發文作者:kahoo | 一月 12, 2007

woohooo~ HAPPY NEW YEAR 2007!

Wishing you and your family a wonderful year in 2007 filled with hope, joy and peace!


Responses

  1. 中間同左邊兩個肥佬,點解咁似我架?

  2. 側邊兩個每人手揸一碌,後面果個手揸兩碌。
    揸乜嘢?梗係輭硬金蕉喇。
    拿出嚟啦,駛乜收埋呀!

  3. wow, you guys look great…..anyway, happy new year!!!!

  4. 相片令人感不安

  5. 番黎喇番黎喇﹗﹗﹗
    放完假.. 收番個魂魄﹐在下又回歸喇﹗
    見到你地張月曆照咁sharp﹐真係醒神一陣。乜個個都影到咁白淨﹐皮膚咁好嘅?? 搞到我都想去浪慢煮意自己拍番輯沙龍過年。
    正所謂﹐手持暗蕉﹐勇鬥每朝﹗如慢感兄所言﹐同我拎番碌蕉出黎﹗好野唔怕哂冷。
    .
    祝軟硬蕉蕉節目主持人﹑第一台上下員工及各位網友新年快樂﹐2007年愈撈愈好﹗
    希望各位都過左個開心假期。咦﹐唔知老朋友獨孤求丙去完香港返黎未呢??

  6. 放毒蛇兄, 小弟番咗嚟喇! 不過真係世務纏身, 睇嚟今後都唔可以再上嚟吹水架喇。
    .
    香港真係十幾年冇番去變晒, d 售貨員雖然好好禮貌, 又到處人多到嚇死, 道道廹爆塲; 不過買嘢食嘢都平過呢便好多, 所以去鴨寮街瘋狂掃貨, 整咗對 Hyundai 全木做嘅 2.1 computer speakers 都係 Cdn $40 幾蚊, 關正傑隻正版雙 CD 重送許志安一隻卡拉 ok 碟都係 HKD $25, 又喺先施買咗對 Timberland 嘅 casual dress 皮鞋 都係 Cdn $50 幾蚊 (重送雨兩粒真嘅珍珠)。 搭咗成個禮拜地鐵、 巴士、 Van 仔等都係 HKD $50 左右….由其是加幣而家對換 1 比 6.6 左右, 你農歷年番去就一定笑到見牙唔見眼架喇!
    .
    不過小弟有一見聞, 就係去灣仔攞身份証時, 八樓見到一位女大陸客在入境處大吵大鬧, 位官員不停叫姖靜小小等佢可入電腦查清楚亦收唔到姖制, 點知落到二樓, 又見同樣情況發生喺個男大陸客身上。 真係吹佢哋唔漲, 打佢哋唔羸, 真唔知呢班人知唔知一個有秩序嘅社會係點運作嘅!
    .
    好啦, 以後真係托各位在此評吓理同帶俾大家多 d 歡樂喇。 放毒蛇兄, 小弟真要告別喇。
    .

  7. 九成揮霍過度,而家要賣身為奴以賞債務!
    歌云:我等你回來,我等你回來,還不回來春光不再。
    希望你早日回來,而且買到你夢想中的"鹽焗雞"啦。

  8. OH NO~!! 點解會咁架﹗求丙兄﹐我地唱左成半個月"等著你回來"﹐點知你回來就係道別﹗﹗太傷心喇….
    (唱) 沒有一聲再見.. 沒有半聲淒怨… 淡淡去但無言… 過去終於過去… 留下了當初一切…
    點解﹗﹗(哭)
    .
    慢感兄所言甚是.. 看來求丙都真係揮霍過度…嘿﹗
    又或者.. 求丙兄受到伴侶施壓.. 禁止佢終日上來此網頁風花雪月..?? 又難道係..要秘密結婚??
    哎﹐希望君早日歸來喇﹗
    .
    p.s. 點解買關正傑會送許志安﹐買timberland又會送珍珠嘅???? 真費解﹗﹗哈哈

  9. 出咗事喇!出咗事喇!
    可能係要做金豬老襯?又可能呢次攪出人命,要集中資源俾隻金豶仔。

  10. 真係唔好意思喇, 要老朋友’s 唱悲歌。 不過獨孤某只係求丙, 不是求子, 所以冇咁失策會攪出人命嘅 [-X 唔好亂估喇! 只係小人個 tasklist 重長個 亞婆條命, 所以再喺道發嗡風唔清咗手頭 d 嘢就唔俾人斬死都對唔住江東父老喇! 第日清哂 d 嘢又可能學倉頡輸入法下山之日, 唔駛只意哂塊小蒙恬手寫板時, 就一定番嚟同各高人打過招呼同再丙人/被丙架喇。
    .
    呀, 預祝 2 月 18 號年初一豬年開始之後大家長命過亞婆, 健康過 Richard Simmons, 開心過陳開心 (以前無線女記者), 好打過李小龍, 發過周潤發/李家誠, 聰明個愛因斯坦, 總之金豬年個個豬圓玉潤喺啦!
    .
    係咁先啦, 老友們保重喇!
    .

  11. 唔好意思, 個 yahoo smiley 公仔 code: [-X 唔 work。 本應係個公仔喺道 fing 手嘅…

  12. 老嘢,仲玩埋的細路仔嘢!都唔化啦!

  13. 求丙歌保重喇!bye bye………..

  14. 珍重la獨孤求丙歌保重喇!bye bye………

    迷入痴痴深洞 迷在心的冰凍

    迷途是我背起幽幽夢

    留下是告別唇印 濃烈卻不可再親

    望風再講一聲珍重

    別了今宵情人明夜不再吻

    然後你像幻象伴我心中

    沒法解釋為何唇上一次次

    隨著我每次每次心跳動 珍重

    人迷入痴痴幽夢

    唇隨著每次而痛

    每一聲輕輕說出珍重

  15. 求丙兄今年犯桃花,俾人咀到唇痛至放你走。

  16. 哈哈哈哈﹗﹗﹗求丙﹐你睇你幾多fan屎? 留低我地﹐你又於心何忍呢﹗
    咩task-list咁沉重呀﹐長命功夫長命做呀﹗都叫你快D用拼音/倉頡輸入架啦﹐打字快過手寫板好多架﹗﹗﹗吹水都唔會太嘥你時間嘛﹗
    不過若然君去意已決﹐在下都無謂多言喇﹗得閒抖氣就上黎留吓言啦﹗;-)

  17. 多謝哂義不容情妹/兄咀到唇痛嚟送別同慢感人兄同在下批命 , 問題只係獨孤某鬍子比較拮肉, 所以可能難委你啦。
    .
    放毒蛇兄, 只怪小弟性格一向睇唔開, 見不平事便要窮追不捨, 卽「咬住唔放」。 好似何文匯單嘢, 真忍唔住又想長篇大論來怒斥佢, 一來要報答亭老對在下之恩, 二來又想俾 d 意見希望可以 make a difference。 但寫親咁大段嘢, 又成晚俾咗佢架喇。 寫完之後又返工都時時心思思想開呢版嘢睇睇有冇人又有不同意見, 變咗做嘢都唔得集中; 因做我呢行唔集中精神好驟忌架。 朔性唔出手好過, 做嘢時 productive 好多。
    .
    Anyway, 攪掂手頭 d 嘢後一定再自學倉頡輸入法然後返嚟再吹水嘅, 係咁先喇。
    .

  18. 學鬼學馬倉頡mare………
    吹水laaaaaaaaa求丙korrrr

  19. 求丙兄(此頁已經被逼到去2nd page﹐唔知仲有冇人返黎睇呢??)﹐在下完全明白你嘅意思﹗﹗事關你一留開然言﹐每日返工途中就硬係心思思要上黎check吓有冇人回應.. 都幾吊癮架﹐哈哈﹗
    所以近來我都步你後塵﹐戒咗鋪癮佢﹗
    如果閣下真係有心學倉頡﹐可推介你到呢個網頁﹗
    .
    倉頡之友: http://www.chinesecj.com/newlearncj/
    .
    我都係起呢度自學架咋﹗
    好﹐有"時姦"再講啦﹗保重﹗

  20. 放毒蛇兄, 有嘅有嘅, 耐不耐有 d “時姦"都到此一遊, 睇睇各高人仲有冇 d 嘢加上呢版道。 真係功德無量喇, 在下正在躊躇緊喺邊道可自學倉頡呢﹐你就即有好推介喇! 我己經 bookmarked 咗個網頁, 仲介紹埋 d friends 添, 一得閑就上去續 d 續 d 學吓, 希望可快 d “meeed" 甩塊小蒙恬啦。 呀, 唔好意思, 上次忘記解答你個問題: 關正傑 CD 送許志安我估唱片公司想揾關正傑個名嚟幫許志安宣傳啩; 而喺先施買乜嘢都好, 買夠 HKD$150, 就開隻蚌挑一粒珍珠出嚟俾你, 然後就落咀頭昆個客買 d 耳環, 手鐲之類鑲你粒唔值錢嘅珍珠上去, 再 掠多你一筆!
    .
    呀, btw, 禽日第一個打上家豪軟硬金蕉談論 Robert Pickton 單嘢, 第一台送咗兩盒 A1 靚湯個我, 聽日第一次試試呢隻有成 10% 膽固醇嘅湯睇吓好唔好飲先。 喺道順便要講聲多謝第一台嘞。
    .
    呀, 重有要多謝哂友漢姦君嘅鼓勵, 我有空就上嚟吹一兩句水啦。
    .

  21. 求丙兄真係念舊喇~﹗﹗竟然真係仲會番黎留言喎﹗
    咦????????????????????????? 係咩??????????????? 尋日朝第一個打上去係你?????????? 我尋日朝有聽住架喎﹗﹗﹗(努力嘗試翻查腦中記錄..) 咦﹐真係唔鬼記得咗第一個打上去係咩人添﹗﹗﹗但你講起我就真係有小小印象… 好似講野都有文有路﹐精神奕奕嘅壯年男聲??? 好似都講咗OK耐架喎? 係唔係話覺得而家已經愈來愈多變態佬﹐再拍套咁嘅片就盞仲多人模仿﹐之類?
    哈哈哈哈﹗
    A1靚湯好飲呀﹐我最鐘意有雞腳果隻.. 咩胡椒粒豬肚定乜鬼就麻麻。講個秘密過你知﹐我早你一日都有打過上去吹咗兩嘴﹐講鏗鏘集同志戀人果單野..廢up咗兩句就呃咗幾碗湯﹐哈哈哈﹗
    .
    謝過你嘅‘香港之旅’嘅分享﹐哈哈﹗我農曆年番去會留神先施果D"珍珠黨"﹗﹗﹗
    .
    個倉頡之友網頁都係朋友推介架﹗我以前一路係用廣東拼音﹐之後我上咗果個網頁跟住佢step by step練﹐兩個星期左右都應該有7成功力架喇。
    到你打慣咗字嘅時候﹐就算比塊小蒙恬你逼你用你都唔會想要架喇﹗﹗哈哈哈

  22. 哈哈哈, 放毒蛇兄, 真係記性驚人,咁都記得第一個打上去嘅人係精神奕奕嘅壯年。 呢個就係小弟喇! 真係阿彌陀佛多謝上面嗰位, 賜小弟血氣咁旺盛, 所以冬天唔駛食羊肉或當歸都頂得順嚴寒! 哈, 乜原來你亦有打上去呃番兩碗湯飲吓架?! 不過我就冇咁心水清嘞,一路聽一路攪其他嘢, 有時聽咗乜都唔多知! 不過咁就以後要留意吓喇,有邊個打上去又特別 funny 嘅就九成九係兄台你嘞, 嘿!
    .
    d A1 靚湯, 果然幾正喎! 試過隻嚮螺五寶同花膠四神湯,兩欵都有雞脚嚮入面,係咸咗少少同膽固醇一道嚇到我下爬(巴)下垂咗啫,不過飲完做番百幾二百吓掌上壓會底消番啩。
    .
    呀, 禽日操咗一日你介紹個倉頡網頁, 而家估己有一兩成功力啩。 所以呢篇嘢都有好幾個簡單字係用倉頡打出嚟嘅。
    .
    上星期五黃昏落雪揸車時聽咗幾分鐘笑看新聞, 終於頂唔浦, 轉過對面聽『蠢而勁』, 聽到有個女聽衆打上去話亞蠢係『自由黨』嘅內奸, 唔知有冇人會知到內情,可以係道爆吓料呢?
    .
    咁就有感而發, 得罪嘞:
    .
    笑 看 新 聞 笑 兩 漢
    少 說 多 笑 仍 開 檔
    聽 衆 耳 朵 受 煎 熬
    寧 聽 廢 蠢 冇 耳 蒼 
    .
    P。S:你篇秋天的童話嘅 comments 真係笑到我七個一皮,廣管局真係冇sense屎,攞命!
    .

  23. 又話歸隠又手痕
    唔寫又寫唔過癮
    土庫傻佬唔識笑
    日日孤獨網留言
    肥肥都話要多笑
    笑看新聞樂逍遙
    人生一場如戲劇
    笑吓笑吓又收場

  24. 笑 看 新 聞 笑 一 餐
    少 說 多 笑 是 良 丹 
    聽 衆 耳 朵 齊 開 關
    寧 神 去 垢 是 仙 間

  25. 笑 看 新 聞 笑 餐 飽
    少 說 多 笑 糊 塗 抝
    聽 衆 耳 朵 聰 慧 有
    輕 繪 浮 世 笑 時 人 

  26. 君不聞
    古時有個鄭板橋
    劃竹劃到好神似
    有句名句流下來
    做人做事難得糊塗去!

  27. 我勸獨孤求丙人
    土庫空氣唔多盞
    日日愁困聽廣播
    本來唔傻都變傻
    獨學無友詩句抝
    不妨走來道友攀
    你一句時我一句
    句句對聯勝蹉跎

  28. 又話升仙又手痕,
    仙遊遊遍唔過癮,
    古文儍佬此亦笑,
    改名換姓又還魂!
    .
    肥肥中招因痴笑,
    笑看新聞笑乜Q?
    人生如是一戲劇,
    君見喪屍一條條?
    .
    真…呀, 唔係, 道友兄, 講開又講,雖然笑口常開有益身人, 但常痴笑亦會令人肥胖, 所以僅記笑完亦要多做運動,免步肥肥或 CTV 嘅 Mike Duffy 後塵。
    .
    雖然獨孤某真頂唔順此等虛無內容式無聊笑騷, 寧聽廢台, AM 680, 99.1 CBC, 97.3 EzRock 等, 但亦喜見果真仍有人棒場,始亦見自由市場之可貴也。
    .

  29. 冉冉升仙到半天
    仙遊處處真逍遙
    土庫儍佬舉天線
    東插西指碰我肩
    .
    肥肥天天都大笑
    笑看新聞看今朝
    人生一笑君莫笑
    君見笑喪萬萬千

  30. 哈哈哈﹐求丙﹐我以為你處於"半退隱"狀態﹐應該冇咁快就番黎留言啦﹐點知你都係按捺不住..
    你又係嘅﹐打兩句就即刻引到呀真.. 呀i mean道友嘅連珠發炮﹐都真係幾好笑!!!!!
    “笑看新聞"又真係..只能講句﹐質素唔太穩定.. 有時放工揸車聽吓咪得啖笑囉﹗不過我都真係寧願聽番ipod(係咪都好IN呢? 呵呵)﹐定學你話齋聽EzRock果D十年都仲repeat緊嘅同一堆歌﹐都真係唔想聽隔離台。
    不過你話有聽眾指‘呀蠢’係自由黨內奸﹐又幾搞笑喎。空穴來風﹐可信性點都比話蘇sir係CIA特務個傳言來得高啩? 哈哈哈。等我四出八吓先…
    .
    下周天氣聽講會更凍﹐各位兄台﹐想好似求丙咁生猛就飲多兩碗A1靚湯補補佢喇。

  31. 咦﹐話時話﹐前排成功邀得呀阿睇相佬大師出山﹐批咗阿金毛獅王謝老漢一批﹐洗唔洗又請佢老人家幫‘蠢而勁’又批一批咁呢﹗哈哈﹗而家又有亭老做"天下第一篤"中神通﹐又有個盲咗又癲癲地嘅謝遜﹐分分鐘‘阿蠢’會係李莫愁都唔定﹗淨間湊下湊下﹐真係成個射鵰英雄傳砌咗出黎。

  32. 放毒蛇兄, I’ll get a hold of my writing pad later tonight and put down some comments again. One thing though, if anyone still has A1 靚湯 coupons from TFR, you must redeem them right away because all A1 靚湯coupons will expire tomorrow, January 31. YES, go and 補補佢喇, NOW!!!

  33. 哈, 揸番塊手寫板, 舒服晒!
    .
    放毒蛇兄, 嘻,真係睇嚟道友又還陽, 就半退隱都要貢番出嚟寫番幾隻字嘞!
    .
    哇, 原來你都咁 in, 有個 iPod 嚟旁身嘅。 我身為機佬,周身亦有十幾樣呢 d 架撐, 講得出嘅我個袋仔都有: 有 wi-fi 上網功能嘅 PDA, 無線 keyboard, MP3 機, FM transmitter, 手提 DVD 機, 有數碼轉台功能嘅收音機… 我諗可能國產零零發個身都冇我 d 架撐咁齊全啊!
    .
    你講得一 d 冇錯,以前我最鐘意聽 CHFI 同 EzRock, 但近十年來可能英文歌俾 MP3 download 打擊到七零八落之後呢, 咁就啱聽嘅英文新歌真係少之又少喇。 所以呢兩個台現在真係再冇乜嘢好聽。所以 680 同 CBC 就好少少, 但 CBC 成日又揾 d 帶濃厚英國口音嘅人做節目, 我又頂唔順。唉,都係寄望番第一台同 680 啦。
    .
    現在又要去見周 sir 喇, 死忍幾日道友 d 連珠炮先再整番一兩首詩對番佢喇。 各位記住今日內要換晒所有 A1 靚湯嘅贈券喇, 如果唔係贈券過咗期就喊都無謂咯!!!
    .

  34. 嘩求丙兄﹐搞到你口癢癢又要變番半復出﹐雖然好高興﹐但淨間你又話條‘長到阿媽都唔認得’嘅task-list因此而搞唔掂﹐咁我又過意唔去喎﹗哈哈。
    冇錯﹐我雖然一D都唔係科技人﹐但都叫有部ipod仔放起車﹐得閒聽吓歌咁啦﹗事關而家呢部車好衰唔衰冇CD player﹐想聽D心水歌仔﹐D朋友教落就用個ipod加FM transmitter起radio頻度聽﹗都可以算係在下擁有最尖端嘅科技架喇﹗﹗
    此外我就得部手機﹐同一部買咗幾個月嘅laptop (仲要係揾人幫我揀幫我格價再帶埋我去買果隻﹐基本上我只係負責簽咭比錢﹗)。
    你果D咩PDA果D﹐連一部digital camera都冇嘅我﹐都係等多5年先考慮學吧﹗
    要搞機﹐都要講天份嘅﹐哈哈。求丙你都唔簡單﹐自己搞針灸又搞機﹐真係新與舊﹑傳統與科技並存喎。
    .
    話咁快又2月1﹗睇黎大統華D靚湯都比人搶購一空喇啩。屋企人今日都搬咗四盒番黎﹐有唔知咩花膠XX﹑椰子煲雞﹐好似都幾吸引。

  35. 放毒蛇兄, 我現估幾日寫一篇半篇希望都 OK 啩。

    哎, 早 d 講吖, 完來你都有個 FM transmitter。 記得你講過話唔知點樣可以係收音機聽 1540 同 770 有 FM 音質, 好簡單咋, 只要用部腦收聽 7701540.com, 然後插個 FM transmitter 去個 speaker 嘅 headphones 竉, 然後用部收音機 tune 啱個 FM 台就聽到有 FM 音質喇! 不過呢句真呀, 要搞機﹐真係講天份架。好似我對時裝呢味嘢 (普遍所有 art屎嘅嘢都一樣), 真係冇天份又白痴到暈。 D 欵有時與咗好幾年我先至開始嘗試著吓, 真係笑爆隔離個嘴!

    呀, 今日中午聽幾個大小黨大小便論,真係火都起埋。唉, 一陣飲完碗湯又要貢過隔離寫篇長篇大論慨文插陳國志喇。

  36. F.Y.I. for 你農歷年番去
    .
    2006年10月3日 (請留意的士司機敗類)
    ————————————-
    住香港島的朋友,坐的士時要小心小心。
    .
    今天我的朋友如常坐的士從小西灣到銅鑼灣,她一上車已認得出那位的士司機是曾經已騙她兩次錢的那一位,所以今次她不動聲色,先把手上的一百元紙幣記低號碼。
    .
    那位司機楂車很快,不用十五分鐘已到達銅鑼灣,的士車費大約八十元,我的朋友如常付了一百元,他真的馬上換走那張一百元,還跟我朋友說只付了十元紙幣一張(之前兩次同是付一百元,司機便說,只付了二十元紙幣一張,今次還過份,說我朋友只付了十元),我朋友馬上跟他理論一番,還說,你不用騙我啦,我已記低了我給你的一百元之號碼,這位司機每天不知騙了多少人的錢,我的朋友話他是有預謀的,一定要報警,那司機才開始認錯,還請我們給他機會的理由如下:
    .
    1.我未睡醒
    2.今天到現在還賺不夠錢?
    3.楂的士賺不夠錢?
    4.家有老婆及女要供養?
    .
    的士司機:X偉倫 車牌:KY255_ (中年、中等身材)
    .
    有無一些建議及其他方法將的士司機中的敗類得到應有的懲罰!各朋友坐的士時要小心,不要被這種無良的司機有行騙的機會。

  37. 嘩﹐呢頁野越推越後咯﹗
    喂唔該哂求丙你個温馨小提示﹗我下星期返香港會小心小心﹐提防類似呢位"X偉倫"惡霸﹗
    快讀完你隔離水蛇春咁長篇雞腸﹐真係佩服呀(佩服你的恆心﹐打咁長咁耐..!!!哈哈)﹗兄台你做咩果日冇打電話上去? 還是你有打到呢?
    .
    哦﹗﹗講番個FM transmitter..你咁講﹐我就明喇﹗﹗即係其實你都要靠個電腦黎聽﹗﹗咁即係若然個網上版有咩三長兩短﹐你都係聽唔到架咋喎。哎呀﹐但在下唔得咁呀﹗﹗事關我個FM transmitter, 係度身訂造為ipod+座駕而設﹔有車﹐冇ipod﹐用唔到﹔有ipod﹐唔起車﹐都用唔到﹗﹗所以做唔到你個提議﹗﹗無奈。不過我本人都甚少用電腦聽7701540﹐基本上99%時間都係駕駛時聽﹐所以﹐即使有你個transmitter都幫助不大﹗
    .
    今日補選﹐唔知求丙你有冇側側膊﹐又用3粒鐘閃左出去投票﹐"盡公民責任"呢? 呀﹗我恨不得自己都係萬錦人﹗同老細要求3點放工﹐爽﹗

  38. 笑兄(簡單 d 叫真係好 d 噃)言重嘞, 不過呢 d chain mail, 其實都唔知係咪真嘅。 不過寧可信其有吧啦。 重有一樣聽番嚟嘅江湖傳聞, 就係香港人已普遍大雞唔食細米, 再冇人做爬手架喇。 如果真係重有嘅, 就一定喺南亞班朋友先至咁醒, 呢 d 冇乜米嘅嘢先至重做喇。 所以彌敦道銅鑼環等要提防呢班人呀!
    .
    哦, 打英文打咗咁多年, 所以亦已駕輕就熟。 打一篇咁嘢, 唔駛一粒鐘都可完工; 整著係中文, 兩晚都唔知鬥唔鬥到出嚟, 因為中學會考後真至喺道猛咁吹水前都冇乜試過寫過多幾段嘢嘅中文, let alone 重要倚助個手寫版喇。 嗰日冇打電話上去, 不過聽到真係怒火中燒, 先寫篇嘢贈亞老陳啫! 近呢幾年,真係冇花假, 舖舖都有去盡公民責任, 就算個個黨都真係投票就對唔住自己良心嘅話呢, 都入去投“棄權票”,等張票都可入 Elections Canada 或 Elections Ontario 個 statistics 道。 我呢份牛工, 其實好自由, 所以日間可以有好多時間貢出去投票, 不過吞撲就實被段正架喇!
    .
    番香港有時間, 記緊要報導吓有冇新春怪現象呀, 新料呀, 正嘢等等, ok? 祝新春大吉, 添丁(!)發財, 一路順風, 旅途愉快喇!!

  39. 嘩不知不覺﹐呢頁野都比人隊到去第3頁喇﹗
    求丙兄﹐新年快樂新年快樂﹗﹗﹗在下已經安全降落香港﹐過緊個肥年﹗
    剛才過去隔離頁睇﹐又見兄台你打咗水蛇春雞腸﹐哈﹗講起呀何博士﹐我前日睇咗集而家hit爆嘅香港電台 “最緊要正字" 電視節目﹐終於見到Mr. HO嘅真面目﹐原來佢都成個"智者"咁嘅樣喎﹐(白哂頭髮咁就自然好似好有料) ﹐唔怪得咁多人buy佢啦﹗
    嘩不過今次番黎﹐真係好覺全城中哂"正字"毒呀﹗唔止港台﹐就連商台都起度狂谷D “正音"promo﹐開親收音機都有﹐咩"連"同"年"﹐ “贈"同"陣"..
    嘩﹐真係因乜事突然間香港人咁關注起"正字"來呢? 真希奇﹗

  40. 哎吔! 呢便過年又冇假放, 又靜蠅蠅, 你就可以有洗費幾百萬嘅煙花睇, 又有肥年過, 笑兄真係羨慕死人喇! 香港乜電台攪到冇得好攪, 要攪正音/正字呀?! 不而學美國同大陸咁整番 d Hong Kong Idol 呀, Desperate 亞嬸呀, CSI Hong Kong 之類重好睇得多啦! 我話呢個何文冇guts屎嗰篇雞腸文,己 send 哂俾各大小傳媒,希望幫到手俾到壓力對面海亞何博士要佢貢個頭出嚟啦. 

    呀,禽日開 OMNI TV 個網頁 send篇文過去時完來啱啱午夜截止抽獎四人機票番香港,如果抽中又可以今年再番去玩喇。笑兄有冇去黃大仙,行花市,買平嘢之類呀?希望新年流流大吉利是唔好搭到嗰個咁傳奇嘅的士佬架的士喇。 有過癮嘢記住係道報吓料喇, 玩得/食得開心 d 啦!
    .
    P.S.: 我番去時旅行社包埋住大華酒店(Majestic Hotel), 酒店入面個 buffet 都唔錯,值得堆介。 

  41. 嘩求丙真夠情義﹐覆得咁快﹗哈。呢排新年﹐你份牛工唔會仲忙咩??
    你而家決意擔當起’華人傳媒警察’嘅重任喎﹗仲send篇雞腸去哂各大小傳媒﹐真係有心機呀﹗﹗﹗唔知會否有咩果效呢﹗
    .
    不過講起正音﹐我番到黎香港幾日﹐都真係已經覺得受夠喇﹗﹗"全城瘋狂正字熱"﹐真係就黎窒息。今日先同一名女性親友舌戰一輪﹐佢又係buy呀何博士buy到不得了﹐又話學番d"啱嘅野係應該"﹗ 嘩﹐同佢舌戰三百回合之後口水都乾埋。
    哎呀﹐叫呀亭老真係快D返黎香港﹐搞大佢啦﹗王何正面交鋒﹗而家D香港人淨係一味要正正正正正正正音﹐盲哂﹗
    係時候揾人黎香港掀起下D聲音喇﹗
    前日先又有人提我﹐話"查良庸"係"揸"良庸﹐"費玉清"係"鼻"玉清… 嘩係真唔係呀﹐殺咗我啦唔該﹗
    .
    坐的士so far都未有驚魂(阿呢陀佛)﹐但而家坐巴士就真係愈黎愈驚﹗我就一向已經細膽﹐坐親巴士上層都驚驚青青﹐前幾日又整多單恐怖割甩車蓋拋人出車意外﹐你話以後搭巴士仲坐唔坐樓上好嘞﹗
    .
    Majestic Hotel? 好﹐mark住先﹗如果有機會試過定當告知﹗

  42. 嘻, 笑兄重夠情義啦, 番到香港甘頻撲重係道報料! 我份牛工就一年四季幾時都差唔幾, 寫吓雞腸攪吓機咁又收工, 其實都幾梳乎架! 不過講開又講, 做華人傳媒警察就冇 quali 喇, 但想多 d 人知到個白頭翁 d 無理學術, 希望幫到 d 手啫, persistent d 就希望冇用都變有 d 用啩。 講開做警察, 畢業返港後好有衝動考做督察, 如果真成咗事, 而家可能以我鍾意做架量嘅性格, 未做飛虎雄獅就已做梗飛鵝山浮屍喇!
    .
    唉, 呢個白頭翁何文滙真係為禍不少, 佢咁攪到香港人講嘢發音發到古靈精怪, 不倫不類, 真唔知佢夜晚有冇發惡夢聽到佢作出來嗰 d 音嘅? 唉…都要揾呀亭老同佢商量吓有冇計可以攪大個反對活動先!
    .
    乜雙層巴士前幾日又一單批頂導致有人做空中飛人呀? 哎! 其實我幾時見到呢 d 英國佬 design 嘅雙層巴±, 真覺得牙都煙埋; 又可能批頂, 又會上重下輕, 一「片彎」就成坐山傾斜成45度角咁濟, 抄車時上便 d 人就好似上咗迪士尼個 Drop Zone 咁 free fall 落嚟, 唸起都毛骨聳然! 好心九巴港巴買過 d 單層嘅長少少闊少少嘅巴土好過啦, 冇咁牙煙吖嗎。
    .
    哦, 原來自「甴」黨真係重「那渣」過曱甴, 揾人打電話上電台讀台辭, 咁都得, 真服哂!
    .
    兄台幾時玩完呀? 幾時先番嚟再又要凍~過~啦~ ? 哇, 今日計埋風凍有成負20幾度, 而笑兄就沐浴喺 +20幾度, 真又羨慕死人喇!!!!
    .

  43. 咦嘩乜原來求丙兄有意當差架??? 咦﹐咁其實你都應該幾後生吓咋喎﹗其實兄台你有否打算過番黎香港發展呢?
    .
    哎呀﹐我下星期中就玩完喇﹗聽聞你地多倫多呢邊長落雪落不停喎﹗死啦﹐呢段日子起香港咁風和日麗﹐日日著到好似響夏威夷咁﹐嘩﹐返番黎又變番零下廿度﹐白雪連天﹐不如殺咗我吧啦﹗﹗
    仲要番黎受個‘假後抑鬱症’呀… 冰天雪地﹐心情更加低落呀﹗求丙你D針灸術有冇得治心理病呀?? 問定你先﹐番到黎一有咩"衣郁"即刻黎揾你求救呀﹗
    .
    講起個白頭佬﹐原來佢上周電視果集"{最緊要正字}"已經係終結篇喇﹐一連播咗19集﹐5個月之久喇。反應咁好﹐真係分分鐘黎個下集﹗起佢作出下集 — “最緊要正音"之前﹐快D叫亭老返黎鎮住佢呀﹗
    .
    提起D恐怖巴士﹐早前有人話我聽﹐話D雙層巴士做過黎實驗研究﹐係真係切切實實傾45度角都唔會翻側架喎﹗﹗﹗真係勁呀。不過咁肯定佢上層實係有咁輕得咁輕啦﹐可想而知上層D鋼水會係幾咁薄弱﹗所以即使要坐樓上﹐都盡可能避免唔好坐最頭果幾行呀…!
    哎呀﹐不過我都係坐D牙煙巴坐多個幾星期﹐之後又要返黎"駕駛風雪中"…諗起都鬱鬱悶﹗…次次番親黎放假﹐都心思思想回流﹐試吓番香港發展。事關香港都真係幾有生氣嘅一個地方﹐係D空氣差D啫。

  44. 哈哈, 小弟年入中坑, 己經唔後生啦! 當差當兵呢 d 嘢就等 d 後生仔去做喇。 不過小弟重人老心不老, 見到 d 冇道理嘅嘢重好好火㗎。
    .
    嘻, 冇有怕, 笑兄假後抑鬱症針嗎, 有救! 等我一陣攞番本『針灸不求人』出嚟, 即刻公開 d 抑鬱症救星嘅乜嘢祖傳五行八卦火針嘅穴道, 包掂嘅, 哈哈哈! 不過講開又講, 上星期四同五場大風雪真係唔小嘢, d 人放工有好多人揸咗成四至八粒鐘先終於到屋企, 唔餓死都急死; 今日同聽日温度又跌番落去負廿幾三十度,真係凍到耳仔腳指都甩埋。 不過番話有云: March comes like a lion and goes like a lamb, 所以笑兄今個禮拜三四番到嚟就應該只見到"拉人"個 pat pat, 羊咩個頭㗎喇!
    .
    耐不耐都有想過番香港發展㗎, d 同學又話係香港做咗乜嘢 director 呀, 物嘢 General Manager 呀, 所以間中都想昅昅有冇 d 機會係香港開番檔嘢買咸硊花生之類。 不過番香港, 你話齋, d 空氣又差, 又要放棄呢道份工、 間屋、 考咗個機佬牌, RRSP 又要立刻吐現, 屋企人又要重新適應, 太多嘢攪喇。 不而踎係呢便打吓工, 見吓客, 吹吓水重好啦!
    .
    番到嚟, 休養夠之後就記得上嚟打過靚招呼喇, ok?
    .

  45. 無 矢 放 的 又 為 何
    .
    潦 潦 幾 字 為 蹉 跎
    .
    道 不 相 同 志 不 合
    .
    友 朋 獨 孤 不 擇 儍

  46. 嘩求丙兄﹐真係唔好意思喇﹐皆因上個星期返到黎知後‘温温燉燉’﹐乜都提不起勁﹐時差再黎有D假後情緒抑鬱添﹐真係好嚴重呀﹗所以成個星期都冇上黎個網睇過﹗搞到求丙兄要一個人起度寫悶詩添﹗﹗
    話時話﹐詩有咩玄機呢﹐可否拆解一下??

    唉﹐番黎一星期咁滯喇﹐落機第二朝已經番工喇﹐真係由天堂跌回落地獄呀求丙﹗﹗好在返到黎﹐天氣已經比我離開之時暖和咗好多﹗﹗學你話齋﹐我番黎之前似乎真係破紀錄式咁凍法喎﹗咁即係樂觀D諗﹐其實已經係賺咗嘅….

    唉~~ 醒喇﹐醒喇﹐同自己講﹗﹗﹗哈哈
    其實學你咁講﹐起呢邊住得耐咗﹐穩穩定定﹐咁又係幾好嘅﹐生活質素都真係高﹐不過每次番完香港﹐就梗係覺得果邊好生機處處﹐多姿多釆咁。相比之下﹐多倫多嘅平淡又好似失色咗D。
    不過最重要係﹐我家族親友主要都起香港﹐雙親都起香港。見佢地都年紀愈來愈大咯﹐其實都好想番去比番多D時間陪吓佢地。(突然間好温情咁添﹐哈哈﹗都未試過起呢個留言版留D咁感性嘅文字﹐哈哈哈) 加上我D老友呢﹐先前起度同我一齊共渡時鞎果D﹐一個二個都玩回流走鬼哂﹗

    不過正如求丙兄你所言﹐要搬番番去又係好大工程﹐又要適應過哂﹐好多嘢分分鐘要由零開始過﹐都唔小嘢呀。所以我都一直思前想後囉﹗
    有時又會同自己講﹐既然而家起度咯﹐就好好enjoy吓珍惜下呢邊嘅生活質素啦﹗所以番咗黎之後﹐抖氣時啖氣都吸得零舍大力呀﹗哈哈哈哈哈
    打份牛工覺得好多嘢做時﹐就回想吓起香港班老朋友D憔悴模樣 —- 係比無良上司極度楂壓 + 長期OT + 長期受氣 + 長期處於壓力下 (加埋空氣污染﹐生活緊張…) — 所造成嘅模樣﹗即時心裡一陣泰然﹐覺得起呢邊打工係好幸褔架喇。

    求丙兄近來又可好? 見你呢幾排都有留下言﹐同其他網友吹吹水﹐討論下D政治大議題咁噃﹗
    承你貴言﹐希望March快D go like a lamb﹐大家可以快D著春裝﹐心情都好D﹗
    嘩﹐廢UP完一大篇﹐jet-lag又殺到﹐係時候揾周公﹗請請﹗

  47. 哈哈, 好啦好啦, 笑兄番到嚟唔駛我成日咁鬼嚴肅係道作嘢喇! 喺呀喺呀, 真喺番到嚟温温燉燉, 半夜三更兩三點又拮咗起身, 要瞓番就除非揾人打暈先得喇。 晏晝又三四點瞓到不醒人事, 真唔講得少。 我就比笑兄幸運小小, 因為好在我番嚟重有一個禮拜假放嚟適應番 d 時差, 如果唔係好可能係公司鼻鼾都打埋出嚟都似!
    .
    哦, 冇, 道友前幾日喺頭(第二、三?)嗰版話我唔回應佢首詩, 我又覺得做乜咁無潦(聊), 都冇嘢寫, 有乜好作啫? 所以作首詩話佢無聊之嗎。
    .
    哎呀, 原來笑兄又係雙親喺香港嘅, 真係同小弟一樣。 呢便真係冇人冇物, 係有 d 同事朋友同屋企幾丁人, 所以番到去見番哂 d 人都真係幾開心又有親切感架。 不過呢面住慣環境寬敞好多, 番到去以前由小學到中學都住嗰間屋有少少覺得細到好似入咗小人國咁, 感覺都幾得意。 講起空氣同壓力, 見到d兄弟咁後生頭髮又白哂,面色又瘀黑,所以香港d空氣同壓力真係攪到d人唔係咁健康咋。  
    .
    呀, 講起健康, 啱啱 join 咗 YMCA, 而家又要去 Markham 個舘去玩吓佢個 gym 先啦, 下次先再吹水啦。
    .
    P.S.: 你有冇收到風, 亞黄同亞葉下個禮拜番嚟第一台呀?

  48. 唏﹐求丙﹗點可能收唔到風呢﹐大家講到沸沸揚揚咁﹗不過初初聽到都幾surprise呀﹐佢兩個番黎第一台。或者﹐多D人坐陣起個台度﹐都好既… 今日開收音機都已經聽到D新宣傳啦﹗唔知下星期之後會點呢.. 不過點都好﹐要聽中文就實係聽第一台架喇。最多有咩唔對路就大不了開番個iPod定轉過去EzRock聽一聽D千年老pop囉﹗呵呵
    .
    咦乜原來你都去YMCA做gym架? 好乖仔喎求丙你﹐果然健康呀﹗我就唔掙氣啦﹗唔講唔知﹐我都有個YMCA會席架﹗話說又係屋企果幾丁友整左個咩多人package﹐順手加埋我個名落去囉﹗
    但我就係去開North York果間YMCA﹐聽講Markham果間正好多架喎下話?
    起初我都真係有去做下架﹐拉下鐵呀﹐做果個strengthen back muscle機最有用﹐因為成日坐起office﹐加上D凳又雞喎﹐搞到條後腰成日痛﹗做兩做係真係覺D肌肉硬淨左架﹗
    不過講到恆心﹐本人就一向欠奉﹗最高峰時一個星期去4晚﹐但過去半年黎之總次數係近乎零﹗做下做下又覺悶啦﹐同埋都幾需時﹗去一去就冇左成晚。
    所以話呢﹐呢度雖然生活壓力冇咁大﹐空氣又好﹐但我懷疑我起香港時之體質分分鐘仲好過呢度呀﹗話哂起香港成日要行﹐行去車站﹐企住等車﹐逼左入車再企﹐落車再行.. 所以運動量真係多好多呀。起呢邊過活就係一味坐﹐坐同埋坐….
    .
    咦係喎﹐講起道友﹐我番一番左香港咁耐﹐佢依然好堅毅不屈地成日留言四圍轟喎.. 好在佢已經放棄左呢頁﹐冇再番黎巡視﹐哈哈哈﹗﹗﹗記得佢上兩個月起度留言話我係潘宗明﹗真係啤一聲呀救命﹗
    咦話時話﹐第一台有新變動﹐kahoo呢個留言板唔知會唔會都有改動呢? 千祈要留番呢頁私人吹水小園地比我地啊﹗
    .
    春回大地﹐真好﹐祝仁兄迎接快樂春天喇﹗

  49. 係呀, 亞黄番第一台就熱鬧好多喇。 不過唔知我個 gut feeling 有冇錯, 定係我無中生有, 我覺得輝哥好似有 d 唔自然咁。 以前亞黄過廢台時輝哥又冇出席佢個告別敍餐 今次番嚟時又頭嗰一兩日去咗 “vacation"。 唉, 以前廢台重係大台, 所以人望高處, 以亞黃旣才華, 跳過去填補輝哥走咗後羊肛早晨個空缺同睇吓有冇更大發展機會亦無可厚非。 但一入侯門深似海, 先知到廢台管理層腐敗到出汁。 唏! 總之點都好啦, 番到第一台, 大家一家人喇, 千祈唔好有心病, 一團和氣, 各施各法, 分工合作攪好個台咪好囉!
    .
    哈哈,EzRock d 千年老 pop, 我諗 Phil Collins d 歌呀, Joni Mitchell 首 Big Yellow Taxi 呀,真係冇乜邊日佢個台冇播嘅! 好彩佢冇播 Frank Sinatra d 萬年老 pop, 如果唔係我就真係喺架車個收音機個制都除埋個 program 走都似。 不過佢夜晚個 Delilah 個 show, 如果頂得順佢哋 d 美國口音 (e.g. spend 又讀 spin, and 又讀 eeeand 有時揸緊車聽吓都 OK 呀, 比起我哋 d 麻甩佬又真係覺得又幾感性嘅。而家一路寫一路聽緊Alanis Morisette d 歌仔, 佢 d 歌我都幾鍾意又有 d 意思㗎。
    .
    啊, 乜原來笑兄都有 YMCA 會席! 老實講, Markham 個 YMCA 係小弟第一次入 YMCA d 館, 所以 都唔知比起其他館係好定唔好。 不過我估佢嗰個乜嘢 Fitlinxx 電腦系統同埋好多 d 腳踏機 (好似個 cyclefit, treadmill 同 elliptical 機) 都有 LCD 電視, 又有得睇 CNN 呀, CTV 呀, 廢台等, 一路睇一路做, 唔多駛恆心都時間好快過咋。 而家重每個禮拜五重去學埋耍太極, 都幾過制吖! 不過講開 d fitness 嘢, 香港人同日本仔就真係幾時都係全世界最長命嘅。 以前我係尖沙咀一 missed 咗架巴士, 就索性行路番花墟公園附近道屋企, 次次都行到身水身汗, 真係重好過上 gym 架。
    .
    係呀係呀, 道友以前真係咁大整估, 話你係潘宗明都得。 好在冇話我係李亭, 如果唔係我可能己經一命嗚呼都似!
    .
    哦, 我估呢個私人吹水小園地冇咁快冇嘅。 就算係, 咪揾過第二版再起爐做(?) 囉。 呀, 今朝做緊嘢時開 770, 完來家豪同幾位直擊香港 800 人選舉, 唔駛聽 d 我明 d 又唔明 d 嘅普通話節目, 真係喜出望外喇。 又講開普通話, 禽日入去 Alton Towers Circle 間 「大肛」超市, 去到海鮮部道, 竟然聽到班大陸員工用 90 dB 以上聲量播 d 唔知係紅衛兵定係截子戲 d 歌, 真係攞我命好過喇…
    .

  50. 哈哈哈求丙兄都幾心思細密喎﹐咁都比你留意到暉哥D動向嘅? 我又真係唔知佢上次冇去阿黃個告別聚餐噃﹗或者話﹐當時我都唔係追本地中文電台追得咁貼﹐都真係唔係好知邊個打邊個﹐可以話一D都冇留意添﹗以前都係因為要落downtown﹐朝早有時路程長悶悶地就聽羊肛早晨﹐黃昏揸番上uptown就聽老潘繼續吹下風﹐都係好間唔中。直到2005年3月第一台開播時﹐ 咁啱果排我又報左個D成人夜校課程﹐放咗工要揸到落Humber College果度喎﹐去到Etobicoke家嘛﹐遙遙長路﹐咪亂咁轉下D台黎聽囉﹐果陣仲係簫葉做緊”笑看新聞”﹐當時聽聽下都覺得佢地幾 funny﹐咪keep住聽囉﹗之後就無啦啦變咗個家豪哥個節目嘞﹐聽咗一排就上咗癮﹐之後就放工都keep住開第一台咯﹗而呢D華人傳媒是是非非﹐廢柴 D人事作風..等等﹐就更加係近一年先知啦﹗呢個留言版都update我唔少呀﹗哈哈。
    所以﹐講”聽本地電台”年資﹐真係唔夠你地黎﹗求丙你就直頭係心水清﹐挑通眼眉呀﹗
    不過點都好﹐學你話齋﹐希望第一台D新舊同事唔好有心病喇﹗
    略略聽咗兩朝阿”黃葉”﹐so far都好似OK吖。或者咁講﹐因為隔離羊肛早晨實在太廢﹐不堪一擊﹐基本上揾咩人黎稍為用多少少心做個節目﹐已經可以好輕易地打贏﹗
    .
    咦喂聽你咁講﹐Markham個YMCA真係好好多啦﹗﹗﹗我地North York呢邊呀﹐連電視都冇個呀﹗悶到呀﹗我一般都係帶部私家耳筒機仔去聽﹐一係就夾住本明報周刊起桔甩底入去掀。你地果邊有電視﹐仲有廢台播添? 咁唔怪得啦﹐如果有得一路睇住劇集一路做gym﹐真係做幾耐都不知時日過呀。尤其係一路睇”十兄弟”一路做﹐就更加係噴飯式嘅能量。
    .
    哈哈哈哈哈哈﹗﹗﹗你講果D”萬年老pop”真係笑爆嘴呀﹗﹗﹗冇錯﹗﹗果位”地拉拿”阿姐真係唔講得笑呀﹐果個節目真係師奶殺手呀。咦估唔到求丙你都啱 D咁感性嘅嘢喎﹗哈哈。你講起Alanis Morisette﹐又咁啱﹐我又真係幾鬼like佢喎﹗我一向甚少捧老外歌手﹐不過當年(都差唔多十年前﹗光陰似箭﹗) 佢出第一隻碟(Jagged Little Pill)時我起香港班舊友力推﹐咪買黎聽下囉﹐唔聽尤自可﹐一聽就愛上咗﹗佢D歌詞真係好得呀﹐有時又混D政治﹑宗教﹐有時又有D哲學﹐又諷刺下愛情﹐ 又有D人生概嘆﹐好似當年首經典”Ironic”﹐真係聽得我都幾唏噓。之後佢出親CD我都幾乎有逐隻買齊﹗
    .
    嘩哈哈哈哈哈哈你好地地做咩要走到黎大肛超市呀﹗﹗﹗哈哈哈哈哈﹗Alton Towers Circle﹐都近我公司喎﹐我份牛工就起糞字路(Finch)夾冰梨/麥9雲果邊﹐所以都經常同D同事去Alton Towers食晏。不過近年真係除咗大統華之外﹐都甚少幫襯其他華人超市喇。不過你講起D大陸歌﹐我記得以前去Leslie/Finch果間”金山”都有時會有﹐哈哈﹗一係就播埋D好鬼核突嘅midi版”有誰共鳴”﹑”似是故人來”果D﹐好似香港 D酒樓廁所入面長播果D background music呢﹗都咪話唔難頂。

  51. 哈哈, 笑兄, 就嚟呢個私人吹水小園地, 連每日刷牙有冇流牙血我都喺道講埋㗎喇, 哈哈哈!
    .
    哦, 心思細密就真係唔及 d 女人喇, 不過就留意到以前暉哥喺廢台係節目總監, 而亞黄就係第一台個前身 CHIN Radio 嘅節目總監, 咁暉哥過嚟幫 Nobody 成立第一台, 會邊個監邊個呢? 係暉哥監亞黄吖, 定係亞黃監住暉哥呢?或兩個都冇人監呢? 或你又監住我,我又監住你呢…? 係哎, 頭都大咯。 好似有一個亞嫵之後打上去問:『死咯, 今次一山不能藏二虎, 點攪呀』 所以咁先至留意吓暉哥同亞黄 d 動向啫。 但如果問我其他嘢, 好似葉 sir 上個禮拜漏咗口幾多次呀之類,就真係考到我喇! 嘻嘻嘻! 不過我以前如果朝頭早喫緊個包同埋歎緊杯每朝都自製嘅港式奶茶時, 如果聽 770 真係時時沙沙到頂唔順, 而上網聽又俾佢個 serve化 bell 咗出嚟嘅話呢, 都會拎個去聽吓亞黃做羊肛早晨嘅。 因為我一向都好捧佢塲嘅, 而家又加上佢同葉子青兩個媽公仔, 又真係好夾嘅, 所以如果未返工或敖緊巴±時就一定幫襯㗎喇。 佢個行街街學英文又幾有新鮮感噃, 堪坷呀, worse comes to worst 定係 worst comes to worst 呀, 最好講多 d 好似 Massey Hall, 唔係讀 Messy Hall 呀, pass 同 pess 呀, in 同 on 喺乜時候要特別小心唔好攪錯呀之類就筍喇。 以前迪寶娜摩呀 (老豆英國佬?)喺廢台教過好短時間英文, 但可能俾人嘈, 話佢教埋 d 英國音, 所以咁就好快冇咗啩。
    .
    係呀, 禽晚又上 Y, 又舉鐵又一路睇 TLC 一路走 treadmill。 過重未做十兄弟噃, 如果唔係日日上去追都似。 咦, 乜笑兄間公司喺糞字路夾冰梨/麥9雲果邊㗎?! 哈哈哈哈哈!! 咁可能上次我鬼鬼鼠鼠泊咗架車喺 Woodside 魔去追巴士時 P.K. 喺紅寶石前面, 成個人「太」字形攤咗喺草地你咪可能睇得一清二楚? 哈哈。 不過你就幸福啦, 酒樓食肆日日食唔同嘢都得啦。 我就喺 疴難屎咩(Ellesmere) 同 摩拎曬 (Morningside) 附近返工, 得 d 森林猛獸 同間 Poppey’s 炸雞係附近, 周時要揸車或熬巴士去 Kennedy 間「老地方」, 食佢 d 乜嘢九龍炒麫再局佢送碗酸辣湯, 唔係可能局要接受西方文化, 食 d 公司下面嗰 d 又致癌又難食嘅熱狗或「P耍」㗎喇。
    .
    啊, 係呀! 金山又真係唔易頂㗎。以前我同佢買兩公升豆漿, 倒咗一杯之後一飲就知中招, 臭嘅! 但攞返去想換番樽唔臭嘅時, 我就一路聽佢 d 核突電子琴 midi 音樂, 一路聽佢講: 『唓, 你都飲過咯, 梗係冇得換啦!』 真唔怪佢執粒咯。
    .
    呀, 又有科技推介喇。 笑兄有冇用 Skype 呀? 我而家打親電話都用 Skype 喺部豬腦道打架啦, 好好用, 你可以去 Skype.com 佢啦。
    .

  52. 哈哈﹐求丙兄﹐你講得冇錯﹐我地D吹水都真係膚淺得黎又幾仔細﹐D大嘅嘢就唔提﹐但D濕濕碎碎嘢就繪形繪色﹐唔講仲以為我地兩個係街市撞到一路買餸一路打牙骹嘅師奶﹗起碼我知道求丙兄你每朝都要自製港式奶茶﹐哈哈哈﹗(話時話﹐係咩即沖牌子? 我試過幾隻都覺太稀太淡﹗)
    .
    咦﹐你介紹呢個skype又幾新鮮喎﹐都未聽人提過嘅? 係咪暫時仲未做得起呢? (一或係我孤陋寡聞呢??) 霎眼睇又幾似ICQ crossover MSN嘅進化加強版喎﹗用黎打埋電話﹐即係似以前果D net phone? 咁又要插mic同耳筒落電腦﹐定係就咁起個電腦mon前大聲講呀? 嘩﹐咁玩吓手你真係連電話費都慳埋喎﹗
    .
    我呢幾日都有keep住留意下阿黃同阿葉。當然﹐比起羊肛早晨同阿李小姐﹐佢兩個梗係夾好多啦.. (基本上﹐都好難揾到人可以同阿miss李夾得好…)
    今朝我早咗D出門口﹐揸車時都又聽咗佢兩個環節﹐’學英文’同’曲奇士’﹐都幾好吖﹗今日教果個"recipe"都幾吸引喎﹐睇吓我幾時有機會要煮飯比自己食﹐都可以試下佢今日教果個taco! (如果我到時仲記得係乜打乜的話)
    講番阿黃同暉哥﹐我諗佢地而家"二虎"都共處OK啩﹐話哂一人一個地盤﹐一個朝早一個下晝﹐或者平時都唔洗見到面添﹗哈哈。好在冇拆散到下晝阿牛同暉哥啫﹐佢兩個孖住上真係笑到人嘔飯。
    .
    嘩﹐乜求丙你份牛工咁鬼遠架?! 真係好東吓喎﹗不過入到去就唔駛煩冇車位啦﹗哈哈﹗我都試過放咗工走入去摩拎西間戲院睇戲﹐貪佢唔塞車又冇人﹗不過你要解決午餐就真係陰公D喇﹗冇錯﹐我果邊又真係美食多籮籮﹗紅寶石果邊都好多時去呀﹗哦咦﹗﹗乜原來果日PK果個茂利就係你呀? 哈哈哈哈哈哈哈﹗
    (不過點解你唔係"大"字形攤低﹐而係多咗一點… “太"字形呢? 唔通… … … 好﹐我知架喇求丙﹐我確定你係健全嘅男兒身喇﹗哈哈哈﹗)
    .
    嘩咦﹐果然改吓改下﹐連留言版個look都改哂喎﹗不過呢隻字體我覺得麻麻喎﹐出英文就OK﹐但中文就冇以前咁清楚﹗有D香港字好似出唔到添喎。個"架"字(加口字邊)。kahoo同網頁設計員反映吓﹐轉番個"細明體"定"新細明體"得唔得呀﹗
    .
    PS – 話時話﹐又真係唔知迪寶娜摩呀教過英文喎? 哈哈﹗有咁嘅事??

  53. <html>
    哎, 聽日有日復活節假放, 成個人鬆哂, 所以可以安坐係張 20 皮嘅皮凳, 又同笑兄師奶式打吓牙骹先。
    </br>
    </br>
    哎呀, 兄台係咪今年犯太歲呀, 又會有人 (真金白銀笑呵呵) 無情情噬你一啖嘅。 唔通又一憤青浦頭或真人/道友又化名"真金白銀笑呵呵"係道留言四圍轟人呀? 真係阿彌陀佛喇, 嘿!
    </br>
    </br>
    哦, 我 d 港式奶茶冇乜橋妙架咋, 淨係聽 Consumer Reports 講, 買茶包就梗要買 Tetley d Orange Pekoe。 做法: 用超熱嘅滚水陸興隻厚小小嘅瓦杯, 再第一時間陸 d 滚水落去沖個茶包囉。 當然, 浸緊個茶包時就最好揾隻木筷子夾吓佢又篤吓佢啦,咁 dum 住攪得幾分鐘, 杯茶就黑過墨豆架啦。 然後就落糖同花奶, 就可以有杯似模似樣嘅港式奶茶架喇! 以前我又試過 Lipton, Red Rose, 乜嘢「大牌檔」港式奶茶, 好似你話齋, 冇一隻掂嘅。 似乎 Tetley 都係最有茶味 – 夠哂濃 – 架啦。
    </br>
    </br>
    哦, 個 Skype 呢個 net phone (VoIP phone), 其實現今喺我哋個 「機 community」 都幾多人識架喇 (Google 啱啱買埋間公司添)。 原因係上年用佢可以免費任打北美乜電話都得。 佢同 MSN 主要分別, 應該係佢打北美電話號碼平好多, 今年起 10 幾蚊就可以一年內無限任打。 用咗佢黎打俾人, 可以 free up 屋企條電話線, 所以好似屋企多咗幾條電話線用咁正。 而且用部腦 嚟打, 又有一目了然嘅資料, 好似個 address book 呀, call history 呀等等, 一目了然。 如果用喇叭 (唔係耳筒) 同咪黎講, 重可以有幾個人棟係隔離一齊講添, 重好用過 speakerphone, 因為可以用埋個 webcam, 更可進行視像會議都惦! 所以我而家條電話線用咗 Vonage 又係有免費北美打任何電話, 屋企幾部腦又有 Skype, 長途電話咔而家都慳番哂! 不過打番香港就要一分鍾兩仙半, 但亦平過其他電話咔好多。我同我香港屋企己買咗一對 Skype phone, 大家一攞起就可以免費講架喇(Skype phone-Skype phone 或 PC-PC 就幾時都免費嘅)
    </br>
    </br>
    其實我份牛工, 離我屋企 10 幾 km 咋; 再繞路行 士x屎 (Steeles) 喺慢感路 以東 d 崎嶇山路仔, 又唔塞車又 ok 好行, 重爽過行 401 架。 不過公司真離譜, 泊車貴到抽筋, 所以又要靜雞雞泊係冇雷公咁遠 d 魔道, 熬巴士或步行返工喇。
    </br>
    </br>
    哈哈哈哈哈, 嗰次太字形咁瘀受咗咁沈重嘅教訓之後, 而家唔敢再追巴士咯; 走咗就走咗囉, 熬巴士都要隨緣咯!
    </br>
    </br>
    係呀, 我都幾 “like kee” (記得兩三年前 CHIN Radio 1540 個男仔報告新聞時真係咁講 㗎, 真笑到我爆肛咁濟) 呢個新 look 架。不過講開 d 香港字出唔到, 真係幾激氣架。 最慘就係佢有時就出到, 有時就變 “?”。 因為有時爭一個字, 句嘢就變咗好似鬧人咁, 真唔好意思家嘛!呢兩個字就周時出事嘅: 1) 口 + 黎 2)口 + 架
    </br>
    </br>
    係呀, 迪寶娜摩呀真係教過英文架。 不過真係而家已冇乜手痕轉過去廢台八吓架喇, 所以其實估佢冇再返去教番咋。
    </br>
    </br>
    聽日再同「一聽眾」女仕 (唔知係咪耐不耐都打上去好鍾意睇波嗰個 Sammi 嚟呢) 睇睇 discrimination 問題先…
    </br>
    </br>
    笑兄 Easter 有冇大計出埠玩吓咁呀?
    </html>

  54. 哈﹐我又趁住放受難節假﹐坐起張19蚊嘅皮凳(平你少少)上面﹐嘆住杯Tim記doub doub﹐又舒舒服服咁留番個言比求丙兄你先﹗
    .
    嘩﹐剛才又見到求丙你D水蛇春雞腸留言﹐喂﹐求丙﹐你都真係好有料吓喎﹗我估你係咪中學/大學就過咗黎起度讀蕃書? 你D社會學background都幾猛吓咁喎﹐好明顯以前讀書梗係慣哂寫essay果D高分老吹王啦?有冇估錯呢﹐哈哈。搞咩又會入咗機界呀?
    我呢D對機界嘢真係一竅不通﹐我識用吓MSN已經算好比面﹗不過聽你講個skype都幾爽喎﹐最啱係拜年用啦﹐成家人逼哂起個電腦mon面前﹐逐個親戚call去﹐一齊大嗌 “恭喜發財!!" ﹐唔駛拎個電話傳來傳去﹐慳番唔少時間﹗
    .
    發覺求丙你都真係周身刀喎﹐連consumers’ report你都"lun"埋﹐沖奶茶都咁有研究﹐我真係佩服得五體投地呀﹗等我下星期番到公司時望下咖啡室果D茶包係唔係Tetley先﹐如果係就可以即刻試下喇﹗
    .
    哎﹐係啦﹐估唔到阿真人/道友/豬頭/貓頭/狗頭/龜頭… 又升天又封筆無數次﹐點知次次都係捲土重來﹗我就住大統華單嘢講兩句﹐佢化身嘅"窮鬼"又要咬我話我以為自己講嘅嘢好啱﹐跟住我睇完小甜甜單嘢覺得不勝唏噓﹐諗住點番首"夢"黎抒發下﹐又比佢化身個’真金白銀笑呵呵‘串我話我抄作﹗噢﹗﹗﹗我諗佢真係當咗我係潘宗明呀﹐處處都要咬住我唔放呀﹗怨枉啊﹗
    咦但求丙兄你呢排就旺場喎﹐直頭有fan屎支持添啦﹐阿"cytodex"似乎每個point都好buy你﹐哈哈哈哈哈哈 (其實我有個病就係睇親雞腸都會頭暈﹐所以你地D論文我睇唔落去﹐但就見到佢次次開頭都係 “bravo! 獨孤兄!" 同 “well said!" “well established point!".. 哈哈哈﹐覺得幾好笑)
    .
    唉﹐復活節假﹐有得去邊度吖﹗都係起多倫多度﹐上黎呢個留言板虛耗下光陰咁啦﹐同埋我份牛工星期一都已經要番工﹗long weekend﹐眨吓眼就過鬼咗啦。我呢D打廉價牛工﹐仲要係唐人工﹐係咁架喇﹐邊有D老外咁嘆吖﹐受難節唔逼我番去受難﹐咪算係咁囉﹗不過我放假定唔放假﹐其實都冇乜分別﹐因為都係對住部電腦做埋D咁上下嘅嘢﹗哈哈
    .
    P.S. – 哈哈哈哈哈﹐點解求丙兄你咁肯定強調"一聽眾"係女士呢??? 求丙你永遠都係要對D人嘅性別咁敏感喎﹐呵呵呵呵.

  55. 哈哈哈哈, 做乜事笑兄又好似小弟咁作賤自己, 坐 d 咁 cheapy 嘅凳呀? 不過呢張嘢係喺近 Pharmacy 同 McNichol 間 eBay store 執笠時買嘅。 不過有時真係平嘢冇好, 個 handrest 成日甩出黎, 要成日拎番粒螺絲嘅, 唉!
    .
    嘻, 有乜料吖, 吹吓水發洩吓 d 中坑不滿情緒之嗎! 咁都俾兄台估中, N 年前中學會考後係過咗去滿地可讀完兩年預科 (Quebec 叫預科做 C.E.G.E.P.) 之後入去滿城間「乜Q」大學嘅。 不過寫 essay d 嘢, 又有 d 睇吓天份嘅。記得三年班重讀緊間中文天主教學校, 四年班就搬屋後轉咗讀新法書院, 頭嗰個學期英文同其他科目即刻擔哂梯, 因為都唔知 d miss時 同亞 sir 喺黑版潦 d 乜東東。 但請咗個補習先生教咗拼音又成本英文書谷我念鬼哂之後就上咗軌道囉。 再中學時又買咗本我好 like kee 嘅 HK$18 蚊牛津字典, 晚晚係張牀道左手字典, 右手英文讀者文摘, 咪可以有機會識多幾個字囉。 但學雞腸呢味嘢, 寫都唔係咁難, 但講得要好似鸚鵡咁學得似模似樣呢, 就真係又要有天份同落好多苦工先惦架。 咬字都係其次, 高低音先至真正辨別 d 人係邊道過黎嘅。 所以 d 歌手唱歌, 唔容易知佢係邊道鄉下。 但落咗台一開口, 佢就即刻被「起底」架喇。
    .
    唉, 做機佬, 真多得新法隔離位條友囉。 放咗學日日帶我去鴨寮街道浦, 又教我整呢 d 無線電對講機, 嗰 d 遙控模型機, 咁咪道咗我升仙囉, 之後喺「乜Q」道讀埋個機電, 咁就入咗機界喇。 如果唔係, 可能有機做沙士肶嚹 個繼乘人都似, 啊?
    .
    哈哈哈哈哈哈哈, 原來呢班乜頭物頭龜頭全部都係真人嘅假像化身, 真係 d 呢亭人做嘢又真係有條路嘅, 真有時唔明佢哋個腦點解諗嘢咁側埋一邊嘅,。 如果係笠頭嘅, 真驚佢哋做埋 Bin 拉柴 d 成員都似。
    .
    哦, Cytodex 同 一聽衆 嘅思路都好明確同清晰, 我又同Cytodex 幾啱牙嘅, 諗嘅嘢又好似同一個亞媽生出黎咁… 唔知佢係咪我失散咗 18 年個孖生兄弟呢…???? 哈哈嘻哈哈。
    .
    不過講起打唐人工, 唔係歧視自己人, 又真係有牌發嘮叨嘅。 畢業後係香港打過好幾份工, 但有兩份工係唐人工, 真係唔敢相信有乜人咁都可以死心塌地同佢哋做嘢嘅。D 沽寒法真係….好似我香港家姐同過李家誠做嘢, 連枝原子筆都要幾個人 share,真係咁都得!
    .
    哦, 我估一聽衆係女人黎嘅, 因為係個大統華騙案嗰版道佢話去 d 女人專去買衫而又男人一定頂唔順嘅鋪頭: Talbots Outlet, Penningtons Superstore, 等, 而且通常中文幾好嘅男人就多數英文好唔惦 (e.g. 道友), 英文好嘅就唔多識中文 (e.g. Cytodex), 但女人 d 文學方面又係比我哋 d 麻甩佬好 d 嘅, 葉子青同亞黃又係一例子喇。再加上我又想挑戰自己 d 「福已摩屎」 嘅能力, 䏲睇我有冇估錯啫。 重有呀, 如果回應姖 d 留言時, 要記住就住黎寫; 如果又寫 d 不文詩呀, 粗口呀, 對住女人重係嚴肅嘅天主教徒嘅「一聽衆」, 如果好似我兩絛友係呢版道咁寫嘢, 唔俾姖噴到一面屁都俾我 兩 dow 友嚇走啦! 哈哈哈!

  56. 番黎喇﹐番黎喇…!
    Easter Monday我又’復活’…. 應該係’復工’.. 唉! 偷下懶上黎留個言﹐平衡一下心理先..!
    .
    哈哈咦﹐乜原來求丙你畢業後仲番過香港打過兩份工添架? (等我都運用我’f-ck以魔斯’之頭腦﹐屈指一算下… 求丙兄今年都真係應該年過…..)(心中呈現一個雙位數字) 哈哈哈哈
    哦!!!!真係比我批中左﹐求丙你果然係中學仔就過黎讀洋書!!! 唔怪得學得一手老外必殺技 — 吹水!!!!!!!! 話說我起度讀大學時都做過唔少兼職﹐D老外最令我佩服得五體投地之地方﹐係得五個字: 吹水唔抹嘴!!!! 求其同個三唔識七餐廳收銀員都可以由自己廿年前個best friend點樣遠方過黎多倫多探佢所以帶佢落niagara falls周圍玩再講到前日叫左阿表弟黎後園整番條水渠整左幾耐﹐都咪話唔犀利。
    不過求丙你都真係好有恆心喎﹐由唔識英文刨字典兼讀者文摘刨到有今日如此境界﹐掂呀﹗咦﹐咁你去montreal讀﹐應該仲學到兩嘴法文添喎??? 肯定追死女喇求丙你! 仲識搞機!
    .
    至於我過黎讀洋書﹐都係無非為左虛榮﹐同老字號’UT’個虛銜! 可以話係百份百胡混畢業。我話就話係讀埋唔少政治野同D文化研究野﹐應該出到黎學你話齋做到沙屎比亞第二﹐好有見地至係﹐但你睇我而家仍然流連於旺角信和中心同女人街之文化層面﹐做個士嘉堡小混混﹐就知我果幾年學費係猶如倒左落屎坑。
    .
    哈哈﹐求丙你挑通眼眉﹐’通常中文幾好o既男人就多數英文好唔惦 (e.g. 道友), 英文好o既就唔多識中文 (e.g. Cytodex)’﹐分析得好!!!! 哈哈哈哈哈. 起咁大班雞腸人面前﹐我都係無謂獻醜﹐決意堅持寫番我D市井廣東話﹗萬一起求丙兄前’露哂底’就樣衰啦﹗
    但話時話阿’一聽眾’又真係幾搞笑﹐真係堅持個個留言都’中英對照’喎佢﹐冇錯﹐仲係嚴肅天主教徒添﹐哈哈﹐我都係無謂去招惹佢… 一個’potential-辮拉登’道友(連同佢七七四十九個化身)都已經夠難搞。
    .
    好﹐吹水完畢﹐係時候繼續扮個勤力員工﹗(等我還番部共用電腦比下一位員工﹐再過隔離部門借番支共用原子筆寫字先!)

  57. 哈哈, 真羨慕笑兄 d 倉頡輸入法功力, 喺吞撲嘅一盞茶時「奸」都可以「的力達肋」咁禁大篇嘢打出黎, 奇實我先至佩服到五體投地咋。

    呀, 原來呢個 blog 嘅新 layout, 係唔駛段與段中間整一點上去, 都唔會幾段嘢縮埋一舊架喇, 好過哂啦, make sense 好多!

    啊, 法文吓哇, 我單字真實都識唔少架, 成句就甩咳好多。 Comment allez vou (今吧打老虎) 呀, Quest que tu fait 呀, Attention (At – Tan – She – on) 呀, Ou est…, 不過講呢 d 法文時, 就一定要好似吐痰一樣先似架, 唔似又變咗有 accent 架啦, 哈哈。 講起追女仔…都係唔好爆呢 d 追女仔或俾女仔追 d 秘屎喇, 等我「默默地藏於心裡」, 得閑冇嘢做又坐係 Penningtons Superstore 出面架車等 d 女人 shopping 時先慢慢啖(細嚼)啦。

    咦, 乜係以前見到有條戊李同個三唔識七嘅餐廳收銀員都可以打牙骹? 條戊李係咪6呎高左右, 個樣重衰個陳奕迅架? 嗰個咪我黎囉! 嘻, 下次打個招呼呀嗎?! 好似…『喂 , 求丙! 咁耐冇見, 重未死吖?』 之類吖嗎!

    啊, 原來兄台又係 UT 仔黎。 話, 咁係 d 攪舊生敍會就一定熱鬧到暈喇。 「乜Q」就呢道唔係好多人咋, 不過以前過黎移民落腳都靠個「乜Q」識嘅法國仔幫忙, 唔係都幾 laird hair.

    係…哎…, 露乜底吖! 中文英文, 鍾意寫乜咪寫乜囉, 個個雞腸都咁試正咩? 如果唔係咪成街都係沙屎比亞囉。 呢 d 嘢正要講天份咖嗎, 我夠恨都恨唔到兄台你咁鬼 funny 又隨和咯。 好似我 d 中文字呀, 如果唔係靠塊小蒙恬加埋 Google 同網上英漢字典, 真幾難寫得完一篇嘢啦! 重有呀, 連個真正嘅慢感市小混混陳國治 d 英文語言能力都可以做到廳長, 所以我都已經由 Master Bedroom 搬咗出廳瞓, practise 吓做廳長滋味, 下次競選出黎廳長 vs 廳長, 一定「練」羸佢架啦!

    哈哈啊啊啊啊…乜你個唐人老闆都係咁鬼克薄架, 劈炮啦, 出黎幫洋人打工喇… 哈哈啊!

  58. 咦求丙兄你呢排D留言好密下喎! 尋晚臨訓前多手click左一click﹐見你地響毓民棟篤串果邊鬧得沸沸揚揚﹐忍唔住又加兩句嘴! 求丙你好紅呀﹐好多人擁戴你啊!
    果邊廂又有人問我"真人"係邊個喎﹐真係唔知點答佢好喎.. 咪話我疑神疑鬼丫, 分分鐘發問果條友就係"真人"本身!! 硬係形住佢係小小果D “attention seeking freak" 果類﹐心靈需要透過經常引起他人注意力而得到慰藉果隻! 不如求丙你去代我解答算吧啦, 趁住你呢排當紅﹐時運高﹗哈哈哈哈哈哈

    嗯係呀﹐上次留言時唔記得講﹐求丙你去the Y度健身時小心呀! 我親戚個女上星期去North York果間做gym時個locker比人爆格﹗佢做完gym入番更衣室時﹐係見連成個locker鎖都冇埋﹐裡面就比人翻到亂哂﹗聽講近期前前後後North York已經一連三單喇。好在個highschool妹就冇咩貴重野﹐係比人撻左條頸鏈同張membership card﹐但佢都已經嬲到震。另外兩個受害者就陰公D﹐成個銀包冇左。所以果D locker真係信唔過呀﹗都唔知係咪North York呢邊果間特別差﹐不過你起慢感都提防提防啦﹐咪留低D貴重野呀﹐有D咩初戀定情信物﹑老婆張迷人玉照定自己細個D裸體出浴照﹐記得貼身收藏呀. 唔見左事小﹐淨間比人放上網咁就喊三聲喇﹐哈哈

    唉﹐都有諗過劈炮呀﹐但暫時又未見有咩好船可以跳﹐所以就起度混住先囉﹗得閒上黎留言版吹下水﹐虛耗下D"工作時奸"﹐都可以一泄心頭之怨﹐哈哈哈! 我成日驚萬一公司有人會上黎睇呢個forum﹐淨間比人認出我話我數臭公司﹐咁我就"付街"喇! 所以都係唔敢太揚﹗

    冇錯﹐UT係就係多人﹐但事關我大學時期都算係相當自閉﹐所以基本上結交到之朋友真係一隻手數得哂﹐都咪話唔陰公。可能我讀D科又比較冷門啦﹐冇乜D傾得埋冷既自己友 (你知D唐人都係湧哂去讀D商科理科架啦﹐叫佢地又要睇英文又要寫文﹐真係死比你睇架)﹐加上我又冇住過宿舍﹐所以真係冇咩朋友﹗(遙望著夕陽﹐輕輕抹淚)
    唔同你讀"乜Q"呀﹐通常去親D愈偏遠之地﹐就愈容易結到"患難之交"呀。我都有D後悔點解當年冇去D埠仔讀﹐體驗下寄宿生涯… 而家﹐空餘恨恨恨…呀! (粵曲腔)

    哈哈﹐乜求丙你咁話自己﹐"仲樣衰過陳奕迅"﹐哈哈﹗我就話阿Eason都唔係咁差唶﹐起碼唱得一口好歌﹐仲有老婆同個可愛到爆既B﹐都唔錯﹗我架車都經常熱播佢半新不舊果批情歌﹐仲要攪低隻窗大聲跟住唱架﹗邊日你起馬路度見到隔離架車入面有條茂利不知羞恥咁對住條街唱住"明年今日"﹐惹來途人側目﹐你都不妨隊過頭出窗同我打聲招呼丫﹗話唔定我有日都起Superstore門口泊正你隔離呢。

    哎﹐話咁快﹐一盞茶時奸又過喇﹐等我都係開番個工作視窗出黎扮哂埋頭苦幹喇﹗(好在呢個留言版而家都係純白色﹐霎眼睇都係同outlook同MS word差唔多唶可﹗唔覺既… (自我安慰)

  59. 大發現呀大發現!!!!
    原來公司D茶包﹐係真係tetley之Orange Pekoe呀!!!! 今日比我發現左遺留左起一旁既tetley紙盒﹐謎底終於揭開! (因為平時係拆哂一個個白色茶包出黎通處放架嘛﹐所以冇人知係咩牌子)
    已經有另一位同事起度講﹐話 “一次過掉兩個tetley茶包落去﹐就做到港式奶茶之效果﹐因為夠濃!!" 果然同求丙你英雄所見略同! 如果唔可以如你所言用滾到起泡既水沖﹐咁睇黎用"孖包"instead都未嘗不可!
    有此大發現後即刻令"濕度百份之100″既雨紛紛早上加添了朝氣~ 頭先沖完杯早晨啡後即刻忍唔住一試﹐掉埋個tetley包落去﹐真係變左A貨港式鴛鴦喎!!!!
    (人生的滿足有時就係咁簡單!)

  60. Whew! 星期四一直到而家做到隻嘢咁。 又啱啱同架愛駒四個月來第一次親手同佢洗完白白, 先至可以再坐低留一兩篇言, 再為害吓人間先。

    哇, 咁就真係恭喜賀喜笑兄喇, 以後可以有免費港式奶茶飲喇…

    哎呀, Sorry 呀, 一路寫一路對眼唔爭氣, 揾兩支牙簽都撐唔得大。 都係制服咗隻睡魔先, 醒返先至再留言俾笑兄喇…

    zzzzzz…..

  61. 喺! 終於瞓足精神, 可以再完成未寫完就不醒人事篇留言喇啩。

    D Tetley 真係幾惦呀吓哇? 我以前好鍾意劈一包落個煲 (唔係kettle, 係pot) 道, 倒杯半水落去開火, 水一滾就熄火, 等個爐 d 餘熱「碧力溥落」咁 brew 佢兩三個字, 咁倒出黎杯茶就真係正到離奇架喇。呀, 不過聽日都好似你咁試吓冲杯鴛鴦歎吓先。 哈哈, 講起鴛鴦, 上次見到有個香港中坑喺我呢道街口間老麥, 唔知做乜可能吊㽼要飲鴛鴦, 但又同個老麥個女仔 (印度裔) 雞同鴨講, 講乜嘢 “put in half coffee, half tea…” 真笑到我爆肚咁濟!

    嘻, 紅乜鬼吖? 吹水園地, 咪証明我吹得水多, 最口沬橫飛嗰個針嗎! 寫嘢有我咁長, 冇我咁噚囉! 不過講開毓民個武林大會, 我又買咗張飛咯。 到時四圍昅吓有冇人識先。不個做乜好玩唔玩, 叫我做毓民個 special guest 呀? 「棟篤喊」我就好惦! 真係上面嗰位仁兄唔該打9 吓我, 叫亞 May, Cytodex 一聽衆唔好開d 咁玩笑啦! 笑兄不而你代友從軍, 你企出去棟篤笑肯定我哋笑爆肚啦, 我實棒你場架, OK?

    哦, 哈哈哈, 講起又似喎。真人一得閑就上黎揾人噬一兩啖, 真係好似你所講一樣, 要經常引起人注意先至得到慰藉噃。 真攞命!

    真係唔該晒, 報料話 Y 道 d lockers 唔安全。 嘿, 真可惡! 我 joined 嗰陣問嗰個女仔又話好安全, 話從未有人俾人爆過甲嘅。 好彩你話我知, 我以後米博喇, 連條車匙都袋住黎 workout 先喇! 銀包, PDA, 手電, 二奶、外遇電話號碼, 吹氣公仔…乜都劈係架車個 trunk 安全 d 喇, 哈哈。

    唔講可能唔知, 其實 Montreal 以前喺70年代以前係全國最大嘅埠黎架, 不過 d 大公司喺70年代尾見到法國佬攪獨立, 紛紛走哂佬過黎多倫多咋。 不過始終嗰道讀書我覺得比呢道清淨 d 嘅, 至少法文區我地就好少去先喇, 所以冇咁多地方浦, 就應該對住本書耐 d 啩。

    其實講起我個衰樣, 唔知基哥記唔記得呢? 以前佢係廢台嗰陣, 有一次佢去太古幫 Rogers 做外賣 show. 中間有一個環節係抽 d 號碼去 match台下觀衆個手機 num把。 中咗有兩舊幾水 Rogers certificates。 點知又有咁啱得咁橋, 中晒我手機嗰七個字。 點知我上緊台領獎嘅時侯,基哥話: 『咦, 乜咁似邊個香港小姐嘅!』 我梗係連隨拎轉身昅吓邊個喺我後面又似香港小姐啦 , 點知佢話: 『係你呀!』 吓, 我!!!! 男人老狗又會似女人!!!!!! 所以番到屋企之後, 揸住嗰两舊幾水 certificates, 好似笑兄咁遙望著夕陽, 輕輕抹淚, 對住後園口古井想投井自盡架啦!! 不個諗諗吓都係洗埋嗰兩舊幾水先, 所以先至可以今日重喺道吹水咋….

    啊, 乜原來你又係陳奕迅 d fan屎嚟架! 我部 MP3 機最近又入咗好多佢 d 歌, 好正。 最鍾意佢首富士山下, 又係一路聽一路跟住佢唱。 我諗男歌手黎講, 我除咗學友之所就最捧佢場架喇。

    笑兄又有冇買飛去睇毓民呀? 我本來都心大心細架, 不過話原來門票係支持香港民主運動喎, 咁咪又俾佢掠咗 35 皮囉!

  62. 嘩嘩﹐輪到我講聲唔好意思喇求丙﹗今個星期輪到我忙到阿媽都唔認得﹐又係果句 – 世務纏身﹐煩到抽筋﹗呵呵。事關我工作上有D變動.. 唔.. 而家大局未定﹐等我過一陣"些滔單" (settle down)之後再update下求丙你啦﹐哈哈。不過﹐唔知以後仲有冇Tetley飲呢…? (又遙望夕陽﹐輕輕哼住: “望…著海..一片… 滿懷倦…")

    毓民﹐去呀﹗我托人留咗飛﹐不過係去佢星期五個加場呀﹗咁就無緣暗暗暗起人海中尋覓香港小姐crossover陳奕迅嘅6呎高影子添﹗不過見唔到都好﹐維持番個神秘感吖嘛﹐哈哈﹐淨間你一見在下個驚嚇度非常嘅盧山真面目之後﹐真係連網上吹水friend都冇得做喇﹐哈哈哈﹗
    唏﹐不過我120%肯定﹐果個成日咩仰望神又咩耶穌果個就係你嘅粉絲阿May! 其實你得閒留意下就會發現其實佢無處不在﹐喬裝成唔同嘅身份黎留言﹗但又豈能逃過觀察入微嘅在下雙眼呢? 嘿﹗

    估唔到一眨眼過咗一星期﹐就發生咗咁多事故﹗啱啱先消化完單校園槍擊﹐剛啱新聞又話太空總署都有槍擊﹐嘩﹐咩事呀﹐真係世風日下.. 唉﹐因乜D人而家心理咁唔平衡﹐咁鬼鐘意咩都用槍架啫?!? 真係恐怖呀。雖然我行得正企得正﹐但而家行出街都要心驚驚﹐唉﹗

    哈哈﹐講番你比人話係香港小姐果單野﹐係幾時嘅事呀? 嘩乜阿基哥咁大整蠱呀﹐咁樣起台上比人講完﹐以後求丙哥仲洗出黎行嘅?! 呢D肯定比人笑十年啦﹗﹗陰公﹗
    之單係話時話﹐’男生女相‘呢D style起呢個年頭都真係好渴市下架喎﹗哈哈哈﹐你睇下而家紅親果D哥哥仔﹐邊個唔係﹗咩Boyz個Kenny呀﹐再唔係韓國果D﹐真係陰氣好重下﹐哈哈。再唔係睇番舊D﹐當年阿哥哥Leslie咁靚仔﹐都係個樣有D女性化﹐你睇佢當年做‘霸王別姬’﹐嘩真係正到呀。所以﹐基哥對閣下果句﹐其實係美言都唔定﹐哈哈哈﹗﹗﹗﹗求丙你又有6呎高﹐又識唱‘富士山下’添﹐執執個樣行出街﹐閒閒地都迷到十個廿個妹妹仔喇﹐咪話我話呀﹐哈哈哈哈哈哈

    咦話時話﹐不過又咁啱﹐我現時個手機鬧鐘又真係用緊首‘富士山下’做鬧鐘鈴聲喎﹗每朝都係靠佢果兩句chorus黎呼喚我起床番工﹐哈哈。唏﹐其實講真﹐而家D香港流行曲又真係冇咩好聽啦﹐首首歌都咁上下﹐個個唱到好似就黎斷氣要死咁﹐咪話唱果個﹐連聽果個都辛苦啦。係阿Eason D歌都叫做幾有‘聽頭’﹐有D變化咁啦。我呢D就擺明覺得新不如舊﹐永遠停留起七﹑八十年代果類人喇﹗而家放起床頭嘅一棟CD最頂果幾隻你估係咩? 就係輝黃演唱會2000啦﹐陳百強情深精選啦﹐達明一派演唱會啦﹐同埋黃耀明一隻叫‘風月寶鑑’嘅大碟﹗噢﹐最新嘅一隻咪就係Brokeback Mountain嘅原聲大碟囉﹗呵呵呵呵 (起呢個時候﹐求丙心頭一陣震驚.. 唔通.. .. ..? 啋啋啋啋﹗)

    唏﹐講開鴛鴦呢樣野﹐我都真係黎到多倫多先知道﹐原來呢樣真係香港人自己先識得嘅發明﹗我去附近一間台灣人開嘅珍珠奶茶舖﹐見佢有奶茶又有咖啡﹐咪多口問個阿叔佢地有冇鴛鴦﹐個阿叔 O 哂嘴咁望住我﹐我仲以為自己一個唔覺意講咗法文。又有一次我起公司自製鴛鴦嘅時候﹐剛啱有位來自大陸嘅同事行過﹐佢十萬個錯愕咁望住我將個茶包掉入杯咖啡度﹐問我﹐(調高八度嘅京腔國語):"你這樣喝(兒)嗎? 咖啡(兒)和茶(兒) ?!"
    卒之我花費咗唔少唇舌用我嘅有限公司國語﹐同佢explain番我地呢項香港人獨有嘅創作。
    其實咪就係兩個字 – “貪心" 之嘛﹗又想要咖啡又想要奶茶﹐卒之倒埋一堆啪咗佢唔駛煩﹗呢D咪就係香港人文化囉﹗
    (嘩估唔到我吹D咁無聊嘅野都竟然吹到咁大篇幅出黎﹗呵呵)

    求丙近來又可好呀? 大地回春喇終於﹐暖洋洋﹐又係時候約下D秘密情人二號三號四號同等緊籌嘅五六七出黎漫步下湖濱喇﹗
    求丙都唔駛成日焗住起間Y入面喇﹐哈哈﹗

  63. 嘩! 唔係咁大劑呀化? Re-organization? Downsizing? 希望笑兄間唐人老闆嘅公司冇事冇幹,金豬年個個抓到銀喇!

    哦, 有乜唔好意思吖! 好似我份牛工咁, 最多都係歎埋呢兩日, 但下個禮拜中之後就可能忙足個幾禮拜, 之後先可以再歎番個禮拜架啦。

    吓, 你都去睇毓民咩? 啊啊…啊啊啊…啊~可~啊啊啊啊啊! 因為我有可能又出咗錢, 重要出埋力添; 可能會同毓民個騷做「科 x tee 牙 」(volunteer) , 去幫吓頭幫吓尾;所以星期5 都可能都要去拋頭露面。 哈哈, 到時笑兄過黎打過招呼喇! 一露盧山真面目啦, 儍啦, 唔怕喎, 小弟一定唔會因任何原因冇 friend 做架!

    係呀, 笑兄真係明眼又觀察入噃! 其實我本來都有小小懷疑呢個仰望神、耶穌乜嘢全因為你係亞 May 黎嘅, 但姖 (佢?)一向淨係識 copy 唔知邊道抓到旣中文字就 paste 喺佢個超級「無常」嘅大號下面, 就算係自己嘅意見 (所以咁就成日得罪人喇!)。 不過最近又好似冇咁癲雞乸咯喎, 但姖亦始終諗嘢都重係側埋一邊…真係又阿彌陀佛喇。 重有一樣幾爆笑嘅, 就喺兩、三個女人一路講耶穌保佑你, 跟隨即刻又你閙我我閙你, 原後又再保佑番你, 真係…

    係呀, 唉….真係諗番轉頭有時我繼衰樣之後又有把衰口, 好嘅唔靈就醜嘅靈! 啱啱喺壽司警察版嘢吹完水話要俾支 .44 Magnum 槍 d 平民壽司警察, 跟著又亂 up 話投井自盡, 之後嗰日個痴線仔就標出黎見人就啡, 跟着又自殺! 跟着我係個喪仔版嘢話呢單嘢一定唔係最後一單, 跟着又一單發生喺 NASA 喇! 唉, 都係唔好講呢 d 咁敏感嘅嘢, 不而喺呢版同兄台吹吓水, 亂 up 吓 d 無聊嘢好過喇! 再得閑就修吓法, 同班死者祈吓福, 做個狗肉和尚好過喇, 嘻呀!

    唉, 在下細個就下爬尖尖, 又矮又了了瘦瘦啫, 而家面又變成角字, 又成6 呎同170 磅, 如果女人係咁嘅樣都幾得人驚呀! 不過講開而家 d 陰氣重嘅港日韓偶像派明星, 有 d 真係話唔係人妖都冇人信呀!!! 好似呢個韓國李俊基 (Lee Gun-Ki) 咁吖, 真係乸形到爆哂燈, 見到佢真係骨都秘埋, 男生女相 (woman trapped in a man’s body) 重要查埋咁勁嘅唇膏, 真係上面又要救吓我條中坑命呀!

    吓! 兄台床頭有 Brokeback Mountain 隻 CD, ~救~命~呀呀呀呀呀呀呀呀~!!!!

  64. 呀… 見求丙你話呢個禮拜中會開始忙﹐咁我就把握下你D悠閒光陰(我原本想話﹐趁閣下仲「健在」.. 啋啋啋..)(咦死喇乜我講野真係愈來愈似師奶?)。而家我又起度嘆住杯午後tetley孖包奶茶﹐唔﹐都係欠咁D花奶。轉頭入去再加先… (真係唔講仲以為我起度打風流工.. 呵呵呵)
    噢噢﹐又冇求丙兄你估到咁嚴重﹐我呢D天生一副奴..i mean﹐人才格﹐當然冇咁容易比人郁到啦﹗你都咪話唔信邪呀﹐求丙兄你又真係再開口中喎﹐話說你果次問完我"做咩唔劈炮"之後﹐隔日又真係比我靈光一閃﹐遙望遠處見到有新轉機喎﹐所以就忙忙碌碌密密暗暗搞一大輪… 你知喇﹐暗渡陳倉呢D野。(背景音樂: 當年香港classified post過廣告歌… sha la la la.. sha la la la la la la….) 新舊交替﹐希望快D"些圖"就好喇﹗
    所以話呀﹐求丙你把口咁靈﹐都係少開口為妙咯﹐哈哈哈哈哈﹗

    我都見隔離幾頁阿May同一聽眾都真係有D火水味﹐跟住轉個頭又反常地攬頭攬計互相祝福…. 真係呆左﹗為免我呢把賤口又刺激到邊個嘅神經搞到又掀起一輪論壇腥風血雨﹐都係決定唔插嘴喇﹗
    哈哈﹐望下望下﹐而家果邊都係阿一聽眾玩哂咁滯喎﹐真係唔知佢無啦啦邊樹爆出黎嘅呢﹐咁多意見.. 仲要係超級一本正經果隻﹐又唔講得笑﹐好驚家嘛… 淨間我講錯D咩唔啱聽﹐又怒言要我誠心向天主悔過祈求﹐咁點算好﹗雖則小人我都有番下教會去悔過下平時做埋咁多D陰質事﹐但大家上黎個輪壇開心吹吹水啫﹐都係學求丙話齋﹐做個酒肉和尚算數﹗

    喂喂喂﹐乜你咁熱心呀原來﹐果然係支持民主喎﹗你會做埋’窩X tee呀’添呀? X足兩晚呀? 咦咁我到時真係要暗暗咁觀察下你咯﹐呵呵呵﹗你會負責做D咩咁呢? 擔擔抬抬做苦力﹑做保安(攔阻D瘋狂粉絲)﹐定係做醫療救急隊? (拎定你排針出黎﹐萬一有人笑到暈到﹐要即時急救﹗)
    呀﹐我知喇﹐定係你會幫手擺檔攤周圍屈D師奶買書捐錢呀﹗? (求丙你絕對勝任啦﹐就算屈唔到﹐都可以放電冧D師奶﹐實大把人幫襯﹗) 好﹐等我到時逐個窩Xtee牙望清望楚﹐睇下邊個身邊被一大堆中年女人重重包圍﹐咁果個一定就係求丙你喇﹗哈哈哈哈哈哈
    咦﹐多口問句﹐求丙唔通你係主辦機構D friend呀? 「講價蓮」? 唔怪得你咁有政治意見啦﹗

    哈﹐好﹐到時我即管拎住隻Brokeback Mountain soundtrack起手﹐做相認記號啦。我怕求丙你到時要拎排針出黎自救咋。我咁耐都冇提及過自己係一副咩貓樣﹐都很好奇D網友幻想小人應該係點樣﹐哈哈哈﹗

    哎哎﹐好﹐咁又比我浪費左一大截光陰﹐等我快D幫杯孖包奶茶(愈飲愈苦添﹗)加番D花奶﹐再開工開工﹗

  65. 唔好意思, 笑兄, 份牛工殺到埋身。 過兩日先再坐得低留番版言喇…

  66. 唏﹐求求兄你慢慢啦﹐保重身子﹗(我地好似D小學生起度等對方回信咁﹐哈哈哈)

    今晚放工時聽到佢地節目講D燈膽﹐手痕痕心血來潮就笠咗個假髮化身A貨Stephy獻咗首變種版"電燈膽"過隔離版比各位。呢首歌咪就係起我新年番香港果三個星期被無敵轟炸之下(電視﹑電台﹑商店入面﹑仲有巴士D Road Show都難逃一劫)﹐竟然上咗腦… 頭先一聽到佢地講"電燈膽"三個字﹐果個Stephy把雞仔聲即刻又好似怨魂不息咁響起。
    不過唔知係咪我地D網友個個日理萬機﹐唔識D香港後生仔流行曲﹐好似冇人搭嘴喎.. 呵呵﹐睇怕今次我真係IN過頭﹐對牛彈琴添﹗下次都係寫番D不文詩算o耶﹗

  67. 哈哈, 乜笑兄又真係咁 in 呀, Stephy d 歌仔我真係唔多熟噃, 等我呢個 weekend 四圍貢, 睇吓抓唔抓到佢首電燈膽黎聽吓先, 等我可以同兄台首變種版有d 共鳴先喇!

    正所謂吊頸都要透吓氣吖 (啊, 又衰口發作喇), 見到徐步高呢 d 人間魔鬼亦有兩個女人咁圍護佢, 所以又頂唔順又要寫d 嘢黎啡呢 d 女人啫。 再今日又聽到陳廳長唔做足功課就上台同老麥嘅電燈胆政策護航, 本想講一大堆嘢之後就話佢以後唔好開場白講 d 咁老套嘅「電燈胆」(唔通氣) 嘅笑話同埋唔該以後做吓功課先至向我哋d 昇斗市民解釋政府嘅政策喇。 點知寫到温温燉燉之後又忘記最後插佢兩嘢添, 真失策!!

    不過講開又諗到一聽眾,可能係一中年失婚/離婚/悔婚等等嘅女人,成六百幾七百度近視,頭髮重短過小弟, 有相當 art屎 底嘅電台忠實聽衆,所以先至咁好文章。唔,去到武林大會都留意吓先...

    哦, 其實我唔係同主辦機構有乜瓜葛嘅, 不過試過同 Gloria Fung (馮肉難?), Eric Li 等港加聯同 CCNC 等開過一兩次會講d唔知乜政策,咁咪而家同佢哋有d聯詻針嗎。今次亦係同佢哋買飛嘅,所以被問到可唔可以幫手時, 就一口應承咗啫。 唔知架, 如果真係唔夠人咪可能抓我做「食Q」,屈師奶買嘢,秦場…乜都好啦。 不過駛咗35蚊買咗第一日飛, 就梗係死都第一日唔幫手喇。 所以星期五如果真要幫手嘅話呢,就睇睇邊位四圍望住d科xT呀嘅人就一定係兄台你喇, 哈哈哈!

    呀,聽落亞黃同輝哥一齊做節目又好似(好似咋吓)冇乜心病噃,你話呢?

    重有呀,有冇去過咁瘦中華呀?印像點呀?我就話又係摩一個。個表演舞台又的咁 die(大) 個,真唔知有乜好去?!

    又聽講呢間亞洲廚房d buffet 又好似幾好噃, 不過就幾貴吓, 咁下次去試一次先。

    講住咁多先喇,深夜喇,要拿拿林上張冇 Brokeback Mountain Soundtrack 嘅床道揾周公喇,嘿!

  68. 嘩求丙兄﹐乜你咁睇唔開呀﹐哈哈哈!! 你星期四晚成晚冇訓到覺﹐就起度嘔心瀝血瀝D comment出黎? 我見你一連轟咗幾篇喎﹐你上面呢個post仲係4:33am出街!! 嘩﹐坐多陣就聽到D雀仔唱歌﹐睇埋日出﹗搞到求丙你睡眠不足﹐淨間你第二朝開工時猶如喪屍﹐幫人搞機時搞錯哂﹐人地要豬上脾你就斬咗舊燒鵝比人﹐咁點係呀﹗哈哈

    不過我見你果邊同阿一聽眾(如你所講﹐係個大近視文化人auntie?哈哈)起度狂講D電燈膽﹐又真係幾好睇喎﹗哈哈﹐求丙你都真係博學多才喎﹐講燈膽都可以咁多"point屎"﹐仲要不忘搞吓gag仔咁﹐真係學星爺話齋 — 近﹗
    唔怪得連"講價蓮"都要揾你開會喇﹐我諗求丙你一定幫到佢地唔少﹐嘿嘿嘿﹗

    哦咦﹐你講開阿黃同暉哥﹐我都係前排有次咁啱果個鐘數出差揸緊車﹐先聽到一次﹐我都打咗個突呀見竟然係佢兩個拍﹗(其實好瘀咁講個秘密你聽﹐果日我聽咗好耐都唔知原來唔係平常嘅阿牛+暉哥﹗哈哈) 不過學你話齋﹐佢地咪前做節目都OK吖﹐冇咩嘢﹐不過心病呢D﹐又豈係我地呢D小聽眾會明白嘅呢﹗哈哈

    講起個敢瘦中華﹐上個月去過一次﹐嘩﹐唔係好得喎﹗十室九吉咁﹐又冇嘢睇﹐仲有果D舖頭賣埋D騎呢又唔入流嘅嘢﹐好似樓上又有間賣D咩小朋友唐裝衫﹐好恐怖呀﹐就係當年D港產鬼片果D道具.. 卒之30分鐘都唔駛就行哂成個mall﹐最後都係過番去對面太古。

    哦果間亞洲廚房buffet﹐我又係去過一次喎﹗不過果次係跟公司成堆人一齊去﹐成廿幾三十個﹐浩浩盪盪咁﹐仲要係入公數.. 哈﹐唔知會唔會因此招呼好D呢﹐我又覺得都幾好食。求丙你去過後就報料話我聽你覺得點呀﹗

    好﹐去食晏﹗保重身子﹗

  69. by the way﹐唔記得讚一讚﹐哈﹐起隔離版求丙你幫阿木然起咗個新洋名 — “Woody"﹐哈哈哈哈﹐正﹗

    咦﹐剛啱又見一聽眾女士起果邊留言﹐嘩佢真係追得仲貼過阿道友 (話時話﹐唔見咗人喇喎﹗)。睇黎阿女士真係分分鐘比你講中﹐係未婚/失婚/離婚/悔婚嘅單身女人﹐哈哈哈﹐唔係邊得黎咁多時奸成日好似mon住股票咁mon住個留言版﹗
    嗯我仲諗住佢文學水平咁高﹐可能都會睇過我推介果本李碧華好書添﹐但又唔見佢搭嘴喎。其實可以提議阿蘇生起佢書房度趁機谷下呀﹐哈哈。

  70. 唉, 笑兄, 嗰日晏晝有 d 時奸, 瞓咗好幾個鐘晏教(覺), 咪變咗隻貓頭鷹咁, 晝伏夜出囉。不過嗰朝番朝早 11 點, 所以都有差唔多六個鐘頭瞓, 都叫做 ok 架喇。其實搞機而家都多數係指人搞, 所以齋嗡好少錯嘅。不過講開瞓唔着朝頭早捐出去睇日出, 又真係試過揸住架車去到 Markham 再北 d 嘅 Stouffville 道睇, 又幾寫意噃。 而家重心思思想買架電單車, 星期六、日晨早上去有咁北得咁北, 好似你話齋聽 d 雀仔唱歌﹐睇埋日出, 同大自然傾吓密偈, 真係可以暫時忘記吓番工同生活嘅煩腦架!!

    哈哈哈, 乜敢瘦中華真係樓上有間賣小朋友唐裝衫咁恐怖吖? 莫非間鋪頭叫「七月十四」? 哇! 諗起都驚到羅蘭姐個鼻哥窿都冇肉呀! 我前兩年舉家揸車落去 Florida 玩, 去過間嘢洋文又叫做「屎X跌 China」, 但嗰間就好似成個迷你邵氏影城或迷你荔園咁, 入面有班中國什技團表演, 重有少少室外景色睇, 點知我哋呢間嘢真係乜都冇, 雷聲大雨點小, 重有埋 d 七月十四嘅鋪頭添…

    今日捐入去 Asian Kitchen 装過吓, d 嘢似乎好似兄台話咁都幾正, 但原來要8-5折, 一定要打電話去訂位, 重要嗡埋話1540先至有平, 今個或下個禮拜都去試試先再喺道報料話俾佢幾多粒星啦!

    哈哈, 有時係部冇装手寫板部腦道留言, d 中文字就一定要 cut and paste 自己/人哋 d 留言嘅中文字先得喇, 所以同木然起個洋名, 第日如果想 refer 去佢個名都容易好多喇。 不過講開木然, 我一路都懷疑佢就係「廢苦滋言」兄黎嘅, 但睇睇吓又好似唔係, 而家真一頭霧水喇。

    啊, 講起一聽眾女士, 又覺得姖好理智。 但男人往往就好似個潘生咁講: 犯賤! 女人做嘢唔理智, 只用直覺, 我哋又話姖唔用腦; 但太理智, 又有 d 似女强人, 做老婆就可能頂姖唔順。 所以其實咁我先覺得 mon 住留言版嘅一聽眾係冇老公啫。 好似我識得有兩個幾十歲都冇人侯嘅女人, 兩個都係有姖講冇你講, 講嘢速度又好似食咗幾斤 steroids 或飲咗杯 extra large 嘅添記 dub dub 咁, 唔好講話要同姖共處一室, 同姖傾五分鐘偈都爭 d 會發羊吊, 「累」係地下嘔哂白泡咁濟!

    哎呀, 死火, 今日又瞓咗晏教, 攪到而家點幾鍾都鬼打冇咁精神添! 等我走去倒咗 dow 夜香先, 睇吓再瞓唔瞓得著啦…

  71. 唔得!!!! 實在太好笑喇!!!!!!!!!!!!!!!
    我原先諗住今晚夜D臨訓前先慢慢上黎留個言﹐但剛啱食完飯撩緊牙﹐手痕痕就噤咗過隔離頁睇啦﹐嘩﹐唔睇尤自可﹐一睇即刻"geek"一聲笑咗出黎﹐好在個口冇含住啖湯啫﹐唔係我個落地唔夠半年嘅futjitsu laptop熒幕就遭殃喇!! 嘩哈哈哈哈哈哈哈!!! 一聽眾!!!!!!!!!!!!

    “I had a little worry about a change in your style of writing."
    睇到呢句在下已經忍俊不禁﹐爆笑咗出黎!!!!!!!!!!

    睇黎一聽眾已經深深咁迷上咗你認真同博學嘅一面 !!! 嘩﹐佢原來對你D comment好上心呀﹐問你驚唔驚!!!!!!!!!!!!!! 阿女士看來好*CONCERN* about閣下以膚淺嘅胡扯埋沒咗令人目眩神迷嘅深度!!!!
    睇黎﹐佢係怨恨我成日影響咗你﹐累你走上‘歪路’呀﹗唔怪得佢成日唔騷我又當我透明啦﹐原來佢唔鐘意D吹水友﹐有心丕葛我嘅!!!!
    (心中道: 都係你個求丙.. 專惹埋D騎騎呢呢嘅單身狂蜂浪蝶…)
    .. 實在太好笑
    好﹐食番個飯後果頂一頂先.. 希望唔會哽親..
    (世故求讚…..!! 我一路打呢段留言時都一路忍唔住爆笑)

  72. 好死… 好死… 打緊呢個留言呢一刻﹐我已經攰到近乎虛脫﹐但抵死在又訓唔鬼著﹐夜媽媽仲起度睇留言… 好死….
    加班又加班﹐已經一連miss咗一本政經兩晚﹐一上到車﹐連"你好多倫多"個北京哥哥姐姐都收埋工﹐真陰公。求丙呀求丙﹐明天開始在下唔知仲有冇tetley孖包奶茶飲呀… 心情反反覆覆…
    哎﹐再躂番落床試下瞓先﹐又攰又瞓唔著真係痛苦﹗晏D先再上黎接續吹番上回壇水。

  73. 嘩, 哈哈哈吓吓哈吓嘩! 睇笑兄上面兩版留言, 真笑到在下搭 TTC 時爭d俾d 乜嘢TTC Special Constables 拉去當癲佬辦呀! 又話一聽眾已經深深咁迷上咗我認真同博學嘅一面, 又話埋沒咗令人目眩神迷嘅深度…我諗咁大個仔在下閱人無數但兄台都算係最誇張嘅一個! 我呢d咁嘅浪人, 點會有女人侯呀, 重咪話迷上喇! 不過今日睇見個乜嘢"如果我係蒲警"咁樣話一聽眾, 又可能因我專稱姖係女仕, 所以先至俾呢d流氓 話姖乜嘢"光脫脫", 所以一時又內咎又火起, 鬧個流氓係篤屎啫!

    真唔好意忍, 我同兄台一樣, 因前晚係屋企成晚冇瞓做公司嘢, 所以禽日亦係好似虛脫一樣; 再又失騖無神我檔嘢d 生意又滔滔不絕, 所以做到今晚啱啱先番到屋企, 成夜晚一點鍾先趙碗出前一丁再上嚟速速留一兩個言就拿拿林貢上牀喇。 聽朝倒塔咁早又要熬巴士去 Brampton 同個客間新廠睇睇 (consulting), 所以要聽晚先再上黎繼績寫埋落去喇…

    In the mean time, 兄台亦咪為d Tetley 茶包憂慮咁多喇; 工司變動, 以面部表情不變應公司萬變啦, 平常心 — 即係自己帶d Tetley 茶包番公司喇!!! 嘻!

  74. 哈﹐終於‘些圖單’喇我
    其實我唔係比人變動.. 係我自己走﹗不過雖然話跳槽﹐都好大心理掙扎﹗
    而家打緊呢個留言嘅時候﹐已經係勇闖異域.. 之前expect係一片荒蕪蠻夷之地﹐點知end up都OK﹗不過就真係冇tetley飲咯﹐唯有周末去超市掃貨咯﹗
    新開始﹐希望應付得黎啦﹗話事話﹐我個新工作地點又同求丙你拉近咗一步﹗哈哈
    等我晏D先再留個詳言吧﹐at the meantime﹐你慢慢享受住隔離版D血戰同中年女士嘅attention先吧.. 嘻﹗

  75. 終於番到屋企坐定定喇﹐而家好"疏扶"咁坐咗起張床上面用住laptop…
    勇闖冇tetley之異地兩日﹐都有D壓力﹐凳都坐暖就要加班喇.. 原本諗住想而家臨訓前做住D野先﹐但諗諗下都係決定relax下﹐上黎留個言比求丙你等我自己都輕鬆下先! 紓緩一下心理呀要﹐唔係我怕我變咗另一個道友 (或真人﹑豬頭﹑及最新化身隔離版個"假如我是澳警"﹑又即你地所稱之"維園阿伯"..)﹐四圍又拎住支文字搶亂咁啡人…

    嘩咦求丙你要上到去brampton咁遠呀﹐嘩﹐視察場地下話? 你都幾忙喎﹐又要顧幾壇嘢﹗不過見你D時奸都幾彈性喎﹐得閒又可以訓下晏覺﹐然後夜晚就留言到三更半夜﹗哈哈﹐求丙嘅體魄果然精壯如大學生﹗
    嘩不過你對電單車有興趣呀?? 好型喎﹗係咪要好似而家街度成日見到果D揸住‘哈呢’嘅XL size鬼佬咁﹐留一把長髮﹐著件黑皮褸﹐帶副大黑超…. (腦中幻想緊求丙嘅英姿..)

    比阿一聽眾女士嘅"concern about your writing style"打一打亂﹐搞到我斷咗線﹐哈哈哈﹐等我pick up番之前同你嗲開果D話題先﹗(唏﹐不過求丙你又唔駛唔好意思喎﹐呵呵呵﹐你睇下一聽眾佢真係好buy你呀﹗你講乜佢都回應﹐你一講嘢講得輕挑D﹐佢就即刻鬼咁緊張…. 好明顯佢真係對你情有獨鍾喎.. 嘻嘻。咦﹐講起另外你個孖公仔cytodex.. 有冇可能佢都係女士呢話時話?)

    咁你卒之試咗個亞洲廚房未呀? 乜佢地原來同第一台做緊promotion咩? 話"第一台"的話會有折呀? 咁荀?

    哈﹐你講起廢苦滋燃同木然… 其他嘢我就唔敢肯定﹐但呢樣就真係好sure﹐佢地兩個係獨立個體無疑喇﹗你有冇link過去廢苦個blog睇過吖? (佢以前留言時都會有條link)﹐佢同阿木然個blog係互相連結架… 嗯﹐等我順便cop埋條link黎比你 啦…. .. .. .. .. ..
    廢苦 — http://faifujiyin.blogspot.com/
    木然 — http://blog.51.ca/u-6185/
    你睇下佢地就知道佢地係好唔同嘅兩個人。同埋你細心D睇廢苦D留言﹐就可以好肯定佢唔係木然喇﹐哈哈﹐完全唔係果隻feel﹗同埋點解我咁肯定呢﹐係話說我約半年之前有一次起個唔記得咩公開活動場合度﹐人地話我聽 “呢﹐佢咪就係網上成日留言個高佬(廢苦個別名)囉"﹐所以都"maang車邊"叫做同佢有一眼之緣.. 哈哈﹐不過我呢D陰陰濕濕又賤賤格格咁﹐當然冇表露到我嘅網上吹水王身份啦﹗佢在明就我在暗﹐感覺都幾搞笑.. (陰濕呢? 唔係我點會叫"笑騎騎放毒蛇"呢? 哈哈哈哈﹗)
    所以﹐我就可以好肯定咁證實比求丙聽佢地絕對係兩個人。(當然.. 我當時又冇走埋去meat下佢塊面睇下係唔係木然帶咗面具喬裝而成…哈哈哈)

    呀﹐今朝我話我嘅新駐場地方近咗求丙你一步﹐因為我向南移喇﹐嘿﹐同你一樣落到去"唉屎味"路咯﹗不過梗係冇你去到咁東啦﹐都未去到萬錦路添。但南移少少都已經真係荒涼咗D喇﹐幻想去到你‘魔X嘥’路﹐會真係猶如一片未經開發之地﹗哈﹗

    哎﹐好﹗吹完水﹐都係決定唔做公事住喇今晚﹐訓個靚覺先﹐周末先再努力吧﹗

  76. 咦, 乜原來兄台真係劈炮跳槽吖? 喂, 我吹水亂講發嗡風咋噃, 乜笑兄真係當真照做吖?  我把口唔係靈得咁交關下嗎? 話! 師奶兀式: 啋啋啋! 好嘅靈醜嘅唔靈!!! 重有呀, 前幾日 downtown 發生一單大嘢, 又係中咗我早一日寫咗上其中 Kahoo 嘅一篇又猹 (delete) 咗嘅公司(Xerox)道發生, 諗起都重驚過你話一聽眾對我情有獨鍾呀! 呀, 諗諗吓, o幣! 唔記得今晚買649添, 我禽日話咗今日會中頭獎個喎…

    不個講起一聽眾女士, 我估姖一定係港府某高官,Hong Kong U 畢業之後就由AO做到退休, 之後移民過嚟呢便嘅。 中英文都咁惦, 又係天主教徒(煲呔都係呀), 又對香港政府政制同人物暸如此掌, 分析力強, EQ相當高, 又 jeet 都唔笑, 一見到有第2d人好熟香港政府政制的話, 又話『原來呢道真係臥虎藏龍』, 所以我就打死都唔信姖唔係一向係位高權重嘅香港高官, 嘿!

    哈哈, 重有一樣可能俾我估中架, 哈哈哈, 從兄台之前舊公司同而家差唔多黐到埋我身咁濟間新公司個地點, 加上其他幾樣跦絲馬跡 嚟睇, 再又用小弟「己摩屎」嘅那渣特異功能, 兄台而家係咪…係咪…哈哈…些圖單喺嗰間公司道呀? 哈哈哈! 我諗都唔會估錯架喇! 不過都係唔好講出嚟喇, 唔係影嚮笑兄升官發財就唔好啦, 哈哈哈! 咦? 不過又話去打洋人工嘅, 點解又試打番唐人工呀? 唏, 唐人咁鬼沽寒, 點會有咁好彩兩間都有免費 Tetley 咁荀吖! 不過茶包都容易帶, 花奶就真係麻鬼煩喇, 如果公司冇雪櫃嘅話呢, 就要靠 d coffee mate 之類嘅嘢, 又邊有花奶咁香咁滑吖? 不過我試過用好幾包 Tetley 沖一大壺, 落埋糖攪暈佢雪喺雪櫃道, 然後用 Thermos 每日倒壺冰凍港弍奶茶, 超平又唔駛比d茶餐廳老板屈, 話要加5亳一蚊咁先有凍飲, 真係消暑隹品黎架….諗起都正都裨呀!

    嘿! 今日手痕, 去「沽篙」吓我個招牌睇吓重有冇第二個人又用小弟個名先, 點知揾到呢個網址:

    http://71.18.144.4/html/china/2006-12/27/18_43_55_436.html

    原來有個咁嘅網站嘅都唔知, 重又抄哂我哋d留言上去添, 咁可惡! 但個網站又叫 Torontofirstnet, 唔知係咪 Nobody 迪迪仔又一巨獻呢? 如果係, 又點解唔喺電台宣傳吓呢? 如果唔係, 又點會咁夠姜抄哂人哋網頁 d 料, 搬字過址(i.e. 網址) 都夠胆死呢…

    死喇, 寫寫吓睡魔又黎「波打」我添, 等我又去切低佢先, 聽日再上黎寫埋下集啦!

  77. 笑兄, 上回 (有d章回小說feel呀, 下哇, 哈哈) 講到嗰個網站唔知點解沙胆到可以抄呢道d留言重譯埋做簡體 㖭! 不過唔知d 廣東以外嘅大陸網友知唔知我哋寫d廣東話嗡乜哩, 話時話喇; 千祈唔好抄咗我哋呢道d Tetley 港式奶茶嘅「茶道」秘笈就得喇, 哈哈…

    唉, 開埋開埋d空頭支票成籮喺頭嗰幾版成日話聽日番去回應一聽衆呀, Cytodex呀, 但又周時忙到抽哂筋, 得閒死唔得閒病。 但今晚睇 嚟 瞓足晏覺可以一次過兌現呢d支票喇啩?

    咦, 乜原來兄台個係 Fujitsu laptop 嚟架。 滿唔滿意呀? 因為我剛剛賣咗部俾個客, 佢就好滿意但佢朋支買嗰部新嘅 (一樣 model) 嗰舊電就只頂到半個鐘, 攞番去又話唔換得部新嘅俾佢, 要Bok開嚟整。 我問過 Fujitsu 個 Toronto rep, 原來真係過咗幾個禮拜後就壞咗都幾頭痕架啦!

    哈哈, 唔知點解我對d 兩個轆嘅車就由細到大都好鐘情架。 細個時老媽子唔俾買單車, 話危險, 會俾車車瓜, 咁我有一日係九龍間屋企下面個停事場發現有架棄至咗嘅 (=冇車呔嘅) 得番兩個鐵轆嘅單車, 足足係下面踩足幾年。 咁一過到Montreal讀書時一落機第二日就買架超正嘅單車喇。 呢架單車就咁陪伴住我直至我讀完CEGEP再攞埋 個degree再又運埋番香港添。 讀緊 CEGEP 時重一個 “sum馬” 由 Montreal 踩到 Kingston, 另一個 sum馬 就踩咗去 「呃」太華, 每次都足足踩咗兩日架。 到呃太華時又撞到有兩個鬼妹CEGEP同學, 原來姖哋重勁, 停一停呃太華之後重繼續進發去緊溫哥華添, 真係佩服到我5體投地喇! 所以而家我又好想得閑就揸兩個轆又超快嘅車出去兜吓風針嗎。 再加上油錢又唔駛俾咁貴, 其實除咗危險d之外都諗得過架!

    乜原來高佬木然真係唔係廢苦滋然 嚟 㗎。 因為初頭聽木然講話佢有個「薄落」, 咁我又 checked 過廢苦兄個 blog, 又唔似木然講d嘢咁嘅。 所以先知知哋我估錯喇。 但廢苦兄又似乎同第一台幾熟咁個噃, 不過你咁講就知一定估錯喇。 嘿, 不過你話 Cytodex 會係女人? 唔會啩, 因為我叫咗咁耐 Cytodex 兄, 佢都好似冇話我錯噃。 不過又真係好難講嘅...唏!!! 救命呀, 唔知喇…

    重有噢, 你咁講又似喎, 原來嗰個乜頭/物頭/龜頭而家又改名做【如果我係蒲警】嘅戍李果然係真人嚟架! 睇嚟我真係好似同佢時辰8字可能相沖噃, 有d見一鑊鬧一鑊 feel 咁。 唉, 佢d 一開口就犯衆憎d style佬真係千古不變。 咁嘅人都真係世間少有, 可能真係你話嗰隻 attention seeking freak 嚟都似,咁下次番開香港可能真要去鵝頸橋道打吓小人囉!!

    呀, 今日終於去咗亞洲厨房試過佢個 buffet lunch 喇, 都唔錯。 入面重有d幾日本式嘅枱枱凳凳, 都幾新鮮吖! 不過食晏好似真係同食夜晚d selection 爭幾遠噃。 甜品除咗幾樣雪糕之外, 乜都冇, 連蛋糕都冇呀! 而d雪糕又冇我d favourites: 杧果呀, 紅豆呀等等 (夜晚好似有嘅)。 重有呀, 我埋單嗰陣時佢問我攞個乜嘢 reference number 先至肯俾8-5折喎。 我話:"乜嘢 reference no. 呀, 我訂位講咗 AM1540 就得架啦。" 咁終於都要塭個經理過 嚟 先攪得掂! 所以兄台如果下個禮拜媽咪節打電話去訂完位又講完 AM1540 之後呢, 記住追問佢欏個乜嘢 reference number 喇!

    死,又要瞓喇, 聽朝先再回應 Cytodex 等喇...

  78. 哈! 睇黎求丙你今晚又還唔到隔離頁D債喇!! 頭先快速霎眼一睇﹐都只係見到一聽眾呀﹐frynoodle﹐咩桿衛言論幾個名.. 睇黎你又去揾咗周公喇?? 哈哈哈
    而家都成1點半.. 做到死下死下﹐睇黎我都係學你嘅小說連載﹐開咗個頭寫住小小先就去訓吧﹗

    見求丙你咁緊張個懷疑翻版簡體網﹐我一睇﹐又係喎﹐唔知咩頭咩路﹐個logo又要好似老翻gucci變咗yucci咁… 起呢個時候﹐一個8字浮現起額頭嘅在下就出一分力﹐為求丙你打探咗喇﹗(我都算唔話得喇? 哈哈﹗)(但其實係我自己都想知﹗呵呵) 原來…. 原來…. 呢個真係廸廸嘅傑作黎呀﹗並唔係一D茂利亂咁抄襲﹐求丙你可以放下一萬個心喇﹗聽聞話原來係之前一路work on緊但未launch嘅project﹐就係第一台同第一報嘅結晶網﹐之類喎。不過好明顯而家見到就未搞掂啦﹐所以就未promote過囉。click入去睇佢個樣都好似荒廢咗嘅爛尾樓地盤咁… 唔知會唔會胎死腹中﹐定自然流產呢? 不過求丙你都好野喇﹐咁都比你挖到佢出黎﹐哈哈哈﹐我諗佢地冇expect會有人揾到﹗

    講番轉頭﹐哈哈哈﹐求丙兄果然係﹐我敬你一尺你又敬番我一丈呀! 我只係指出一聽眾女士對求丙兄你… *關注*啫﹐兄台你即刻就連我嘅底都要起埋﹐哈哈哈!!!!!! 求丙真係求丙﹐挑通眼眉﹐等我頒番個"f-ck耳摩屎"技能獎比你!! 係呀.. 我咪就係… 就係… 就係… 棄明投暗﹐勇闖新開發蠻夷之地﹐而家夾咗起人手唔多而又好忙碌嘅過去同未來中間﹐做呀做!!!
    唉﹐點解唔打老外工… 都真係思前想後過呀﹐不過人就係咁犯賤喇! 係我! 係我自己唔掙氣﹐明明咁鬼遠走到過黎讀番書﹐但多年黎又要對我國文化念念不忘﹐對D中文字之情像雨點﹐欲斷難斷…
    以前都試過下做其他嘢架﹐但機緣巧合之下﹐竟然就比我踩咗入黎呢個猶如無間道嘅行業… 可以令人滿足到飄飄然﹐但又可以令人自覺好犯賤﹐哈哈。而最恐怖係﹐唔入呢行尤自可﹐一入咗﹐又唔甘心走番出去做其他嘢……
    (站於碼頭遙望汪洋﹐微微海風輕吹頭髮… [唱] 路經海邊..見隻小船… 情人萬里心暗酸…)
    冇辧法啦﹐唯有係咁.. 魚係要過下塘先會肥喇﹐係嘛! 雖然都幾懷念tetley..
    所以﹐咪就所以話求丙你把口勁咯﹗開口中﹗喂﹐唔掙在加多句話我今年都天降橫財﹐買車買樓再買樓咯喂﹗

    好攰﹐好攰﹐兩點喇﹐聽朝又要去幫襯冰梨夾艾屎眉間tim記﹐買杯dub dub醒醒神﹐唔係我怕我頂唔住喇~~~ 呀 呀 呀 呀 呀 呀

    (二之一﹐待續.)

  79. 番來喇﹐番來喇﹐出完差番黎要抖抖氣.. 起個不見天日嘅環境中成日都係對住個"白laai saai"嘅text document﹐真係人都癲呀。
    上回講到﹐哦﹐係呀﹐夾咗起過去同未來中間嘅小我.. 冇錯呀我用緊個fujitsu laptop﹐都唔記得咩model﹐係人地幫我揀架﹐我話我要平靚正﹐唔BT唔download嘅唔打機唔睇戲任何需要好高功能嘅嘢都唔駛﹐淨係比最基本嘅 — 上到網﹐打到字﹐咁就得喇﹗要求好低呀﹗哈。所以幫我起"微jerMac"夾秘尿街間加拿大電腦度幫我揾到部﹐六七百蚊仲有折頭﹐係就係重D﹐但都真係幾抵玩﹗
    其實要部laptop一黎都係屋企果部PC用咗成8年﹐愈黎愈雞﹐又懶得去揾人搞﹐索性要部新嘢重新開始過囉﹗同埋我呢D﹐成日要打呀打﹐有部laptop跟身﹐行到邊做到邊﹐都真係幾方便﹗So far部機都冇令我失望.. 放心啦有D咩疑難我會直接沿住條艾屎美路剷過黎摩拎西揾獨孤求丙你喇﹗哈哈哈

    講番你個‘兩碌情緣’﹐嘩﹐估唔到求丙你原來係黃金寶二號黎喎﹗好激呀﹗我當年最勁都不過係踩下單車番學﹐去下士多買雪條食﹐冇求丙你咁大挑戰啦﹗電單車又都好吸引﹐不過我由細到大個人同任何機器/電器/器材都冇乜緣份﹐亦都冇乜天份﹐我識佢就佢唔識我。雖然以前成日受住80年代果D"騎著電單車的黑皮褸"MV薰陶﹐但都係睇完就算。求丙你幾時出去風馳電掣記住單聲呀﹐等我開架車起後面"啄"住你尾先﹗哈哈
    不過講到危險又真係呀.. 早排先有個friend就係鐵騎士遇意外﹐差幾乎冇命﹗我諗佢好番後﹐呢一世都唔會再揸咯。

    係嘛﹐亞洲廚房嘅lunch係掙D? 不過晚餐咪會好貴囉? 我果次去食晏﹐都留意到佢冇乜甜品﹐不過我本身唔係話特別好D甜耶耶生冷野﹐所以都冇咩所謂﹗(一睇就知我係鐘意食D鹹鹹濕濕嘢啦﹐哈哈) 講起星期日媽媽節.. 可能都係去食日本任食喇﹗求丙你呢?

    拿拿求丙﹐你自認睇人睇得咁準﹐連一聽眾係700度近視又失婚嘅前香港政界人士咁大膽嘅結論你都夠膽下﹐咁你又黎批下我﹐我會係何許人? 咩年紀? 咩長相? 哈哈﹐睇下你個翻版麥玲玲係咪真係咁準先吖嘛。如果你嘅猜測都接近﹐咁我周五就上前黎同你相認﹐再送埋隻brokeback mountain過你聽啦。如果你估得相差太遠﹐咁我都係"柄"埋自己算喇﹐無謂搞到求丙你當場心臟病嘛﹗我唔識針人﹐救你唔番架拿﹗

    嘩嘩嘩﹐虛耗咗咁多光陰﹐又要繼續開工先喇﹐無謂凳都未坐暖就比人照肺啦﹐哈哈哈。請請﹗

    (二之二﹐完.)

  80. 10:27pm﹐無言。純綷為自己OT王留個紀念﹐再次打破咗12個鐘嘅工作時間喇。過去同未來中間原來有咁長時間…. (暈)
    電視… 播緊十兄弟…
    走 走 走 走 走 走 呀 呀 呀 呀 呀 呀 呀 !

  81. 係呀,笑兄,咁夜重O乜鬼T吖,快d冇鞋挽屐走啦, 唏!!

  82. 唔好意思, 笑兄, 今晚同聽日要趕個新客部豬腦, 聽晚夜又要去睇亞毓民, 所以如果星期五晚見完個超閹占嘅客再重有精神就上嚟留言喇…做嘢還做嘢, 咪做 workaholic 呀, 吓!

  83. 3:14am….
    做… 做….. 做到.. 死﹐… 死… 虛…脫… 我, 我,…. (斷氣)

    ps.- workaholic, 共勉之.. 我諗你都仲起網絡嘅另一端搞緊部豬腦喇﹐哈哈.
    唉.. (唱) 我地呢班打工仔… 一生一世..(咳, 咳..)

  84. 哎呀! 啱啱攰過頭, 想早d瞓架喇, 點知「覺」咗只得兩個鐘就俾個朋友成夜晚十點幾重打電話嚟, 重好意思敢話, 『吓瞓咗覺喇』! 真係唔@#%*$&#@!佢都唔得!

    哇,!終於攪完部腦又見完一渣客, 都係時候上 嚟 留番一兩個言先再寄出 d invoices 去同 d 客收埋 d 數先。 如果日日係咁多客幫襯肯定豬年發到豬頭丙咁都似! 唔, 一陣又要去回應番亞 May 同一聽衆…因為見到一聽衆對亞 May 又 copies & pastes 人吔d 中文上呢個留言版, 我哋已司空見慣喇, 但姖…哈哈…重未見識得夠亞May d 野蠻法, 所以重有意志力去嚴詞斥責亞 May, 重俾 May 回應話 『恕難重命』, 真笑到我攬住個肚, 哈哈哈!!!

    笑兄唔係咁搏吓哇? 乜晚晚做到三更半夜都唔走呀! 喂, 艾屎眉呢一帶冇你…哈哈…棄明投暗之前嗰道咁太平個喎, 成兩三點走出 parking lot, 俾人劫財重事少, 劫色就冇眼睇囉…哈哈哈! 不過講真吖, 好似我公司附近咁, d 警車 wee 嗚 wee 嗚 d 警號真係無日無之, 得閒呢道又封警察 d “Do Not Cross” 嘅黄色膠紙, 辰時戊時又唔知嗰道隔離邊楝大厦又有人開槍!! 有個住喺附近個黑人話我知, 話 (重要一路嗡一路兩隻手做埋 d 黑人 rap 緊手指插吓插吓個手勢!): 『嗨, 上次我見到有人死咗喺條街道, 咪走埋去襯吓熱鬧囉。 點知差佬就周咗我入去警局, 話單嘢係我做個喎』 所以喺呢頭 Malvern Community (貓糞社區) 做嘢, 真係有 d 好似揾條命搏咁架, 唉!

    噢, 你係咪媽媽節去咗亞洲廚房食日本任食呀? 夜晚去成20蚊位正唔正呀? 本來我哋想舉家去實死街間「神凳 」食廣東嘢嘅, 不過三點去想諚位時, 佢話『你哋四點半嚟啦!』 吓, 講笑咋下話, 4 點半食晚飯? 咁咪5 點 3 個字去囉。 但一去到, 就知賴嘢! 因為已經真係坐滿哂, 重要門口都已經企滿哂人添。 終於要貢咗去新旺角道炒兩碟嘢算數囉! 不過講起「神凳 」, 周時呢 d 大節日個個捐出街做節, 新年呀, 媽媽節呀, 佢個parking lot 就梗係爆鵬嘅, 咁個個就要泊過對面條街仔; 但泊完車又要衝過條實死街, d 車又快到離奇, 真係名符真實 — 實死加PK喇!!!!

    嘩, 乜咁嚟考小弟呀? 要我批下笑兄你吖? 嘿, 真係考到我噃。 不過等我試一試, 用 d FBI criminal profiling d 絕技估估先, 估錯唔好笑到不醒人事先好呀, 吓:

    性別: 男
    年齡: 28 – 36
    高度: 5’6″ – 5’ 8″
    體重:150 磅左右
    近視度數:350-450 度

    哈哈哈, 係咪呀? 有冇離哂大譜呀?

  85. 好..好.. 好攰呀….!! (咳..咳..) 經過咗個死亡weekend.. 我.. 我..

    哎呀﹐求丙你卒之星期五晚掛住應酬D豬腦客冇去到毓民騷做窩Xtee牙呢?! 等我望到頸都長哂﹐環顧四圍除咗’你豎得’之外﹐想揾個高過5呎6嘅人都難.. 仲要班窩Xtee牙全部都係"leng keng"黎喎﹐望黎望去都冇個醒目仔似係求丙你﹗哈哈

    anyway﹐我又趕住去開陣工仔跟住速眠﹐諗住上黎比求丙你八一八﹐邊個係廢苦滋燃﹐哈﹗我星期六臨個論壇完時彈咗過城市廣場﹐又見到佢﹐當然﹐佢仍然都未知道在下就是笑騎騎﹐哈哈﹗不過我轉個頭見佢post咗好多相起佢個blog: (http://faifujiyin.blogspot.com/) ﹐拿﹐你睇佢新entry﹐最底果張"珠海大學舊生會"嘅大合照﹐企最左邊果個就係佢喇﹗
    望真D﹐真係唔係Woody黎呀﹗哈哈

    好﹐晏D先再上黎寫埋佢。

  86. 我又有大發現呀, 有埾料要公諸於兄台呀!!!

    啱啱今日喺架車聽聽吓770, 去到笑兄屋企附近條屎字路夾賴屎黎 (Leslie) 個唐人魔, 又鬼鬼竄竄泊咗架車之後重未上巴士嗰陣, 收唔到 770 就轉去廢台八吓喇, 點知你估我呢個8 公 8 到 d 乜嘢番嚟吖? 估唔到喱? 係亞葉 sir 原來去咗廢台做羊肛早晨呀!!!!! 但聽咗大約 20 分鐘, 佢, 鯉蜓, 同 Big Salty 都係重講緊同一個問題; 大致上係咁嘅:

    鯉: 如果俾你揀, 愛情, 生命, 金錢 (因為冇人揀呢個, 所以唔 sure 係咪真係金錢)
    B.S.: 我就會揀生命喇, 因為冇咗命, 就其他兩樣都冇架啦? 咁你呢, 葉sir?
    鯉: 愛情, 愛情, 愛情, 愛情…(同葉sir 打氣)
    葉: 俾我吖, 就 3 樣都愛哂喇!
    鯉, B.S.: 哈哈, 哈哈哈, 哈哈哈哈…

    終於聽到呢道為止, 我嘅耐性始終都敵唔過我 d 怒火, 即刻駛出我苦練多年嘅奔雷手, 一手㩒熄部有 digital tuning 嘅收音機, 原後吸一啖大氣先至登上架巴士邁向我 Mississauga 個客道….

  87. 哈哈哈!!!!!! 求丙兄﹐多謝你嘅報料呀!!! 真係笑爆嘴呀! 嘩如果我朝早一個唔覺意比我聽到﹐真係連啖Tim記咖啡都噴埋出黎呀大佬! 我淨係之前都聽聞過話呀葉sir好似話過番廢台﹐但就唔係好似查實佢過番去做咩….. 嘩﹐原來而家係做羊肛祖晨?! 唔係啩.. 仲嫌個節目唔夠yaap….? (滴汗..) 唔係long term架下話… 嘉賓only..??.

    呀.. 呀.. 呀… 真係好攰.. 唔係人咁品呀… 做死人冇命賠.. 日日都起度還D文字債﹐沒完沒了… 我係一部批發文字嘅機器…!! (怒哮) labour exploitation…. 哎! 嘩﹐不過你講起﹐士嘉堡區D治安不嬲差到震架啦﹐連開車撞死人D意外都寧舍多呀﹐咪話我話吖。尤其是係南去我地艾屎尾路呀求丙..!!! 不過我果個block仔似乎都好似OK…. 我最遲so far都係11點走.. 再夜D都心慌慌架.. 嘩﹐比你嚇一嚇… 我財就大把任人劫啫﹐劫色咯喎!!!! (面露恐慌)
    哈哈﹐睇黎我都要學阿陳冠希果隻扮黑鬼hip hop下﹐帶番條金鏈起件闊leh-beh嘅白tee裇同著番條甩到好似除咗一半嘅牛仔褲咁﹐再"yo man..waassup!" 不過話時話﹐我留意左個幾星期﹐我呢個block似乎多"阿星"多過黑鬼喎.. 唔知係隔離有間咩中心定公司﹐成日有大批喜馬拉阿星廿幾三十人家族咁進出﹐好誇張架。.

    至於求丙你對我個猜測喇喎…….
    嘿﹗
    (托一托鼻上果副反哂光嘅眼鏡﹐嘴角露出一絲陰險的微笑).

    我卒之媽媽節果日去咗"裝街"夾"活敗"嘅*型瘋"日本任食度﹐放棄咗亞洲廚房。嘩﹐求丙你呢D真係盡顯老華僑嘅長情風範﹐竟然係番去"神凳"!!! 哈哈哈哈…. 我黎咗加拿大咁耐以黎﹐其實都係去過兩次咁大把.. 間野真係做極都咁旺喎﹗所以你叫我D咩喜慶日子去﹐咪搞喇﹐4點半﹐我分分鐘連晏都未食﹗哈哈哈
    唉﹗咁又差唔多一星期﹐毓民聽日又走喇… 忽然都有小小唔捨得添﹗哈. 希望佢快D又番黎啦。.

    話時話﹐六四又差唔多黎喇﹐求丙你以往有冇參與遊行咁呀?

  88. 嘩﹐過隔離幾版野睇﹐比阿毓民搞咗一搞﹐好似無端端多咗好多新人黎留言咁喎﹐有D左仔仲同阿一聽眾鬧到水深火熱.. 哈哈哈
    求丙你快D養精蓄銳﹐又投身戰場咯喂!

  89. 唏終於作完篇嘢潤吓班左仔喇, 不過冇時奸養精蓄銳, 所以又謝哂喇! 聽日上完個客道攪d無線 network 再夜晚上嚟答番笑兄幾條問題啦。

    唔! 陰險的微笑, 咁可惡, 嘿?!

  90. 嘩, 正呀!!! 今個禮拜係小弟人生一重大轉捩點, 由一向爭 BMO 呢個大耳窿錢嘅我, 轉為佢爭番我錢。 無債一身輕, 真係告白同歌仔都有得唱喇: “What a feeling!” 為咗慶祝呢件大事, 己經去咗敢瘦中華間Sea on Sea食咗佢個廿九個九毫九加三蚊嘅填鴨餐, 唔錯唔錯, 值得推介;今日又喺 eBay 道執咗部人生第一部嘅微波爐 (一向最怕微波爐嘅 2.4 GHz, 500W (火)以上嘅輻射嘅我, 唉, 都終於投降喇! ), 又去 Costco 買咗部 iRobot 嘅叫做 Roomba 嘅 robotic 智能吸塵機, 佢識得會同我捐窿捐罅通地吸乾淨哂地下, 原後重識得返番個 charging station 道自己充電添, 真係好駛好用個 Maria 呀!!!

    諗諗吓, 兄台真係好耐冇喺頭嗰幾版吹水囉噃, 做乜呀, 哈哈哈, 真係俾過去同將來夾住, 揸乾揸淨吖 (labour exploitation)? 定係 d 題目太 heavy, 太嚴肅, 冇乜 fun 呀? 不過做 d startup (都重算係啩?) 公司, 又真係幾辛苦架。記得以前畢業冇耐係紅堪做間startup公司, 攪下面 production line d 電子機器就當然係好似一腳踢咁喇, 請個 department secretary女仔又要我去 in, 連買枱凳都要我揀! Approve 呢樣又approve 嗰樣, 晚晚重做到冇兩三點唔走得; 好彩公司有幾個女仔可以打吓情罵吓悄, 所以時間都好快過。 笑兄呢? 有冇 d 紅顏知己可以喺公司工作苦悶中開解吓咁呢? 揾返一兩個, 唔係我哋 d 麻甩佬谷精上腦真係對身心百害而無一利架, 吓!

    呀, 你唔講 d 喜馬拉阿星就尤自可, 講起就真係把幾火。 我真係成日都提醒自己, 六道衆生平等 㗎, 平等呀, 唔好岐視人呀。 即係總之識得郁嘅嘢都同自己平等喇?! 但呢班阿星, 熬緊巴士時點解我竇炎個半費咗個鼻都俾 d 惡臭攻到頂唔順呢? 一拎轉頭望吓, 原來有一個9星係後面!!! 以前住 townhouse 嘅時侯, 「深馬」冇冷氣要開睡房窗, 點知半夜兩點鐘做乜事傳來惡臭, 又喺睡夢中被攻醒。 原來黐住隔離屋個亞星喺道肴咖哩!!! 如果而家禁煙因為驚 d 人吸咗 d 二手煙, 咁吸 d 亞星肴嘅咖哩嘅臭味又點計呢? 好心佢地食多 d 清清哋嘅嘢啦, 唔係邊有人敢請佢哋做嘢呀, 嗨!

    之前啡完個乜嘢 Oxford, 引到佢露出狐狸尾巴喇! 原來真係貓頭狗頭豬頭嘅真人嚟嘅。 呢 d 左仔真係冇佢收, 俾佢哋吹到啤一聲。 不過亞 May 我始終覺得佢只係一個唔臭米氣嘅女仔, 以前又話共產黨點好點好, 突然又話台灣萬歲之類, 其實真係姖唔知係咪青山走甩咗然後偷渡過咗嚟嘅呢, 哈哈!

    間型瘋任食日本嘢正唔正呀? 我喺嗰頭淨係去個黐住 Costco 嗰間有個『獎』字嗰間嘢, 麻麻地咋。 都係亞洲厨房似乎咁多間食東嘢最乾淨同最正。 以前去過慢感路北面 #48 公路間「捉哋」, 因為有賣告白又有一次見到基哥同老婆喺道 young 枱腳, 以為唔錯啩, 點知俾咗成6 皮加稅再加貼屎, 食嗰碗冇厘味道嘅 ”海鮮麫”, 不但得的咁大碗, 得一着麫, 重海鮮就係一粒帶子同兩三條假蟹條, 係咁多, 成本唔駛5 毫, 真係就算咁近我屋企都話過以後冇幫襯!!

    哦, 毓民嗰兩日我都冇去X, 因為一來真係要湊 d 豬腦客, 二來又知道幫手 d 都會係靚 keng, 所以都係縮沙側側膀算數好喇…不過一入場黑mung mung 都俾人點到相, 匆埋嚟話, “喂, 求丙, 認唔認得我呀?” 諗吓如果下年毓民再嚟又去睇佢嘅話呢, 都要易吓容先去附會喇。

    哇!! 鬥吓鬥吓篇嘢, 又水蛇春咁長咯; 又重有個幾字就深夜兩點喇, 拿拿林整番碗出前一丁先見周公喇…係喎, 長週未有冇去邊玩咁呀? 定係整前園後園種吓花咁呢?

  91. 肉皇大帝?! 哈哈哈!!

    我都有追”溏心胸部" 架, 哈哈哈哈哈哈!!!

  92. 哈哈哈哈.. 低B架..!!! 肉皇大帝係咪又就係真人/道友/豬頭/狗頭/龜頭呀… 果條友真係狒狒地架﹐哈哈!!
    不過佢今次都比人玩啦﹐你冇留意到有另一條友成日起度扮鬼扮嗎﹐果個左仔‘oxfart’每日留埋D水蛇春反民主留言﹐仲要一人分飾N咁多角去營造支持﹐你留意下﹐有D “另類觀點" 係佢扮架﹗一開頭果個"另類觀點" 係真人道友果條狒友﹐但後尾有D就係果個oxfart(即李子仲)﹐你見佢最新無啦啦有個稱呼你個friend做"一聽眾兄"﹐就知道唔係"真人"黎啦﹗哈哈
    至於果個阿may咯喎﹐哈哈﹐我就仍然同兄台你有異見﹐堅持佢係麻甩仔一名﹗果條友仔又係狒狒地嘅﹐九唔搭八。我其實都有D印象佢起留言版開檔初期﹐係首先用過"vincent"呢個名﹐跟住後尾先得閒又出下"VV"﹐又"繼續微笑會歌神"﹐跟住我又記得佢好似有次佢話自己係打過上’非常政經‘﹐話要求問呀華叔"性問題"果個.. 雖然唔知佢有冇講大話啦吓﹐不過我果日咁啱揸緊車﹐又的確記得有條茂利打上去講呢樣野﹐把聲又真係麻甩仔黎喎﹐所以我咪一直印象深刻﹐就算之後佢扮女人纏繞住你﹐我都認為佢係同一個人.. 哈哈。(點呀﹐我D “f-ck耳摩屎"功都maang車邊追到求丙你小小啦﹗哈哈)
    嘩估唔到你班麻甩﹐原來個個都係TVB精﹐追劇架喎﹗真係隨時去’好景‘定’兆豐‘都可以同隔離個師奶搭到嘴呀﹗
    係呀﹐我都幾乎絕跡隔離果幾版野咁滯﹐一來真仰比個唔係人咁品嘅上司揸乾揸盡啦﹐同埋你地果邊鬧到腥風血雨﹐我呢D淨係鐘意插科打混嬉皮笑臉嘅茂李都係適宜死埋一邊睇戲算啦﹐哈哈﹗
    不過比阿毓民搞一搞﹐個留言版真係突然間人氣旺盛﹐果個一聽眾女士比D麻甩佬辣到好罄﹐哈哈!!! 唔知佢有冇講錯﹐果個oxfart唔知係咪真係起香港嘅呢? 係都唔奇喎。不過真係勁cheap囉﹐明人不作暗事﹐猛咁用唔同名post.. 可以瞞騙一聽眾但瞞騙唔到區區在下﹗嘿﹗﹗ (雖然﹐我間唔屎貪得意都會換下名留下言﹐例如"大便暢通笑呵呵"咪又係我囉﹐哈哈﹐都係D小混混)。都係不及求丙你24小時行不改名坐不改姓﹗嘿﹗
    哎﹐講起labour exploitation﹐咪就係囉。我今朝維多利亞日都真係對女皇佢老人家嘅在天之靈大有不敬喇﹐事關我10點幾已經出完差番咗黎﹐今日繼續要做sweat shop labour﹐批發文字﹐好彩放假就唔駛番去果個鬼地方﹗哎﹐而家棄明投暗先果兩個星期﹐已經見有D抑鬱﹐點算﹗真係唔係咁高興囉… 不過都係勸服自己忍辱負重﹐睇定D先再算﹗
    咦﹐講起紅顏知己… 嘻嘻 (扮Twins作害羞狀﹐左扭右扭…) 求丙兄﹐實不相瞞.. 其實我.. 我… 我…..
    ….
    ….
    (欲言又止…) 哈哈!!
    嘩﹐求丙你今個星期真係可喜可賀咯咁﹗果間sea on sea得唔得呀其實﹐因為我都係聽D老友講話’敢瘦中華‘除咗果間sea on sea﹐都冇野值得去﹗不過行經果間野又真係見佢好爆咁噃﹗
    “型瘋"都幾好食吖﹐正正常常交足貨仔咁啦﹗其實我本身就唔係話咁熱愛任食嘅﹐因為我唔鐘意果種食完之後質到飽哂頂到上喉嚨果種感覺﹗不過當D任食放起你眼前﹐你唔狂叫狂食又覺得唔抵喎﹗重量不重質﹐講真﹐食親呢D任食/buffet類﹐你都唔會expect佢D野真係好精好正喇﹐最緊要係咁質係咁質﹐好似好折墮咁﹗哈哈哈。
    不過你講起D日本麵﹐又真係好難揾到D好食﹐尤其係D日本任食舖﹐通常D拉麵都"啖茂茂"﹐乜料都冇﹐食咗盞浪費個肚D空位﹗so far覺得D麵係叫做好食嘅﹐都真係得"捉橋"呀﹐"未遷"果D。
    咦乜原來求丙你去睇毓民時都比人點咗相呀? 哈哈哈﹐你都好多人識得喎咁﹗哎呀真可惜你冇做窩X啦﹐唔係肯定一眼就認出你﹗成班"leng keng"拉均我諗最多18歲﹐求丙你企埋去肯定非常"突出"呀﹐哈哈哈哈哈哈
    哎﹐長周末呀長周末.. 求丙你去邊度happy呀? 我
    就除咗坐起電腦前做廉價勞工之外﹐都有出咗去Chapters打吓書釘﹐做咗個cheap精企起度睇咗成本Macleans… 之係夜晚就係上youtube度嘥咗好多時間﹐哈哈﹐尋晚手痕痕﹐click咗上隔離版網友post果D六四link呢﹐click下click下就上咗癮咁狂睇番當年89六四果D無線新聞clip.. 嘩﹐真係恍如隔世﹐見到果個袁志偉(?).. 跟住link 下link下﹐就狂睇埋D八十年代野喇﹐六四link咗去無線﹐link咗去83年歡樂滿東華﹐link咗去甄妮﹐link去汪阿姐﹐link去秋官﹐link去"大時代’劇集片段﹐link去"笑看風雲"﹐搞下搞下就睇咗幾粒鐘﹗所以youtube真係勁﹗抵果兩條友仔發達嘅﹗
    嘩嘩嘩﹐吹下吹下又打咗咁大段.. 哎算啦﹐long weekend就比自己放肆吓啦﹗咦比求丙你講一講D喜馬拉阿星咖喱… 淨間去茶餐廳食番碟咖喱牛腩飯都不失為一個"可紙意"(潮洲音)
    講起佢地D飄香﹐多口講埋﹐所以揀地方住﹐都真係住番北D好D﹐早前有人撩我去屎家堡果頭整番間condo﹐我都灑手拎頭﹐雖然係平唶﹐但治安又唔好﹐又多D阿拉星同黑人﹐所以要搬都係搬番北上好過咯﹐我咩都唔怕﹐最怕就係臭﹗﹗﹗﹗

  93. ~哈哈哈~, 係囉, 唔知呢個肉皇大帝係邊個喱可, 咁低B嘅, 哈哈哈?! 同個另類觀點/真人/ 龜頭喺道打難仔交呢!!! 又同我護航, 哈哈, 哈哈, 哈~哈哈哈哈哈哈哈 (做大戲 d 林蛟呀, 奸嘅二世祖咁笑法)!

    今日兩點幾就松得人喇, 所以如果冇客急call, 晏D就應該肉, 呀唔係, (講嘢又甩牙喇, 哈哈) 係獨孤真人個契哥可以再上黎寫多d架 喇。哈哈哈哈哈哈哈!

  94. 阿肉菇球.. 呀﹐i mean﹐獨孤求丙兄.. (乜近排咁多人甩口嘅?)
    尋晚上黎留言版昅野時其實都比我留意到樣野…. 我都覺得有古怪架喇… 勁低B呀!!!!!!! 低B精呀.. 哈哈哈哈哈哈哈哈.. 得喇﹐你明我明你明就得喇..

    唉﹐又開工喇…
    比我呻兩句吧(橫豎呢度得你睇.. 哈).. 棄明投暗以黎﹐唔開心.. 我開始考慮想暫時(或長期?)脫離呢個界別..真係學你話齋﹐出去跟D老外學下野.. 再起呢個小圈子食埋D塵呀﹐氣呀﹐屎呀﹐真係人都癲…..
    (聲聲嘆.. 轉頭又走上job bank望咯喂)

  95. 哈哈, 啱啱沖完個靚涼, 又成個 “肉球" 咁坐低整番一兩個留言先。

    唉, 笑兄呻完又到我呻番一兩句喇! 今日落 依頓中心 見完客攪完部機之後, 本來個零鐘頭就可以搭 TTC 番到屋企架喇, 點知好衰唔衰, 一入"皇后"站就知大煲, 成條 Yonge 同大學線全部癱瘓哂, 巴屎就當然架架廹爆又飛站架啦。 終於好似行"馬拉蟲"一樣, 由皇后街廿幾三十度天氣下捱到 Yonge-菠籮站, 爭 d 變人乾, 真係慘絕人倫喇!!! 唔怪得個個話 TTC 即係 Take The Car 喇, 唏!

    不過你講開 Ox fart 同 另類觀點, 又真係幾 ngaw 頭個喎。 點解會有時係真人嚟嘅, 有時又唔係呢? 好似唔知邊一版其中一個另類觀點又好似鬧另外嗰個係冒牌貨咁噃, 係咪有敢嘅樹呢? 不過我又突然諗起, 呢一渣乜鬼李子仲呀之類﹐雖然嘢嘢都係插民主黨, 但有文有路, 又唔似真人 d style佬咁個噃。 重有呀, 佢哋 d 攻擊文章, 永冇回應番一聽衆呀, 我呀之類嘅反駁 post屎 嘅。 換句話講, 呢 d 大篇大篇反民主反直選嘅言論, 好可能係預早唔知係邊個/邊幾個左仔寫定嚟一有機會就 Ox fart 同另類觀點等人就 send 上 嚟通街貼同"共鏟黨"做廣告咯。 你點睇呢?

    死喇, 今朝 5 點幾就拮咗起身, 到而家成12點真係頂唔順喇, 聽晚頂得順就再上過 嚟啦。

    Until then, 唔駛咁 down 嘅, 暫時發揮吓我哋中華民族嘅美德先喇, 即係"逆來順受" 先啦!

  96. 大劑! 啱啱聽第一台嗰兩位有 d 甩牙嘅一男一女報告新聞, 話慢感巿發現有中咗西尼羅病毒而死嘅雀仔添。 死喇, 而家夜d都唔好出去浦咁多喇, 一中招真係可大可少; 俾d衰蚊針中要害, 唔死都好似食咗一打隔夜蛋咁就唔駛見人囉!! 呀, 重有, 係呀, 姖今日報告新聞時唔知話乜嘢『第九任』, 點知讀咗『第狗淫』, 又笑到我爭d 抄車! 好彩唔係原本想講『首任』啫…

    哇, 聽到都有d驚呀, 乜會有job bank 架, 唔喺d jobs 多到排哂隊咁誇張吓哇? 想做死人咩! 點玩架? 你走上去自己揀吓鐘意邊份 job 就做邊份, 定成個 bank 都全屬於你, 等笑兄續一清倉架? 係咯, 有機會出去闖闖, 同老外打吓工試吓啦, 最正就係好似小弟咁打政府工, 冇乜皇管咁咪正到離其囉。

    係呀, 如果叫一聽衆做兄嘅, 就應該唔係真人喇。 因為真人/另類觀點呢個卑鄙小人、流垊, 成日又話一聽衆姐呀, 光脫脫呀, 乜嘢全套呀之類, 真係人之中嘅最下賤嘅一類人。 如果俾我哋係公衆場合認得出係邊個維園亞伯嚟, 可能俾衆人圍毆都似!

    唔, 笑兄d “f-ck耳摩屎”又可稱一絕喎。 因為當亞 “May" 回應話佢只係一"小女孩"咋, 我亦覺得事有Q.K., 如果真係細路女, 係唔會咁樣講嘢嘅。 記得…

    (上住「頭盆」先, 而家重揾塊手寫板鬥緊「尾菜」)

  97. 記得以前有條鬼仔, 話我知原來佢已經喺d chat rooms 道不停扮女人。 但見佢陰陽怪氣, 真係扮女人可能重可信過做男人呀! 所以如果"亞May" 真係你話嗰個 Vincent, 再由佢成日9 唔搭8 咁寫/抄嘢同問呀華叔性問題, 睇嚟, 呢條友真係可能基佬嚟都似…嘩!!!!! 肉帝救命呀!

    嘻嘻 其實嗡吓啫, 我屋企人有追溏心胸部, 我對無線d soap opera 式嘅劇集就真係冇乜耐性睇, 莫講話追啦。

    咦, 原來大便暢通笑呵呵就係閣下吖? 哈哈哈, 証朋我d 觀察力幾唔惦啦。 我以前以為淨係亞 May 同真人先至成日扮鬼扮馬啫, 哈哈, 係來兄台亦喺道攪攪震嘅。 點解性恪分裂唔分過極端d 嘅出黎呀, 吓? 哈哈哈哈!

    呀, 不過捉橋就未去晚, 「未遷」就食過一次, 好味就幾好味, 但真係辣到跳舞。 下次再試吓佢d冇咁辣d拉麫先。不過講開我嘅 favourite: 咖喱牛腩飯, 喺銀*小厨上少少有間鋪頭仔, 叫「南亞」, 我都算喺道食慣食熟架喇, 佢 lun處 個咖喱牛腩飯 四九九送奶茶, 冇得頂!!! 佢d海南雞飯都好正, 有冇試過呀?

    係呀, 頂硬上啦。 如果唔捱邊有d寶貴經驗呀? 如果做得過癮嘅, 就咪走喇, 如果唔係真係頂唔順, 辛苦幾年先走喇。 如果唔係份 resume 就唔好睇架喇!

    蝦! 瞓醒覺聽朝又番上去頭嗰版再繼續噏吓又啡吓d共惨黨先。

  98. 今日悠手好閒 (對我工作嘅無聲抗議﹗)﹐等我回你個新鮮滾熱辣留言啦﹐求丙貴人事忙﹐過多幾日得閒先再上黎覆我兩嘴啦﹐撈棵揼(no problem)呀﹗
    嘩哈﹐求丙兄好推介﹗我好耐冇去過南亞喇﹗以前同舊公司D同事都有去過果度一兩次咁.. 都唔記得咗個海南雞飯咩味添﹗但我記得呢間野﹐因為我本身好喜歡香港上環果間南亞﹗哈.. 都係D情意結野﹗比你咁提一提﹐好﹐等我呢個weekend都睇下有冇機會同我情人一號去食番個海南雞飯先﹗
    呀﹗你都好黑仔喎﹐好日都唔聽你講話落downtown﹐一落去就遇著個交通癱瘓﹐嘩你咁行一行﹐條腰都即刻減幾吋呀﹐賺咗啦﹗
    哦﹐job bank呀﹐我話www.jobbank.gc.ca呀﹐揾工皇吖嘛… 不過望咗兩日﹐都唔覺有咩正嘢… 唔通我條賤命就係注定過D廉價勞工嘅日子?! 哎.. 唔係講笑呀求丙.. 我呢D人﹐錢又冇樓又冇﹐但又偏偏要懶係清高咁﹐懶係學D洋鬼子嘅"真性情"﹐哈哈哈﹐總係想要揮之則來﹐揮之則去﹗我而家已經暗中覓緊去向喇﹗當真係覺得唔LIKEY嘅時候﹐就算留多一日都已經太長呀﹗何況你話要我忍辱負重幾年?! 楷玩睄﹗只怕我未捱到果陣時﹐已經抑鬱症返咗天家﹗﹗﹗同埋﹐未做夠三個月﹐resume上面可以不列出黎架嘛﹐下嘛﹗(一副無賴表情) 我唔理﹗﹗我定要逃離呢個人間地獄﹗一但揾到去處﹐我就即走喇…. 呢個圈就係咁架啦﹐跳來跳去… ﹐玩下手﹐真係飲番tetley都唔奇呀﹐世事如棋﹐哎﹗睇下點啦… 若真係山窮水盡﹐我就疊埋心水出去闖喇。求丙你收唔收豬腦學徒呀? 哈哈哈哈
    講起D維園阿伯﹐我呢兩日都有去咗何俊仁吳靄儀佢地D場度打下躉… 尋晚腐腐碌碌咁卒之都去埋個民主路晚宴﹐但佢地兩壇野(今日城市廣場果度)相比之前阿毓民﹑華叔果D﹐聲勢顯然弱D喇﹐連D維園阿伯都冇出席添呀﹗仲諗住佢兩個可能都會遇著比D阿叔阿伯啡﹐點知又冇喎﹐成單野平平穩穩咁﹐冇乜火花。我提議港加蓮或者第一台下次搞D咁嘅野﹐不如出錢請幾個維園阿伯出黎搞下氣氛啦﹗人地dD歌星仔比錢請粉絲坐陣都係咁啦﹐下話﹗
    唏﹐乜你話我"扮鬼扮馬"呀﹐求丙你都唔弱啦﹐一個不留神﹐我都掙D走漏眼呀﹐你個肉…
    總之一句講哂啦﹐呢版嘅滋事份子﹐現時主要係得三個﹐等我同大家講解下:
    1.) 代號: 阿May
    分身: VV, 繼續微笑會歌神﹐V神﹐Fantastic light, 信望愛….
    特徵: 鐘意扮女人﹐懷疑係自閉騎呢青年或整蠱做怪嘅麻甩仔﹐九唔搭八又唔識打中文﹐淨係鐘意copy & paste埋D無聊野﹐自稱係天主教徒﹐鐘意歌詞﹐懷疑係許冠傑fan屎。
    2.) 代號: 真人
    分身: 道友﹐另類觀點﹐豬頭﹐狗頭…
    特徵: 中年維園阿伯﹐粗俗﹐(估計)用windows倉韻打字 (D標點符號係用英文嘅)﹐一輪嘴炮轟﹐親中﹐反加﹐最憎鬼佬﹐係人都啡﹐幾乎全日都mon住D電台﹐曾經一度撐過鯉停﹐如果冇搞錯﹐應該係一個已經炮轟本地中文電台有多年歷史﹑唔少人都聽聞過嘅麻煩友。
    3.) 代號: oxfart
    分身: oxford﹐李子仲﹐…
    特徵: 係毓民到訪時先出現嘅新訪客。反民主﹐撐共﹐長篇大論﹐一日分飾多角自問自答﹐大部份d料懷疑係copy and paste其他網站文章。
    嘿﹗我f-ck耳摩屎代kahoo.ca列出三個最大滋事嫌疑犯﹗多加留意喇﹗係咪清楚D呢而家? 總之果個真人嘅style就永遠都冇變嘅﹐所以一見到D稍為斯文及有文路嘅留言﹐就應該係嫌疑犯三號所留嘅﹗(托一托眼鏡﹐右手點起一支雪茄﹐插番落件乾濕大褸嘅口袋﹐面上露出一絲滿足的微笑﹐口中呼出一口白煙…)
    哈哈哈哈哈哈哈哈哈哈﹐甩牙嘅一男一女報新聞﹐哈哈哈哈哈哈… 咁你唔洗點名我諗我都認得出係邊個喇﹐哈哈哈哈。果個男嘅… 衰D講句﹐同葉sir有得揮呀﹐一路揸車一路聽住佢dun極都dun唔到粒字出黎﹐搞到我仲緊張過佢﹐隻手摙到個鈦盤實一實。西尼羅又殺到呀﹐唉﹐都驚唔到咁多喇﹗嘩﹐不過我頭先先見風和日麗﹐腳痕痕去咗美麗徑公園到散咗個飯後靚步.. 樹影飄飄咁﹐陰陰涼涼嘅小徑 (簡稱…)﹐好爽呀﹐(不過可惜個公園原來已經變咗個喜瑪拉阿星樂園… 一個唔覺意仲以為自己去咗新德里….)
    咁等我而家要即刻檢查下有冇比蟲蟲針過先﹗﹗

  99. 求丙求丙﹐話咁快﹐我聽日(又)見工喇﹗
    希望今次順順利利喇﹐脫苦海在望﹗
    如果事成… 將會上演一幕經典戲曲: 棄暗投明之 — 燕子回巢﹗
    所以話呢.. 世事呢D野真係…
    wish me good luck la!! 希望聽晚有好消息﹗

  100. 笑兄, I know you can do it because you deserve a much better job. Stay cool, use firm handshake, and keep your usual smile on your face at the interview, OK? Don’t forget to bring a copy of your resume too.

    Good luck la but I know you don’t need it because you’ve got what it takes to get a better job!

    (Tell you later why I can’t use my writing pad until later)

  101. To: 比人笠咗塊小懞怗嘅求丙兄:

    好咯﹐痛苦即將完結﹗
    多謝兄台嘅祝福﹐小人我今個星期五會飲番tetley咯!!!!! (心中有團火)
    不過﹐今次都係新挑戰﹐因為燕子回巢係去撈另一範﹐所以都有少許戰競﹗(如果唔係有得試新挑戰﹐我都真係唔會咁快棄暗投明﹐大佬﹐番轉頭食都唔會真係食番同一執草咁樣衰呀)
    所以﹐希望做得黎﹗成日跳黎跳去﹐都真係傷身又傷神﹐搞一搞都元氣大傷… 希望今次冇做錯決定喇!!!

  102. CONGRATULATIONS 笑兄 for getting your free Tetley teabags and 棄暗投明 again!!!

    哈哈哈, not 比人笠咗 but I just reformatted my hard drive but still can’t find the CD to reinstall my 小懞怗…Damn! Another reason to clean up my work room TODAY (or spend more time learning how to type in Chinese from your Malaysian website)!!!!

  103. 喂求丙﹐恭喜還恭喜﹐唔洗咁鬼大隻字爆個”今日”出黎﹐嚇到我丫..

  104. Sorry 笑兄, but that big TODAY was for myself as I have been saying “today", then “Today", then this “TODAY" and still I haven’t started cleaning up my work room! I tried downloading the driver/software from penpower.net and it is for another 小懞怗 model and can’t connect to my older version of writing pad.

    Where’d I put the CD…where’d I put it…where?????????? NO!!!!!!!!!!!!!!! (oh, sorry, this “NO!!!!!!!!!" is also for myself too)

  105. Just passed by Kennedy Square (Kennedy and Hwy 7) and the shop wanted to charge me $55 for a new 小懞怗. I asked, “Is this new one smarter in recognizing my handwriting?". She said, “No, it’s just as dumb as your old writing pad!"

    Where is my CD AH! !!!!!!! 肉帝救命呀!!!!

  106. 番來喇﹐番來喇﹗﹗﹗真係好似番屋企既感覺﹗終於脫離過去與未來之間的苦海﹐太感動….
    見到堆tetley幾乎要淌下眼淚。
    就當發左一場夢吧…
    (唱) 倉卒歲月﹐世事如棋﹐每局都光怪陸離..
    驟情驟雨﹐人事天天變﹐有喜亦有悲…
    新位置﹐同自己講: 我會做好呢份工﹗
    祝你塊懞怗快D還魂﹗
    (p.s. 咦?! 一聽眾做咩事要走呀?! 番香港?! 身體有事?! 你快D約佢出黎飲咖啡食donut問下佢啦﹗)

  107. 哈哈哈哈哈哈哈哈哈哈哈哈哈哈哈哈哈嘩嘩嘩嘩嘩嘩嘩嘩哈哈哈嘩哈哈哈哈哎嘩嘩嘩嘩嘩嘩嘩!!!! 間房執得一半己經打錨返隻 CD 出黎喇, 哈哈哈哈哈哈哈哈哈, 還魂喇,還魂喇, 哈哈哈哈哈哈哈哈 (得我笑多一陣又再「吮」多隻 CD 幾啖先)……..哈哈哈哈哈哈….

  108. 恭喜懞怗回魂喎﹗喂喂﹐求救呀﹐你吮完塊懞怗麻煩幫幫手﹗
    你係豬腦王﹐快D教我點樣將D亂碼嘅中文電郵解碼?! 話說我用gmail﹐以traditional big 5咁send咗封電郵﹐對方用yahoo.ca嘅﹐又用番中文覆。之但係我開出黎就全部係符號﹐一check個encoding﹐見係set咗UTF-8.. 咁之後我想盡辦法不斷將堆字搞來搞去﹐encoding轉來轉去﹐又隊上個網頁html editor度玩來玩去(因為我以往通常都係靠咁樣decode到﹐通常D人用hotmail都係亂碼變咗日文﹐比我亂咁自己搞兩搞就都起碼睇到6﹑7成)
    但係今次呢封野好頑強﹗搞咗好耐﹐都係一隻字都睇唔到﹐激死我喇﹗
    豬腦王救我呀﹗﹗

    咦係喎﹐今晚會唔會撞到你呀?

  109. 笑兄, 唔好意思, 趕住出街, 今晚番黎再睇睇你個死症喇。 今晚約咗一大班友大食會。 喫完試下標落去喇。 如果趕唔切, 就去六日四號個個喇..要走喇, 拜…….

  110. 呀~~ 終於比我破解咗個達文西密碼﹐唔洗勞煩豬腦神醫你喇﹗搞咗我成粒幾鐘..又big 5又GB又utf-8.. 頭都暈﹗
    剛啱先從downtown番上黎﹐今年個遊行同燭光晚會都少人過上年好多呀﹗你卒之都冇黎到呢?
    哎.. 歲月係咁流過﹐都好難要求大家嘅心都仲同18年前一樣咁火熱嘅… 每次見到班民主有心人﹐竭斯底理咁嗌 “DEMORACY IN CHINA~~"﹐我都會百感交集﹗中國民主喎… 有時諗﹐呢堆人﹐係地球嘅一小角﹐為住呢一小個"理想"去花大輩子嘅氣力﹐其實咁又點呢..? (我又轉咗入哲學mode喇今晚﹗)
    嘩不過今晚downtown真係多人到爆咗囉﹐係超超超擠塞﹐因為個ROM咪有個新館開咗嘅?! 嘩.. 封哂路咁﹐D老外又堆住哂… 頭先起bloor度穿來插去﹐加上今晚D天氣又熱咯喎﹐個feel係好似尖沙咀﹗突然有D思鄉添﹗
    今日大食會食得飽嘛?! 哈哈

  111. 係, 唔好意思, 本來今朝想坐定定先再模擬下笑兄個奇難雜症嘅, 點知兄台咁快手就破解咗個達文西亂碼喇, 真唔小嘢噃!

    唉, double double 咁唔好意思, 有位朋友請 BBQ ,喺佢個後園用佢執番 嚟再改装嘅三個 barbeque爐 燒野食 同佢做生日, 差唔多動物界之中我數得出嘅都有得义住嚟燒, 食到頂到上喉朧。但食完己經10點幾咯, 所以冇去到遊行之嗎。

    笑兄都有 Mark 盡喉嚨叫: “Democracy in China" 吖? 有冇叫大聲 d 叫埋我嗰份呀? 等我4號嗰晚又 扯恆咁 哎埋你嗰份啦, OK? 其實哲一陣學都無防吖, 因為有時乜嘢李子仲同真人兩條友講 d 嘢雖然好惡聽又頂眼頂鼻, 但又真係唔係B.S.得晒架。 因為我哋咁叫法真係可能叫到下一代 d 細路, 大陸班共產黨都當我哋班人唱歌架咋, 一於我行我素, 佢哋而家又財雄勢大, 真係啋我哋都儍呀。都係要諗諗第二條橋先惦架咋…哦, 係呀, ROM 嗰個乜嘢 ROM Crystal 吖嗎? 有冇順便走過去兩眼咁呀? 聽人講個樣子衰評如潮咁噃, 吓哇?

    Ha, 本來又想去駁吓個乜嘢夢熊架喇, 不過10成9又係個乜鬼李子仲抄人地d哪上去 嚟喇, 所以都係慳番啖氣好過喇!

    講起一聽衆…..哎呀, 對眼又 mark 唔大嘞; 聽日或後日再上過嚟喇。祝笑兄棄暗投明脫苦海後新崗位大展鴻圖, 做得俾以前更開心啦!!

  112. 喂喂﹐求丙兄﹐乜六月四號正日都有野搞咩?? really? 我以為淨係民運會起星期六搞果個咋喎﹗你話去呢個﹐係咩單位搞架?

    哈哈﹐果舊ROM水晶呀﹐叫做經過時望咗兩眼咁啦﹐一舊奇型怪狀嘅建築﹐外面有好多彩光起度射來射去咁囉﹗你叫我去排咁耐隊又逼又推咁為咗去一睹其風采﹐我就一定唔會喇﹗

    我而家起度聽繄家豪今日做果個六四特輯archive.. 好sad呀﹗(聲聲嘆)

  113. 哎呀, 你咪再睇埋咁多呢 d archive 喇, 已經俾份工攪到個人暈跎跎咯, 重重溫又重溫呢 d 片段, 攪到個人 sad 哂咁又有乜謂呢。 好似我上次去6/4遊行時捐咗廿蚊比d攪手 (以我咁鬼沽寒, 算做好大手筆架喇) , 又攞埋隻「天安門母親」隻CD番 嚟, 但到今日都末睇完, 因為真係頂唔順架, 呢d屠殺場面, 唔係 reality TV 呀, 自己人俾軍隊無情情開機槍亂啡又坦克車碌過, 男人老狗攪到標晒眼淚, 唔惦, 你估亞牛咩, 郁吓就喊! 一聽衆 d 女人就有特權喊咋, 麻甩佬梗要死頂架嘛! 我其實重衰多幾錢重, 就算整死隻捐咗入我屋嘅蟻都係咁想像佢死時會幾痛苦, 死咗或重傷後同伴又會「單拖」揹佢番屋企…唉…真係咪再諗喇, 唔係真係變埋亞牛都似!

    呀, 死喇, 俾屋企人打斷咗思路,唔記得寫到邊添…吖, 係喇, 真係其實有另類意見幾好, 冇真人, 馬力, Vicky Wong 等人, 又邊會有人俾我哋鬧呢吓? 講 嚟講去, 寫 嚟寫去「平反六四」, 寫得多都冇乜人再理喇。 鬧吓佢班人, 個個都醒神d架! 講開又講, 港燦就梗係真人啦, 但呢個乜鬼老華橋, 又係唔知邊位嚟嘅呢?

    呀, 禽日喺太古見到個$30個唔知乜嘢「水晶手寫板」, 寫完佢重讀埋個音出嚟添, 不過估字就估得好差喇, 所以都係用番自己呢塊好d嘞。 不過禽日招呼個香港過嚟幾日個親戚, 佢話佢都唔用手寫板同倉頡, 改用速成法。 嘿, 有時間又試試乜嘢速成法, 睇睇易唔易先。

    講起講起一聽衆…..哎呀, 又要去個客道同番工喇, 過兩日再嗡過啦。

  114. Oh my gawd!!! I got it. This 癲雞乸 “老華橋" could be May!!! Oh my gawd, Oh MY GAWD!!!

  115. 哈哈哈哈﹗﹗﹗正是他(她)﹗﹗﹗
    嘩﹐阿真人係咁亂槍掃啡我倆喎﹗﹗救命﹐我左背中流彈﹗

  116. 哈哈!

    冇有怕, 塑膠子彈嚟架啫。 又整咗篇嘢去喇, 等 d 畜牲妖孽無所遁形!

    哈哈哈哈哈哈!

  117. 嘩﹐比D塑膠子彈傷完個背﹐剛啱先養完傷﹐沖埋個靚涼﹐悉逢聽日係「地柯乎」﹐心情特別靚﹐又係時候走上黎巡視一下業務﹗咦﹐今日個兩周年特輯好似好旺場咁噃﹗等我轉頭又過去恭喜下先﹗嘩你果段咩生日歌clip黎架﹐驚嚇度仲勁過電台去年隻賀年歌….
    真係光陰似箭喇﹗一本政經又聽咗兩年﹐同求丙你起網上萍水相逢吹水都差幾乎大半年喇噃﹗呵呵。

    喂講番你前兩日提話試用速成法﹐都係good idea黎呀﹗話說我自己用速成都用咗成年幾﹐後尾先轉用倉頡架。速成係易學好多﹐因為淨係頭尾兩個碼就搞掂﹗用速成黎練熟D倉頡碼先都好。不過如果用速成﹐我個人都係提倡用南極星﹗因為D字會容易揾D﹐用親windows果個速成輸入我都要逐隻字揾餐飽﹗

    好喇﹐等我慳番D口水﹐走過隔離又巡下場先﹗

  118. 咦過去巡完場留埋個言﹐見阿港燦又撩你喎﹐自以為發掘你身份喎﹗你係今晚call上去嘅老黎咩? 點解港燦會有咁嘅念頭呢? 哈哈。密西沙加..?! 唓﹐你一早都講過話住萬錦架啦﹐港燦起度懶醒。

  119. 唉..唏…舒服哂~~~! 今日砌完部 Vista 豬腦又去完個客道攪惦咗兩三個死症, 咁又啱啱喺我個佈置得幾 cozy 個廁所一條龍服務完畢後, 坐底留番一兩個言先…

    今次趁住未被睡魔纏擾, 就喺一聽眾背後又講吓佢壞話先 (似八公嗎? 哈哈)! 今次佢不辭…呀, 唔係, 係一辭而別, 可能係俾呢個神經痴線變態下流人渣到出汁嘅真人/港燦攪到姖頂唔順, 所以先 「F袖而去」啫! 如果唔係, 就一定俾我 d 咖啡同 donuts 嚇走喇! 哎呀, 笑兄, 梗係唔係約佢出嚟啦, 我想去開d客嗰道時經過第一台就留低盒嘢俾姖呀, 兄台你呀, cytodex呀, 等等啫。 一人一盒又點話吖, 冇計嘅! 嘿, 完來 Woodie 都鐘意睇一聽眾d 嘢個噃, 吓, 嘿! 咁多 fan屎, 希望姖早 d 番嚟啦, 吓? 不個俾著我係個咁一本正經嘅女人, 都可能頂唔順真人呢d 流氓, 冇鞋挽屐走都似!

    講開呢個妖孳, 我又 compiled 咗佢個 profile 喇, 等兄台過一過目啦:

    年齡: 57 – 62
    學歴: 中國語文系, 大有可能係廣州一帶大學畢業
    香港工作: 教中學中文
    現時工作: 極道基層, 未必要批菜, 但地位亦同批菜冇乜大分別(哪, 聲明呀, 唔係睇唔起d 批菜嘅同志, 但只係睇唔起d一路批菜一路伊起一邊咀黎擔著支煙嗰班咋!)
    收入: 可想而知
    居住: 租人房, 有小小可能租老外間房添, 所以咁憎d老外
    心理狀況: 變態過「保羅怕難度」, 同林過雲有得坎, 落雨千祈唔好揰到佢, 拍疆屍片揾佢拍肯定慳番化裝…

    唉, 密西沙加? 有可能呢個無賴唔係懶醒都似, 因為住呢個埠d 人多數朝早向東揸車喺多倫多返工, 下午返歸就向西行, 咁咪即係咒我「歸西」囉! 再睇埋下面乜嘢取西經, 就肯定咗亂嗡先話我係個乜嘢黎生囉!呢條友, 無惡不作, 真係求其一樣宗教係靈驗嘅話呢, 佢第日瓜咗之後就肯定苦過DD喇! 總之喇, 以經話過要忍忍忍忍忍忍忍忍忍忍忍忍, 千祈唔好底唔住頸去搭咀, 咁久而久之當佢透明嘅, 佢就會自己冇 癮就 dup 低條尾走頭架啦。

    咦, 啱啱唔識寫個「咒」字, 走過去第二個 thread 想抄你個字時, 先見到你喺 穎州的孩子 嘅晚會道見到中華民族其中最醜陋嘅一幕戲, 主持係咁, 觀眾又係咁, 真係唔怪得全世所都試過排華喇, 唉…真羞家!! 好在我冇去啫, 如果唔係真係頂唔順走出去面斥班攪手都似! 因為佢哋唔單止冇去控制場面, 重以身作則, 真係底俾人 X 嘅!

    哈哈哈, 個生日歌 clip 唔過癮咩, 吓? 龍蛇混雜, 都冇乜人開口但又會支歌仔唱得咁大聲嘅呢, 嘿!

    哦, 南極星嗰個速成法吓嗎, 收到! 有時間就舞吓佢啦。

    係喎, 啊, 一本政經原來斬(眨)吓眼又聽咗兩年架哪? 同笑兄唔相唔識又會吹咗咁多水哦可!! 好彩你唔係女仔, 如果唔係真係可能約咗出去添仔飲吓咖啡喫吓donuts 都似, 哈哈哈!

    忍忍忍忍…忍忍忍….忍忍忍忍忍忍忍忍忍忍忍忍……..

  120. 呀~~ 而家又一邊嘆住啡﹐一邊起個工作桌上閒坐… 今朝比較閒﹐頭先又去完隔離版再講"穎州的孩子"一泄心頭之憤﹐嘿﹗

    哈哈﹗我都有學你咁嘗試推斷阿真人個居住環境﹗我又係見佢之前留咗個post話咩深夜比隔離房個印度婆大力呯門嘈醒咗吖嘛﹐我都有留意呀﹐哈哈﹗(同你一樣咁八﹗) 我都諗唔通佢係租果D大陸人最興嘅士嘉堡分間屋?!
    都不能排除佢係真係批菜嘅﹐哈哈﹐因為有D咩工係可以容許佢每日一路不間斷咁聽住收音機? (但最吊詭嘅係佢可以果頭聽完﹐果頭即刻上網post喎﹗) 所以我都有幾個猜測 (當係你個profile D amendment啦﹗)﹔1 – 佢可能係work at home (起屋企批菜﹐隔離有部電腦)? 2- 佢可能係起食肆工作 (長開住收音機果D?) ﹐3 – 亦有可能係退休人士﹐或稱「無業」。
    你話佢好低文化生活水平﹐又好難講﹐因為佢至少好熟悉上網D野﹐打得一手快中文﹐證明都係豬腦熟手玩家﹐加上佢成日提及話睇 “無線電視新聞" — 唔知佢係屋頂裝咗大碌天線﹐定係經常上網睇喇.. either way﹐佢起阿叔當中都算走得幾"前" – if you know what i mean! 哈﹗

    不過講番你最愛嘅網友"姖"﹐其實我上星期都想八比你聽﹐但我怕你抵受唔住打擊﹐所以忍住… 話說我自己從一些另類途徑嘗試查探佢嘅真身.. 發現咗… 雖然唔肯定﹐但多數…你心目中嘅"姖"﹐好似真係一個"佢"黎…!! 你千祈唔好休克住..哈哈哈。我都唔sure﹐不過9成都係喇… 我都有D意外..
    又係時候唱黃耀明嘅 “忘記她是他"… (用明哥腔): “是他…是她是他是她給我滿足快樂…"

    至於你講到我最衰唔係女兒身咯喎…. 呵呵… (左扭右扭.. 作害羞狀) 我… 其實由始至終都冇講過…自己係…定唔係….. 我… 一路都係你地自己猜測… 你又知我… 話唔定其實我…. (掩面奔走﹐消失於鏡頭前)
    (呢個時候﹐背境音樂響起 “梁祝")

    哈哈哈哈哈!!!!! 求丙而家係咪天旋地轉﹐都唔知乜打乜﹐開始感覺好混亂?! 哈哈哈

    嘩食晏喇﹐晏D再講﹗呵呵。等你D donut咖啡呀﹗

  121. 喂喂咦﹗轉個頭番黎﹐見到阿真人起隔離版留咗個英文言喎﹗喂﹐佢D英文都Ok喎睇黎﹗會唔會我地估計錯誤?

  122. 呀!!!! 救命呀!! 人妖呀! 人妖呀!! 人妖呀!!!!!!!!!!!!!!!!!!!!!

  123. 點點﹐洗唔洗call白車?!?
    (大叫) 人來啊!!!

  124. 唉, 笑兄, 俾你嚇到昏迷咗24小時之後, 啱啱先至俾人潑凍水落塊面再come咗三巴掌先醒番….唔好咁剌激在下吖嗎, 人嚇人嚇死人架, 唏!

    今個禮拜又唔知做乜檔生意做到唔停手冇停口, 咁睇 嚟可能要後晚先至可以上 嚟再揾塊小蒙恬閗番版嘢俾兄台喇。

    吖, 話時話, 我 missed 咗個晚會, 邊道有 穎州的孩子 可以重温呢? 嘿, 但呢個 「fing 周的孩子」真人/港燦 真係又四圍亂啡, 廢苦兄都難逃一劫噃…

  125. 嘩﹐好在你終於有反應﹐幾係怕驚嚇太大﹐一個唔覺意你一睡不醒﹐變成植物人.. 咁兩個月後阿一姖..i mean..佢.. (咳咳) 番黎嘅時候要揾你﹐指明要有"學問與深道"嘅求丙兄寫出有"intellectual depth"嘅comment﹐我唔知點交代啊!!!

    嘩哈哈哈哈哈哈哈哈﹐你個"fing周的孩子"..差D搞到我又噴咗啖咖啡出黎!!!!!!!!!!!!!! 太貼切喇實在!! 嘩哈哈…
    喂﹐睇黎佢又唔係真係時刻啡架喎﹐佢間唔中又會收下火﹐佢對阿廢苦都算溫和.. 佢而家擺明同你"此仇不共戴天"咁喎﹐下下都自以為揭咗你個身份 (“姓黎住密市聽唔到770果個").. 呢個阿叔都真係幾funny.. 真係唔知佢係咩來頭呢?!

    好﹐等你同塊小蒙怗復合先再講啦!
    呀﹐不過你話要睇番原裝穎州的孩子..真係唔知會否有得賣..? 你可以密切留意住太古間"翻版天地"第一期同第二期﹐睇下會唔會有貨啦﹗

  126. 哎…睇嚟今晚又要甩底喇, 朝早返完工又隨即塞完成日車去咗湊三個客(一個重係冇雷公咁遠嘅 Brampton 添), 而家攰到灘灘腰, 咁聽日先再上過嚟亂嗡啦!

  127. 唉呀, 真係樣衰囉今次! 今朝鬥鬥吓呢版嘢嗰陣, 點知手痕痕走去又試吓下載呀 談嫁期 介紹嗰個 itunes browser, 叫 Safari。 點知好衰唔衰, 入面個 Add Favorite 個 function 唔單止唔 work, 重 hang 埋我部機。 等我 save 到一半嗰篇大作化為烏有!! 嘿, 真激氣, 咁咪嬲起上 嚟鬥番版雞腸之後先食完晏再慢慢鬥過一篇出 嚟囉。 哈哈哈, 其實真人講得冇錯呀, 如果走上去華諮處揾工, 被問話, 『識唔識打中文呀, 吓?』 我就話, 『哦, 惦! 點會唔惦啫!』 原後就喺個袋唵塊小蒙恬出嚟, 咁就真係笑大人個口囉….咦, 不過咁又係一個唔錯嘅玩意 嚟噃, 吓?! 下次經過華諮處試試嗰道個亞伯 d 反應都好噃, 哈哈哈!

    嘿, 呢個同在下「此仇不共戴天」嘅真人又話唔玩囉, 真唔知係真唔係? 不過你又講得一d冇錯喎, 佢最近好似下咗d火, 亂啡都冇咁火爆囉喎。 佢又可能喺屋企批批吓菜時大徹大悟, 想改過自身都唔定喎。 重有呀, 佢話第一台個個禮拜訪問陳國治, 我其實本來都有d 咁諗架, 不過諗諗吓, 唉, 呢個茂李都係俾老麥利用啫, 既然米己成炊囉, 就無謂再難為佢啦, 等佢多幾個月十幾萬人工, 先再投票將佢哋全班人馬烹走啦, 嘿! 你話佢d雞腸都 OK? 唏, 簡直….喂, 話時話, 啱啱我睇到兄台篇雞腸, 你就真係好靚仔(靚女?) 噃, 功力深厚, 十足十莎士比亞咁噃, 又滾我話d雞腸唔惦, 唏!!! 好喇, 得閒笑兄又寫吓雞腸, 等港燦鬧我同 Cytodex 用雞腸都有你一齊陪喇, 哈哈哈!!

    吖, Cytodex 唔知係咪喺藥廠道做或者做 Pharmacist 嘅呢? 因為佢對人體 physiology 同 DNA 等都好熟, 而旦 cytodex 又好似係個藥或藥廠名 嚟個噃。

    哈哈哈哈哈哈哈, 強奸犯 個屁(?)寓好好呀吓?! 朝頭早瞓醒我個人肉豬腦又幾有想像力嘅, 哈哈哈! 嗨, 不過千祈唔好又俾真人揸住 嚟借題發揮, 又寫 d 又暴力又三級嘅嘢就得喇。

    唔, 一陣攪完 d 稅就走去第一版再寫寫肥彭先。

    呀, 爭d唔記得: 老豆節快樂喇, 哈哈哈!

    P.S: 希望暗報今次大步檻過啦, 做乜 將來晚報 咁大整古呀, 唏!!!!

  128. 哈哈哈哈﹐老豆節快樂﹐大家咁話呀﹐有冇又去邊度食飯咁呀?
    嘿﹐講起將來晚報呢單野﹐真係就算撇開小人D利益關係黎講﹐我都真係幾不齒佢咁既做法﹗(其實基本上﹐將來入面除左係D中高層同高層同要拉廣告果班人好沾沾自喜﹐大為振奮之外﹐其餘果D小薯低層(即係我曾一度擔當過之角色)都好睇唔起佢地咁做﹐好cheap囉。你份野形象已經唔係好架啦﹐仲要搞咁多野﹐一副二奶格﹗尋日見到佢賣左全版新聞就係寫星期五個一本政經﹐係人睇到都打左個突﹗玩到咁盡?

    哈哈﹐我都有聽電台佢地講果個SAFARI喎﹐係咪真係咁正呢? 我本人就冇乜試新野即好奇心既﹐哈哈哈﹗都係等求丙你呢D勇字當前既白老鼠玩完之後再報告番黎聽下﹗哈。
    唏﹐咪聽個真人講啦﹐華咨處D人點識打中文丫﹐咪話我話﹗哈﹐我而家公司呢度都係大把人都係見完工入黎先學打字架﹐哈哈﹗
    係喎﹐個cytodex我都有諗過佢係唔係做D醫藥定電子定科學野﹐哈哈﹐唔通我幫襯開﹐起太古隔離街口間藥房睇檔果個竹星藥劑師就係佢? 哈哈哈﹗
    唏﹐雞腸呢D野﹐都係有需要時先拎出黎硬充下場面既唶﹐要起度混飯吃﹐除非真係做批菜﹐唔係點都要識舞番兩嘴既﹐等D鬼佬唔敢岐視我丫嘛﹗不過我打左一次英文tum下阿藥劑師高興之後﹐始終都係覺得打中文個FEEL爽d唧﹗哈哈。唏﹐都係唔寫咁多雞腸喇﹐唔係我怕我整下整下又好似你個"姖"咁變左中英對照﹐跟住你又會猜想我係40-50歲300度近視既更年期失婚婦人喇﹗﹗哈哈哈哈哈哈

    呀~~ 出面咁好陽光﹐出去抖抖氣先﹐晏D再聊﹗

  129. 一妻子 = 一聽眾 = 更年期失婚婦人 = 男人 ?

  130. 嘩哈哈哈哈哈哈我地"心有靈X"呀﹐我剛才一見到隔離突然無啦啦有個’一妻子‘出現﹐都即刻諗住走過黎同你講﹐哈哈哈哈﹐點知你咁快手﹐我一沖完個涼番黎就已經見到你巡咗場﹐呵呵﹗﹗
    唏﹐我反而又唔係諗係同一個人﹐以我認為…. 一妻子應該係一聽眾嘅老婆﹗﹗﹗﹗﹗﹗﹗﹗﹗﹗﹗﹗﹗﹗
    哈哈哈哈哈哈哈﹗﹗﹗﹗
    應該真係’姖‘冇錯喇啩﹗﹗老公有事上唔到黎吹水﹐老婆代言﹗唔知估得啱唔啱?!? 又係天主教徒喎﹗

  131. 哈哈哈!! 本來又想講「咖啡冬甩?」架喇; 不過諗諗吓, 連一聽眾老婆(?)都嚇走埋就敝家伙喇, 哈哈。

    呀! 又要趕去客道撲單超大火喇 (Ser化 爆大鑊!!!), 番嚟再寫過啦….

  132. 唏﹐笑騎騎八婆獨家小道消息報道: 睇黎個’姖‘應該10成9真係’佢‘嘅老婆代筆喇 (就算唔係老婆﹐都肯定係屋企人)﹐咁即係而家真係’忘記他是她‘呀﹗咁好可能你都冇估錯﹐話唔定之前果D都一直真係由一個’姖‘代筆﹐所以咁有’女人味‘﹗哈哈哈﹐咦﹐如果係咁﹐咁即係求丙你嘅偵探能力都真係有D料到喎﹗﹗(講下講下﹐愈覺得’佢/姖‘似姥姥呀﹗﹗一把口﹐可以同時出男人聲同女人聲…都咪話唔驚﹐哈哈﹗)

  133. 哈哈哈哈! 又要趕去客道, tooulk to yew lata 喇.

  134. 嘩!! 禽日泊咗架車喺「媽Ket」, 喺郵局/滙豐嗰邊入去, 一入去就聽到個男人揸住個咪唱緊「情如天天天天天…」, 嘩!!!!! 失驚無神一開門就俾我對耳仔咁大嘅激, 攪到我全身分佈得好唔「雲秦」嘅每一條毛毛都好似搽咗偉哥神油咁, 一柱擎天!! 原來唔知媽Ket禽日有乜嘢「身瘦歌星大賽」, 有個肥仔企咗喺台道, 個「天」扯極都扯唔到高八道, 爭d攪到我當場暴斃。 跟住另一個矮仔上台重刺激, 個頭重夠胆死笠頂有一渣五顏綠色嘅羽毛嘅帽 嚟唱。 我終於都頂唔順, 拿拿林行上加花紅道跳上架巴士去個客道攪機好過折磨自己對耳仔喇。

    不過講起媽Ket間郵局, 呢幾個禮拜第一台再冇送多倫多第一報去囉喎, 連美麗徑嗰間飯桶華d第一報都失踪埋, 係咪個司機吞撲定係第一台開始縮皮呢吓?

    呢兩個禮拜真係忙到日日早車去晚車返, 份牛工又係「鑊撈」(workload)嘅高峰期, 自己檔嘢又日日要撲去兩三個客道, 攪d乜嘢 wireless network backup drive, server remote access, 又要打去波士頓同d「踢十撲」(tech support) 一齊攪先攪得惦, 我死都要讀 “Z" (易錫) 佢d美國佬又死都讀「屍」, 唏! 真攰到有日經過Y都要喺佢個 parking lot 瞓番陣充夠電先至可以入去burn 番幾百個卡路里…吖, 係喎, 鬥完呢篇嘢又上去游番陣水同睇吓d靚女救生員先。

    Cytodex 係太古隔離街口間藥房個竹星藥劑師? 哈哈哈, 等我揾日入去大聲d不經意地嗡吓 “cytodex" 呀, 獨孤求丙呀, 睇吓佢有乜反應先, 哈哈哈!!

    哈哈, 一聽眾同一妻子真係兩公婆? 堅定流架? 哈哈哈哈, 乜兄台咁神通廣大, 連呢道d網友都逃唔過你對法眼, 哈哈哈。 唔通佢「哋」又喺文化界人仕? 乜報老總之類? 咁有來頭, 敢就真係失覺哂囉。 唔怪得中英文都咁有文有路, 又咁嚴肅啦。

    唉, 本來想去買番份將來晚報睇睇架喇, 不過咁底死, 都係杯葛吓呢份二奶報先, 走去買番我成日睇嘅Tetley報先, 哼!

    一諗起七月一號 嚟緊, 又係呢便國慶, 又係香港嘅區「興」, 真係百感交集, 真係學個肥仔咁唱番秋官首倚天主題曲(係高番八度個版本)…….情如天天天天天天天, 萬里廣闊, 仇如海, 百般洶涌, 要共對, 亦難, 分也不可, 愛恨填胸…..(唱到 “隆胸", 呀, 唔係, 係"填胸", 唔, 真要去Y喇, 哈哈)

  135. 嘩!! 咁都得?

  136. FYI:

    真人真事( 唔好幫人打電話 )

    話說星期一晚上係廣州近廣州大酒店(名唔知道係咪咁叫,有永安車番香港)同個老友同埋佢個客食完飯,由於落大雨咁就諗住去酒店截車,因為有遮蓋,咁行到近酒店旁一條小路口,見到有個大約40歲香港男人,係大雨下訓騎樓底,咁我地見佢著衫應該係香港人,咪行埋去睇下,原來暈左,拍醒佢,佢就住個間酒店,咁就叫酒店保安扶佢返酒店。原來佢先前避雨,有條大陸仔行埋去,拎部 “6150″ 出來話唔識用,不過又要緊急打電話,叫佢幫佢打,佢一掂部電話個大陸仔一按制,佢就訓低,比人槍哂D 野!最後酒店報警,我地走頭!問返 D 老廣州,呢隻電槍,三舊水就買到,有 9成似 6150!小心!小心!

    各位,我 … 都遇過類似情況 ….

    兩個月前,我在荃灣大河道 " 吉野家 " 樓下等人,突然有條大陸仔走過來,拿部 “NOKIA6150″出來,話唔識開著部電話,叫我幫佢,我覺得好有可疑,無理佢,仲同佢講:「搵食行遠D啦!」跟住佢就行開了,我想吊住佢尾睇佢有無問第二個,想知佢究竟想點樣騙人,點知條友一過完條馬路就影都唔見,好肯定係身有屎,而家諗起都一額汗?

    PS: 記得提醒你身邊的人,叫佢地小心!

  137. 死人喇死人喇..!!! 求丙你點睇場架?! 你進駐果條摩寧西街搞出人命﹐鬧得沸沸揚揚喎! 雖然北你少少﹐係夾糞字路﹐但都屬於你嘅區域﹐呵!!
    嘩﹐你果條youtube link好堅喎!!!! 係唔係路呀﹐果個無臂女人!?! 令到我好慚愧呀﹐睇完後突顯咗自己嘅無能 — 搞到我雖然有手有腳﹐但好似乜x野都唔識做咁喎!! 煎隻蛋都冇佢咁靚呀陰公﹗

    同埋你果段嚇人大陸‘迷暈黨’.. 嘩﹐乜真係咁猖狂.. 話時話﹐我都成日起香港銅鑼灣三越一帶遇過D大姐大嬸起街度捉住人D衫問野﹐試過有個大姐走過黎唔知想問我件衫D乜野﹐我即刻扮聽覺有問題急急腳閃咗﹗

    嘩嘩﹐今日唔能吹太多住﹐今朝落完單攤搞咗成朝﹐番到上黎公司乜野都未開始做﹐而家要開工先﹐嘩﹐D咁嘅天氣﹐來回單攤一程已經足夠將我生蒸﹗
    lata!

  138. 番來喇﹐番來喇﹗嘩呢幾日真係"走走笛笛"趕到嘔﹐日日揸車趕來趕去腳都疲﹗同求丙兄你嘅忙碌度分分鐘有得揮呀﹗
    跟住又抵死喎﹐屋企條電話線無啦啦死鬼咗﹐早兩日番到屋企又上唔到網﹐留唔到言又聽唔番D節目archive﹐完全同大家脫哂節呀﹗連"阿一"兩公婆有冇浦頭我都冇keep track添﹐不過頭先霎眼睇﹐又見佢地好似潛咗水咯喎﹗
    哈…而家先慢慢catch up番下先﹗

    嘩咁又過咗一個星期﹐好似已經發生咗好多事咁喎﹐連yumiko都終於冇人講喇嘿﹐證明現今城市人D attention span真係過眼雲煙﹐"新聞新聞"﹐晏多一日已經冇人再理你。

    哎﹐最罄係尋晚電視新聞煲到大一大話有"severe thunderstorm"﹐搞到我走到裙拉褲甩咁趕番屋企諗住避風雨啦﹐仲泊到架車起drive way度靚一靚﹐準備等D暴風雨洗滌上面果兩篤雀屎…. 呀頂﹐今朝起身出去一check﹐一滴水都冇落過﹐兩篤強而有力嘅雀屎依然健在﹗嬲到我吖﹗哼﹗

    喂講番你之前post果段youtube.. 哈哈﹐唔記得問﹐段野係咩年代架?!?!? 咁70-80年代feel嘅?仲有背後個旁述把聲係超old school﹐勁煩﹐哈哈哈。

    加埋比你首"情如天天天天天…"挑起咗我D懷舊feel﹐尋晚無啦啦又拎番隻黃霑顧嘉煇演唱會出黎聽。
    好呀呀呀呀﹐番埋聽日工﹐有得放long weekend﹐真幸福﹐聽晚應該仲會去趁下熱鬧﹐睇下鄭秀文添 (唔洗錢﹐唔好嘥嘛﹐殺﹗)﹐不過佢而家D歌我都真係一首都未聽過﹐最叻都仲係識得N年前果首"我捨不得你~~ yeah yeah..".

    long weekend求丙你唔洗開工喇下嘛﹐D客同D"屍屍聲"嘅美國佬都放哂假﹐冇人理你啦下話?! 去邊度玩下咁呀﹗預祝你加拿大日快樂﹑香港10年回歸快樂﹐嘿嘿﹗

  139. 哎呀, 禽日又去媽Ket, 喺豐個櫃員機道入緊個客張票時, 見到個亞伯亞嫵入嚟, 話:『點解部部機都得「應門」架…』 蝦! 真有個衝動用我唔咸唔淡嘅台「傘」話話:「亞伯亞嫵, 兩部"寄"都有"種門"架哇, 插張咔入去就"E-Toi"架啦。」唉, 真枉我為「台傘銀」, 連鄉下話都唔多惦, 真係吖。 不過講開台山, 上次坐巴上去都依道廹谷近 Dufferin 道, 有成班廿零至三十零歲嘅女仔上巴士, 個個口操流利台山話, 一定係台山過咗嚟冇耐, 係工廠做緊女工架喇。

    哈哈哈, 你個 youtube 又真笑到我七個一皮啫, 乜個胡錦濤咁大整古呀, 同個三四級楝係道歡迎佢個官員問長問短, 重講個咁深個 term「設計」出嚟, 如果我唔係睇第二個版本係有字幕嘅都真係好似位何小姐咁一舊雲, 唔知胡錦濤嗡乜呀!! 呀, 我都唔知我版 youtube 嗰個冇臂高人係邊個時代個喎。 但可以想像得到, 冇咗一隻手指都已經好唔方便喇, 唔好話兩隻手都一出世就冇咗啦, 唉! 不過本來用三分鐘睇你個 clip, 又手痕痕哺咗係 youtube 道睇咗 d 相關嘅同 d 冇啦更 嘅江澤民閙香港記者呀, 中國潛艇跟踪美國航空母艦呀之類,又幾好睇喎, 吓。 話時話喇, 下面呢版「刃民出金手指」都幾好笑架:

    哎, 呢個 severe thunderstorm 真係呃秤呃都暈, 我望住上面諗住會落番幾滴雨同我滋潤吓我前面同後面dart草地架啦, 點知等呀等呀等呀等等等…等到頸都長埋, 草都黃鬼晒囉, 亦係一滴都冇落到, 睇睇聽朝去 Brampton 個客道收埋條尾數之前都要跳番個求雨舞先喇喂, 唏!

    喂, 有冇 Yumiko 單嘢個 clip 呀。 我都八唔到番嚟睇, 唔知係咪 youtube 又攞走咗呢?

    吓, 兄台係咪要四圍走笛去隊個咪係d人塊面嗰亭吖, 定係喺出面人地一路嗡你就揾本簿仔抄呀抄呀嗰個呀?

    唔, 係呀, d迷暈黨之類嘅嘢, 總之喺香港大陸有人喺街行埋身嘅話呢, 就扎定馬都冇乜死架啦, 邊有咁大隻甲乸(蛤蟆)隨街跳吖, 唏?!

    又講起我份牛工條街, 真係唔怕生壞命, 最怕改錯名, 叫做 Morningside -「冇X哂」! 公司前後左右都差唔多日日有事發生嘅, 唔係滅門就係個亞媽檻住個仔女跳落去 Forgo One (401), 抑係就有人開槍亂啡, 真係喺道「睇場」重牙煙過乜呀, 笑兄! 總之有一日你話:「蝦, 點解求丙成兩三個月連雞腸都冇隻字寫過上 嚟呢吓?」 咁就肯定我係俾流彈命中, 喺上面俾老頂大審判啡緊, 或者排緊隊投緊胎做番隻狗呀, 隻豬呀之類架喇。

    本來一向個個 long weekend 都身痕, 全家唔係去 Quebec City 就係去 Chicago 之類玩架喇, 但呢一兩年嚟又少咗好多囉。 但今年聖誕可能又揸架車落德州 Houston 探親戚喇。 兄台 long weekend 又去咗邊度玩下咁呀, 好似見你 post 咗幾嘢出嚟, 喺屋企做吓嚟咁吖?

    咦, 之華華又 join 埋一本政經?姖咁正經嘅人, 人生閱歷又咁豐富, 一定會有d火花架喇。 但唔知有冇家豪同木然咁可以侯正人地死穴咁出招篤落去哩吓? 太施文又抓唔到d人d hidden agenda 同d衰嘢出嚟個噃! 你話呢吓?

    P.S. 一聽衆繼一妻子之後又有一篇唔知叫一乜乜囉喎。 佢d別號d花樣就嚟同真人有得揮咯!

  140. See, 求雨舞 really works!!! 哈哈哈!

  141. 嘩哈哈!!! 求丙兄﹐等我代我架車上面果兩篤雀屎多謝你嘅求雨舞!! 乜真係咁鬼"靈"嘅?! 唔通你果隻求雨舞係剝光豬跳嘅?! 哈哈哈哈哈哈.. 要你犧牲色相﹐辛苦哂喔!

    嘿﹐今日天天陰陰﹐難得可以留起office靜靜嘆杯咖啡食個lunch﹐唔洗四圍"ton"﹐真係好!
    你話我平時係隊支咪去人個口度定係揾簿仔抄呀抄﹐其實呢D係個人喜好黎啫﹐不過通常要搏老命’隊‘到支咪埋人地棚牙度果D﹐都多數係電台/電視﹐需要現場錄音果D先會咁做。我地呢D番去堆砌砌﹐寫下寫下咁果D﹐其實揾支筆仔撩兩句note屎都已經夠。加上通常D老外野十成九都有即場發放官方新聞稿架嘛﹐所以基本上都唔洗點煩﹐呵呵。除非係D好大粒D重要人物﹐又或者要做D咩人物專訪果D﹐咁就會出動錄音囉﹐因為要有direct quote吖嘛﹐手寫寫唔切。

    咦乜原你兄台你係台傘銀黎呀 ? 哈哈﹐咁你應該同班人頭稅苦主好有共鳴先係喎!
    我囉喎﹐就當然係成日怒髮衝冠嘅"朵趙撚"(潮洲人)﹐哈哈哈!! 我諗我D鄉下語言能力同求丙兄你不相伯仲喇﹐都係令家族蒙羞﹑阿媽行出街都唔想認我果隻啦!

    唏我今個long weekend乜鬼地方都冇去! 我以往都係周身痕四處去架﹐但我諗近兩次實在因為比"過去同未來中間"楂乾楂盡﹐元氣大傷呀! (損害之深﹐睇黎都要需時3年去復原!) 所以剛過去呢個long weekend簡直係瞓到天昏地暗﹐閒閒地點幾兩點先起床度瀾起身…完全莫視他人嘅摧逼﹐都真係相當頹廢﹗哈哈。

    嘩求丙你唔好嚇我呀﹐你出沒"冇X哂"路時真係千祈﹑千祈﹑千祈﹐小心呀! 唔係喇﹐都係考慮買番件避彈衣打打底咯不如! 你仲要成日周街泊架車又轉巴士又行鬼咁遠﹐好危架! 到時起新聞版見到你個嘜頭見哂報 [caption: 在"冇X哂路"遇劫後被推落路坑的華裔男子扣平(kau-ping譯音)﹐向記者展視八月十五瘀痕。(暗報記者攝)]﹐咁你就英名盡喪喇!

    哈﹐之華華正式加盟咗幾日﹐個效果點呀? 我呢個星期都冇點聽過﹐開車D時間硬預唔啱! 不過佢又真係屬於"正氣"呀﹐加埋個教徒形象 (學個promo段國語: “周摩姣新煙… “)﹐唔知會唔會正經得滯呢?! 嘩不過搞下搞下﹐原來廣播界都真係幾多教徒喎…

    呀~~ 洗個飯後果食下先! 轉頭出黎如果附近冇人﹐先開你條youtube link黎睇﹐嘻嘻!

  142. 哎吖, 走寶喇! 今晚極品狐狸精喺香港嚟到敢瘦中華, 唔記得去睇吓添! 笑兄有冇去露吓面, 睇吓有冇機咁話吖, 吓?

    唔該哂, 我而家先知對傳播媒介真係冇乜認識, 不過咁走笛法, 真係成日都要揸車, 有冇整番架Echo呀, Smartcar 呀之類嘅環保車呀, 係就係危險小小, 不過又慳油易竄出竄入, 我都想整番架, 年中真係慳唔小架。

    嘩, 乜原來兄台係朵趙怒漢嚟架, 哈哈哈, 但又好似冇乜怒氣咁噃, 哈哈。 真人呢d就似d潮洲人多d喎, 吓哇, 嘿! 咦,講開d人頭稅苦主, 喂, 好似我以前個亞公(老豆squared)真係嚟過呢便個喎, 不過嬲尾唔知點解又番番去台山日日打下魚同揸住個龜殼尖吓卜算吓命咁囉。 蝦! 咁講法, 我真係又可能算係個苦主後代噃, 嘻嘻…不過我其實上一年都有打上第一台, 話反對苦主後人有錢嘅; 嘿, 睇嚟今次都係自斷財路喇, 哈哈。

    喂, 第一台個 TorontoFirstNet 真係出爐喇, 冇難到尾噃。 不過好似係簡體 嚟嘅, 繁體版唔知幾時先惦呢吓?

    嘩, 有冇咁誇呀?! 過去同未來中間會夾到兄台咁傷呀, 要用3年先復元? 不而拍番幾粒骨X完, 睇吓有冇幫助, 哈哈!!

    係呀, 廣播界真係好多教徒呀; 嘩, 一額汗!爭d係頭嗰幾版插咀, 俾教圍趙添, whew! 不過講開基督教, 真係有排嗔呀笑兄, 等過兩日再上過嚟投訴下老耶先喇。

  143. Oh, “民主鐘聲響起" 係May/Vincent !

  144. Oh no!!! 係李家豪專訪「末代港督」彭定康一版, 基督教(May/Vincent)大戰天主教(一聽衆)呀!! And it looks like May just bought a writing pad. Oh No!

  145. 嘩!!!!!!!!!!! 係喎!!!!!!! 原來激戰緊﹐掙D走漏眼﹐好彩你呢個八..i mean﹐報料熱心人提一提.. 嘩!!! 勁勁勁!!! 點解你又咁叻仔認得果個一定係May嘅??? 乜佢一用起中文上黎﹐成個人好似正常咗咁多﹐唔似之前D胡胡混混亂up廿四喎﹐而家好似頭頭是道﹐有point屎咁喎﹗嘩﹐對佢改觀添!
    仲有果個一好友… 嘩﹐整乜鬼呀一聽眾嘅‘天主幫’勢力咁大﹐咁容易又班到馬仔黎嘅?! 一係就出動老婆﹐一係就出友情牌﹐仲要個個D聲氣都同佢差唔多﹐同一個鼻孔出氣.. 嘩呢個一聽眾唔講得笑喎﹐係咪‘天主幫’入面D有頭有面嘅人物黎架?!
    不過佢而家呢個‘一好友’﹐好似唔係身處加拿大架噃﹐我估佢可能係阿一哥起香港D"弟兄姊妹"黎!

    嘿﹐我今晚又番夜班﹐剛啱又開住架車走笛咗成個下晝﹐而家又要坐定定開工喇﹐轉頭先再覆番個靚言!

    (喂BTW — 阿二奶妮去敢瘦中華係今晚﹐唔係尋晚喎!!!!!!! 如果你睇得切呢個message﹐都仲夠時間中去一睹佢嘅風采!!)

  146. 哈哈, 去咗啦, 去咗啦, 唔該哂提醒我; 不過其實我今日聽第一台都知攪錯咗架啦。 哈哈哈, 唔單止去, 重影埋段 video 上埋 youtube 添!

    不過姖真人好似靚過上鏡咁噃, 因為上鏡時好似講嘢時個咀唔係幾自然咁嘅。 由 9 9 年 24 歲選港姐至而家都己經 32 歲咯, 又經歴唔小嘅姖, 都算個樣保養得唔錯架喇!

    重有要讚吓靚爆鏡嘅葉子菁, 真係精力旺盛得好緊要, 直落幾個鐘都重咁好中氣, 冇得彈!!

  147. 嘩嘩嘩﹐估唔到黃.. i mean, 求丙兄你真係二奶妮咁DIE HARD嘅粉絲喎!!! 中去睇仲不突止﹐仲要用手機影埋放上youtube?!?!?! 真係好捧場喎你﹐嘿嘿!
    我地公司都有個攝記去咗影﹐聽講聽日會出‘眼泛淚光’果張喎﹐哈! 今次近距離見過佢嘅果D同事都話佢真人起明星黎講係真係算靚嘅。Well﹐我對佢又冇乜特別意見!
    不過多數D女明星都係真人靚過上嘅架﹐香港見親果D都係.. 印象深刻係幾年前有次起銅鑼灣見到梁詠琪﹐嘩﹐又真係幾眼前一亮喎﹐可能真人比上鏡有"立體感"D啩﹗哈哈
    嗯至於阿葉子﹐我個人感覺又覺得佢係個狀態(我指外表)好飄忽嘅人﹐有時見到佢個樣又覺得:嘩乜咁鬼靚!﹐有時見到又突然變番:咦乜都唔得嘅..?! 我諗同化妝都有D關係啩…

    by the way — 睇完你條youtube短片.. 嘻嘻﹐單係你個youtube戶口都已經透露咗兄台你身份嘅某些資料喇噃﹐哈哈哈哈哈… 乜連用戶年紀都公開埋…..
    同埋起你第一段clip嘅尾部﹐鏡頭背後有把陰濕男聲講完野起度笑﹐唔通就係楂機人求丙兄你?!? 身邊仲間唔屎好似錄到有女士嘅講野聲﹐哈哈哈

    Anyway.. 嘩﹐放完工搞下搞下又凌晨3點半.. 呢排D睡眠都偏遲添﹗今日又係揸車揸咗成個下晝﹐加埋都行咗九十幾km.. 想嘔.. 你講得冇錯﹐在下所揸嘅正正就係慳油小巧王﹐吃糕(echo)嘞! 泊位U-turn左閃右閃都輕易﹐最緊要係食油少… 求丙你都成日要左去右去架喎﹐你又揸咩慳油車呀?!
    呀呀呀呀﹐攰死.. 訓喇!!!!! 你有咩要投訴呀老耶呀﹐講黎聽下﹐話唔定我都有共鳴呢!

  148. 唉唉唉﹗﹗東區又出事喇﹐又有狂妄司機撞死人﹐仲係撞死華人添﹐個小朋友咁細個… 哎﹐近期D煽情local新聞都係最大呢單喇.. 聞者傷心﹗
    太多﹐實在太多狂妄駕駛者喇﹗﹗好可惡

  149. 哎呀, 哈哈啊哈啊, 都早知笑兄古惑架喇, 所以本想整過第二個 user name 先上載個 video clip 架喇, 但嗰晚攪到夜一夜, 都諗諗吓唔攪咁多喇, 所以先至露咗點 (I mean 我個名: 一重點) 啫! 不過年歲嘅嘢囉喎, 雖然中親坑都係咁上緊架啦, 但填d網站d個人資料, 都係大多數用粒骰仔嚟決定填乜數字嘅, 因為如果我收到d 垃吸郵件又會"知道"我個生日嘅呢, 一睇佢話我個歲數就知道係邊個 site 出賣咗我 d 個人資料架喇。不過我個 clip 又幾「撲漂娜」(popular) 喎, 幾日已經有成百五個人睇過喇, 下次又有正嘢都要記住拎埋個三腳架去影, 等個鏡頭冇郁得咁緊要先。

    唏, 有時一時衝動, 真係想同意有個女聽衆打上電台話超速駕駛要判死刑一樣, d人成日飲酒飲到暈陀陀重揸車而因此撞死d無辜辜行緊街嘅行人, 真係要判類似終身監禁先至有阻嚇作用嘅。 呢兩母女真死傷得陰公囉! 唉!!! 話時話喇, 呢單嘢係咪你跟架? 如果佢屋咗窮要做白金之類我可以夾小小架。 不過其實我禽晚其實出事前唔夠兩個鐘頭前係搭緊巴士啱啱經過嗰道架, 唉!

    大件事喇, 一路寫一路要應付個 Skype 個網友係道 chat 住問 lee 問 lo, 攪到寫唔夠幾行就夠鐘拉閘柵門上床見周公添。 真唔好意思, 聽日再上過嚟繼續吹埋d未了水啦。

  150. 真唔好意思, 禽晚早咗瞓, 所以今朝早d起身就上嚟寫番一兩版喇。

    一諗起單交通意外, 就真係要喺道投訴吓老耶喇。 如果有d咁慘嘅嘢發生嘅話呢, 週時就有人問d基督教徒, why me? Why her? Why him? 佢哋就一定搬出個 model answer 出嚟: 『唉, (萬能嘅)主自然有佢嘅安排架啦!』 但呢句嘢, 同 “I have absolutely no idea!" 有乜分別??? 我以前去過好多次教會, 有聽d牧師講嘢, 又有去d乜嘢小組討論同查經之類。 但有一次小組討論, 有一個女教友問我: 『哦, 亞X教友, 咁你唔嚟教會試吓聽又點知主唔係真嘅呢?』 咁我就話: 『咁嘅話其實點解我哋唔一齊去聽幾個月佛經同去幾個月回教寺聽聽道呢(即係 shop around 睇吓邊個神先至係真d吖嘛)?』 講完跟住嗰半分鐘內, 可能就係決定咗我以後會唔會個個禮拜要著套老西走上教堂喇, 因為呢位女教徒, 喺10秒內一言不發原後塊面由肉色變做紅色再突現紫色, 原後即刻用九秒九嘅速度衝出間房仔透大氣…以後呢, 可想然之我以後便隱姓埋名, 絕跡教堂喇。 之後喺香港時有一次同成班人坐喺殯儀舘入面憑緊吊嗰陣, 突然有個牧師入去講逝詞, 話:『你哋估吓地鐵係邊個做架? 錯喇, 咁復雜嘅工程, 係人做唔到的, 係神做出嚟架!』 唏! 真攞命!

    因為我讀天主教學校讀到三年班又去過基督教教堂咁多次, 聽吓又諗吓, 再諗吓又聽吓, 發覺好多嘢真係好唔 make sense 同埋與現實真係不附。 例如如果真係有外星人, 咁聖經d嘢就好有疑問喇, 但你睇吓呢個北京個 clip:

    重有成千上萬嘅 sightings 呢? 重有呀, 進化論佢哋又話冇咁嘅事, 但雖然有d動植物嘅"大步檻" (macro evolution) 係重未解釋得到, 但 micro evolution 就動物一生都可以睇到有進化或退化現像, 咁又點可以話 evolution 係完全荒謬呢? 不過呢d全部都可以話:「得架喇, 你信就惦架喇!」, 但最攞命嘅就係基督教話:「信者得救, 不信則落地獄!」 卽刻一個成世行善嘅人, 如果信嘅係佛教而唔係基督教或天主教呢, 就落梗地獄架喇! 咁同共產極權政府有乜分別 – 順我者生! 最頂唔順嘅, 就係佢哋抹黑佛教嚟抬高自己, 死話佛教係"崇拜偶像"! 我以前都俾佢滚咗, 以為又黃大仙又車公廟之類, 又真係崇拜偶像喎; 但前幾年去聽王亭之講佛聽咗半年, 知道根本原全都唔呢回事, 所以我屋企乜佛像都冇, 都可以跟d佛法祈吓福之類, 因為呢d嘢全部只係自己對外物嘅心色反應, 同乜佛像偶像完全冇關係。 重有, 佛法其實講生命只係因緣際遇, 即 random process 而發生, 亦係同 evolution 既原理一樣。

    唔好意思, 做咗 anti-Christ 發咗咁多勞騷, 今晚去完客道番轉頭再講番 d 勞騷-free 嘅嘢喇。

  151. 嗯, Reboot 番部豬腦喺中文 Windows, 可以又寫番一兩版先。

    其實我投訴老耶還投訴, 但亦好鼓勵 d 人去信基督教架。 所以除咗我呢個 odd ball 之所, 其他所有屋企人都個個禮拜日去教堂架。 因為所謂 The end justifies the means, 只要係結果係可以整到人向善嘅, 就我覺得基督教就簡單易接受好多喇。 好過佛學d 無神論理論, 真係深到常人(或冇緣人)好難明嘅。 乜嘢大圓滿, 離邊, 等等, 重有個乜嘢「疲勞七肢坐」, 即Q埋對腳好似Q埋對手咁嘅姿勢, 唔慣嘅就唔痛死都攰死喇!

    哦, 我重係揸緊我兩架愛車 —- 94 年嘅 V6 Camry 同 87 年嘅 CR-V。 我就o錫車o錫到好誇張, 唔單止唔俾人同我洗車, 連整車都唔信得過d 車房仔, 要自已捐落車底落手落腳自己整。 正因為我咁o錫車, 所以架 Camry 揸咗十三年都重新束束, 新嘅一樣。 成日心思思想好似笑兄咁買架「吃糕」嚟慳吓油好過, 但 keep 三架車d保險又會暴升, 但又唔捨得賣我呢架咁正嘅 Camry, 所以都係為環保同個何包著想, 熬多 d 巴土地鐵好過喇。

    呀, 有個 youtube 個 viewer 問我重有冇多 d, 要汁都撈埋, 咁我又上載多幾分鐘d 模持兒喺台道無無聊聊搔首弄肢嘅 clip 喇:

    哈哈, 後面嗰把講完嘢喺度笑嘅陰濕男聲梗係唔係我嚟啦, 我嗰次一條 noun (朵趙話) 去, 如果咁笑法肯定已經俾前後左右警衛森嚴嘅警察同「食Q」卽捕卽解都似! 呀, 其實姖係咪俾無線燉冬菇, 所以番咗去溫哥華同呢便抓番d 銀先呢吓? 不過講開 d 藝員/明星真人, 以前係Atlantic City 個賭場見過梁朝偉, 就真係細粒得好交關; 又喺尖東見過商天哦, 亦只係肥婆一個; 二奶妮都睇嚟係真人出色好多架喇。 不過梁詠琪可能五宮端正, 個樣算做好清秀嗰庭, 但輪廓冇二奶妮咁凹凸分明, 所以真人靚過上鏡就好應該嘅。

    呢幾日好似寫得太多喇, 透番幾日再上過嚟喇。

    笑兄唔好急, 小心慢慢揸車呀。

  152. Sorry, 97 Honda CR-V, 唔係 87.

  153. 哈哈!!!! 三兩日冇上黎﹐求丙已經贈下咁多篇‘真言’!!! 真係快慰.. 為我睡眼懞懞嘅星期三早上帶來一分姿彩!!
    其實我又唔係真係忙得咁緊要﹐係呢排D時間有D混亂﹐夜晚又夜一夜都唔訓起度睇網頁呀思考下人生﹐學人寫下小品扑(blog)呀咁﹐第二朝就鏟都唔起身﹐番到公司就似喪屍﹐靠咖啡黎維持!! 一個惡性循環!!

    嘿!!! 我都覺得怪架喇﹐睇到你話 “87年Honda CRV" — 心諗﹐"唔係真係長情到咁下話?!??! 廿年車齡都仲keep到新朿朿?!?" 嘩哈哈哈哈哈哈!!!!!
    呀~~ 講起CRV﹐我架’前度‘都係97年Honda CRV呀!! 乜咁橋! 我都揸果架揸咗3﹑4年﹐不過後尾因為太多問題﹐所以就兩年前把心一橫換咗架慳油’吃糕‘﹐還掂我自己架車都係頂多兩丁友坐﹐無謂開咁大架車啦﹗同埋好衰架﹐D師奶親友三姑六婆一知道你有架大車呢﹐有D咩換屋換樓搬搬抬抬IKEA買凳買枱機場接送﹐全部都會黎揾你!! 好鬼煩呀﹐而家人人知我換咗架細車﹐清靜咗好多! 嘿!
    不過你又真係好勁喎﹐連車你都識整﹐嘩﹐你仲識整D咩添呀?!? 十項全能?!

    講番上次單醉駕撞死人案﹐no啦﹐並唔係我跟嘅果單野! 好在咋﹐如果唔係我去到控制唔到自己情緒﹐起記者會度流馬尿定係爆粗打人﹐咁就樣衰啦!!
    唏﹐不過呢個新聞世界好薄情嘅.. 幾咁慘絕人寰都好﹐過咗幾日﹐又冇人再提架喇! 呢兩日個個嘅眼中都淨係有苗大偉同佢嘅新稅.. 呵

    之但係你果篇 ’我向阿耶的控訴’﹐其實我都諗呢個題目諗咗好耐。咦乜求丙你都有出沒過教會架? 我咯喎﹐嘿﹐我屋企係對上幾代都係教徒… 勁呀呢..? 阿爸果邊就由佢阿嫲(即係我太嫲!)開始﹐我阿媽果邊就由佢阿媽(即我阿婆)開始﹐全部都係教徒。我由一出世開始已經個個星期日要番教會至今﹐真係唔講得笑。不過年月逝去﹐人睇嘅野愈多﹐諗唔通嘅問題都愈多! 我的確係相信有造物主嘅﹐不過究竟成個"system"﹐成套教徒所謂嘅"救恩"系統﹐係咪就真係好似佢地諗咁呢? 我開始好有保留! 正如你所講﹐我最唔buy都係你話﹐同‘共產黨政權’無異嘅審核﹐我都覺得講唔通。雖然話﹐阿耶係大佬﹐咁佢想點就要點架啦﹐我地呢D做蟻民嘅如果唔係佢﹐今日都根本唔存在添﹐仲有權講D咩呢?﹗之但係﹐既然係咁﹐如果人根本就係蠢架喇﹐咩都唔明咩都唔知﹐又唔了解阿大佬搞咩﹐咁做咩要逼我地揀﹐揀得啱就得救﹐揀唔啱就要承受咩*永恆*嘅懲罰呢? 係咁你玩哂啦﹐你同我玩埋佢啦?
    不過你講起話UFO﹐其實聖經都冇講話有定冇UFO吖! 我最唔鐘意D人就係執住本聖經就以為自己揾到"絕對"! 其實點解唔比上帝有D野冇講比我地聽? 既然聖經係為咗人嘅理解能力寫嘅﹐咁就梗係淺白D架啦﹐你唔比仲有好多野係冇cover到﹐我地唔知嘅呢? 宇宙咁大﹐話唔定起銀河系嘅另一角又有另一堆‘人類’﹐上帝又比咗一set聖經佢地呢? 唔得架咩? 有時不禁覺得基督徒太自我中心! 硬係成日覺得"眾人皆醉我獨醒"咁﹐覺得全個世界D"外人"都係盲嘅﹐得佢地圍內入面一堆人先知道咩係‘真理’。
    我番咗教堂咁多年﹐仲要由細阿爸阿媽都係極度Fundamentalist果隻保守派教徒﹐係真係切切實實咁信哂聖經每粒字 –> e.g. “地獄 = 有好熱嘅火同岩石燒呀燒﹐你班冥頑不靈嘅人﹐死咗之後就跌落去永恆咁被燒﹐大叫好熱呀好痛呀﹐然後深深後悔" 云云!
    聽咗咁多年﹐我都真係要講聲: 夠喇!

    你講開佛教呢﹐其實我都睇過少少D大師嘅淺白解構﹐其實佛教本身嘅意念根本唔係果堆你所指﹐好抽象嘅野﹐係其他人後尾加上去嘅。尤其是係D佛像﹐拜乜拜勿果D﹐又或者"港式化"咗果隻佛教﹐其實已經偏離咗原裝版十萬九千里啦。而家D港式佛教徒搞到成件事好似交易咁﹐"我ABC你就比我DEF啦!" 之類﹐我諗阿釋sir起墳底都真係唔眼閉呀。我反而係有興趣追尋番佛學最根本嘅果套哲學﹐即係’因果‘﹑’緣‘.. 係一套可以令人以全然不同嘅一套超脫眼光去睇呢個宇宙﹐其實幾得架! 不過一去到果D神神怪怪又難明嘅層次﹐咩生死輪迴果D﹐我就冇咩興趣喇。

    ANYWAY…嘩﹐真係口水多過茶﹐公司D師奶都已經開始起廚房叮緊晏晝飯…飯香陣陣.. 咁就虛耗咗一個早上﹗哎哎﹐好﹐開工先… 睇下今日有咩做… 呀… 哎﹐又係撞死人﹗尋晚有個越南人又係行行下行人路無端端比車剷上去撞死咗﹐真係橫禍。司機仲要不顧而去﹗呀.. 好﹐寫夠佢400字啦。

  154. 呀整….! 公司個browser話未update個flash定乜﹐睇唔到你段新youtube添﹗不過真係好多人點擊喎!!!
    咦等陣﹐咁即係話﹐profile上面個年紀… 即係假嘅? 嘻嘻!! (陰濕的笑)

  155. 嘩!!! 求丙﹐比你講中咗﹐個torontofirstnet.com而家真係翻屍回魂之餘﹐仲變埋第一報嘅化身!!!!
    估唔到第一報呢個baby先一歲都冇.. 就已經…得道成仙﹐脫離紙章﹐靈魂化為網頁…
    嘩果頁野仲家多咗好鬼多野.. 好驚呀﹐有佢地第一台DJ d i-phone wallpaper.. 仲有D月曆……. um.. (呆咗)

  156. 等等吓笑兄…「Knooooow」緊篇嘢出嚟喇…

  157. 哈哈哈哈, 我真係好似周時洞識哂天機咁噃, 睇嚟我都要諗定點同上面講數先得啦, 減壽都俾個折頭都好吖嘛!

    吖, 講起個 Torontofirstnet.com, 我知點解我之前睇嚟click去都得d簡體字喇, 原來用咗我個 default browser: Mozilla Firefox. 唔知點解 Firefox 喺呢版淨喺睇到簡體呢, 一轉番用 Internet Explorer 就惦哂, 乜體都睇到哂!

    嘩, 笑兄咁好心機寫咁多真情剖白嘅嘢俾小弟, 我亦感激到流哂鼻涕…不過唔係下哇, 源遠流長到連另專個另壽堂個另壽堂(太嫲)同另壽堂個另壽堂都係基督徒, 咁佢地挽吓手同亞耶打過照面握過手都似喎, 哈! 但笑兄唔怕番香港時俾屋企知道你背叛亞耶會用家法侍候咩? 我就唔知係夠運定唔夠運喇, 雙親都只係典型台山/新會裔嘅香港人, 拜吓地主神台, 就算對得住天地架喇。 所以我哋幾姊弟都係有相當信仰自主權嘅, 卽正一係「信不信由你」。 以前最大塲面都算去過 嗰位煲得好大嘅人稱「東方葛陪你」嘅台灣「唐崇齡」, 但聽完又發問完問題之後, 只覺得佢係有d神棍feel, 得個浮誇, 聽香港d牧師重有d 實在 down to earth 感。

    死喇, 原來用手寫板真係咁鬼慢嘅, 由天光寫到而家蚊都瞓埋、 CTV news 都做完咁濟都寫得幾段嘢咋; 唉, 冇法子啦, 又後會有期啦 (有期=應該聽日得啦啩?)。

  158. 唉, 偷吓懶, 費事翦草住先, 等聽朝未去客道之前就攪掂撻草地先。 不過今晚真係要用番中學會考時考國文同中屎咁嘅速度嚟寫, 等唔駛寫到蚊到瞓都未寫完喇。

    又講返d宗教。其實如果話零舍多負面新聞嘅呢, 就真係非天主教莫屬喇。 好似 d 神父應該係目不斜視, 不近女色嘅, 但 end up 成渣成渣咁被告發非禮/性侵犯兒童等等, 都己經司空見慣架喇。 我識得有個老外, 係自稱 WASP Anglican (White Anglosaxon Protestan), 佢話佢哋d神父一走埋就係咁講咸濕嘢, 仲試過一次想date 佢(唔係姖!)出去添! 真實聽到我下巴都跌落地咁濟。 不過其實佛教 d 負面嘢都唔少架。 我就去過個客道, 喺 Bayview d 豪宅 —- driveway 中間種咗行樹嗰隻, 佢街口就住咗班和尚喇。 咁你估佢地 d 錢喺邊道嚟架? 三煩市亦爆咗類似嘅個案, 個和尚埋 d 信眾嘅錢, 就買 Ben屎, 住豪宅。 諗起亞釋 Sir 同佢班個名水蛇春咁長嘅信眾, 瞓嘅屋連屋頂都冇…(同老耶係馬槽道出世嘅感人度都有得揮架), 呢班掠錢之後中飽私曩統嘅佛棍, 真係同班非禮細路班人真係不相伯仲呀。

    呀, 上次唔記得講添。 上次去睇二奶妮時, 見到成大半個敢瘦中華個 parking lot 都擺哂檔口, 咁就泊過媽ket喇。 點知媽ket班警衛原來時登闈 CCTV camera 裝出去, 一見人泊咗車就行過馬路就第一時間俾牛肉乾架啦。 所以我公次又要去 appeal, 睇吓我唔可以用我 3″ unbreakable tongue 嚟死都講番生先!

    啊~~~~~~~~~夠鍾, 落閘柵門, 係咁先喇。

  159. 哈哈﹐乜求丙兄D留言碎濕濕﹐好似D專欄咁每日寫一段仔﹐哈哈.. 你下次起下面加番個 “五之一"﹑"五之二"﹐咁吖嘛﹗如果唔係我都唔知你講完你要講嘅野未﹐哈哈

    嗯你講開果個唐崇榮牧師﹐最近有傳 (從廢苦滋燃個網睇到) 話有個牧師D學位係冒牌﹐唔知係教人士比人踢爆學位作大.. 都唔知D人咩心理﹐硬係有個‘XX博士’咁就好似威D﹗唓﹐你而家傳教之嘛﹐又唔係學術講座﹗以前呀﹐耶穌果班都係木匠呀﹑漁夫咁啦﹐係上帝派你黎講野﹐又洗唔洗學位呢﹗真費解﹗

    嘩﹐你都為二奶妮負上相當代價喎﹗陰公﹐幾時去appeal呀﹐呢D唔係要dum成半年九個月起碼先有得搞架咩?

    寫住咁多先﹐聽日再睇下你仲有冇下文﹐嘿嘿﹗ (btw﹐你呢兩日有冇發現隔離幾頁﹐多咗個熟口熟面嘅 “新朋友" 呢? 嘿嘿嘿)

  160. (企起崖邊向谷底大叫) 喂~~~~~~~?? [回音] 有冇人呀呀呀呀~~~~~~?? [回音]
    求丙兄果贈下兩段"真言"之後就又飄走咗﹐哈哈哈哈﹗

    聽你地成日講個torontofirstnet網﹐我頭先又係咁二按入去睇下咁啦﹐嘩咦﹐我又係淨睇到全簡體喎﹗佢一定要逼人用I.E.架咩? 咁唔方便架!

    哈哈﹐你話我有冇比屋企話我叛教家法侍候﹐嘿﹐如果佢地係我肚裡面條蟲﹐咁都幾大鑊﹗但我梗係冇同佢地講咁多啦﹐講黎都嘥氣﹐同埋我都唔係話‘唔信’﹐都係自己個腦入面諗下D唔同野而已﹐教堂照番﹑牧師講野照聽﹐冇問題架噃﹗
    不過我同好多香港人唔同嘅地方﹐就係我由細到大﹐真係一次都未接觸過D地道嘅香港迷信嘢﹐未上過香﹐未拜過神﹐三兩歲已經每日同阿耶傾計﹐都真係幾西化。

    哎﹐果D宗教醜聞﹐都真係見怪不怪啦﹐天主教果D又係嘅﹐夾硬要男人冇性冇愛冇結婚﹐好難會心理正常架喎﹐卒之點呢﹐逼下逼下咪爆囉﹐搞男仔搞女仔..。
    總之我覺得「宗教」呢樣野﹐整個概念都好有問題﹐等我努力整理下D理論﹐話唔定十年後就可以出書.. 哈哈﹗

    呀咦﹐你講開條痺尿街(Bayview)﹐呢條街真係滿天神佛呀﹗因為我咪住起痺尿夾糞字路以南嘅﹐所以經常起北面一條痺尿咁直落鏟番屋企﹐嘩沿路又有猶太教堂啦﹐喇麼阿彌陀佛啦﹐伊斯蘭教啦﹐再落D又有基督教堂同天道神學院啦﹐再低D又有東正教堂﹐…. 總之就勁呀。

    唏話時話﹐我今晚又剛去完‘地亞洲廚房‘度食中日泰任食晚餐﹐今次係首次唔係跟隨任何公司機構團體﹐而係私人去﹐但都唔錯唔錯﹗﹗幾鐘意佢D野細細碟﹐好’的色‘﹐同埋可以逐件order﹐可以試多D唔會質到飽哂﹐又唔會浪費咗佢D食物。
    真係可以再番去呀。

  161. 等等吓 …喺懸崖爬緊上嚟…哦….呀….呀….哦…….

  162. [學楊過企起絕情谷崖邊嗌] 姑姑~~~~~

  163. 哈哈哈哈哈哈哈哈, 爬番上頂喇, 好彩冇俾d奸人爬到上頂時又踩落我疏手指道啫, 唔係挽吓手又跌番過落去萬丈懸崖, 雖然好似武俠片咁包唔死得嘅, 但都唔知又幾時先到可以爬得番上嚟喇, 哈哈哈哈。

    其實講真呢幾日真係好鬼忙, 有位同事又劈炮, 所以一日內又要喺「冇X哂」份牛工道 O.T. 幫佢執埋d唔知頭唔知路嘅手尾, 然後晏奏又要揸407飛車去 Brampton 同個客攪單kick手嘢, 再夜晚又要去一個有muscular dystrophy 個客道, 講d有牙買加口音嘅英文, 重每講一句嘢要講成分幾鐘, 雖然我嘅愛心都入於相當爆棚架喇, 但一講到攪豬腦, 我d耐性真係麻麻, talk is cheap, 個客個問題都未講完我已經 click, click, click 咁開始攪緊個問題架喇!

    講開個第一網, 我開過一兩次嚟睇過, 但老實講, 個 layout 就認真不敢恭唯喇; 因為唔止繁/簡體嘅問題, 而係重可能頭 嗰版d廣告費可以掠多d, 所以塞咗萬七咁多個廣告商上去, 重大部份係閃吓閃吓嘅 gif files, 睇到眼都花埋, 我冇近視都可能睇到可能有近視喇; 真係好似有企喺油麻地, 上海街, 鴨寮街, 或女人街道望上去見到 d fing 吓 fing 嘅招牌咁嘅 feel, 唏!!!

    啊, 笑兄原來重番基督教教堂嘅, 咁咪要d乜嘢十一奉獻囉, 十份一人工奉獻咗出嚟, 都幾蓉嗰喎, 吓。 不過其實天主教 d 嘢真係唔「教人」嘅, 將男人六秒鐘就諗一次嘅嘢用高壓手段唔俾d神父做, 將人性咁打壓法, 真係想唔變 Mr.Hyde 式嘅色魔都唔得喇。 重有呀, 好似美國咁, 你估點解會白人唔生仔都重有人口增長吖? 因為係有幾千萬 d 墨佬係信天主教嘅 – 冇得避孕, 生咗成打仔出嚟先算, 真冇乜sense屎! 不過一諗起天主教, 就諗起個神父掟埋自己喺個窿仔道聽埋d變態嘅告解, 好似殺咗 Alicia Ross 個隔離隣舍 Daniel Sylvester 咁, 真係聽呢d變態佬得多唔變態都變變態啦, 唏! 呀, 啱啱 google 到原來有d網上告解 sites 個喎: http://www.dailyconfession.com 又幾過引(癮)噃! 咦!唐崇榮個博士學位可能係冒牌? 唔怪得咁有神棍 feel 喇! 不過個博士學位真係未必一定代表有料同有人(或神)緣, 但如果有嘅就証明佢講多幾年神學, 冇咁易被人認錯係神棍啩!

    係呀係呀, 痺尿街滿天神佛, 哈哈哈, 其實乜宗教都要起d教堂/廟宇喺d有油水嘅地方吖嘛, 猶太佬(好似我個做眼手術個痺尿客咁)好多好有錢, 雖然沽寒, 但似乎對猶太教d奉獻應該唔小架。

    咦, 亞洲廚房夜晚真係唔錯呀? 等我今晚又去試吓先! 講起日本任食, 嗰間"屍.O.D." 好似執咗笠囉喎, 係咪呀? 佢未執之前, d 嘢真係那渣到離奇, 試過我屋企人去到想拎起隻杯飲茶, 點知隻杯同張枱污糟到黐「膠」住咗, 係點 munk 極都 munk 唔起隻杯 嗰隻!!!!

    呀, 如果聽日得閒, 又走去帶哂d架罉去敢瘦睇睇思渏妹個酒凹有幾大先。 哈哈, 咁聽晚你又可能見到 youtube 有佢 d video 架喇! 呀, 係呀。 我係呢便咁耐, 攞咗差唔多六七張告票, 次次都自己去 appeal, 又去 Small Claims Court 告過 City of Toronto 等, 次次都益自己何包不少。 今次本來為二奶妮呢個紅顏禍水又爭d破$35財, 但去到等等吓見個乜嘢 First Attendant 個官時靈機一觸, 又諗到點駁佢, 惦咗, 減罰欵到$20! 最經典嗰次, appeal 單喺 Midland 50Km/h zone 我 speeding 又冇戴安全帶, 佢的咗我同個太平紳士錄哂音咁睇吓我重有乜嘢講, 點知我都講到減罰欵到$20又冇加保險, 真係有時唔知點解我以前唔去讀 Law 而讀咗 “dub 煲 E" 嘅, 如果唔係而家可以企係 court 道救吓d無辜受害者都好吖, 哈哈!

    哈哈, 聽日兄台又去唔去呀, 睇吓撞唔撞到我都好吖。 見到就請你去添仔食 donuts 飲 dub dub 吖, OK?

    (Page 1 of 1 – 暫完喇)

  164. 係呀係呀, 新朋友「D 九里」兄? 梗知係邊位啦, 哈哈哈哈哈哈!!

  165. 點呀點呀﹐求丙兄你而家應該會完呀思琦姐喇喎﹐有冇比個梨渦淺笑迷倒呀? 我今晚要開工﹐而家仲起公司度坐坐共﹐就算想去都去唔到喇。更何況我對呀梨渦姐姐真係一D興趣都冇﹐要揀的話我寧願睇二奶妮都好似仲有多D星味比我聞下﹐呀梨渦真係好似鄰街女孩咁上下﹐衰D講句﹐遠道去敢瘦睇﹐不如走過隔離集友food court可能仲有多D嘢﹐哈哈。我頭先都歡送咗我地個攝記去啦﹐佢仲話 : “下? 乜楊思琦係港姐黎架咩? 個樣成個妹咁嘅?" 哈哈哈.. 不過你去完即管話話聲黎聽係咪真係咁好睇喇。呀﹐乜你成日都咁捧場呢D活動嘅?? 係咪識得主辦單位D人呀﹐定純綷係八掛? 哈哈哈哈﹗

    嘩﹐原來告票王"馬警聾"就係你!!!!! 早知你咁勁﹐以前就唔洗成日比幾舊水幫襯果D咩"交通佬"﹑"告票通"啦﹐揾你咪得囉。聽你形容條三吋不爛之舌﹐我只係諗起周星馳嘅 “審死官".. 死都比你拗番生﹗嘩﹐求丙你嘅周身刀﹐又亮多咗一把喇﹗

    哎~ 襯未做夠鐘睇CTV 11點新聞﹐寫多兩句吹下水先…. 呢排咁多D咩street festival果D﹐求丙兄你有冇捧下場咁呀? 我尋晚就落咗去Queen street east個Beaches Jazz Festival街頭節.. 嘩﹐一年多人過一年﹐尋晚真係逼到想暈﹐又多人又焗﹐又要泊到冇雷公咁遠﹐行完之後腳都跛﹐近乎虛脫﹐好似行咗5次香港年宵咁。最衰我又白黐﹐懶係學D鬼佬casual咁踢對人字拖落去﹐嘩﹐行到腳板起"枕"之餘﹐又狂比人踩行踭﹐我頂﹐最後仲要"黐膠死" (踩香口膠)…激死我。雖然聽jazzy好feel﹐但真係一年一次都夠喇﹐寧願得閒落去jazz bar度比多D錢飲兩杯﹐舒服D聽仲好。

    喂喂﹐同埋﹐八八比你聽﹐我個"前度".. 呀"過去同未來中間"星期六果本"嘅嘢"摺埋喇喎﹐唔知你知唔知???? 下星期開始佢地又食住"701″果條水﹐起星期六開始賣香港果本"快周刊"呀… 條路線真係愈走愈cheap! 不過我都算執番身彩﹐好在走得快咋…

    呀呀呀﹐要趕工喇﹐稍後再講﹗

  166. 唉, 真攞命! 「冇X哂」同「屎字路」星期日又一單命案喇! 今次重係同事個仔中槍冇命添!!!! 聽日真係要睇睇有冇地方有避彈衣同避彈褲買先喇! 唏!!

  167. 吓吓吓吓吓??? 乜係你同事個仔?? 邊個呀邊個呀… 呢個weekend有幾十百宗槍案﹐我都跟唔哂添.. 我今日淨係跟咗QEW有個"偷車狂徒"同警方駁火。你個同事係黑人呀?

  168. 正是, 個同事正係黑人, 姖個瓜咗個仔叫 Michael George.

    有呀, 睇吓你睇唔睇到姖個梨渦:

  169. 話咁快我又已經番到屋企沖完個靚涼﹐舒舒服服咁坐咗起張床度喇﹗嘩嘩嘩﹐睇完你段youtube﹐好旺場咁噃﹗乜楊思琦唱歌把聲低原來又真係有幾分似王菲噃﹐不過D音準就… 果然掙D﹐哈哈﹗
    嘩求丙你係咪今晚見完個梨渦﹐興奮到係咁留言呀?? 哈哈哈哈… 好少見你星期日晚上留言留得咁密噃﹗﹗

    Michael George呀﹐等我聽日留意下D報道先… 呢排D槍擊真係寫到我地悶哂﹐唉﹐日日槍擊﹐夜夜槍擊﹐真係好攞命。
    不過今日我無無謂謂咁原本比人派遺落downtown視察下Danforth同東區唐人街果度點停電法.. 因為電視台講到好似停哂電﹐好癱瘓feel咁架嘛﹐點知落到去﹐完全係燈光火著﹗泊低咗架車﹐諗住落車行下睇下究竟邊度停電啦﹐點知天光行到天黑﹐得果零零碎碎幾忽仔好似冇電﹐D唐人街希臘街全部燈火通明﹐行到我腳都跛﹐卒之揸番車上公司﹐得個吉﹗真係廢爆… 無啦啦今晚對腳又好似尋晚去完jazz fest咁赤赤痛。

    唉﹐瞓喇瞓喇﹐聽日再嗲過﹗求丙你聽日睇怕都又要頻頻撲撲忙整豬腦喇﹐著番件避彈衣好聲行喇﹗

  170. 哦!!! 知道喇! 原來就係尋日新聞話起架車度身中四槍果個… 唉咦﹐係RAPPER歌手黎添喎?
    既然阿媽係你同事﹐咁即係都係正經人家啦? (即係﹐起碼唔係黑道中人喇啩).. 做乜惹來咁大仇口呀﹐殺身之禍﹗阿媽陰公咯..

  171. 嗯, 原來係 rapper 嚟嘅, 咁就好人有限喇。 其實佢亞媽話就話係同事啫, 但係原來未見個面嘅, 因為姖原來喺公司第二個分支道做嘅。 唉, 好人壞人都好啦, d黑人黑幫黑吃黑, 真好似你話齋真係無日無之, 連警察都可能劈埋一邊慢慢先做喇, 你估係個 Jane Creba 咩, 唉!

    哈哈, 楊思琦勝在後生同有個酒凹仔幾 cutie 咁, 但唱歌雖然唔算難聽, 但真係唔可以入一流歌星行列, 連二流都好 mun 喇。 唏, 我就乜都想八吓啫, 係鬼識得d主辦單位吖! 以前好似滕麗明呀, 楊兒呀, 林峰等過嚟我都冇去到。 得閒就去, 有嘢做就冇幫襯架喇。咦, 係喎, 講開滕麗明, 好似人氣泡沬爆破咗定乜呢, 好似喺人間蒸發咗咁嘅。

    蕭 sir 呢, 同亞黃做朝早都好地地格, 又話唔知番香港定去邊度三個月嘅, 又唔見咗影嘅?

    哈哈哈哈嘩哈哈哈, 「馬竟聾」個 x-copper – 卽警隊反骨仔 – 梗係唔係我啦。 不過俾人抄牌好多時真好寃枉, 所以先想挑戰吓自已睇睇有冇說服力啫; 人一世物一世, 乜都要試吓吖嗎。 好似以前讀乜Q時, 試過爬成幾百呎d懸崖硝壁, 爭d跌鬼咗落去, 連渣都冇得淨。 原來爬之前冇耐, 就有一個導師真係喺幾百呎上高抓唔實定乜跌咗落去瓜咗呀! 之後冇錢咋, 如果唔係重已係去試咗跳降傘添呀, 哈。 我呢 d risk taker, 真係燕疏公司應該唔受我玩先至啱架, 哈哈哈。

    冇呀, 前幾年都有落去 d Greek Fest 呀之類, 但真係哂到抽筋, 又好似兄台咁撻對人字拖/涼鞋落去, 攪到行完起哂枕咁濟, 而且d嘢食又唔算平又唔係真係好食, 所以今年都冇落去咯。 嘿, 諗諗吓, 不而今個 long weekend 舉家揸架 CR-V 上 Quebec City 又係嗰道間旋轉餐廳道食佢個都 OK 嘅 buffet lunch 先…

    笑兄呢, long weekend 有乜嘢做呀? 瞓先喇, 聽朝又要倒塔咁早拮起身喇。

  172. 熱死人喇熱死人喇!!!!!!!!! 呀呀呀呀呀…! 今日做咗生煎包… 話說下晝4點幾番到公司開工﹐凳都未坐暖就收到料話richmond hill果邊又發現大麻屋﹐拿拿林鏟架車上去﹐D差佬仲起度點緊貨未有野睇﹐卒之同個攝記就企起西斜嘅烈日下面幾乎成粒鐘! 北面果D新區又冇樹蔭喎﹐得果幾棵幼苗仔﹐企起太陽下面真係乳豬咁呀! 而家手臂D皮仲赤赤痛!

    我同求丙兄你真係"日與夜"咁呀﹐哈哈﹐你就倒塔咁早起身﹐早睡早起﹐我就做到夜媽媽﹐朝早就鏟都唔起﹗哈哈
    你就好啦﹐有得去Quebec﹗我連有long weekend都唔記得咗添呀﹗冇啦﹐而家做咗呢D daily時事野﹐要番冇定向shift嘅﹐都冇以前咁梳乎有得放weekend﹐加上呀﹐civic holiday我地唔承認架﹗全公司幾乎除咗廣告部果D人唔洗番之外﹐全體員工都要照常開工﹗係上次Canada Day呢D法定假期先有得放喇。我今個星期都係正正常常有得放六﹑日。
    咦咁你去Quebec會住番兩晚咁呀? 我都好多年冇去lu﹐以前跟D三姑六婆仔仔女女一大堆join過D坐到屎忽生瘡嘅泰X定永X巴士團﹐比人好似趕豬仔咁趕。比我再去﹐一定都自己揸車啦。不過上次去就最記得起間外型好古堡feel嘅法國餐廳入面﹐見到果位因為樣貌勁似周潤發而聞名嘅老外侍應﹐都幾搞笑﹗

    唉呀好攰呀好攰.. 條腰赤赤痛﹐下回再續啦﹗

  173. 呀呀呀呀呀呀呀呀呀呀呀呀呀呀呀呀!!!!!!!!!! 唔怪得簫 sir 唔駛返工喇, 原來迪迪仔一早 planned 定要摺埋 AM770 架喇, 呀呀呀呀呀呀呀呀呀呀呀呀呀呀呀呀!!!!!!!

    今次又要重返羊肛早晨懷抱…唔係, 係魔爪喇! 救命呀, 又要聽 d 超 yap 嘅笑話喇喇喇喇喇喇喇喇!!!!!!!!!!!!

    Eh! 唔緊要, 聽番 EzRock 同 CHFI d 千年老 pop 都好過吖…..唔, 一於咁話!!

    噢, 係, 條腰冇咁赤赤痛喇係嘛? 駛唔駛我用銀針醫醫呀? 哈哈。 呀, 不過有一隻大陸脫苦海, o麥頭有個白鬚公, 話係西藏貼膏之類, 屋企人試過幾惦個噃, 買盒試試嗱!

  174. 呀哈哈﹐多謝求丙你嘅推介﹐等我下次去cytodex果間藥房度揾下個白鬚公先!!!

    剛啱走完過去皇后碼頭果邊填個詞仔搞兩搞﹐咁又半夜兩點喇﹐呀呀呀… 唔知點解硬係愈夜愈精神﹐但朝早鬧鐘響時就想死咁。聽朝仲係番早添﹐又要瞓先喇!!

    (p.s. 今日起downtown勁戇居﹐起bloor street度停紅燈時個break冇踩實﹐跟住我又魂遊緊﹐卒之"屹"咗落前面個老外架車度﹐呀激死我喇。輕輕"buk"咁撞咗一下﹐我車頭個車牌兩粒鑼絲起佢條靚bumper度"屹"咗兩個圓形小凹印囉! 冇計啦﹐唯有比咗電話佢。個老外好似係希臘佬﹐個樣都算老實咁啩﹐佢話還掂自己呢個weekend都要去dealer度整車﹐就順便整埋喎。
    哎﹐"mung"爆自己﹐老貓燒鬚﹐實在太戇居﹐真想揾刀仔拮自己大脾呀﹗唔止揸車﹐就算停車都要留神留神﹐哎哎哎哎哎!!

  175. 呀呀﹐尋晚掛住睇皇后碼頭﹐都唔記得咗提番770呢件事添!!! 係呀係呀﹐勁震驚呀!! 估唔到呢個初生嘅寶寶﹐都未夠一歲﹐咁就….. (抹淚)
    嘥哂啦﹐咁難得先打開咗個早晨陣地﹐又開始做得起起地咁。不過學佢地話齋﹐又真係接收得麻麻嘅。可能廣告又唔夠啦﹗哎﹗不過我誓死都唔會重投羊肛早晨個懷抱呀﹐No Way!!!!! 而家朝早一於全力聽770個鄰居 –> 680算數喇。
    不過阿老蕭又係咪真係學你話齋﹐晨早就有預謀呀?? 哈哈哈﹐我懷疑佢係咁啱得咁橋﹐無啦啦起香港玩玩下先知道番到黎冇得做咯﹐呵呵呵!!
    咪就好似"過去同未來中間"星期六果本野咁﹐都係上個星期玩 “突然死亡"﹐班員工即刻企哂起度唔知點。最驚就係呢D架喇﹗

    呀襯今日靜靜地﹐暫時冇乜緊要野做﹐等我一邊食住每飯盒一邊吹多兩句水啦﹗
    咦聽日就星期五喇喎﹐求丙兄你幾時出動去"橋劈"呀??

    講番起你話基督徒要’十一奉獻"好蓉嘅問題… 唏﹐你睇我咁樣衰衰﹐你話我又有冇奉吖拿?? 哈哈哈哈… 我諗第時上到去會比阿爺追數﹐揾筷子夾我手指喇﹗
    不過講開又講﹐我而家起多倫多番緊果間church呢﹐成日間唔屎會拍下D廣告短片出黎叫人奉獻架﹐真係講都冇人信﹐哈哈。仲要係全套"系列"咁款喎﹗話說你知呢度D基督教會咪最興"建堂建堂"嘅? 無啦啦又爆多一棟起隔離﹐過多兩日又又標多一舊起上面﹐幾乎想要起到pacific mall咁架嘛 (我而家番緊果間就係… 我懷疑佢係想起烈市中間起一座紅館)。咁話說佢建堂果排就要籌錢啦 (係喪大舊錢… 我望下我地北美呢D教徒﹐用咁X大舊錢出黎大建特建D超巨型豪華冷氣建築(連圖書館﹑飯堂﹑咖啡室同影音房..)﹐轉頭望下D落後地區D村民﹐簡簡陋陋咁搭個房仔(仲要漏水嘅)﹐但佢地祟拜個表現多十萬倍passion﹗之所以話﹐就係咁諷刺。呀不過離咗題﹐講番咁佢要籌錢建堂啦﹐跟住果輪呢就個個星期日都起度播埋D自己拍嘅段片喎﹐懶係好pro﹐拍到好似‘鏗鏘集’果隻呢﹐起度揾兩件會友起鏡頭前"分享"﹐配埋D輕柔嘅背境音樂:

    男 (微笑) : 我當時剛剛失業﹐家庭經濟遇著好大困難﹐但係我同太太仍然冇失去信心﹐我地啇量之後﹐決定跟隨神嘅心意﹐繼續我地嘅十一奉獻﹐我地憑信心﹐填妥建堂嘅認獻表..

    女 (微笑著點頭同意) : 係﹐我地真係感覺到掙扎﹐但係神真係一個施恩嘅神﹐我地一路憑信心捐獻嘅同時﹐佢亦都一次又一次咁好奇妙地為我地提供所需..
    (下刪10分鐘)

    個個星期都係咁谷﹐嘩﹐都咪話唔攞命。

    哎仲有呀﹐你講起話天主教同D基督教保守派唔比人用避孕套呢樣嘢﹐我真係覺得係文明社會裡面最最最最最最白黐嘅事例﹗﹗
    根本就自欺欺人﹗佢地個point係﹐"sex is only meant for the purpose of procreation"﹐總之唔係有心想生仔﹐就唔sex得。喂大佬呀﹐如果咁講﹐咁我呢世人唔想要仔女﹐咁我就成世人唔洗咩喇喎﹐一咩親就係犯罪??? 係咪低能架。同埋呀﹐唔比用避孕套避孕藥只係表面禁制﹐如果真係冇心想要BB呀﹐都會專登計D咩女性安全期黎盡量避啦﹗咁講法係咪連安全期都唔避得﹐因為都係"Defeat"咗sex個original procreation purpose?!
    唉﹐總之D咁嘅宗教古老石山﹐騎騎呢呢﹐自相矛盾。
    當宗教變成咗一個"教"﹐真係一個"institution"﹐D人盲目咁去worship個institution﹐就根本已經喪失咗原意。

    嘩口水多個茶﹐沖番杯午後紅茶(tetley)潤一潤喉先﹗

  176. 唔好意思, 笑兄, 寫完篇 lum 橋文而家對眼唔爭氣, mach 唔大喇, 聰晚再上過嚟喇! (橋劈去唔成 lu!)

  177. 哎呀, 慢感市呢頭禽晚停咗電, 連羅渣士個 Internet ser化 都瓜鬼埋, 咁而家一路鬥篇嘢出嚟一路等佢攬番惦先有番 Internet 可以 upload 呢版嘢喇。 不過今朝一早開家豪呢個 blog 睇, 見到 “Page Not Found" 個 er啦 message, 有幾秒鐘以為 770 摺埋咗之後家豪嬲起上嚟連呢版嘢都摺鬼埋佢架, 唏! 其係好似770咁, 前日同一個第一台忠實聽眾嘅車房仔講開, 佢話, 「哼, 可能係個770乘播商唔受第一台玩都唔定啫」。 但點都好啦, 冇理由個台臨終前都唔通知聲先架! 要d聽衆八月一號朝早開個收音機 (我就開7701540.com) 聽到d「起碼拉瓦星」, 重一頭 mo (唔記得點寫) 水, 以為又好似以前咁有一兩個鐘頭中斷咗廣播, 點知道原來第一台個朝早廣播真係一睡不起! 你咪話呀, 都幾嬲架,早d嗲番聲, 有心埋准備, 唔駚俾我哋晴天一"劈 Lick"(又唔記得點寫)吖嘛!

    嗱, 你而家睇到我原來真係好似傷殘人仕咁喇, 我好多中文字都以經失傳咗喇, 全靠網上英漢字典同 Google 先寫到一篇工整嘅嘢出嚟。 好似個 mo 咁, 就揾個 fog 轉番做中文; 個"劈 Lick"呢, 就 google 「"晴天一"」, 就揾到劈 Lick 喇, 但而家連 Internet 都冇埋, 乜符 fit 都冇哂! 最慘就係我連電話都係用 VoIP, 所以冇電或冇 Internet, 屋企就連電話都慣底埋架喇, 今次要全靠手提啦。

    哎, 好夢成空, 本來諗住今朝可以坐緊喺橋碧市個旋轉餐廳道一路轉住嚟睇個靚景一路享受美食嘅, 點知屋企有人話, 「嗨, 點得吖, 你喺星期五夜一夜先番, 去到滿地可停站成夜晚兩三點…早d講我下個禮拜請埋星期二假吖嘛….@#$@$#%&*」! 生性最怕人吟吟噚噚又唔得 爽快嘅我, 以防頭爆, 索性留番喺道同d中學同學星期一出去開吓「新法書院舊生聯誼會」好過喇, 唏! 呀, 話時話, 好似🙂 兄咁 join 團俾人趕鴨仔就真係俾錢買難受架喇, 你鐘意嘅地方佢就蜻蜓點水咁企一陣就要young, 但想滾你買嘢嘅珠寶店呀之類就閒閒地 dum 你個零兩個鍾喺道先放你監, 所以我真好怕 join 團架。 加上我又唔 mind 揸車, 一日內一個人揸哂十五、 六個鐘直唓落 Florida 都面不改容架, 重鬼咁 enjoy 中間自己可以停係 d town 仔睇吓嘢食吓嘢都得, 正!

    Yeah!!! 有番 Internet 喇, 去藍寶閣飲完茶先番嚟再嗲多 d 喇, 係咁先喇!

  178. 哈哈﹐乜慢感原來停電﹐咁浪漫呀﹗嘩咁咪連冷氣都冇? 冇internet逼使求丙兄你"露底" (即露咗你D執筆忘字)﹐但都堅持寫咗一大篇出黎﹐真係令人不勝感動﹗
    哎呀冇陰公咯﹐原來去唔成橋劈﹗哈哈哈哈﹐可以想像到你比屋企把聲"哦"同面對D"xyz@#$%^&*"時嘅無奈樣子﹗哈﹐睇黎求丙你都係果隻﹐起出面就"嘴gel gel"﹐番到屋企就"鵪春"咁﹐eh都冇得eh果隻啦﹐有冇講錯呀? 哈哈哈哈哈哈哈哈哈哈哈
    吖﹐乜咁啱﹐今日下晝我都去咗飲茶喎﹐不過唔係D乜乜閣﹐而係去咗applecreek rd.果間"君皇茶坊"﹗

    呀﹐同D中學同學聚會雖然大部份時間都係講"歷史"(即係以前邊個阿sir好賤呀﹐當年邊個校花最近又改嫁呀﹐邊個同學會考時緊張到暈咗呀﹐之類)﹐次次見面都係一味repeat D類似話題﹐不過都總係開心嘅﹐見番D舊人﹗星期一飲多杯喇﹐你班新法仔﹗
    祝 — 有個愉快嘅長"周摩"(國語)﹗揾周公咯﹐請請﹗

  179. 獨臂神俠楊過…..個細佬楊委﹐又再一次企起崖邊﹐眉頭緊鎖﹐嘴角帶笑﹐迎著清風﹐就好似呢張相咁:

    跟住提氣向谷低大叫: 「呀~~~~~喂~~~~開飯喇~~~~~!!!!!」…

  180. 咁快開飯喇, 楊委兄? 哈哈哈, 等等吓, 番緊黎喇…

  181. 哈哈哈, 番嚟喇, 番嚟喇, 楊委兄!

    本來好少對無線d戲集有興趣嘅, 但睇咗一兩集「歲月風雲」, 又真係幾緊張咁噃, 所以而家一路睇套嘢, 一路留番個言先。聽朝一早去還碟喇。 嘿, 原來咁鬼橋, 王敏德係呢套嘢道,, 用咗我由畢業之後就一路用緊嘅洋朶。 以前細個, 整咗個洋朶叫 Wilson; 呢個朶, 係4年班嘅時候跟咗新法呢間學店個老闆王澤森 (Wilson Wong) 起嘅。 點知過咗嚟讀書之後知道老襯咗, 原來 Wilson 係d人個姓嚟嘅!!! 卽係起自己個朶做 MacDonald Wong 呀, Smith Chan, McGuinty Cheung 一樣, 所以一讀完書就急轉呔, 縮咗 Wilson 做 Will (但死都唔俾人叫 William), 唔係就真係瘀死一世咯!

    喂, 個民主派Delay No More 又係個 Vincent/亞May 嚟嘅。 連個 Cat Lover 都發覺佢真係儍儍哋嘅, 一時就親共, 一時就反共, 連寫嘅中文都仲係大部份係 copy & paste d 歌詞嘅, 條友真係 short short 哋嘅, 嘿!

    啊啊, 喺屋企有時都想咀 ger ger 架, 不過有少少似毓民個 jingle 咁, 返工同喺d朋友d武林大會出面就噏呀噏呀, 口水多過浪; 但屋企一講第二句, 就冇乜人會知我噏乜, 咁唔變鵪都唔得喇! 都有d似第109個迫上梁山嘅好漢 feel, 惟有得閒就上嚟噏多兩句喇, 哈哈哈。

    呀, 我都開始攪自己個 blog 喇, 睇吓好唔好玩先!

    二之一 (待續)

  182. 唉真冇出色! 今個「周摩」淨係寫咗嗰二千五百字插個竹星仔, 又煲咗一本「女黑俠木蘭花」, 再連續煲埋七、八集 CSI, 咁就虛渡咗個 weekend 喇, 唏!

    死喇, 呢個禮拜重鬼咁多嘢做添架, 真係跳樓都可能喺下面俾公司 dow 番住去攪掂先至再死過架, 大鑊喇今次!!! 揾人救救我呀!

  183. 哈哈哈﹐點呀求丙兄你﹐開始咗你個奪命星期﹐嘩哈哈哈哈… 咁我去摩X西路果頭睇下邊棟大廈下面放哂救生網﹐咁就知求丙兄你起上面喇﹐哈哈

    咦乜原來你睇木蘭花架?? 我反而一本都未睇過﹐一路都係狂睇衛斯理﹐都有睇過兩本原振俠。木蘭花好冇睇架呢?

    呀﹐終於知道求丙你個真姓名之來源﹐唏﹐我都聽過有香港人叫"Wilson"吖﹐應該唔係問題下話?!? 正如都有人叫"Johnson"啫…..?

    講起留言版D茂利﹐係啦個delay no more肯定又係果個阿may﹗仲有﹐cat lover咪就係我話係一聽眾D親屬定佢地個天主教幫派果D人﹗嗯呢一排仲多咗個電腦友上咗黎喎﹐睇黎都係求丙你D同行黎喇﹗﹗

    見你做得咁慘情﹐比D正嘢你提一提神﹐包你即刻成個醒哂﹗(不過唔好睇太耐﹐我怕你會虛不受補﹐嘔血。我剛才都嘔咗半公升。)
    http://www.torontofirstnet.com/bbs/dispbbs.asp?boardid=2&ID=1121&replyID=1121

  184. 喂, 笑兄, 個第網一個 link 真係 d 人幾鬼無潦個噃, 唔怪得你嘔咗半公升血喇!

    哈哈哈哈, 嗰個delay no more又俾天主教幫派嘅 Cat Lover 鬧喇, 哈哈哈, 一個自稱基督徒嘅親共、反共、 反共、又再親共嘅不男不女嘅人, 重叫人哋睇心理醫生, 哈哈哈嘩 哈哈哈嘩嘩嘩!!!! 呢條支晨早上一年我都話佢真要入青山 book 定個牀位架啦。 真係我諗每個禮拜日牧師見到佢真係唔嘔血而死都唔得喇, 唏!

    今晚成家去 Yonge 街道試吓 d kimchi 韓國餐先, 食飽返嚟再四圍八吓先啦吓, 哈哈哈嘩…..亞 May….Vincent…..Decoy No More…哈哈…

  185. 哈哈哈﹐點呀點呀﹐食韓國嘢高興嗎?! 我通常就去開‘貓頭鷹‘﹐加上而家first markham又開咗間﹐幾就腳。
    嘩嘩﹐求丙你嘅感染力真係大呀﹐搞到cytodex因為你而開咗個blog﹐而家人人都日日扑 !! 喂不過你有冇去睇過佢寫果D嘢呀? 原來係愛狗之人﹐仲喜歡睇cooking電視台學煮餸喎﹐如果係男人嘅話﹐會唔會.. (幻想緊"Queer eye for the straight guy"入面果個烹飪天皇)

    嘩論壇又殺到黎喇﹐唔知果班騎呢怪會唔會出席公開論壇呢?? 哈哈哈哈哈哈

  186. 啊, 以前去食 d 韓燒任食(即反轉個鑊嚟燒嗰隻) 除咗幾熱氣之外都算幾正吖。 不過好似貓頭鷹同禽日嗰間乜嘢 Nae Go Hyang 呢, 就真係唔多啱我喇。 唔單止 d 嘢個賣相好鬼核突 (好似碟14 蚊嘅炒牛肉個衰樣好似揾水 監粗 saab 熟咁欵), 我覺行 d 韓國佬真係冇乜文化嘅, 因為嚟咗幾碟嘢之後, 連問d企枱攞幾個碗俾每一個人都話唔啱韓國人習俗個喎; 咁惟有隻右手就伸長去對面夾嗰碟餸, 左手就 dow 住舊夾緊嘅嘢嚟食, 終於咪d餸跌到成枱都係囉, 哎呀, 真係北蠻呀!!!

    死喇, 今日又係夜一夜先返, 而家已經謝哂! 聽日再去幾頭住家道留言喇, 哈哈!

    (Mmm, this post wasn’t uploaded last night????)

  187. 黐線架黐線架!!! 無啦啦11度!?!? 涼到好似入咗秋咁﹐唔好嚇我呀﹐夏天唔係咁快就過咗下話?!?! 我都仲未出動我D沙灘裝﹐仲諗住落去sha la la咁哂太陽架嘛﹐玩下手原來夏天已經無聲無色咁離開咗??!!!
    8月中就已經咁鬼涼﹐食幾多個韓式火煱都冇用喇..

    講起韓國野﹐其實我都對呢度呢韓國店唔係咁大興趣﹐其實來來去去都係馳名果三兩味﹐我食極都淨係食賓賓扑(bimbimbap石頭飯)同兼渣當(豬骨湯!!)﹐間唔中加個Kalbi牛排咁大把。間唔時食下都幾惹味﹐但就唔會常吃囉﹐又勁鹹同勁重味﹐逼住人要送啤酒.. 哈。

    呀呀呀﹐聽日出動去太古昅下個論壇先! 今次無啦啦又改咗去太古﹐雖然起隔離﹐但都好似唔係好就腳咁﹐又冇foodcourt比我一路喫住鹹牛肉蛋治加熱奶茶.. 唔。

  188. 哈哈, 係要呀, 係要咒死班煙民, 煙精, 煙鏟, 煙…..咒到班人頂我唔順要的起心肝戒煙呀…哈哈哈哈….哈哈哈……..咦, 莫非笑兄就係江湖頂頂大名, 頂tar個肺 嘅黑白相煞嘅黑色嗰位, 有九條命嘅 霄大俠: 「黑肺鐵金剛」!!!! 失敬失敬!

    (二之一, 而家續緊)

  189. 係喇, 我就係食嗰個乜嘢bimbimbap石頭飯, 以前就試過Kalbi牛排, 但個豬骨湯就真係個樣太 homemade 喇, 免費就試吓, 要錢嘅就飲 d 粟米魚肚羹呀, 蛇羹呀, 乜嘢雪落西湖呀, 酸辣湯呀, 重好睇又好飲過哂喇。 禽日就食完間喺 Hwy 7 近 褲豪車行間「大喎」日本任食, 佢d 嘢食晏就同亞洲厨房都差唔多水準, 都食得過架。

    (二之一點五, 晏d續)

  190. 嘿嘿嘿!!!! 頂tar個肺嘅"黑肺鐵金剛"就係區區在下!!! 嘿﹐莫非你就係禁絕人間煙火嘅"白肺派"傳人﹐江湖人稱"禁煙仙子"殺無赦嘅黃白肺黃大俠?!?! 馳名殺手鐧三招"白肺心機"﹑"白肺心思"同"白肺心血"!!! 哈哈哈哈﹐念在大家萍水相逢一場﹐不如手下留情!!

    (哈哈… 比求丙兄你又挑起我條金庸筋!!)

    咒咒咒咒咒得好!! 我都要download咗你段廣告片黎一日睇三劑先得喇! 其實我都真係愈食愈少架喇﹐係間唔中夜蘭人靜放工時忍唔到口要抽幾啖解下壓。不過我會記住你條片入面D血管中間果pat唔知咩恐怖肥糕.. (嘔心)﹐經常提醒自己"我係一個貪生怕死嘅人"﹐咁就自然揸起個火機都"撻"唔落手架喇.. 哈哈哈。好! 戒戒戒戒戒戒….

    呀﹐準備落去Chinatown間"翠園"度排隊﹐食佢嘅馳名太爺雞!!
    大禍好食呀大禍? 好似係老字號黎呀可? 我淨係去過佢間新分店﹐起Vaughan Mills Mall對面架呢﹐唔係食任食﹐但D野好靚好精緻﹐都值得試﹗

  191. 笑兄, Chelsea 應該係女人/仔嚟嗰喎。

    哈哈, 唔知呢位咁騎呢嘅高人「怒火長毛」係邊位呢吓? 哈哈哈哈…

    晏 d 再上嚟呢道寫多兩句喇。

  192. 嘩咦﹐又番黎咦度浦頭喎﹐哈哈

    哈哈哈哈哈哈哈哈哈哈!!!!! 知我者莫求丙也!!! 逃唔過你嘅法眼.. 哈哈
    我諗住見大家咁群情凶湧… 趁熱鬧煽風點火呢D嘢我就最鐘意做架嘞!! 一係就唔留言﹐一留就要激D吖嘛﹐哈哈哈﹐果然辣到佢地罄一罄.. 其實我都覺得佢地有point嘅﹐不過我係唔抵得佢地個個都好似一聽眾咁款﹐食古不化咁﹐所以專登整鬼佢地啫﹐哈哈哈.. 都係嘅﹐家豪哥佢地或者做呢個題目之前真係冇考慮到咁多﹐下次真係小心d處理同平衡下D嘉賓囉。

    呀呀呀呀.. 聽日要遠遊﹐晨早比人派到上Orillia呀陰公﹐要渣個幾鐘車喇… 真係可以drop by"啦嫲"賭場賭番兩手呀!! 呀.. 如果起身起得夠早﹐渣去麥記買個早餐combo #2連咖啡先上路﹐都唔錯!!
    兄台你係咪都聽日出發去Chicago喇?? 好好珍惜你嘅假期喇﹐玩得開心D! 哈哈哈哈

  193. 嘩, 昭君出塞咩, 做乜派到去咁鬼遠呀, 我成日都形住 Orillia 呢 d 紅番區唔係咁安全嘅, 又賭場又紅番林立, 小心 d 好。

    咪咁勞氣喇, 係咁先啦。

  194. Oh, yeah, 贏多d喇, 哈哈哈!!!

  195. 哎哎哎﹐勞工日咁又過喇 (而家望住窗外黃昏6點9嘅金黃色陽光).. 好似乜都冇點做過﹗係頭先去咗Main street閒逛吓..食吓雪糕同享受下即將道別嘅夏日天氣..
    跟住聽日又番工喇 (哀嚎中)
    呀呀.. 阿黃同阿葉今晚終於拉埋天窗喇喎…

  196. 喂喂﹗比我估中咗﹐原來果日去你個blog度留言果個阿chels﹐果然真係老袁敵方果D人﹗無意之下暗地發現咗佢個名.. 原來佢係烈治文山NDP果個老外(意大利裔女士)候選人嘅campaign team架﹐都話喇﹐專登黎向你打探軍情呀﹐哈哈

  197. 哎呀, 咁都俾兄台發現到, 真係神通廣大, 冇乜嘢可以瞞到你咯, 哈哈哈!

    但點解又會用真名咁老襯呢吓? 如果用 Michael Chien (法文 = Dog), Dalton McGuilty 之類咁嚟喺我同 Cytodex 道留言, 咪神不知鬼不覺囉可?

    呀, 係喇, 輝哥又去邊呀, 番廢台?

    呀, 係喎, 唔記得祝阿黃同阿葉添, 就祝佢哋:

    一梳梳到尾…

    二梳白髮齊眉…

    三梳 (唔記得…好似兒孫滿地?)…

    四梳 (更加唔記得喇)..

  198. 嘿, 呢位意大利裔女士?

    http://elections.yrmg.com/candidate.php?ID=333

  199. 係喇係喇﹐就係佢﹐哈哈哈.. 我都係前幾日咁啱收到佢一封email﹐入面見到佢個campaign team一堆收件人﹐八掛望下睇下有冇唐人啦﹐見到個chels﹐心諗.. “咦咁熟嘅呢個名?" 一去你個blog度check番就肯定哂喇﹐哈哈。係囉可﹐又會用真名咁坦蕩蕩嘅?? 搞到我好似顯得好鼠輩添﹐哈哈!!!!

    係喇﹐暉哥又番廢台喇.. 嗯﹐真係要唱番首張學友嘅 “來來回回" 喇咁次! (學友震音腔):"來來回回仍念記… 從前曾陪伴你… 浮浮沉沉懷緬…"

    真係比求丙大師你一早言中﹐原來兩虎真係唔會共存於一山….

    算吧啦﹐三蔬四蔬﹐蔬果汁我就知! “四蔬汁"好有益的…. (做省選嘢做到wing咗..)


發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s

分類

%d 位部落客按了讚: