 投資環境等各樣在加國或世界上亦「名列前矛」 —- 如果倒轉嚟數嘅話!

    4. 上次競選前曾話過『大學學費現時已經太貴了』, 但現在則準備大幅度加大學學費。

    5. 所有已取銷或不做的項目, 突然在競選前幾個星期全數推出。

    呀, 係呀, 家豪禽日訪問袁國耀同塞緊車嘅陳國治等幾人, 嗰位帶國內口音嘅自由黨女仕係乜水話? 好在老陳塞緊車都打上嚟伸出援手救姖一命啫, 唔係就一定俾袁國耀同譚潤棣溶咗都似喇。 因為同自由黨護航, 唔用幾個人幾把咀 gang up 又點可以用歪理嚟說服 d 無知又貪婪嘅選民投佢哋票呢?

    近尾段「莊得你」講得最好同最好笑嘅, 就係話老麥「就嚟你一有乜唔掂, 就可能賴埋 John A. Mcdonald 架喇」!

    中正佢要害!

  12. Apologies, typo again:

    John A. Mcdonald should read John A. Macdonald. McDonald’s sells Big Mac and other fatty, salty food but Macdonald is Canada’s first Prime Minister.

  13. 美國佬美太玩具的高層係中國會見長江

    叩頭應錯!係美國設計有問題!!

    叩頭應錯!唔,蠻夷鬼佬,受中國禮儀之邦洗禮啦!

    叩頭,叩頭,再叩頭!!!哈哈哈!!!

  14. 哈哈.. 好正﹐今日報紙新聞大都用 “麥老堅被圍攻" 黎做大題.. Star仲用埋"莊得你" 同 “敲嘩輕燉" 兩個握手嘅相黎做頭﹐夾住麥老堅起中間﹐哈哈..

    求丙point out果句好抵死﹐我尋晚miss咗添﹐唔係實笑死! 唏﹐薯條老麥同總理老麥都一樣啦﹐都係一個 “賴" 字之嘛!!

    尋晚深夜當求丙兄你翻睇緊CTV debate時﹐我就聽番1540家豪個節目﹐哈哈﹐都幾搞鬼喎。學你話齋﹐阿自由黨auntie都真係危危乎﹐仲有幾下比人問到窒咗dead air添..! 相對之下﹐阿小袁哥嘅言論仲顯得流利咗﹐哈。而阿Tam就不嬲都係講得之人喇﹐淡定有錢淨﹐我一向都幾鐘意聽佢講嘢。
    自由黨個argument本身都已經薄弱﹐仲要阿auntie唔係咁吹得﹐死都拗唔番生﹐救佢唔到咯。

  15. 廁所長: 雖然係唔貼題﹐不過呢單真係好pk!!
    Mattel班老外擺明就玩嘢﹐咁大間公司都可以做得咁卑鄙﹐出咗事就即刻推哂個波落中國度﹐卒之而家玩大咗喇﹐中國要發惡佢就怕怕﹐拿拿林"吵冧".. 真係卑鄙到極!
    最慘係果個自殺身亡嘅香港商家… 真係枉死! 比班老外害死! (乜我D口吻愈來愈似廁所長嘅?)

  16. Can anybody tell me why is Liberal still heading the poll? No ones want McGunity, no ones want Liberal , impossible!!!!

  17. 如果民調機構 (pollsters) 沒有被操縱的話, 自由黨惡貫滿盈, 但仍可受大多數選民擁護, 小弟有以下解釋:

    1. 笑貧不笑娼: 上任保守黨夏理斯及依夫斯離任時留下赤字, 但現今自由黨則有盈餘。 所以有部份人可以出賣自己專嚴, 忍受被人愚弄, 套一句鄧小平的名句:『不論黑貓或白貓, 捉到老鼠的就是好貓』。 總之有錢便行, 作娼妓亦何妨?

    2. 有色人種 (Visible Minority/Majority): 安省現今大約有三成移民, 大多市有超過五成。 有部份(或可能絕大部份) 對正直, 人格, 及誠實覺得不以為然。 總之得到手, 莫問經過過程。本土加拿大人(不論膚色) 絕大部份對人格甚為重視。 好像約克區如萬錦市 (York Region) 的公立學校有一口號: “Character Matters – 人格是重要的"

    3. 派錢: 自由黨用你與我 (納稅人) 的金錢, 派給「自己人」及社團。 那些人你猜會投票給誰呢?

    4. 盲目追捧: 有很多區域如土嘉堡, 是自由黨的長勝區 (stronghold)。 居民盲目投票, 不論政績. 只投自由黨。

    5. Cytodex 兄話齋, 派免費品/免費餐: 利用沒主意的人之貪婪的劣性, 拋磚引玉, 當選民是頭狗, 給你狗餅, 你就要做某個指定動作。

    其實今次省選, 如果保守黨勝出, 亦未必是一件好事;因為由美國次級按揭危機帶動, 有可能另加國經濟倒縮。 如保守黨現在上任, 到四年後可能因大圍環境影響, 又再有數億赤字。 到時如被話其理財無方, 真是水洗不清了。

  18. 霄兄:

    其實 嗰個自殺身亡嘅香港商家, 可唔可以告 Mattel 呢? 我其實之前亦諗到: 『 咦, Mattel 冇 Q.C. 嘅咩? 點解咁多樣產品唔掂 Q.C. 都 check 唔出嚟嘅?』 惟一解釋就係根本個含鉛量個 spec 亦一早有問題, 而 Q.C. 亦係照 spec 做嘢啫 …但又諗吓大陸可能因貪污, 所以先過到骨啫…

    不過而家好咯, 一天都光哂咯!

    Mattel, 咁就真係可以譯做「咪鬥」(Don’t Touch) 喇。

  19. 霄九里,你個名好賤,本來我都唔係好鍾意同好似我咁爛口的人傾偈,因為無咩嘢長進,揾對象,我係鍾意揾個的斯文友玩,佢又要扮斯文,唔似我地,可以立亂爛口,一味死忍,真係好過癮架!

    美國玩具單嘢,唔係咁簡單!應錯容咩易姐,我係李長江,中國官方代表,我唔會咁輕易接受!!
    比美國佬加拿大佬咁攪,所謂文明先進國家,可以如此草率經濟侵略指控他國,無中生有,強詞奪理,這還成世界!!

    多倫多傳媒,包括埋一本正經李家豪,日鬧夜鬧,自暴其醜,廁所長講嘢有嗰句講嗰句,唔怕你唔鍾意!嗱嗱嗱,依家人地應錯,又唔見佢正視聽,還中國一個公道!!

    唔係咁簡單!鬼佬信得過,的豬都會重申改寫,豬咁精啦!

  20. 求丙網友, 閣下欲自由黨省選下台有閣下自由.但言詞間請勿作人身攻擊.選民投票皆有其理由.老實說,投票祇不過是在幾個爛橙選一個.閣下選爛心橙,我選爛皮橙,人各有所選.閣下言及有盲目追捧,但我認為亦應有盲目反對.

  21. But I think is totally understable even though you think his opinion is not appropriate. Look what McGunity and his team did to us, how they manage, how they use our money!!! Don’t tell me his brain deserve this kind of salary. If you accept and believe their ridiculous excuse and I can tell you I can’t lie to myself that you are not one of the association who get the funding from Liberal. As I said, Conservative might not be the best but I am sure Liberal is the worst.

  22. To vote for one party in order to kick another party out, usually it ends up much worser…..look back what happened in the 90’s, NDP downed and Common sense revolution gave us nothing good.

  23. don’t get me wrong, I’m not liberal supporter……..but my parents get the cataract operations done within 6 months………and lots of job postings in the hospital, people who are not working in this industry won’t know the difference between now and in the 90’s.

  24. I’m expecting the liberal bashers are coming to attack me, come on baby!

  25. 選民網友說得非常對,而求丙兄只說出殘酷的事實,的確是會令當事人有受委屈之感,我亦心感同情;但若然是非、黑白不分,只求個別利益而放棄團体、國家利益,那就真的是……。選民網友你說幾個爛橙!現今在你眼前的就是爛橙一個,這是實實在在的,而其它橙你也說難,你有什麽憑據,也只是閣下片面之詞;請不要說他以前,以前閣下可能在港呼風喚雨,但現今又如何,所以勸君還是客觀一點面對現實好。
    其實你可以將自由黨好的政績和可取之處寫出來,好讓大家分析和比較,可能會令網友們從夢中驚醒來,改投自由黨一票呢。

  26. 唔爛口都可以好過癮,有時聽黃子華講,唔駛粗口都好笑。不過我個人覺得NDP d 人語言個方面幾好,layton, hampton 都好好嫁喎。不過hampton 度度都泵到水,語出驚人,我先冇膽比張票佢。陳國治中文都冇譚潤棣咁流利,如果佢個黨唔係NDP,出黎選可能贏陳國治嫁喎。

  27. 愛國者導彈網友說得非常對!!說得好!想你自已, 親人,朋友,同事都沒有打算投自由黨一票!否則如獨孤求丙網友所言,他們 “總之有錢便行, 作娼妓亦何妨?", “有部份(或可能絕大部份) 對正直, 人格, 及誠實覺得不以為然."
    對相反意見者持打壓,誣陷,污蔑,無所不用其極,文攻武鬥,正是爾等 “正直,人格高尚者" 一貫作風!
    本人是憑一己之好,從三黨之優劣評分而取自由黨,並沒有想在此為自由黨拉票,所之毋需向其他人交待.

  28. 選民網友 及 Vic Park Uncle君:

    爛心橙、爛皮橙的比喻, 在下覺得用爛心橙形容自由黨比較貼切;因為加稅誠諾,醫療付加稅 (Health Premium), 黄子華事件, 私相授受, 浪費公駑, 等等等等, 真數亦數不完, 如果因為數十個原因而反對投票給自由黨亦可算做「盲目」反對, 在下真無話可說了。 又用買車為例, 小弟亦有四圍試車的嗜好, 亦試過幾欵「平字」汽車, 但如果不理 Consumer Reports 對此品牌的下下級可靠性 (reliability) 評級而盲目追棒「品牌」, 吃虧的始於是自己。

    我亦很明白 Vic Park Uncle 的處境; 但做過教師的夏理斯在任的保守黨政府的「常理革命」(common sense revolution), 是看到不合常理的事而起的。 例如雖然公立教師盡忠職守來教育下代的大不乏人, 但有很多不負責任, 悠閒懶惰成性, 跟本只是在出高薪, 誤人子弟, 還頻頻發動罷工, 用納稅人子女作人質, 廹教管局不停加薪; 公立醫院亦有類似情況, 醫務人員做事懶散, 無論政府投放幾多錢, 效率亦是「與時並退」, 但輪候時間則「與時並追」, 閒閒地「急政」室等上四至六個小時以上, 正合 Michael Moore 套 “Sicko" 的 poster 一樣, 「急政」室入面等到有幾副骷髏骨頭亦有之!

    「常理革命」, 話明「革命」, 就一定會有「犧牲」。 教師要再考試 (recertify) 才可執教, 醫院亦希望可節省開支, 兩處亦希望打擊工會, 但成功與否, 就視乎選民及工會勢力了。

    怎也好, John Tory 亦誠諾給二百零六億 ($20.6 billion) 做醫療撥欵, 醫療服務如果再沒有改善, 我們就知這真是一個無底深潭了。

    導彈兄說得好, 如果想投票給自由黨, 請將自由黨好的政績和可取之處寫出來, 讓大家來比較一下他們四年內累積那幾十點無恥的政績, 來評評理吧。

  29. Hi All,
    I can’t think of anything that I would agree to what Liberal have done is right or correct.

  30. 選民君:

    這是一個民主國家,每個人都有選舉的自由,也有選擇任何政黨的權利,你當然有權去投自由黨一票,這是沒有人可以阻止的。

    但任何人都有權去批評任何一個政黨(當然包括你喜愛的自由黨),只要不是無中生有,惡意中傷,或無理取鬧的話,大家都可以作有理性的討論,請不要將他人對政黨的批評而將自己對號入座。

    正如導彈兄及求丙兄所言,請閣下列出自由黨過去四年的德政或良好政績提供出來,說不定許多人看了會回心轉意而投麥老堅一票。

    最後你投任何黨一票,當然不需要向任何人交代(最多是向自己交代而矣),這是個人的自由和權利。

  31. 選民網友:你有冇聽過一則新聞;有一個女社工要求和葉繼歡結婚喎,你知唔知點解呀?我就唔知啦!家人勸極佢都唔聽,真係莫明其妙!

  32. 當然莫明其妙!!爾等認同獨孤求丙網友 Sept 22nd 2007 at 8:40 a.m.一文內容無冒犯等人,除非已與投自由黨一票親朋戚友斷絕關系,否則便認同該等貴戚貴友成就了獨孤求丙網友“總之有錢便行, 作娼妓亦何妨?”一籃子娼妓!!

  33. 註:葉繼歡仍香港的頭號罪犯。

  34. 選民君:
    每個選民投票給自己喜愛政黨,理由可以有一千零一個,求丙兄只是解釋投票于自由黨其中的幾個原因,假如閣下不是求丙兄所提及那幾類人士,那又何必動氣斷章取義地說"總之有錢…………..",又何必對他人指出的原因而非自己投票的原因而對號入座。
    假如自己的親朋好友投票給自己不喜歡的政黨也絕對不應該給他們扣帽子,因為他們有絕對投票自由

  35. 再者:選民網友,絕不應該視親朋好友投票於自由黨便認同是"總之有錢………一藍子娼妓",更不應該與他們斷絕關係,因每個人均有不同選擇,例如台灣也有很多家庭,父母投國民黨,子女投民進黨,難道他們要斷絕父子關係。所謂曹操也有知心友,關公也有對頭人,喜愛一個黨就好象喜歡一隊球隊,有時也可以說不出原因,就算那隊球隊降了班(由甲組降下乙組),如有時間也會到跑馬地或大坑東球場去捧場。所以不必介意他人怎樣看自由黨擁護者,如果你不是求丙兄所指那幾類人士,那就更加不用介懷了!!

  36. 過客網友,部份認同你 Sept 24th 2007 9:41 a.m. 及 11:12 a.m. 的回應.
    抱歉在下氣語言詞稍重,如有冒犯,多多包涵!
    在下引用 “親朋戚友" 原是過份,但祇是以子之茅攻子之盾,希望其他網友下筆攻堅前三思.
    自由黨不是我喜愛的政黨,但經過本人深思及回顧這幾年間其政施還可(雖有失諾,但其部份失諾政改實為我所喜),而本選區現任自由黨省議員表現不錯,又保守黨有多項施政建議及部份PC黨員言論令我不安,所以不變應萬變,唯取自由黨.
    我相信很多省民極想變天,這是好事,祝如願以償!

  37. 選民網友:
    得悉你選擇自由黨原因是基於貴區的省議員做得好,這都是支持該議員連任而投自由黨一票,這個理由也非常充分,祝願望成功。

    此外,小弟支持PC,但對於PC個別侯選人如K.K.Li 及某些黨代表如Dr. Lau等的言論也非常不滿,尤以慰安婦事件為甚。幸好K.K. Li 在Markham選區,與本人所住地區無關 ,所以減少考慮到是否華裔侯選人的問題,放心投票於PC侯選人。


發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s

分類

%d 位部落客按了讚: