發文作者:kahoo | 一月 27, 2007

塗污《秋天的童話》無聊!

香港廣播事務管理局早前裁決,指無電視去年101日重播的電影《秋天的童話》含有粗話,作出勸喻。廣管局後來表示,要求無日後重播該片時,須刪 除片中的粗俗對白如「隊lum佢」、「躝癱」等。電影界對廣管局的決定表示憤怒,認為扼殺電影創作空間,《秋》片導演張婉婷更稱會聯絡電影人研究進一步行動, 反映創作人的關注。

一位哲者說過﹕「最嚴苛的審查的特色,是它令被攻擊的人更有公信力」( It is the characteristic of the most stringent censorships that they give credibility to the opinions they attack.) 《秋天的童話》是香港最經典的浪漫愛情電影之一,廣管局的裁決,損害了它的藝術完整性﹔僵化機械地審查電影內容,惹來藝術界反感,觸動市民神經,實屬意料中事。

廣管局在判辭中指,《秋天的童話》 含有一些粗俗及極度惹人反感的用語,不適合兒童或年輕觀眾,不應在預期有大量兒童或年輕觀眾觀看電視的時間,特別是學校假期的日子播出。今次《秋》片播出 的時間,是去年國慶假期的下午118分至319分。若廣管局擔心在家的兒童可能被劇中粗俗對白影響,要求無在重播時謹慎安排時段,讓家長從旁輔導, 倒也無可厚非。根據現時《電視通用業務守則》,亦規定了電視台應禁止使用「惹人反感」的用語。

可是,廣管局畫蛇添足,認為那些粗話「在任何 時候均不應在電視播放﹔及雖然是為了塑造人物的性格,但那些粗俗用語不應在有關節目內經常及毫無節制地出現」,又說「即使該節目屬家長指引類別和在合家欣 賞時間以外的時段播出也不能接受」。推論至此,廣管局的蛇足未免畫得太長太大了。

《秋天的童話》1987年上映時叫好叫座,90年至今,無曾三度重播,總共逾300萬人收看,但只有一宗投訴。若該片的粗俗對白確如廣管局所指的「毫無節制地出現」,那是否代表香港觀眾的水平今昔有別﹖抑或是廣管局成員的道德水平忽然大幅提高﹖

者,《秋天的童話》是一個愛情故事,它講述來自香港的「十三妹」遇上出身市井的「船頭尺」,兩人階層各異,是電影的主要戲劇衝突來源,最終交織出一段異地 愛情故事。劇中「船頭尺」幾次說出粗俗用語,都是發生在兩人感情跌宕之時,試想,若「船頭尺」不說「隊lum佢」,改為「讓我把刀子刺入他的身體,叫他死亡」,電影就會脫離現實,悖於常理。理解語言不能離開語境,廣管局孤立抽離地一字一句審查,違背常識,結果在公眾面前上演了一齣荒誕劇。

國作家加納 (James Finne Garner)寫了一本《政治正確童話》(Politically Correct Bedtime Stories)諷剌政治正確,書中特地「自我審查」了所有政治不正確的語言白雪公主在小矮人的小屋中醒來時,改成「發現有七張長滿鬍子的臉孔、身高受 到挑戰的男人圍在邊」,這是因為「矮」屬於政治不正確﹔三隻小豬的故事也要加上這樣的說明﹕野狼純屬虛構,實際上沒有任何狼隻受到傷害,以免動物權益不受尊重。加納書中呈現的荒謬感及政治正確對文學的扭曲,值得廣管局成員細讀反省。

廣管局塗污「童話」,實屬無聊,從巿民對廣管局就《秋天的童話》的裁決反應可見,廣管局與一般群眾之間確有距離。藝術創作自由從來都是大事,廣管局應汲取教訓,避免再觸動藝術界和市民的神經,否則只會陷入失道寡助的困境。

Source: Ming Pao (Hong Kong)


Responses

  1. 「《秋天的童話》 含有一些粗俗及極度惹人反感的用語,不適合兒童或年輕觀眾…. 在合家欣歡賞時間以外的時段播出也不能接受」
    .
    嘩﹐我睇"秋天的童話"睇咗咁多年﹐被灌輸咗咁多"不良意識"﹐唔怪得我今日變成咁啦﹗﹗你睇我﹐而家又粗俗﹐又市井﹐又冇文化﹐嘩﹐D咁嘅電影真係害人不淺呀﹗﹗禁禁禁﹐真係禁哂佢呀﹗唔可以比我地可愛嘅未來社會棟樑被"荼毒"架﹗淨間班細路仔睇完﹐個個都走去通街叫人「躝癱」﹐通街話要「隊lum人」﹐咁香港就沉淪喇﹗﹗必須要禁呀﹗
    .
    哎呀﹐照呀老外Gardener咁講﹐真係唔止"秋天的童話"要禁﹐就連所有童話咩白雪公主﹑三隻小豬果D全部都意識不良喎﹗咁唯有禁哂佢喇﹗
    .
    係喇﹐我知喇﹐最好就將班細路一日到黑鎖起屋企﹐唔好比佢去街﹐唔好比佢聽收音機﹐唔好比佢睇電視﹐報紙雜誌咩書都唔好睇﹐一日到黑淨係比佢睇教育電視﹐咁就實唔會學壞喇﹐天下太平﹗

  2. 打電話投訴的人對新中國的文化可能不太理解,例如:你老母;全句應說成:你那位年老的母親。周潤發只是以新中國的獨特文化演譯出來。根本沒什麼不妥。唯一令我感到不妥是這電影太悶…又冇槍戰,又冇血腥,又冇色情、意識又單純,怪不得被人投訴啦。
    反過來看看教育電視 TVB 的劇集就唔同啦,巧妙地爭取機會出現"脷叠脷"的鏡頭,益吓個男主角,順便教吓D細佬如何爭取機會去咀的女仔,重有常教育我等未來社會棟樑如何謀財害命、明友係用來出賣和利用,就算係父母、兄弟姊妹,都樣不放過,做人應心狠手辣,不擇手段去殘人以達己慾,意識極盡良好,應叫廣管局大力支持教育電視TVB台的苦心。香港未來全賴有你哋…教育電視 TVB和英明的廣管局。

  3. very simple
    always naive
    pls discuss other topics la
    like Bien or Taiwan Independence……..
    such small topic small potato

  4. 新時代論彈:剛剛二點聽廣播,新時代論彈真係垃圾,點解?新民主黨洋人janice參加,新時代衰到無人識譒繹,又無對發問者的發問左之後即時繙繹反比洋人聽;咁做法分明係小家咯,英文又唔識,仲話做主持,仲話做律師,秦宜敬,二打六,英文到唔曉繙繹,九流,有生意就唔會去做電台啦,二打六!
    李家豪就唔同,人地做節目,中英並全,公平照顧洋人參選者,即時繙繹比人知問題,發問者講的內容;新時代二打六一團飯桶,食柿啦,華人最失禮的傳媒,有你呢的人,我深感恥辱, 一團食柿人!

  5. I like what the performance of Janice Hagan in the debate. She is good. I vote for her without reservation.

  6. 提供求職中心地址 ESL課程
    讀寫英文網頁教移民搵工 2007年1月28日

    【明報專訊】不少華裔移民在讀寫英文都遇到困難﹐因而妨礙就業。聯邦政府最近推出一個讀寫網頁﹐向有志者提供改善英語的資訊及搵工的方法﹐希望提高市民讀寫及就業的機會。

    政府成立的網上就業機會資源中心(Possibilities Online Employment Resource Centre)﹐網頁是www.Poss.ca。在現有網頁內﹐新加了一個「讀寫機會」(Literacy Possibilities)的新網頁﹐內有政府幫助市民搵工的中心及地點﹐及相關的資訊﹐也有ESL課程的資料。

    這是一站式的方法﹐幫助市民找到政府提供的資訊及服務﹐改善自己的英語及找工作能力。

    市民登入讀寫機會(literacypossibilities)新網頁﹐會看到「找工作資訊」(Job Search Information)一欄﹐那裏載有就業的文章﹐教市民怎樣找工﹐還有政府所提供的就業服務﹔在「那裏得到協助」(Where to Get Help)一欄﹐則有多市各個社區所提供的就業及讀寫課程的資料。

    據統計﹐四成年齡介乎16至65歲的加拿大人﹐即大約900萬人口﹐都遇到讀寫能力不足的問題。

    因此﹐聯邦政府推出上述網頁﹐希望能改善讀寫不足的市民﹐裝備好自己﹐改善就業狀況。今次活動﹐也迎合即將展開的「家庭讀寫周」﹐該活動鼓勵市民無論年紀大小﹐都要有更好的讀寫能力。

    中文傳媒電視電台請鼓勵高層,中層,低下層員工讀 ESL 課程!今天聽電台直播政治論壇發覺他們的不足,未能與主流溝通!

  7. 新時代兩個主持真係無咩嘢專業,成個集團又小家,人地洋人參選人講完嘢,又唔用廣東話繙譯反比的現場華人知,咁小家,咁小圈子,咁不識大體,咁攪呢的戶外節目把屁咩!
    無能,無禮,無知(知道規矩,如何做辯論主持),小家,難怪如此失敗!

  8. 剛剛聽到佢話有繙譯!有繙譯都係小家,做得唔對,你地無將洋人候選人講的內容即時繙繹比華人現場聽眾知,削弱左不曉英文的華民了解洋人的政網及政見!
    劃公仔唔使劃出腸,佢地小圈子背後亦都有的勢力想邊個政黨人勝出,同你洋人講咁清楚,唔係對佢地不利!
    新時代,改朝換代!一團飯桶食大鑊!開飯!

  9. 廢柴出名眼高手低. 今日 incident 實屬見怪不怪.

  10. 係呀嘛!你做嘢都要顧下大體,人家來到你們小圈子小族裔,深入苦穴,走上論壇去用英語發言,已經係好有熱心,好有忍耐,好有參與精神,明知你華人枱下黑頭人多過白種人,都走嚟出席;你做主禮人主持人主辦人,係唔係要事前找一兩個中英俱佳,有表達能力的繙繹比人,即時將人地的意見用中文粗略都講一次比枱下的唔識英文的華人知,咁尊重吓嘉賓,等人知道我地唔係攪自己友選舉!
    繙譯員你可以叫洋人自己帶又得,主辦單位請又得(最多收返佢請人錢)
    唔係想話針對你的中文傳媒,事實係比人睇到你地係小器,成個便論係對英語洋女仕係無咁公平!
    不過佢真係好用力,好出用推鎖佢的政網,真係服左佢!

  11. shall we dance
    boom boom boom
    from Yun fat
    Fatty…….

  12. 周潤發,行開啦,進軍荷李活,係囉喎!一碌木咁,鬼佬以為佢比佢玩吓荷李活個名,賺番畢,點知一碌木,英文又唔掂,的戲又唔得,老啦,收皮啦,鞏利同佢個部黃金甲,垃圾啦,兩個又妥對方,票房又唔見好,收皮啦,食力啦,死吹爛吹無用架,好戲做係好戲,唔使人吹都有人仆到去睇,做得唔好,話知你係天皇呀,都唔好花我時間望兩眼,呢個世界,係香港同多倫多的港燦係到無聊,苦悶,成日要有港式魚樂,啦啦啦,曾知偉個班友,張學友,人地唔係嚟掘金咯,188,100,88, 68,係咁要你錢,呢群苦悶港燦係咁比咯,無錢,唔係問香港的老豆老母寄過嚟,無錢,唔係種草做農夫咯

  13. 嘩,斬料,斬大舊乂燒;有無攪錯呀,網主,將我的嘢係咁斬,斬剩個七八成嘢就登出嚟,下次係咁,你咁審查,不如唔好登我的嘢

  14. 隔離台隻老兔係到攪善事,一章一章咁玩,又捐錢比腎腎地基金,咁多善事唔做,捐比腎腎地基金,明知自己腎腎地,就死就死,咁做法即係無私見私,有腎都可能比佢換先,仲係到講大道理,你都私有化,明知係咁,用腦都知要避嫌,話明做善事,病童醫院,癌病基金又見條腎老兔去捐,彈開啦,私心兔;仲有呀,本泥係1540做,做做下又死左去新時代,正一無品!

  15. 廖立暉今日4點4,同阿牛一齊,一人講一單鳳姐案,一個嫖客捉賊;一個鳳姐姊妹勇救金蘭,讓嫖客暴虐,救剛入行:"好嫩:暉哥話"姊妹;兩個咀男,講到性起;唔知聽日仲有無得聽呢?

  16. 致樓上位意見多多之兄台 — 見閣下每日都如此多意見(怨氣?)﹐留言不斷﹐亦好奇何解會有如此多時間﹐真係時刻"Mon住每個台"??電視電台全部逃不過你法眼﹐不禁令在下好奇你做邊行架呢?真係不得不寫個服字比你﹗

  17. 原來佢先係真正嘅 ‘廣管局’!!!!!!! hahahaha

  18. Comment by 吹水協會最高級認可吹水專家﹐特許吹水系工程師﹑認可空氣污染師瞇糕蕉 — January
    ………
    跟你一樣囉,當的華人係老襯,$1800蚊買的淨水器,係咁吹;加拿大政府已經係傳媒廣告重申加拿大食水係可以清潔,不用過濾!的華民安裝淨水器,可能犯法,因為政府人員入屋檢查,若淨水器安裝不合符規格,水倒流回社區四周屋子,可能被政府告到你甩褲!
    1800蚊買的垃圾,食水深呀你!唔怪得知有時間係舊寺代學人賣廣告做節目,全部都係的華民夾錢比你!
    傻仔,呢個世界有電腦呢回事,聽7701540.com唔係咩嘢都知囉!
    同你倒吓米先至得,空氣淨化機..靚嘢都係200蚊有找,淨水
    “wal-mart"一排過濾碳劑都係5-6蚊!
    大家唔好浪費金錢$1800,同埋有比政府告私自安裝淨水器不合規格的可能性!!!

  19. 瞇榚蕉,你服樓上邊位人二兄?
    你老哥隻廣告兔比人"插",所以露臉!

  20. >嘩,斬料,斬大舊乂燒;有無攪錯呀,網主,將我的嘢係咁斬,斬剩個七八成嘢就登出嚟,下次係咁,你咁審查,不如唔好登我的嘢
    >
    >Comment by 睇唔開
    .
    喂老兄﹐哈哈﹐我諗版面管理人無非都係想等你親身體驗吓廣管局要將"秋天的童話"斬頭斬尾係幾咁討人厭﹗嗱﹐你自己寫完篇嘢﹐比人斬叉燒咁斬﹐即係話你嘅留言「含有一些粗俗及極度惹人反感的用語,不適合兒童或年輕觀眾…. 在老少咸宜的kahoo.ca留言版登出不能接受」﹐你都發老脾啦﹗

    嗯老兄﹐我夠知有7701540.com啦﹗但你都要有時間一日到黑MON住哂先得㗎? 觀你D留言﹐你真係由早晨一路聽到下晝再聽到夜晚﹐連電視都殺埋﹐真係好堅喎﹗似乎係掙在未聽你評十一二點果D師奶節目咋喎。
    ANYWAY﹐老兄你咪倒我米啦﹗最近我已經比我D勁敵搞到我冇啖好食﹐阿"哥lun汪"呢排係咁出擊﹐搞到你老兄我都要不斷粉墨登場﹐大出廣告回招﹐哎﹗真係世界難撈呀﹗

  21. 世界難撈,大佬,你賣$1800蚊呀,由1數到1800,數都數到口乾又無氣呀,食水咁深,大佬,好陰功架!不過,兩睇啦,個的港燦,好多都係銅臭味重,又無人品,真係華人中的精品,國粹,唔賺佢地,唔通賺我地 $8 蚊一個鐘的華工咩!
    我又無怪佢地斬我的留言,斬埋的手手腳腳,有時佢地又斬得好有紋路,我事後諗吓,都嘆口氣,好在佢斬左佢,味先殺傷力重,有的肥佬可能高血壓,頂唔順我描佢!
    殺鬼殺馬咩,李家豪都遲早封咪,呢到遲早執埋,連"神"氣都無地方"神";有讀者留言話倚天劍同屠龍都謝遜係到比拼,唔知到時會唔會兩把刀都斷左,周芷若攞左本九陰真經,練成九陰白骨爪呢!究竟呢場無林無喱頭打鬥,最終謝遜會唔會"等冬菇!"

  22. 我記返啦,我留言淨係話阿肥佬廖個女第日好似因宜咁紅,個仔好似庭風咁醒,無粗俗及令人反感用語!!
    唔都斬,唔怪得知香港對因宜咁反感啦,原來係真架

  23. 李家豪先生
    .
    貴台廣播員廖立暉真的很懶惰,廣播沒有準備資料,東講西點,活像在酒樓飲早茶,一伙人在閒談!
    這種工作態度,不單有失專業,受害者乃聽眾。
    不論廖氏工作年資如何?如此水平,如此工作方式,實屬不幸!
    請告知貴台主管,稍加"篤"促!
    .
    聽眾上

  24. 盧博迪,娛樂十三妹做節目,做得好,資料充足,又講得好!日日進步
    相反,鄭敬基,傻吓傻吓在講,時間到做節目十三妹出場,佢條茂鄭日日係到講其它嘢,阻住個地球轉,十二點半到三點半,你條茂鄭任你玩啦,十三妹揾左咁多料,你阻頭阻勢!
    邦邦,唉,好似吊頸咁做人,就死就死,無泥蕉氣,失戀會死咩!
    叫佢兩個唔好阻住人地的時間啦!

  25. 阿牛講得啱呀,入馬場送义燒飯,賭仔心態,佢講得啱!

  26. 阿黃, 仲要拖埋佢果塊葉子, 30日後返第一台.

  27. 推兄何出此言?

  28. 唔係阿媽?咁大劑!大佬,我唔制呀!你聽埋我個份啦!唉吔!我走人聽新時代,唔係我大你呀吓,盧博迪,李家豪,鄭敬基,邦邦,阿牛,譚嘉琪,我衰衰地都口多多話吓你地,都聽你地,如果整阿信同佢老婆嚟,我唔聽啦,我實走去聽風,kahoo.ca都唔使止意我日日嚟,分分鐘嚟!
    千奇唔好呀吓,我同你打個架!!!!我叫埋道友,睇相佬,真人,豬頭,一班豬朋狗友一齊過檔新時代架!!!!

  29. 過檔新時代﹐咁同自尋短見有咩分別??
    睇唔開兄﹐你千祈唔好做傻事啊﹗﹗

  30. 一時升天一時世
    上衝下降好閉翳
    睇唔開兄睇唔開
    打個電話係咁吠
    即時班馬叫兄弟
    一齊露露比人睇
    要阿迪迪唔好制
    道友唱作鬥求丙
    笑看新聞全面體
    老友鬼鬼話歸西
    唔通淨左佢留低!!!!

  31. “唔開"兄來電,怒氣沖沖,說要我將龜殼拿出來,即時占卜!
    從他覆述所得,上星期兩男已露玄機!有可能事件突變,合約受縛,未能成事;事件唯有以"羅渣士張學友"一招拆解,兼收宣傳效用!
    兩男又謂"好事近",金豬生後,即有宣佈;不會再令聽眾失望云云!
    “推段"內行人放風,招引"睇唔開"
    睇相佬贈唔開兄四字,看他生的智慧如何了!
    “啼笑姻緣"
    和唱: “離離合合一切盡有緣份"
    唔開兄,小弟告退!

  32. 睇相大師﹐辛苦你喇﹗早前得你指點迷津﹐一批金毛獅王﹐都未曾道謝。
    至於呢塊‘黃葉’會飄落何處﹐真係有勞大師繼續更進﹗
    我地呢D小聽眾… 真係唯有自求多福﹗

  33. 笑騎騎仁兄,客套話不說,直入本心,直透根源!
    很想說很想講,心中有話不說真難受;另一方,卻叫我不能說,說不得,時也命也,玄機天理,不能說!!
    對閣下所問,只點睛,其它的,就看大眾的智慧了!
    .
    提問:"至於呢塊‘黃葉’會飄落何處"
    .
    答:人人皆謂:落葉歸根—-重點在一個"根"字
    .
    能夠說的說了,睇相佬不能越軌再多言!望當事者能生大智慧大姻緣當所行的路所做的事!

  34. “笑騎騎,放毒蛇"是誰?
    有兩個可能性:
    1:廖立暉
    2:潘宗明
    ———–
    各位認為如何?豬頭有線索追查至此!

  35. 小民僅是聽眾一名, 只係過去一星期發生兩件事有所猜想而已.
    1. 如睇相佬高見: “上星期兩男已露玄機!有可能事件突變,合約受縛,未能成事;事件唯有以”羅渣士張學友”一招拆解,兼收宣傳效用!兩男又謂”好事近”,金豬生後,即有宣佈;不會再令聽眾失望云云!"
    2. 葉子已於想週末離開廢柴. 此事從她個人 “博酪" (http://www.leslieyip.com/) Jan 29, 2007 Titled “First Day of Non-Work — Today is the first day that I am officially out of work." 得到證實.
    3. 今日兩男又話等30日.
    歸納以上三點, 小民推段 “阿黃, 仲要拖埋佢果塊葉子, 30日後返第一台".

  36. 應寫為 “2. 葉子已於上週末離開廢柴".
    手文之誤, 請見諒.

  37. 嘩豬頭兄﹐你唔係咁大整蠱下話﹐我又會係潘宗明同廖立暉囉﹗﹗﹗
    大家都係打吓工又吞吓pork走上黎吹兩吹嘅聽眾仔啫。你唔好話我其實係盧博廸?

  38. “笑騎騎,放毒蛇”是誰?
    有兩個可能性:
    1:廖立暉
    2:潘宗明
    ———–
    各位認為如何?豬頭有線索追查至此!

    Comment by 豬頭 — January 30, 2007 #

    亂咁估…… 你不如話佢係逼鹹!

  39. 推段,推段,你都無謂吹傳囉!
    唔理係葉子,抑或廢紙;總言之,只要係銀子,就係好子!
    .
    無啦啦走嗰"推段",四處吹風;你本人是葉子定係黃子呀?
    睇唔開比的老友"點化",一夜安眠後,今早發覺好像比人利用左!都係沉默是金為妙!中文傳媒來來去去都係你地一班"小醜"走場,眼花撩亂!

  40. 再露端倪:
    今早7:45am,報交通之前,羊肛祖神三個主持人講緊 maple leafs 有傷兵,唔夠人都打贏 carolina….
    阿李小姐剎有介事猛講 “好多行業都唔夠人……好多行業都唔夠人……好多行業都唔夠人……" 連續講了三四次.不過無人搭佢嘴.
    阿李小姐咁"呻"法,不如叫隔離"俾錢台"阿"老薑攝石人"過黎幫妳手!到時我一定同家豪請一個禮拜假,轉台聽騎呢版羊肛祖神,笑下都好!哈哈!!
    p.s.呢單料若真成事,唔知到時十三妹會唔會報導呢??

  41. 嘿嘿﹐我就話"豬頭"先至其實係盧博廸!
    嘩﹐今朝個軟硬金蕉講咩錯體郵票﹐D主持搞到好似救火咁氣氛﹐聽到我心仔噗噗跳﹐緊張過睇警匪片咁。如果冇聽開的話扭開收音機﹐實嚇死以為唔知咩事﹐係咪郵政局要執笠。

  42. Leslie wrote:I want to make a living out of writing eventually.

    I have left my full-time job to allow myself more time and energy to write, and I must not waste time. Besides tackling my assignmentsfor Sing Tao, Asian Wave and Asian Gourmet Magazine, I am also committed to doing writing exercises from a new book I bought yesterday: The Write-Brain Workbook by Bonnie Neubauer. It is a compilation of 366 exercises ‘to liberate your writing’.

    I completed the first one last night at the Starbucks inside the Chapters bookstore adjacent to Square One in Mississauga, while waiting for the A Yue and Karen Tong concert to start. Here’s what it is about:

    also,she went 2 Mexico ;not 1540 yetttttttttt

  43. 我反你反我反你反我投訴佢講粗口﹗
    好玩﹗
    .
    勒 令 剪 《 秋 天 》 對 白   打 壓 同 志 紀 錄 片
    廣 管 局 接 177 宗 反 投 訴
    .
    【 蘋 果 日 報 】 童 話 失 了 真 , 同 志 被 歧 視 , 廣 播 事 務 管 理 局 早 前 分 別 勒 令 無 刪 剪 《 秋 天 的 童 話 》 的 對 白 , 以 及 強 烈 勸 喻 香 港 電 台 的 同 性 戀 紀 錄 片 。 裁 決 一 出 ,群 情 洶 湧 。 廣 管 局 連 日 來 接 獲 177 宗 反 投 訴 , 炮 轟 有 關 裁 決 。 民 間 團 體 促 請 廣 管 局收 回 裁 決 , 但 官 方 表 明 態 度 照 舊 。
    廣 管 局 上 月 20 日 就 《 秋 天 的 童 話 》 及 《 鏗鏘 集 》 之 《 同 志 . 戀 人 》 作 出 裁 決 後 , 短 短 半 個 月 內 接 獲 大 量 反 投 訴 , 當 中 160 宗投 訴 反 對 《 同 志 . 戀 人 》 的 裁 決 , 17 宗 投 訴 反 對 《 秋 天 的 童 話 》 的 裁 決 , 反 投 訴聲 音 完 全 蓋 過 起 初 投 訴 該 兩 節 目 的 聲 音 , 當 初 廣 管 局 只 是 根 據 1 宗 投 訴 而 審 查 《 秋天 的 童 話 》 , 影 視 處 也 只 曾 接 獲 22 宗 投 訴 不 滿 《 同 志 . 戀 人 》 內 容 。

    編 劇 家 導 演 : 極 度 憤 怒
    兩大 電 影 專 業 組 織 昨 日 加 入 聲 討 廣 管 局 的 行 列 , 香 港 電 影 編 劇 家 協 會 及 香 港 電 影 導 演會 聯 署 公 開 信 , 對 裁 決 感 到 極 度 憤 怒 。 公 開 信 指 , 廣 管 局 的 裁 決 不 但 對 電 影 工 作 者的 作 品 缺 乏 尊 重 , 更 是 對 廣 大 市 民 的 判 斷 能 力 莫 大 侮 辱 。 對 於 《 同 志 . 戀 人 》 的 裁決 , 公 開 信 則 認 為 , 廣 管 局 的 裁 決 有 歧 視 同 性 戀 者 之 嫌 。
    公 開 信 稱 : 「 廣 管局 欠 缺 常 識 , 缺 乏 開 明 和 包 容 的 精 神 , 是 一 種 文 化 上 的 倒 退 , 嚴 重 影 響 香 港 言 論 和創 作 自 由 的 空 間 。 」 兩 會 強 烈 要 求 廣 管 局 立 即 收 回 兩 項 裁 決 。 廣 管 局 發 言 人 稱 , 委員 會 對 兩 項 裁 決 的 態 度 維 持 不 變 , 不 會 再 作 任 何 跟 進 行 動 。
    無 電 視 外 事 部 助 理 總 監 曾 醒 明 表 示 , 上 周 五 已 去 信 廣 管 局 , 要 求 對 方 澄 清 其 裁 決 的 細 節 : 「 究 竟 『 仆 街 』 、 『 躝 癱 』 、 『 你 老 母 』 、 『 隊 佢 』 係 唔 係 以 後 唔 播 得 ? 呢 四 句 係 反 映 角 色 性 格 用 語 , 我 要 力 爭 保 留 。 」
    立法 會 資 訊 科 技 及 廣 播 事 務 委 員 會 稍 後 開 會 討 論 此 事 , 主 席 鄭 經 翰 說 , 委 員 會 將 邀 請相 關 團 體 及 人 士 出 席 會 議 , 並 質 詢 現 有 廣 管 局 投 訴 委 員 會 成 員 , 是 否 能 反 映 現 時 香港 社 會 的 道 德 觀 : 「 呢 件 事 可 以 睇 到 , 委 員 會 只 能 代 表 保 守 道 德 觀 念 , 咁 成 個 組 成 係 唔 係 失 敗 呢 ? 」

  44. 各位﹐學好D中文﹐共勉之。=p

    [蘋果日報2007年2月6日]
    .
    《 秋 天 的 童 話 》 四 句 對 白 的 出 處
    .

    用 語 : 你 老 母
    出 處 : 廣 東 粗 口 是 指 跟 性 有 關 的 5 個 古 漢 字 , 包 括 4 個 名 詞 和 1 個 動 詞 。 4 個 名 詞 有 3 個 是 男 性 陽 具 、 1 個 是 女 性 陰 部 。 動 詞 「 屌 」 字 成 性 交 動 作 代 名 詞 , 但 在 內 地 和 台 灣 , 卻 是 流 行 常 用 語 , 有 「 有 型 」 、 「 招 積 」 之 意 。 「 你 老 母 」 省 略 了 粗 口 動 詞 , 不 算 粗 口 。
    .
    用 語 : 仆 街
    出 處 : 仆 是 向 前 倒 下 的 意 思 , 仆 街 即 仆 倒 街 頭 , 咒 人 倒 斃 路 上 , 有 罵 人 不 得 好 死 之 意 。
    .
    用 語 : 躝 癱
    出 處 : 正 寫 是 「 蘭 單 」 , 又 作 「 蘭 彈 」 , 晉 朝 已 有 此 詞 。 隆 年 間 《 吳 下 方 言 考 》 有 詩 句 「 兔 子 死 蘭 彈 ( 音 : 攤 ) 」 , 「 狀 物 之 死 而 柔 者 」 , 廣 東 話 罵 人 「 死 蘭 彈 」 , 即 指 對 方 是 毫 無 責 任 感 的 軟 皮 蛇 。
    .
    用 語 : 隊 冧 佢
    出 處 : 江 湖 用 語 , 即 「 刺 殺 他 」 。 「 隊 」 的 正 字 為 「 㨃 」 , 解 作 「 捅 」 。 另 有 警 隊 黑 社 會 專 家 指 , 此 詞 句 不 屬 黑 社 會 用 語 , 只 是 草 根 階 層 用 語 。
    .
    資 料 來 源 : 文 化 研 究 者 彭 志 銘 及 警 隊 一 名 黑 社 會 專 家

  45. Similar Peel Board of Education’s ban and final decision say it all:

    Ban:
    —–
    http://www.thestar.com/News/article/176551

    Decision:
    ———–
    http://www.thestar.com/News/article/179926


發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s

分類

%d 位部落客按了讚: